小曼谷海鮮燒烤屋

营业中

休息中

到九龍城當然必食泰國菜，一出宋皇臺站就會見到一隻好搶眼的公仔同你揮緊手，呢間就係「小曼谷海鮮燒烤屋」🥭芒果沙冰每次都係必飲既飲品，芒果沙冰好濃郁，好香芒果味，又鮮甜又解渴🦀泰皇咖喱法包軟殼蟹份量十足! 好大個法包裝住咖喱汁，仲有好多軟殼蟹。咖喱好足料，入面有青椒、洋蔥，黃咖喱好香甜，口味非常濃郁，香而不辣，帶住濃郁的椰香味。法包焗到外脆內軟，裏面好軟熟。軟殼蟹炸得好脆口，點埋黃咖喱更加惹味!🦐泰式拼盤泰式拼盤要左個大size，又係份量十足的菜式! 有四款小食，炸蝦餅，春卷，魚餅，蝦棗。炸蝦餅整成一個大圈圈，外脆內熱，真係食到舔舔脷。其他小食都熱辣辣，啖啖肉好香口，真係泰好味!📍小曼谷泰國美食 (南角道) (九龍城)九龍城南角道9-11號地下

“冬蔭功湯(小)”($136)“香葉辣椒豬肉碎炒飯”($84)“豬/牛/雞沙嗲串燒”($20/串)“雞全翼/泰式臘腸沙嗲串燒”($22/串)“泰式芝士烤酥餅”($38)“青檸菠蘿沙冰”($39)咁多年以嚟搭巴士經過呢間九龍城小曼谷都會比佢門口個吹氣招手公仔吸引住🤣但其實從來都冇食過呢間咁出名嘅泰菜🙈開咗宋皇臺站之後方便咁多就有借口去食嘢啦😛先點咗個呢道好多人叫嘅冬蔭功湯😚細size夠2至3人share飲落香濃☺️想飲辣啲仲可以加辣入面有2隻大蝦🦐,菇,香茅等等個鍋下面仲有火keep住個湯熱辣辣🔥主食叫咗份香葉辣椒豬肉碎炒飯🐷個飯炒得夠乾身,辣辣地咁愈食愈惹味🤤配上一隻流心嘅荷包蛋,正呀😍食泰菜唔少得叫返幾串串燒食吓😆點咗豬,牛,雞,雞全翼,泰式臘腸全部都燒到好香口😋記得要點埋沙嗲醬😝平時都好鍾意食酥餅嘅我見到呢道有芝士酥餅🍞又點會忍得住唔叫返份🤣2大塊酥餅好鬆化,加上芝士鹹香又幾特別😚飲品就要咗杯青檸菠蘿沙冰🍍味道酸酸甜甜,食完濃味嘢飲返啖爽哂😆小曼谷海鮮燒烤屋九龍城太子道西398號御太子地下1-3號舖

去九龍城，梗係要食泰國菜啦，今次去小曼谷食，一直都間唔中有去幫襯，因為服務態度好食物又唔錯，抵食之餘有質素，特別午餐同下午茶都好抵食。小曼谷泰式煲仔翅$98用料十足，真係有一塊塊翅，然後裏面仲有冬菇、瑤柱、肉絲等等，所以好抵食。泰王咖喱軟殼蟹配蒜蓉包三件$118呢個真係超級推介，泰式咖喱唔使講點蒜蓉包一流，蒜蓉包大塊脆卜卜，軟殼蟹都炸到金黃鬆脆，好正！泰式去骨海南雞飯$60雞肉嫩滑，飯分量十足，醬汁開胃。一個午餐就可以加$25款小食配泰式酸辣鳳爪$25冇諗過$25竟然有咁大份鳳爪，一定要加呀！沙嗲串燒雞腎$20雞全翼$22牛舌$28泰式龍眼冰$31總括而言唔錯，見佢都榮獲唔少獎項，一直都keep到水準，而且抵食有質素，所以會keep住幫襯。

嚟到九龍城當然係食泰菜啦，今日就食呢間有時經過見到滿座，門口有個充氣公仔招手，主打用泰式風味海鮮的泰國餐廳。 蒜爆胡椒炒虎蝦有四隻大大隻爽甜虎蝦，配料炒得比較乾身，蝦殼最為入味，裡面蝦肉有淡淡蒜香胡椒味。牛油蒜蓉燒聖子肥美的聖子新鮮甜口，加上牛油同蒜蓉嘅香味，將聖子的鮮味層次提升，味道更有層次。豬頸肉啫通菜（馬拉盞）食泰國嘢通常唔少得豬頸肉同通菜，呢個搭配可以話一次過滿足兩個願望，火候啱啱好，通菜唔會太油太黃，豬頸肉好入味。香葉辣椒雞肉炒河份量正常，味道不過不失帶點微辣，雞柳嫩口，有紅青椒同菇菌搭配埋一齊炒。蒜香胡椒烤雞全翼炸蒜鋪滿已分件的雞全翼，滿滿嘅蒜香味好滋味，皮香肉嫩。椰青清甜解渴，連椰子肉都好甜滑，啱晒搭配重口味嘅泰國菜。

身為前九龍城居民，我對九龍城既美食，特別係泰國菜，一直都念念不忘今晚專登同妹妹前往太子道西既小曼谷海鮮燒烤屋 食晚飯!  係宋王台站一行出去就到了~超方便一去到門口，見到個勁cutie既氣球公仔，就知到達餐廳了！好耐冇返黎九龍城，發現小曼谷入面既裝潢十分現代及乾淨！有美美既藝術畫作掛在每一幅牆上，打卡一流！而且餐廳也採用左電話掃QR Code落單，十分方便天氣咁熱，點可以唔嗌返杯泰式凍飲！我同妹妹都叫左椰冰珍多冰($39) 椰奶味勁香 超濃! 配上珍多冰 有咬口又解暑~ 夏天一流!食物方面，首先點了一客 風味燒豬頸肉 ($115)豬頸肉燒得十分香脆 配上餐廳的特調燒汁 入口的感覺簡直是完美另外我地叫左份菠蘿雞肉炒飯 ($84) 炒飯既份量十足! 穫氣十足~ 配上肉鬆,及主角菠蘿, 味道非常搭! 好鮮爽呢我地再點左份椰汁雞湯($99) 雞湯以熱鍋端上，能keep住溫度~ 貼心椰汁味超香濃! 雞湯亦是落足料去煮成, 入完一碗又一碗~ 兩個人勁快就清曬成鍋湯呢最後一樣 我地點了一客 青咖哩雜菜 ($96)此道菜同樣以熱鍋端上枱, 唔驚好快凍左~ 青咖哩煮得十分出色~ 超香甜, 每一口都係滿滿

今日又係想起好耐無食泰國菜就於是同朋友嚟九龍城食返餐，呢間店都環境都唔錯，裝修都有啲泰國風味。我哋點咗份蒜爆胡椒炒虎蝦，一碟有4隻手掌咁大嘅虎蝦，啲蝦肉好新鮮，咬落啲肉好彈牙，啲蝦好夠蒜香，又夠乾身，呢個真係一定要試！另外仲有叫呢個牛油蒜蓉燒蟶子，真係燒得好入味，啲牛油香完全比蟶子吸收曬，啲蟶子都好大隻，食得出係好新鮮。另外仲有點咗份鐵板豬頸肉通菜，熱辣辣咁用鐵板裝住上，份量真係夠曬多，豬頭肉嘅份量都唔少，呢個真係炒到好入味，用嚟送飯一流。仲有個蒜香胡椒炸雞翼，呢個炸得好香脆，份量都Ok大份，啲雞翼隻隻都吸曬啲蒜香，越食越開胃。最尾主食就點咗呢個香葉辣椒雞肉炒河，份量夠曬兩個人食，佢嘅辣係辣得好過癮，又唔會太油！最後嚟呢到一定要飲佢哋嘅椰青，多水多肉好解膩！

九龍城食泰國野，媽咪話想食番小曼谷 我見都有好多分店，所以揀依間 好方便冬陰雞湯媽咪話要order番 因為上次飲過第二間話好正依間依然出色，好夠味呀！泰式鹹魚炒芥蘭味道好惹味 大人細路都岩食 送飯一流泰式木瓜沙律夠晒清新，食落酸酸甜甜，仲有辣味，食落好開胃。夏天熱辣辣真係要食一食！海鮮孖寶泰式燒盲鰽牛油蒜蓉燒青口條魚即叫即燒，皮脆肉嫩，好juicy。青口加咗蒜蓉牛油落去燒，又香又惹味。而且肉質好鮮嫩 唔會好老！泰式拼盤春卷、蝦餅、肉丸依啲炸物都係必食呀 樣樣都好正宗！芒果糯米飯份量好大碟 食落好香 糯米好軟糯 越食越停唔到口

又黎九龍城食泰國野，簡小曼谷實無死，我見都有好多分店，呢間係正太子路一落巴士就到超方便，仲要鋪位大大間，坐得好舒服。冬陰雞湯依然出色，夠晒酸夠晒辣，泰式風味十足！泰式鹹魚炒芥蘭食落泰式鹹魚冇想像中咁死鹹，帶返一啲鹹鮮嘅味道，炒落芥蘭度，可以話係絕配。泰式木瓜沙律夠晒清新，食落酸酸甜甜，仲有辣味，食落好開胃。海鮮孖寶泰式燒盲鰽牛油蒜蓉燒青口呢個孖寶好抵食，可以揀兩款海鮮，條魚即叫即燒，皮脆肉嫩，好juicy。青口加咗蒜蓉牛油落去燒，又香又惹味。泰式拼盤拼盤有好多泰式小食，好似春卷、蝦餅、肉丸，款款都好好食，一次過可以試晒唔同味道，超爽。

食親泰國菜都會諗起去九龍城～所以放工同朋友去食泰國野～ 我哋叫咗豬肉碎生菜包，海鮮孖寶既牛油蒜蓉燒聖子，燒脆皮白鱔，泰式馬拉盞炒通菜，泰式生蝦刺身同椰皇。豬肉碎生菜包真係好好味😋豬肉碎炒得好香，包埋新鮮清爽嘅生菜口感層次豐富，超級好味！海鮮孖寶真心好抵食！可以揀兩個食品，我哋叫左牛油蒜蓉燒聖子，新鮮又好味，配埋蒜香同埋魚仔乾真心好好味！燒脆皮白鱔真係燒得好香脆，個皮係好脆，白鱔香口好正！泰式馬拉盞炒通菜都好好味，通菜青綠份量又多！馬拉盞又好味！泰式生蝦刺身都新鮮爽口彈牙！椰皇真係好清甜，刮埋啲椰肉黎食，飽肚又好味！

*此餐廳收取加一服務費。海鮮孖寶（單點$238），2隻牛油蒜蓉燒美國生蠔，表面鋪滿小銀魚乾、蒜蓉、香蠔，肉質滑溜，食落好新鮮；泰式燒盲鰽，採用泰式鹽燒魚方法製作，魚身表面鋪滿粗鹽，可以袪除腥味之外，鮮味亦更加能夠保留在魚身，配以泰式酸辣醬汁食用，食落好惹味。鮮芒蟹肉炒飯（單點$92），好足料，內有蟹肉、芒果、椰菜、雞蛋、青豆、蘿蔔、粟米、香蔥，食落夠乾身，味道清新。泰式冰奶茶（單點$28），茶味濃香，飲落甜度適中。

朋友話今晚想食泰國菜我一諗就諗到去九龍城因為佢哋性價比高已經嚟過好多次嘅小曼谷依然保持水準👍🏻晚餐時間人流好多今次我哋就叫咗芝士炸蝦餅，平時唔係特別鍾意蝦餅嘅我居然覺得佢哋嘅蝦餅做得好好味好少地方入面有留心芝士爆出嚟而且夠晒大粒認真抵食🎉👍🏻當然唔少得就係每次都會叫嘅鐵板通菜炒豬頸肉，因為貼晚上嘅關係保持溫度就算放內阻都唔會東西而且每條菜都好入味滿滿的醬汁配合香煎的豬頸肉 食多幾碟都得啊！來都泰國菜梗係要試吓佢哋嘅泰式奶茶🧋佢哋驚我一查同港式奶茶好唔同㗎放咗好多泰國特有嘅配料味道都幾特別 食泰菜飲泰國奶茶先至夠完美㗎嘛😆

放工走咗去九龍城買d野行到餓餓地自己一個就就想入去食個串燒醫肚做晚餐～ 因為夜晚唔想食咁多澱粉質，所以就叫肉啦～ 我叫咗風味炭燒豬頸肉，泰式生蝦刺身同埋串燒牛舌～飲品叫左芒果沙冰～涼涼地同串燒好match!風味炭燒豬頸肉真係燒得好香口，少少炭燒嘅外皮入面係粉嫩嘅肉！入口香口又滑！烤串燒嘅水準真係好高！配埋泰式辣醬真係好正！燒牛舌都好好味～ 牛舌厚切都咁彈牙！四件一個人食其實真係都幾飽！佢仲可以配埋沙嗲醬一齊食！最後我仲叫咗個泰式生蝦黎食～ 因為覺得食串燒要食啲涼野去平衡下個口感～ 個生蝦好爽口好好味！加埋蒜蓉片泰式辣醬一齊食好好味！要大贊下個芒果沙冰，佢係用新鮮嘅芒果打成嘅沙冰，一入口就有濃濃既新鮮芒果味，唔會用糖水亦都唔會用色素，真係好真材實料嘅餐廳！

今晚同媽咪到九龍城食泰國菜，撐一撐枱腳！好在未夠7:00就可以坐低，唔使排隊！到咗7:30開始，就要等位啦！生菜包豬肉($93)呢度淨係豬肉碎包生菜，冇生菜包牛肉㗎，叫咗小辣，多肉碎，足料！生菜🥬大塊好好夾！鹹魚炒芥蘭（$79)芥蘭青綠色，鹹魚大大粒，夠哂味！泰式炸魚餅($86)有成五大塊，仲好細心，一開二!!一定要沾個泰式甜酸醬！泰式豬頸肉炒飯($84)大大條豬頸肉，味道還好！新鮮多肉冰凍椰青$39成日搭巴士都經過，有個揮揮手公仔正門旁邊仲有少量座位！雖然今次冇食海鮮孖寶餐，但計過條數，喜歡食海鮮嘅，呢個都算抵食！平均都俾散叫便宜$50至$80!!

明爐香檸汁蒸烏頭：食泰國嘢一定要食烏頭魚，酸酸辣辣，明爐上枱更有風味。烏頭魚新鮮大條，滾起上來香噴噴，魚肉白雪雪，建議請店員送上泰式酸辣汁，沾上魚肉更加好味！鐵板豬頸肉啫通菜（馬拉盞）：難得一嚐的特色通菜，鐵板上枱咋渣聲，正所謂「新鮮滾熱辣」！通菜加上馬拉盞在鐵板上更加滋味，而且份量十足，三五知己分享絕對合適！泰式蟹肉煲仔翅：呢個真係值得一讚，用料十足，出咗嚟包括有蟹肉、帶子、魚翅、蝦仁和一些芽菜、芫荽等等，店員還會送上胡椒粉和醋，所有東西混合簡直一絕，加上價錢只需$98。4人分享少少也不是問題，相信一人一鍋更加滋味，絕對超值！泰王咖喱法包軟殼蟹：軟殼蟹大量，炸得恰到好處外脆內軟，泰王咖喱非常適合配合蒜蓉包或薄餅，但是這個指定法包已經令我們大快朵頤，非常滿足，咖喱香噴噴、蛋味、香料味香濃！吃泰菜一定要點選咖喱，色香味俱全，大家不容錯過！

九龍城有兩間分店 距離一條街到 又近地鐵站多人可以去另一間分店 7點都未到差唔多滿座 建議訂左位先泰式鮮蝦金邊粉 $92抄得好有鑊氣 粉比較乾身 唔會食到成口油 酸酸甜甜 好開胃 個人就好鐘意呢種金邊粉仲有好多大蝦 足料👍🏻青咖喱海鮮 $106 可以自己係apps簡少辣 對於食唔到辣人黎講係好好 青咖喱奶味較濃 偏甜 好岩我口味 配飯/蒜蓉包/煎餅一流海鮮有青口 蝦 魷魚 都好鮮甜泰式蒜蓉包 （4片） $36 同其他唔同 佢用左炸蒜頭係面焗 蒜味更濃 包比較脆 但唔會好硬 襯熱食最好加埋青咖喱 真係超好食串燒 （雞,雞腎,牛）$20@1即叫即燒 全部都唔會overcook 凍左都好食 保持到肉汁 肉質彈牙 唔會乾曬加埋超濃花生沙嗲醬 勁夾 泰式冰咖啡 $31比較甜 唔會苦 怕甜可以叫小甜芒果沙冰$39 必叫 係真芒果味沙冰 唔係用糖水開死甜個種大大杯 清甜解濟 好耐無飲過咁高質既芒果沙冰