小曼谷海鮮燒烤屋

营业中

休息中

九龍城一向出名食泰國野 我地就揀咗呢間最高人氣嘅泰國餐廳😜 我地8:30左右去到都仲要等位🫣 呢度嘢食嘅份量都幾多吓🙈 啱哂多人share雞肉沙嗲串燒 $20珍寶腸沙嗲串燒 $22頂級牛柳粒沙嗲串燒 $48串燒配嘅沙嗲醬充滿花生香 甜甜地 我哋最鍾意牛柳粒 有四粒車厘茄同四粒牛柳粒 牛柳粒肉質嫩而具彈性 唔使點醬都已經好食～風味燒豬頸肉$115見到豬頸肉嘅價錢幾貴 但原來份量超大份超多🤣 豬頸肉較為乾身 但點埋自家醬汁都好惹味 酸酸甜甜泰式鮮蝦炒金邊粉 $92又係好大碟🙈 鮮蝦一共有三隻 爽口彈牙 金邊粉都係正宗嘅 加咗芽菜、蛋、豆腐乾、花生碎等等 食落又係好開胃甜甜地 好多材料口感豐富西瓜沙冰 $35西瓜沙冰真係啱晒夏天 超解暑 香甜解渴～椰青 $39椰青即叫即開 超清甜～ 飲完椰青水仲可以刮啲椰肉食😛

🧡Please follow my IG : orororenji☆ 小曼谷海鮮燒烤屋九龍城太子道西398號御太子地下1-3號舖✦ 泰式生蝦刺身食泰國野緊係要叫返個生蝦，每隻都肥嘟嘟，點埋個酸辣汁食一流！✦ 海鮮孖寶• 牛油蒜蓉燒蟶子皇(3隻）唔算好大隻，不過都啖啖肉，同埋佢有埋d炸白飯魚仔一齊食，口感幾得意。• 香燒扇貝(2隻）同樣都有炸白飯魚仔，幾好食，不過燒得老左少少，但都可以接受。✦ 泰皇咖喱法包軟殼蟹勁大碟！一上枱霸左我成半張枱，份量好多，軟殼蟹脆卜卜，然後個法包好大個，出面脆脆咁，跟埋咖哩一齊食好正，食到好飽。✦ 小曼谷原隻芒果糯米飯糯米飯熱辣辣好軟熟，芒果好甜，大滿足！✦ 珍多冰入面好足料，椰汁好清新。✦ 芒果沙冰芒果果濃好滑溜，叫左少甜，甜度岩岩好。

🦐泰式生蝦刺身每次食泰國餐廳必點生蝦刺身，呢度的生蝦十分新鮮，咬落去仍然十分彈牙，點少少傳統泰式酸辣汁，好惹味，好開胃。🦪海鮮孖寶（牛油蒜蓉燒蟶子皇+香燒扇貝）兩款海鮮做法相似，以牛油和蒜蓉燒得非常香口，再配上蔥花和炸白飯魚仔，令到口感更加豐富。蟶子很大隻，成隻放入口很有滿足感。而扇貝燒完出嚟都唔會乾身，仍然好鮮甜爽口。🦀泰皇咖喱法包軟殼蟹軟殼蟹份量十足，炸到金黃色，但又完全沒有油膩感，咬落去十分香脆。咖哩汁不算辣，仲帶有椰香味道，再加上香蔥、青椒等配料，味道香甜。再配以外脆內軟的法包，每一啖都可以沾滿香甜咖哩，十分滿足。🥤珍多冰傳統消暑解渴飲品，香滑的椰奶，加上紅黃綠珍多，而家夏天飲，特別解渴。🍹芒果沙冰芒果香甜，完全飲唔到酸味，沙冰亦都磨得很碎很滑。最難得嘅，係可以選擇少甜，啱晒我呢啲不喜歡太甜的顧客。🥭小曼谷原隻芒果糯米飯傳統泰國甜品，份量十足，芒果好大個，好香。糯米飯沾上香甜椰漿，再加上少少黑芝麻，又多了一種口感。

呢間最令人深刻嘅一定係個人型吹氣公仔😂長期見到好多人排隊，算係九龍城最人氣嘅泰國餐廳之一🥳呢度菜式選擇真係十分之多，睇到有啲眼花，好多係第二到少見，都幾值得一試☺️.🥩燒安格斯西冷牛扒 $237燒牛肉分別有三成、五成同七成揀，雖然揀咗七成不過都係偏生，有啲生到唔太咬到😂不過撇除呢樣嘢唔講，味道真係好唔錯，肉質都幾好的😋擺盤都好似西餐咁😂.🐔泰式酸辣鳳爪 $87泰國菜必食😋小編超鍾意食軟骨，口感非常好，仲要係冇骨😎酸酸地作為前菜真係增加食慾🤪.🥭小曼谷原隻芒果糯米飯 $78呢度嘅芒果糯米飯就係勝在夠多椰汁同埋好夠暖，食落好舒服😌椰汁偏甜一啲，而芒果酸酸地，啱啱好balance返😚.💰人均消費～$300.🍽味道：4/5🏙環境：4/5👨🏼‍🍳服務：4/5💧衛生：4/5💰價錢：4/5

今晚好想食泰國菜，當然要去九龍城搵食啦，貪佢夠集中嘛！行過見到呢間“小曼谷海鮮燒烤屋” ，環境幾好，裝修企理有多少設計感，就揀左呢間試下😋～👅 𝓜𝓮𝓷𝓾𝓼🌟串燒🍢💕豬肉💕雞腎💕雞全翼食泰國菜必點串燒‼️ 串燒份量都多，大大塊肉，燒得好香口，蘸上特色沙嗲醬，好好食🥰小編建議串燒想保持脆口，黎到要即時食呀！🌟 明爐蒸桂花魚🐟好想食魚既我，叫左蒸桂花魚。黎到賣相，一睇桂花魚既眼珠係突晒出黎，我就知呢條魚好新鮮🤭食落桂花魚肉質嫩滑，魚肉有彈性，果然係新鮮魚。再配上西檸汁，酸酸甜甜連埋湯一齊食，好好味😋🌟椰青🥥椰青清甜解渴，飲完仲可以食埋椰肉，今晚真係好滿足😌。#cc_甜品推介 #cc_九龍城推介——————————————————💕Encore指數：4/5 💕餵食指數：4/5💕環境：4/5💕推介指數：4/5——————————————————📍小曼谷海鮮燒烤屋 (九龍城)九龍城太子道西398號御太子地下1-3號舖#小曼谷海鮮燒烤屋 #九龍城美食 #九龍城好介紹 #九龍城正宗泰菜#九龍城美食推介 #九龍城泰國菜

今日去咗小曼谷海鮮燒烤屋，每次去九龍城都一定會經過呢度，終於可以試吓啦！去到亦都好多人。首先有牛油蒜蓉燒生蠔，生蠔非常鮮甜，肉質爽口，搭配蒜香一個字：「正」！第二個我嘅至愛有豬肉沙嗲串燒，沙嗲嘅味道香濃，豬肉口感適中，笑得亦都啱啱好。雞肉沙嗲串燒亦都一樣，雞肉嘅肉質嫩滑，沙嗲嘅味道吸引我食完一啖接一啖！😋珍寶帶子沙嗲串燒上面唔單止有帶子，上面仲有一粒粒蕃茄仔，唔會淨係得帶子咁齋～跟住有必食嘅泰式鮮蝦炒金邊粉，睇到佢好足料，有蝦有芽菜等。雖然就咁食已經好好味，但係擠埋酸酸甜甜嘅青檸汁就Perfect啦！我哋亦都叫咗泰式馬拉盞炒通菜，可見炒得好有鑊氣。香芒蟹肉炒飯亦值得一提，喺炒飯入邊食到芒果，感覺好新鮮👍🏻最推薦嘅當然就係小曼谷原隻芒果糯米飯，滿滿嘅椰漿加上去糯米飯，個人非常鍾意，襯搭芒果嘅清甜，讚👍🏻👍🏻

🔺食物 泰式拼盤 $159(魚餅/ 春卷/ 蝦餅/雞棗）一次過滿足4個願望 較為最出色就係蝦球 肉質彈牙 外脆內勁熱😂 .泰式炸芝士蝦球 $109超失望 冇芝士味不但 仲收咁貴 🤨 咬完一啖 真係一頭黑人問號❔味道=冇芝士味既加大版蝦球一樣🙄.鐵板豬頸肉芥蘭 (馬拉盞） $97原塊鐵板上 勁有鑊氣😍 少少過咸 配埋白飯會好啲😂.冬蔭鮮蝦雲吞湯 $136😚湯頭好濃 少少辣 重香茅 雲吞有五粒 大大粒 略帶鮮蝦味🤪 幾正✨👍➖➖ ➖➖ ➖➖ ➖➖ ➖➖ ➖➖ ➖➖ ➖➖ ➖🔺飲品/ 甜品蕃茄仔沙冰 $31唔記得影😂 味道正常 冇落糖水 可以一試🤪➖➖ ➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🟡🟡🟡🟡⚪️自私評論：食完個身一陣陣泰味出哂黎😍 除左粒芝士蝦球之外，其他都幾好食🙂 對於冇得去旅行既大家，快啲去試下啦🤪 不過要預左有心理準備排隊👯‍♀️

好掛住去泰國旅行呀🇹🇭! 今晚去咗食泰國菜止下癮! 餐廳門口擺咗個招手吹氣公仔, 非常吸引人嘅目光! 𓌈˒˒ 黃咖喱海鮮 咖哩當中有大蝦🦐、青口、魷魚🦑、薯仔🥔、洋蔥🧅等等, 咖哩甜甜地🍛, 辣味好溫和, 有陣陣椰奶香, 好惹味🤤! 𓌈˒˒ 泰式原味烤酥餅食咖哩當然唔少得烤酥餅🫓! 酥餅好酥脆, 蘸埋咖哩汁, 完全感受到泰國地道風味, 非常滿足呢😋!𓌈˒˒ 泰式鮮蝦炒金邊粉金邊粉有咬口, 帶酸甜味, 配料有大蝦🦐、炒蛋、芽菜、韭菜等等, 配料相當豐富! 食落幾香口, 加埋花生碎同青檸汁, 味道更有層次⸝⸝𓌈˒˒ 泰式鹹魚炒椰菜苗椰菜苗爽脆🥬, 食落有鹹香

細細個都知道九龍城最出名食泰國菜，喺九龍城食泰國菜簡直係我兒時回憶，每當想食泰國菜嘅話就一定會過嚟九龍城，呢幾年最鍾意去小曼谷，一嚟價錢合理，二來款式好多，每次都會叫唔同款式。一嚟到梗係要嚟個泰國名菜冬陰功，呢個冬陰功非常之足料，有大大隻虎蝦，非常之新鮮，彈牙一定係㗎啦，仲要都幾鮮，一啲都唔會霉，平時飲親冬陰功啲蝦零霉都係好常見嘅事，呢一間嘅蝦要俾個讚，冬陰功佢哋有得減少辣或者平常嘅辣度，由於唔係太食得辣所以我哋就叫咗小辣，酸酸地辣辣地非常之開胃❤️另外近排都努力做gym，唔可以攝取太多澱粉質，燒安格斯西冷牛扒就啱晒我啦，唔好以為剩係得泰國菜食呀，多多款式啱晒每個人嘅口味，呢個西冷牛扒都做得非常之唔錯，有得五成六成七成，我鍾意食生啲就揀咗五成，見到啲肉質咁粉嫩都知道燒得唔錯，仲要有啲炭烤味，炭燒味配上Juicy肉汁，好食呀，另外佢嘅醬汁酸酸地都好夾。飲品方面我哋都叫咗個椰青，清清甜甜，解膩

好耐好耐冇去食泰國嘢！ 今晚一於去九龍城開餐。一坐低先飲支泰國啤酒同埋沙冰😮‍💨 成個人即刻涼浸浸！食泰國嘢梗係要食串燒啦，呢度嘅串燒勁多選擇，差唔多你諗到嘅都有，我哋都叫咗好多啊：司華力腸、雞肉、豬肉、牛肉、雞腎😂 一定要撈佢嘅沙嗲醬，香濃惹味！另外叫咗咖喱牛腩同埋蒜蓉包，呢個絕對係唔會輸嘅組合。牛腩煮得好淋好入味，推介👍🏻.蛋包飯主要比小朋友食，味道淡咗少少，不過材料都好豐富。最後再飲埋蟹肉魚肚羹，好飽好滿足。

串燒：牛肉，豬肉，雞全翼燒得好好味，唔會乾身亦唔韌，蘸上花生味香濃既然沙爹醬，正！海鮮媽寶：牛油蒜蓉燒虎蝦3隻+牛油蒜蓉青口半打（$238）兩款海鮮上面小銀魚乾，蒜蓉，好特別。虎蝦大大隻，好彈牙，好食！青口味道都ok，但比較韌口，個人覺得下次叫其他海鮮應該更好食明爐蒸桂花魚（$256）桂花魚好新鮮，唔腥，肉質嫩滑，配料有香茅，洋蔥，秀珍菇，娃娃菜等。條魚本身冇咩味道，一蘸上泰式酸辣醬，越食越好味，越食越辣，呢個時候飲上杯凍飲，真係爽！

今晚又去左九龍城試另一間泰國菜😎 呢間相信大家都唔會陌生 因為門口有一隻不斷向你揮手嘅吹氣公仔😆 餐廳入面都有幾多座位 晚市都坐滿人🤩Scan qr code落單 例牌每次食泰國菜都會叫咖喱 今晚都唔例外🥰 另外見呢間餐廳叫燒烤屋 所以仲叫左幾串串燒：🥘泰皇咖喱炒海鮮好豐富 有大頭蝦 帶子 青口 魷魚等等👅 海鮮嘅咖喱加左雞蛋烹調特別好飯 味道惹味 減低辣度 配搭海鮮一流👍🏻泰式蒜茸包一客4塊 好香脆 包上加左好多蒜蓉好香😋泰式鮮蝦炒金邊粉有多隻爽口大蝦 好多配菜 味道都唔錯 酸酸甜甜好開胃👅泰式臘腸好少食串燒燒嘅泰式臘腸😆 都幾香 可以一試👍🏻串燒雞幾嫩 點埋佢哋嘅沙嗲醬好惹味 沙嗲醬仲食到粒粒花生 唔會好鹹🤩頂級安格斯牛柳粒串安格斯牛柳燒到剛好 好香 加左黑椒粒燒👍🏻小曼谷原隻芒果糯米飯糯米飯熱辣辣架😍 加上原隻香甜芒果 係食泰國菜必點嘅甜品🤤椰皇沙冰 好清涼 入面仲有粒粒椰子肉 正🌟

天氣時熱時落雨，最好就係叫外賣舒舒服服宅在家慢慢歎。呢間泰菜外賣都可保持到水準，忍唔住食完再食👍🏻黃咖喱🐓雞肉咖喱唔會太辣，稍嫌香料味唔夠濃，反而配上既鮮雞件夠嫩滑鮮味，眾有加左唔少蔬菜。風味燒🐽豬頸肉 豬頸肉燒得焦香惹味，肉質爽口彈牙，肥瘦剛好唔會食完成口油，而且份量超多放左兩層。豬肉生菜🥬包免治豬肉肥瘦肉適中，醃得夠入味，調味香辣合適，酸辣醒胃。馬拉盞炒椰菜苗爆香既馬拉盞加上椰菜苗爽脆，香辣惹味，底層既菜因為浸住汁稍咸。鮮菠蘿🍍雞肉炒飯用上鮮菠蘿+雞肉等炒香，稍認為炒飯底味道較淡，可加多咖喱和薑黃既調味。泰式鮮蝦🦐炒金邊粉金邊粉用羅望子醬、椰糖、魚露等炒香，咸香中帶酸甜好開胃，炒得夠乾身鬆身，唔會油淋淋。泰式原味烤酥餅酥餅外賣黎到都keep到香酥脆，好香奶香味，但如果鍾意較酥軟質感既就未必覺得岩口味啦，因為真係好脆😆泰式蒜蓉包蒜蓉包同樣出色，入口依然外層脆卜卜、內裡軟熟，蒜香牛油香味兼備。💕歡迎FOLLOW IG📳na.foodie_tour

今晚去了九龍城行過這裡，當然唔使想就佢啦，份量足料，食物質素有保證，最緊要大大碟價錢相宜，咁多優點完全冇藉口唔揀佢😜當然會點心水食物，先來個泰式醃粉絲肉碎沙律，大大份泰式醃粉絲上放上了肉碎，泰式醃粉絲十分彈牙爽口之餘加上個沙律汁帶點酸酸十分醒胃，配哩肉碎入口味道十分配合！主食就係差不多次次都點的泰式鮮蝦炒金邊粉，口味夠哂正宗，用上了芽菜、蛋絲、豆腐卜、葱作為配料外，上面還有大大隻又彈牙爽口嘅鮮蝦，加埋炒得十分入味嘅金邊粉配哩旁邊嘅香脆花生碎入口，真係十分配合好味！而今晚還有這個超正嘅泰式蟹肉煲仔翅，上枱時超級熱燙燙，上面放了新鮮蟹肉，煲仔翅味道香濃還有不同配料，有火腿、元貝、蟹肉、魚翅等材料，入口味道濃郁，一煲有三四碗仔份量，真係有翅食，絕不欺騙你，煮得十分入味！正！加埋杯香濃芒果沙冰，真係一個消暑佳品，陣陣香濃芒果味道，入口香滑，絕對推介！一次過食唔到太多，下次又可以再來食下這裡出色串燒同咖喱!

去九龍城買嘢，順便食埋飯。 通常都係去小曼谷食，貪佢性價比高，嘢食大大碟又好味😋泰式炸芝士蝦丸大大粒，勁多芝士！！！ 新鮮熱辣，好食！串燒都係必食推介啦，佢有好多款式，我哋覺得最正係燒雞肉，嫩滑惹味，加少少沙爹醬仲正。黃咖喱牛腩都唔錯，份量好多，香而不辣，點蒜蓉包一流👍🏻 蒜蓉包好香脆，一定要食呀！蟹肉雞絲魚肚羹味道比較濃，亦都好足料！呢個湯用煲仔上，有少少喺泰國食煲仔翅嘅感覺最後再飲杯消暑沙冰😮‍💨 正呀～