小曼谷海鮮燒烤屋

营业中

休息中

疫情影響之前晚市沒有得堂食，現在可以晚市放寬了當然要出來搵食，這裡絕對係一個心水選擇，立足在這區已經一段很長時間，經過總有個吹氣公仔有禮地不停揮手，今晚早未係要等位，但入去座了陣就好快座滿了，望餐牌都已經有心水，前菜點了個泰式鮮蝦柚子沙律，柚子新鮮多汁甜美，鮮蝦肉質彈牙，加埋香脆椰絲，花生，味道真係十分配合好味！這裡當然還有出色嘅串燒，點個燒粟米同燒牛肉串，粟米分四件上，咬開鮮甜重有爆汁感覺，大大件不會有頭細身大感覺！牛肉串燒燒得十分香軟，牛肉外面燒得十分香軟，入口加埋跟上嘅沙嗲汁，味道更加惹味！而主角就係泰皇咖喱法包軟殼蟹，兩個人真係十分滿足，大大份，法包中空放滿了香濃嘅泰皇咖喱，而法包烘得十分之香脆，沾上咖喱汁一齊入口又係另一種感覺，而旁邊大大隻已斬件嘅軟殼蟹，入口香脆，感覺唔會有炸得油膩嘅感覺，浸泡在香濃嘅泰皇咖喱入口更加美味！甜品本想點榴槤系列，但太好賣了沒有，所以點了款傳統口味椰汁西米糕拼泰式千層糕，前者椰汁味香濃西米彈牙，後者入口超有口感，入口彈牙，椰香濃郁，絕對係經典嘅泰式糕點配搭！飲味點了杯冰凍香濃嘅芒果椰汁沙冰，用鮮甜芒果加冰打成沙冰，入口還有陣陣香濃鮮芒果肉味道，絕

雖然唔係好食得辣，但久不久都會心思思想食泰國野，今日就同屋企人走入九龍城搵好嘢食！見到呢間小曼谷門面幾有地道風味，仲有個人仔係咁揮手🤣聽聞都幾出名，一於就試下佢😋泰式鮮蝦炒金邊粉 每次食泰國菜必叫金邊粉，上檯一睇炒得幾夠色水，令人食慾大增～配料都幾豐富，有：鮮蝦、齋片、雞蛋、芽菜、韭菜、花生碎等等。金邊粉唔會炒得太乾，咬落有嚼頭，配搭點檸檬汁，酸甜惹味鐵板豬頸肉嘟椰菜苗 未食已經聞到好夠鍋氣，用鐵板上夠曬架勢，仲滋滋聲😍菜同肉份量唔少，最鍾意佢豬頸肉處理得有點脆邊，兩者都好夾，配搭埋馬拉盞味道，辣度輕微，口味香濃，略嫌太重鹹度，配碗白飯食就一流啦😋小食今次少少地叫咗兩款小食，分別係雞肉串燒同蝦餅～前者燒得好香，炭火味出，雞肉肉質嫩滑唔會太乾，而精粹在於個沙嗲汁，好厚身又夠花生味👍🏻；後者大大份，啖啖肉，蝦味夠，外皮又香脆，配搭酸甜醬好快食完🤪美中不足係口感略欠彈牙，但份量取勝～椰汁涼粉冰食到有啲口渴，決定揀返杯嘢飲，今次揀咗椰汁涼粉冰。送到黎大大杯，椰香味濃，又幾滑，同涼粉好夾，叫咗少甜少冰味道剛好😋

入得九龍城， 十居奇九都會食泰國菜，今次就揀咗間門面幾趣緻嘅舖頭，大大個公仔招我入去，當然要比下面啦🤣加上見入面位置都比較多，懶得等位嘅我就直接入咗去～講到食泰國嘢有幾樣必食嘅菜式總會叫，Phat Thai一定係我首選。一嚟到就見到配料幾豐富，有幾隻蝦、唔少齋、好多芽菜韭菜、花生碎等。食落蝦肉紮實；齋粒有咬口；雞蛋炒得焦香；最重要係麵條酸甜，唔會煮得太淋，一pat嘢咁，擠埋啲青檸汁，夠曬開胃～鐵板豬頸肉椰菜苗用鐵板裝住嘅菜好大盤，豬頸肉都唔吝嗇，未食已經聞到好香好惹味。食落椰菜苗爽口唔老，馬拉盞味都幾出，辣辣地，仲幾有鑊氣添～豬頸肉肥美適中，好香口，正！蝦餅蝦餅係好傳統嘅通窿形狀，大大份好有重量，同朋友兩個人叫咗碟細嘅，總共三舊，餐廳再對半切開，共有六件，多幾個朋友仔分享都可以～每人基本上食一舊都覺得夠🤣炸得幾脆身，唯獨是入面唔夠爽彈，不過好在有蝦味，加上泰式辣醬一齊食，係唔錯嘅小食！另外仲叫咗幾款串燒，牛舌、雞肉、雞全翼、豬肉，每款都烤得好香，而且唔會好細件，全部都冇過火又唔會老，會想再試埋其他！

開返堂食都未食過泰國菜，即刻去到九龍城呢一個集中地，搵咗呢一間門口有吹氣公仔揮手歡迎我入去嘅小曼谷！泰式雞絲海蜇沙律每次食泰國野都要叫一份沙律做個開胃前菜，雞絲份量好多，海蜇口感爽彈，撈上甜甜酸酸嘅醬汁同清脆嘅青木瓜，食到停唔到口！泰皇咖喱炒大蜆泰國餐廳必點嘅咖喱，質地濃稠，毫無辣度更帶有少少甜香！蜆肉飽滿無沙，食落鮮甜萬分，加上洋蔥、芹菜、香蔥、青椒紅椒等等嘅配料，相當香口！泰式蒜蓉包麵包烘得金黃脆卜卜，而且麵包厚度足夠，加上密鋪平面嘅蒜蓉醬，食落特別滋味，建議可以連埋咖喱汁一同進食！蝦膏豬肉碎炒飯飯粒粒粒分明，蝦膏炒得均勻，相當有鑊氣，食落唔會特別鹹，豬肉碎帶有少少半肥瘦，加入埋臘腸，食落特別夠鑊氣(´▽｀)椰青食到最後會有少少鹹，椰青就絕對要點返個！飲落清甜解渴，又解油膩，小編仲刮埋啲椰子肉食添

有咗地鐵去九龍城食泰國菜變得好方便，宋王臺出口轉彎1分鐘唔使就係我最愛的 見到小曼谷海鮮燒烤屋，人氣滿滿的泰國菜，小曼谷晚餐質素高。QR code 自行落單掃 menu, 菜式選擇多，味道正宗，價錢方面很親民。坐低就聞到香噴噴嘅串燒，一於快手落單，串燒加特飲，邊傾偈邊放鬆，加上店員係 Thai 姐姐, 感覺更加似去咗曼谷旅行!小曼谷泰式沙嗲串燒前菜係熱辣辣跪卜卜泰式沙嗲串燒，香噴噴好吸引我哋叫咗幾串。豬、牛、雞、泰式臘腸、珍寶腸；全部都好有特色，沙嗲串燒真係好滿足，堂食特別新鮮，微微的焦香味，燒得夠香。串燒配搭沙爹醬汁，濃厚花生🥜香味，司華力腸啖啖肉，豬、牛、雞肉嫩滑，推薦泰式臘腸還帶炭燒味，CP值超高。鐵板豬頸肉煮芥蘭(馬拉盞）$97鐵板夠鑊氣，豬頸肉咬落去好彈牙， 好好味滿滿，馬拉盞鹹香開胃好抵食。泰皇咖喱法包軟殼蟹 $212廚師精選推介！成為我必食之選，主角招牌菜軟殼蟹炸到卜卜脆好香口，好多蟹肉，非常鮮味，份量都好多。泰皇咖喱汁，質感濃厚，味道濃郁，香辣鮮甜，法包沾上咖喱汁份外惹味，辣度適中勁滿足，值得一試！珍多冰 $39色彩鮮艷，冰凍清甜，夏天飲真係透心涼！椰汁西米糕拼泰式千層

今日黎到li間地方好大嘅”小曼谷”食好food, 我地完全係衝住店家嘅炸蠔餅而黎的, 面向太子道個迴旋處嘅地鋪咁搶眼唔使點google都識黎食🤤.🦪泰式鐵板蠔餅蠔餅嘅蛋邊炸到勁酥脆呀! Portion係整個圓型鐵板咁大, 拎黎時仲sizzling左好耐, 蠔餅嘅蠔又多又肥美, 而且食落完全唔會飽滯住哂, 滾油炸li個勁多雞蛋嘅蠔餅真係好有蛋香好好食👍encore之選.🔥冬蔭公湯 無揀到加辣/小辣, 正常辣都冬蔭得十分過癮, 整鍋熱住上嘅冬蔭公湯入面勁多辣椒, 香茅, 葱, 菇….等等都令到個湯勁有風味, 當然唔小得係”公”個兩隻大大隻嘅虎蝦啦! 已開邊更加入味, 好新鮮啲殼一搣就甩la! 想講小鍋都好大煲呢.🥢泰式鮮蝦炒金邊粉Pad thai 正!! 夠哂正宗, 芽菜, 蛋絲, 豆腐卜, 葱, 花生碎味道同口感都非常豐富, 鮮蝦again真心新鮮好爽, 重點係碟底完全無話成攤油, 炒得好好味.🧋泰式冰奶茶, 菠蘿冰小曼谷嘅lunch飲泰式特飲好抵ga但夜晚就會正價😂但都好抵飲因為夠哂大杯, 推介Thai Tea同埋menu有圖嘅冰事關真係超足料, 食到飽飽飽人均都係around百五蚊咋

就在宋皇臺MTR附近的泰菜館，食物種類多，味道正宗，價錢親民。是日天陰陰下起大雨，找個地方避雨，順便歎個下午茶。海鮮孖寶 Seafood Combo $238選擇了牛油蒜蓉燒蟶子皇3串及燒脆皮白鱔2串，2款都是平時大愛的海鮮類。白鱔無骨啖啖肉，鱔皮燒得煙韌微脆，略有魚油膠質感。蟶子皇基本上不會有伏，牛油蒜蓉更是不敗的調味，特別是還加入了小魚乾，令口感更加豐富。黃咖喱雞肉配原味烤薄餅Yellow Curry Chicken w/ Pancake $42下午茶餐比預期份量多，烤薄餅上桌酥脆熱辣辣，2大塊好有誠意。黃咖喱質感濃厚Creamy重椰香，深得我心，還帶有雞塊、薯仔和洋蔥的甜味。以薄餅沾上厚厚一層黃咖喱一口吃下去，美味滿足，價錢還只是$4x，值得大推！冬蔭雞肉炒公仔麵 Thai Fried Instant Noodles w/ Chicken $42賣相不怎麼樣，但勝在有不少蔬菜，公仔麵也炒得乾身不油膩。冬蔭公味濃郁，辣度適中夠惹味。餐飲半價轉椰皇，冰凍清甜透心涼。串燒(豬肉及雞肉) (各1串) Skewers (Pork & Chicken) $25下午茶餐加$25可以有Extra

食泰國菜以前好少黎九龍城，而家有左mtr真係方便左，但人都多左好多，今晚等位等左成30分鐘，不過野食ok，價錢唔貴。.鍾意泰國野既小食炸物，「泰式炸蝦餅$86」3大舊蝦餅，蝦肉爽身，打成蝦滑，再拎去炸，外脆內爽口。「雞肉串燒 $20 and 牛肉串燒 $20」串燒$20/串算幾抵食，雞肉同牛肉都唔錯，沙嗲汁好juicy ! 「冬蔭功湯 $136」，酸辣度調味得唔錯，秀珍菇吸晒個汁好正。「馬拉盞炒椰菜苗 $89」泰國野必點既椰菜苗，大大碟幾惹味。「香葉辣椒豬肉碎燴飯（配荷包蛋） $84」肉碎+辣椒🌶️，本來想叫炒飯，原來叫錯左🤣炒飯仲正！「鐵板蠔餅 $128」滋滋聲鐵板蠔餅，蠔仔多過蛋餅！最後加個「蒜蓉包 $36」香口又香蒜蓉味。.幾抵食泰國菜👍🏼份量都唔少！

上次食過銅鑼灣嘅小曼谷覺得食物水準不錯😌，今次同👦🏻出開九龍城，決定試下另一間小曼谷🤪。🌟風味燒豬頸肉燒豬頸肉🐷嘅外層烤得非常上色🎨夠焦脆，而豬肉就燒得粉嫩剛剛熟，軟腍又爽口。至少醬汁有驚喜，用上青檸🍋、蜜糖🍯、魚露特製，味道非常清香，可以減豬頸肉嘅油膩感。🌟招牌海南雞(半隻)海南雞係👦🏻至愛，成碟雞差唔多比佢清曬🥹。雖然雞肉冇浸冰水後嘅啫喱層，不過口感保持嫩滑，值得加分。海南雞醬汁調味比一般嘅溫和，薑味+甜味作主導，👧🏻就點嫌唔夠辣🌶。🌟泰式炸芝士蝦丸(細)本身見到價錢有少少卻步，3粒芝士蝦丸要過百蚊😅？原來蝦丸Size仲大過乒乓球🏓️，一粒直徑應該有大概5cm！外層鋪滿麵包糠，蝦餅🦐夠彈牙，最內層係拉芝車打芝士！夠曬咸香又有視覺效果🤪。🌟豬肉//雞肉//牛肉沙嗲串燒3款肉類串燒表現都唔錯，時間控制唔錯，充滿炭香味又唔會太Dry冇肉汁。雞肉係3款中最嫩滑，而牛肉就有連少少牛筋。沙嗲醬重花生香🥜，重有啲花生碎，👧🏻就幾鍾意串燒醬汁❤️。🌟香芒蟹肉炒飯香芒蟹肉炒飯用上芒果🥭、蟹肉🦀️、洋蔥🧅、三色豆炒，喺眾多炒飯選擇嚟講算比較清淡。🌟椰青椰青汁鮮甜，椰青肉入口超級嫩滑爽口，輕鬆清曬果肉😛。

九龍城開左鐵路真係方便好多🤣今晚又黎食泰菜，抵食又大碟👍🏼比起油尖旺區真心正宗好多，同事擇左呢間小曼谷，係多年老店，食身質素有保證。.坐低即刻叫杯「椰青 $39」同「芒果沙冰 $39」椰青滑嘟嘟，夠晒清鮮，沙冰夠濃又有芒果粒。.🍴冬蔭功湯 $136（細）細既都好大煲，4個人Share岩岩好，落單時叫左少辣，辣味略嫌唔夠，但酸味岩岩好，冬蔭功有兩隻大虎蝦😍好正。.🍴馬拉盞炒椰菜苗 $89正宗既泰式炒椰菜苗，菜夠嫩，馬拉盞惹味。.🍴香葉辣椒豬肉碎燴飯（配荷包蛋） $84呢個簡直係泰菜既精華，去親泰國都必食，香葉辣椒豬肉碎夠多basil，有香料既味道再加埋泰國辣椒🌶️，非常開胃餸飯。.🍴珍寶腸串燒 $22 and 牛舌串燒 $28串燒價錢都唔錯，尤其牛舌都係$2x/串，4大件，又燒得幾夠淋身。.🍴鐵板蠔餅 $128用鐵板上既蠔餅特別夠鑊氣，蠔🦪仔多，有茅菜墊底，吸晒啲油，但呢個真係多人食先好叫，唔係一定食唔晒🙈.平日夜晚都full晒，好彩我地早黎先有位，下次真係要預早訂定位。

到九龍城當然係食泰國菜嘅好地方, 今次就去左小曼谷排隊等食. 兩個人一坐低叫左兩杯野飲先, 青檸菠蘿沙冰真係偏酸,原本叫左少甜, 但實在太酸飲唔到, 都要叫番廚所幫我加糖水先叫得. 芒果沙冰就好正常幾好飲. 前菜叫左炸蝦餅, 熱辣辣跪卜卜咬落去仲好彈牙, 好好味可以推薦.雞絲海蜇沙律超大碟冧到滿一滿, 酸酸地幾開胃好抵食. 馬拉盞炒通菜都幾夠鑊氣, 又唔會太鹹, 不錯. 主角就係招牌菜黃咖哩軟殼蟹法包, 黃咖哩好香椰汁味, 一啲都唔辣, 軟殼蟹炸到卜卜脆, 沾上裝係法包入面嘅咖哩汁法包一齊食好夾, 法包索滿咖哩汁又好惹味, 法包份量不少, 兩個人食的話真係會有啲飽, 3至4個人叫的話更加適合.

呢排係甘比飛泰國既posts洗版，我除左羨慕就係非常羨慕，飛泰國既機會暫時不是我的，一於去食泰國菜止下癮！係九龍城太子道西有間小曼谷海鮮燒烤屋，門口擺左個招手吹氣公仔，非常吸引眼球！泰皇咖哩炒海鮮（$246）滿滿既咖哩汁加上大蝦、青口、蜆、魷魚等豐富海鮮，配埋泰式原味烤酥餅（$32）去蘸咖哩汁。泰式臘腸（$20）男朋友堅持要叫，佢話泰國臘腸係唔同普通腸，味道同口感都正好多，我自己覺得入口比較甜同重香料味，送酒一流！泰式木瓜絲沙律（$72）醒神開胃既青木瓜沙律，份量唔算大，不過好多花生，岩曬鐘意食香口花生既朋友。泰式拼盤（小）（$149）有蝦餅、魚餅、春卷同雞棗，蝦餅、魚餅夠彈牙，春卷同雞棗炸到好香，同朋友share就最好啦！泰式鮮蝦炒金邊粉（$89）未算超級熱辣辣，但料都算豐富，同埋金邊粉炒得好，夠煙韌。原本諗住可以食埋芒果糯米飯同椰汁糕，點知太飽，睇黎都要留返下次！

等了又等等了又等，終於都有晚市堂食😊😊最近同好朋友近近地嚟到九龍城食泰國嘢，揀咗小曼谷😆 真係有幾個月冇黎啦😓🌟海南雞飯雞肉嫩滑，油飯又香，而且份量都唔少！🌟濕炒牛肉河牛肉爽滑香氣十足，濕炒得來有少少鑊氣，食完一啖又一啖！🌟黃咖喱雞咖喱味道香，唔會辣，攞嚟送飯一流！雞肉都幾多：）🌟蒜蓉包脆卜卜，蒜香味十足，食落唔算太油：）🌟榴槤糯米飯呢個真心好食，榴槤夠甜，糯米飯煙煙韌韌，仲要熱辣辣㗎💕一定要試！

好耐都冇食過泰國菜，九龍城由細食到大，次次食泰菜都會入到嚟九龍城，今次嚟咗小曼谷海鮮燒烤屋，仲記得以前好墟冚，次次都要等位。估唔到原來泰國餐廳都有得食馬友魚，馬友魚不嬲係我嘅最愛，鹽燒馬友魚更加帶出佢嘅鹹香味，外皮微微燒燶，揭開魚皮，就係雪白魚肉，入口即溶唔係講笑，好重魚油香，真係一流，次次食馬友都回味無窮。另外仲叫咗個泰式醃粉絲海鮮沙律，呢個平時比較少食，原來係粉絲為主，有啲甜酸汁，酸酸甜甜好開胃，仲有好多海鮮，魷魚鮮蝦等等。最後叫多個泰式炒牛肉河，比起乾炒牛河我更加鍾意濕炒牛河，一黎冇咁油，二來濕濕滑滑，更加容易扣汁掛湯。兩個人食咗咁多嘢先$400，人均200，性價比都算幾高，最緊要係好食。

小曼谷海鮮燒烤屋 (九龍城)九龍城太子道西398號御太子地下1-3號舖今次重回九龍城，係因為好想去食泰國菜，晚餐來講食泰菜係好選擇。今次去到太子道西個邊，見到小曼谷海鮮燒烤屋，就入左去食啦。入到去，人頭湧湧，晚飯時間搵位唔容易，但好事來既，證明社會活動返，呢種感覺真係唔容易。講返個晚餐，我地就叫左五條串燒，分別係豬、牛、雞、珍寶腸、頂級牛柳粒沙嗲串燒；另外我地仲叫左個泰式馬拉盞炒通菜、冬蔭海鮮炒公仔麵、椰汁西米糕拼泰式千層糕，飲品就梗係唔少得椰青同椰汁涼粉冰啦！先講個串燒，真係好滿足，因為之前無晚市堂食，我想食申燒都要係街邊企係度食，今次終於可以堂食，而且佢燒得又夠香，司華力腸大大啖，頂級牛柳粒粒粒爽，豬牛雞唔駛講更加係件件香！泰式馬拉盞炒通菜、冬蔭海鮮炒公仔麵作為今晚主食，勁滿足，通菜好香口，公仔麵又夠爽口，加埋冬蔭公味，開胃呀！食完就食埋個甜品，飽哂！當然，唔少得嘅係解渴神飲—椰青、椰汁涼粉冰！如果快D可以去泰國當地食一次就好啦，呢餐就解住鄉愁先啦！