影片
更多
2019-08-14
61 浏览
平日普遍食得比較清淡d，今日想食得濃味少少，於是就黎咗小曼谷海鮮燒烤屋雖然泰式料理味道比較濃，但多種唔同嘅調味料，香料混合埋，每次都食得好惹味。泰式生蝦本來睇menu時嫌佢有少少貴，但想食就照叫啦，佢用冰鎮住，擺盤有花心思，一食非常冰凍，同埋原來幾厚肉下，肉質鮮再加埋佢地自家醬汁，辣得黎非常好食。泰式炸芝士蝦丸粒丸幾大粒下，有半個手掌咁上下，建議切開或一小口咁食，以免燙傷，因為佢芝士係流心，好邪惡好好食鐵板豬頸肉通菜每次食泰式料理都會叫碟菜，因為泰式嘅炒菜真係好惹味好香口到停唔到口，呢到仲會用鐵板上，keep住係熱嘅，份量又多，鍾意食菜嘅朋友要試呀。泰式燒盲鰽唔好睇佢樣樣衰衰，甩皮甩骨咁，雖然賣相唔叫好，但打開佢層皮，就會見到好鮮嫩嘅魚肉，魚肚擺咗d香料去燒，味道聞落好香，相比中式成日用到豉油，佢呢個更健康同開胃香燒扇貝餐廳個名有燒烤兩個字，相信燒烤係佢地嘅拿手菜，又點可以唔試呢，扇貝大大隻，肉厚，但火候控制得好嘅關係，燒得啱啱好，唔會韌，鮮味+牛油香+肉質，我俾佢101分，必嗌！
雖然泰式料理味道比較濃，但多種唔同嘅調味料，香料混合埋，每次都食得好惹味。
泰式生蝦
本來睇menu時嫌佢有少少貴，但想食就照叫啦，佢用冰鎮住，擺盤有花心思，一食非常冰凍，同埋原來幾厚肉下，肉質鮮再加埋佢地自家醬汁，辣得黎非常好食。
泰式炸芝士蝦丸
粒丸幾大粒下，有半個手掌咁上下，建議切開或一小口咁食，以免燙傷，因為佢芝士係流心，好邪惡好好食
鐵板豬頸肉通菜
每次食泰式料理都會叫碟菜，因為泰式嘅炒菜真係好惹味好香口到停唔到口，呢到仲會用鐵板上，keep住係熱嘅，份量又多，鍾意食菜嘅朋友要試呀。
泰式燒盲鰽
唔好睇佢樣樣衰衰，甩皮甩骨咁，雖然賣相唔叫好，但打開佢層皮，就會見到好鮮嫩嘅魚肉，魚肚擺咗d香料去燒，味道聞落好香，相比中式成日用到豉油，佢呢個更健康同開胃
香燒扇貝
餐廳個名有燒烤兩個字，相信燒烤係佢地嘅拿手菜，又點可以唔試呢，扇貝大大隻，肉厚，但火候控制得好嘅關係，燒得啱啱好，唔會韌，鮮味+牛油香+肉質，我俾佢101分，必嗌！
张贴
