小曼谷海鮮燒烤屋

营业中

休息中

🇹🇭尼排成日都睇泰國既旅遊片，搞到成日都想食泰國野🤭🍢沙嗲串燒串燒種類好多，除左平時最常見既肉類，仲有海鮮，我自己揀左雞、牛、豬同雞腎，肉質唔會韌，好香香料味，雞腎爽口帶黑椒味🌶️冬陰公湯 - 小有個爐火點住，咁就唔會咁易凍，有兩隻超大既虎蝦，仲要去左蝦腸👍🏻好多菇係入面，味道偏酸唔算太辣🦐泰式炸蝦餅 - 小比平時食個啲大幾倍，有啲似冬甩，即口即炸，熱熱辣辣，外面脆卜卜🥢泰式鮮蝦炒金邊粉食泰國野必叫，份量好大碟，炒到好乾身，金邊粉煙韌彈牙🥥椰皇沙冰椰汁沙冰就飲得多，椰皇沙冰真係第一次見🙈味道清清地，啖啖椰皇既香味，沙冰好綿密🌟設加一服務費🌟每晚8點至11點都有表演

九龍城出名泰國菜，當中呢間小曼谷更加係其中一個高名氣的，相信大部分人就自未幫襯過都一定聽過。應該都相隔左幾年無去，突然間癮起🫢［拼盤B］呢個組合有豬、牛、雞、雞腎、雞全翼、泰式臘腸。第一次咁樣食臘腸，又幾好食喎！炭燒味十足，全部既調味都剛剛好，肉串保持到juicy，配合個沙嗲醬，好滋味。［蟹肉雞絲魚肚羹］勁鐘意！熱辣辣用鍋上，而且非常足料，夠杰身！魚肚好爽好滑好好味，蟹肉份量又多，加上雞絲同冬菇，食完覺得好滿足，暖笠笠🫶🏻［泰式馬拉盞炒椰菜苗］最鐘意食馬拉盞炒菜，少少辣，好惹味。椰菜苗好爽脆。飲埋個青檸菠蘿沙冰，酸酸甜甜，爽呀🥰另外驚喜既係食到一半既時候，有個女仔出黎自彈自唱。把聲好好聽，好有DJ feel🥰🥰

諗起泰國菜 第一時間就會諗起九龍城一諗起九龍城 第一時間就會諗起小曼谷實實在在係九龍城既名店 係信心保證食物不嬲都有水準 今次更令我驚喜既 係結他手現場自彈自唱🎸🎤仲有得點唱 全場勁好feel 個個都一路食一路跟住唱.《泰式鐵板蠔餅》 $128鐵板上咧咧喇喇 外圍炸脆香口裏面蛋餅包住飽滿蠔肉同爽口芽菜搵到好多隻蠔 而且唔係細細隻個d點埋泰式酸甜醬 厚薄適中唔會好油膩.《青咖喱海鮮》 $128唔食得辣既人最好揀青咖喱🍛椰香突出食黎食去都係豬牛雞 今次專登揀海鮮大大隻青口 仲有魷魚🦑 我最中意唔係撈飯 而係點薄餅食.《泰式原味烤酥餅(2塊)》$48佢唔係厚 係薄薄地但入面都好多層酥皮所以勁酥脆 又香牛油香🧈點落咖喱到食 勁惹味.《芒果椰汁沙冰》 $42好貼心 QR code自助落單有得揀甜度 多奶/少奶特別揀左走甜 最怕糖水結果黎到真係飲到芒果🥭自然既香甜 讚.《椰青》 $49椰青水清甜解渴🧉好多椰肉 一d都唔老 好易刮出黎食

周圍都有小曼谷，之前試過個冬蔭公湯都唔錯，今次直接去九龍城專食海鮮燒烤嘅分店，次次經過開都一定見過，去過先知佢好似日日晚市都有live music🎤 海鮮孖寶｜𝟸𝟻𝟾 — 燒脆皮白鱔｜泰式燒盲鰽泰式沙嗲串燒｜豬/牛/雞｜𝟸𝟸串愛魚之人一定要揀哩個組合，燒白鱔一串冇骨，咬落去啖啖都係肉，肉質飽滿，燒過之後魚皮脆卜卜，魚油滲出黎，散發陣陣白鱔嘅鮮味，同原條上嘅鹽燒盲鰽口感同風味完全唔一樣，盲鰽夾三兩下就係成排魚肉，入面釀左啲香料一齊鹽燒，令魚外焦內嫩且入味。小曼谷原隻芒果糯米飯｜𝟾𝟾後上但勁有速度，唔算抵但佢勁大份，岩岩上啲飯仲出緊煙，口感綿綿但唔算係好煙韌煙韌嗰種，啲芒果厚肉又甜，欣賞佢啲椰漿唔算太甜唔會搶左芒果嘅甜味。

放工黎到九龍城緊係要食泰國野😋朋友聽聞小曼谷係出名嘅泰國餐廳所以特別去試一下🥰餐廳有唔少座位，仲時不時有live music 😍都幾好情調👍🏻餐牌入面有海鮮，串燒，小炒等等🥰我地叫左以下：我哋叫左e d 串燒入面有豬肉，雞全翼&珍寶腸沙嗲串燒，味道好野味，燒得香香又帶少少香辣😋雞全翼唔肥👍🏻🦀香芒蟹肉炒飯蟹肉炒飯入面除左蟹肉仲有鮮甜芒果😍飯粒帶鮮味😋🥭小曼谷原隻芒果糯米飯糯米飯上面真係有原隻芒果😎又帶椰漿香味🌸椰青椰青超清甜☺️

食正宗泰國嘢一定要去九龍城，因為價錢相宜性價比好高，今次就去依間《小曼谷海鮮燒烤屋》，聽人講人氣好高，但係我就第一次去食。海鮮孖寶 $258，依個套餐都幾抵，一次過可以試哂兩款海鮮。A. 泰式燒盲鰽 泰式其實就係鹽燒，用鹽覆蓋哂成條魚再拎去燒，咁就可以鎖住水分。食落魚肉特別鮮嫩多汁，加少少檸檬汁咁就更加可以帶出鮮味。B. 牛油蒜蓉燒青口新鮮青口上面放滿牛油同埋蒜蓉，青口又大大隻，充滿蒜香味。黃咖喱海鮮 $128黃咖喱一啲都唔會辣，好適合唔食得辣嘅朋友。味道濃郁又充滿椰香味，海鮮種類都好多，又大蝦、蜆、青口、魷魚，好滿足。泰式芝士烤薄餅 （2塊）$53識食嘅朋友一定會叫薄餅點咖喱汁，佢地啲薄餅新鮮焗製，保證熱辣辣。上面嘅芝士帶有咸香，加埋咖喱汁就會濕潤啲，又吸收到咖喱同埋椰香味。菠蘿雞肉炒飯 $98炒飯底粒粒都做到金黃色，同埋唔會好濕。加上新鮮酸甜菠蘿同埋雞柳，最後放上啲花生碎，口感同味道都好豐富。冬蔭鮮蝦雲吞湯 （5粒）$148冬蔭公嘅酸辣味真係好開胃，估唔到可以配上鮮味嘅鮮蝦雲吞，又完全唔會蓋過雲吞嘅味道，值得一試。如果唔想錯過其他好介紹，記得follow我呀😘多謝大家！！！`*-.

最近發現九龍城原來都幾多唔同種類嘅餐廳冇食過，一於就決定explore下。今次約左啲朋友試下依間人氣泰菜《小曼谷海鮮燒烤屋》，見到晚市排隊嘅人都幾多，想食就要早啲到。食得泰國嘢一定要食海鮮，依個海鮮孖寶 $258就幾抵食。第一樣就揀左泰式燒盲鰽 ，做法其實就係用鹽醃製，再用大火燒，啲鹽滲哂落魚肉度，所以魚肉特別鮮甜。第二樣就係牛油蒜蓉燒青口，一送到黎就聞到好香嘅牛油同埋蒜蓉味，好惹味。黃咖喱海鮮 $128黃咖喱椰香味十足，加上多款海鮮嘅配搭（大蝦、蜆、青口、魷魚），豐富又好食。泰式芝士烤薄餅 （2塊）$53加左芝士嘅薄餅特別惹味，識食就一定要點一啲咖喱，層次會更加豐富。菠蘿雞肉炒飯 $98新鮮菠蘿加上爆炒雞丁，食落好開胃。值得一讚佢地嘅炒飯底，每一粒飯都染成金黃色，再灑上花生碎，好惹味。冬蔭鮮蝦雲吞湯 （5粒）$148食得泰國嘢一定要試下冬蔭湯。酸酸辣辣嘅湯同鮮蝦雲吞原來都好夾，一飲就成碗湯飲哂。小曼谷海鮮燒烤屋 (九龍城)九龍城太子道西398號御太子地下1-3號舖

朋友話好耐無食過泰國菜，講起泰國菜一定係九龍城拉，提前打佐去小曼谷book位，去到餐廳差唔多full嗮，各位最好提前打去book位，因為晚市真係好多人🤣泰王咖喱法包軟殼蟹，餐廳推介必食，一於試下，軟殼蟹炸到好香脆，而且分量很足，咖喱好香，法包好軟，食落入口即融串燒（雞、牛、雞腎）串燒配埋沙爹醬好夾，就算唔配醬就咁食已經好ok泰式芝士烤酥餅，有d似薄餅，不過會比平時薄餅脆d，單獨食已經唔差，配埋個咖喱醬，會再入味😍泰式鹹肉炒菜苗會有小小辣，不過可以接受到，食落好爽脆，肉唔算太鹹，送飯一流😍生蝦刺身，一定係必食😍

去開九龍城其實都不用多想就會想起這裡，因為就腳加埋喜歡食嘅口味都可以在這裡搵到，餐廳長期都有人等位，所以有訂枱就會比較穩陣😊，朋友當然會先訂枱，座下就可以掃瞄店員給我們的二維碼落單，當然串燒就係推介之選，今晚點了幾串沙嗲串燒，豬肉沙嗲串燒，雞肉沙嗲串燒，珍寶腸沙嗲串燒，同埋條粟米沙嗲串燒，落單一陣就上枱，有效率亦係這裡嘅服務態度！串燒旁邊跟埋碟沙嗲醬，食串燒時可按自己喜好塗上，串燒燒得剛好，不會太乾身，加埋個沙嗲串醬入口十分惹味！而食串燒就比較熱氣，所以點了個椰青將串燒嘅熱氣清除，椰青夠冰凍，入口清新，正！加埋必食嘅泰式鮮蝦炒金邊粉，上面放在大大隻鮮蝦，加埋煙靭彈牙炒金邊粉，整體滿足！最後加埋支榴槤冰條，一拆開陣陣榴槤味道漂香撲鼻，入口榴槤味道濃郁，還有榴槤果肉，夠晒真材實料！這裡絕對愛泰口味之選！

上次同屋企人嚟食個小曼谷，愛上了他們的椰青和串燒，媽咪話再來一次，回味下泰國風情。小曼谷海鮮燒烤屋， 九龍城數一數二的人氣店，宋王臺 港鐵站出口隔離，位置非常方便，店子雖小，因為食物質素好，所以經常滿座，記得要訂位啊！椰青 每次嚟到一定要飲過新鮮椰青，清涼冰凍，微微的甜味，自然清新。即叫即燒～串燒泰式串燒特別香濃惹味，尤其是自家製沙嗲醬，令各款串燒味道更加豐富，肉類蔬菜同樣好味😋 粟米🌽珍寶腸、豬 每次嚟我都唔會錯過。泰皇咖喱法包軟殼蟹呢度嘅廚師推介之一，泰皇咖喱醬汁有濃郁的咖喱和椰汁香味，香而不辣，啱晒媽咪唔鍾意食辣嘅口味。大大隻的軟殼蟹，份量好多，金黃色的外表，炸得非常香脆，肥美的軟殼蟹，咬開到見到超多蟹膏，味道濃郁，再加上鮮甜蟹肉，滋味無窮！咖喱醬汁滿瀉法包，每一啖都食到香脆法包的口感，好滋味！配料也有一些青椒紅椒，食落口感更加有層次。鐵板豬頸肉煮芥蘭（馬拉盞）要食返啲蔬菜平衡下，媽咪鍾意食芥蘭，鐵板熱辣辣香噴噴，馬拉盞色香味散發出來，豬頸肉啖啖肉，肉質鮮嫩，好食。榴槤冰條 最後甜品食咗勁有泰式風味的榴槤冰條，仲有真正鮮果肉的榴槤，食到媽咪舔舔脷。

去九龍城就必定要食泰國菜🤣 太皇咖喱法包軟殼蟹🍤🍞分量好多，大大碟，軟殼蟹係超多，法包經咖喱醬浸到好軟，一齊食落口感好滿足😍生菜包🥬肉碎好入味，加埋生菜食，真係一流，生菜包係必叫食物生蝦🦐刺身生蝦刺身都係必須食既一種，生蝦🦐好新鮮，食落唔會有粉既感覺，而且黑色線都去埋，好細心另外因為有咖喱我地再叫佐一個薄餅。點咖喱醬一齊食，好入味，又飽肚🤣最後當然唔少得小曼谷既飲品，椰皇沙冰，入口好有椰香味😍飲得多芒果沙冰可以試下轉哩個😍

今晚又同朋友去食我哋都好鍾意既泰國菜☺️叫咗幾樣嘢開心share😁❤️沙嗲串燒豬/牛/雞腎 燒得好香，沙嗲汁好重花生味😍雞腎爽口，牛肉比豬肉嫩滑😁❤️小曼谷炒米粉配料豐富好有鑊氣😍同星洲炒米有九成九相似🤣味道帶少少咖哩香，蝦肉爽口👍❤️泰式鹹魚炒芥蘭比我預期清淡😮 似蒜蓉炒，芥蘭爽脆唔苦澀💯❤️原隻芒果糯米飯芒果好甜無渣😋飯粒熱辣辣口感軟糯，配埋清香椰汁好夾好好食☺️#泰國菜推介 #小曼谷 #九龍城泰國菜 #泰式炒米粉 #鹹魚炒芥蘭 #芒果糯米飯 #沙嗲串燒

九龍城係最多泰國餐廳既地方，加上依家有埋屯馬，交通方便左好多🚇係咁多泰國餐廳中，最高人氣都會係小曼谷，係Openrice一睇原來仲入選埋熱門餐廳🔥既然係熱門，當然要一試究竟，一於帶埋媽媽去踩踩場先😎。🐒燒安格斯西冷牛扒 💰$268泰國既燒牛肉果然係唔同啲🥓燒得唔會好乾柴，配埋特製調配既醬汁，除左可以帶出牛味，仲有一股特別既泰式風味，啖啖肉好滿足☺️。🐒泰式炸芝士蝦丸 💰$118原本想叫蝦餅，見到呢個芝士蝦丸就岩哂，本身以為係好似蝦餅既size，好似打邊爐既芝士丸🧀但結果有驚喜🤩黎到見到好似拳頭咁大粒都幾興奮👊新鮮炸起熱辣辣，切開好多芝士，仲可以拉絲😍。🐒鐵板豬頸肉炒椰菜苗(馬拉盞)💰$118鐵板上既炒椰菜苗夠哂熱，份量都好多，椰菜苗都夠林🥬豬頸肉肥瘦適中，食落好爽👍。🐒香葉辣椒海鮮炒米粉 💰$108平時就一定會食Pad Thai，但今次媽媽話想試炒米粉👩🏻之前食過啲米粉炒到好乾身，痴埋一舊，所以都驚中伏🙈但又估唔到咁岩食，除左海鮮份量多，配料都好豐富，有洋蔥🧅青椒🫑青豆，而且乾身得黎唔會痴住哂

今日又有泰國菜食喇 我哋兩個人嚟咗九龍城食因為事前已經食咗飯 所以就叫得好少嘢 不過樣樣都好出色泰式柚子沙律 $78呢個天氣梗係食個沙律最適合啦 清新+消暑柚子肉超級多 而且新鮮清甜 大蝦口感彈牙爽口 另外有花生碎 非常開胃蝦醬肉碎炒飯 $98蝦醬味道濃郁 炒飯有好多肉碎 炒蛋加咗蝦醬落去一齊炒飯香噴噴惹味 賣相吸引 而且炒到粒粒分明 口感豐富

九龍城出名食泰國野，而泰國野都幾出名既小曼谷原來都有唔同名，今次黎左小曼谷海鮮燒烤屋，係門口有隻好大隻揮手既公仔。泰國燒牛肉係幾吸引，於是叫左燒安格斯西冷牛扒，有得揀熟既程度，怕太靭所以揀左生小小，叫左六成熟。黎到唔會好血林，六成都幾岩食，佢仲配左個醬汁，相信係自己調味出黎，幾特別同帶到個牛味出黎。叫左個飯，菠蘿炒飯係泰菜都幾出名，所以成日去泰國鋪食嘢都會嗌，佢呢個炒飯都幾乾身，重點係有一大堆肉鬆，菠蘿炒飯係要有肉酥先係好食，而且佢雞肉嘅份量都唔少，如果想叫個飯類，呢個係我好選擇。最後叫咗個蠔餅，聽日返去比我想像中多，之前食過其他好驚啲蛋漿過多，但係呢度就唔會，蠔嘅份量都多同個蛋嘅份量啱啱好，而且個底有好多芽菜所以感覺冇咁油膩。今日行一嚟到都坐滿咁滯，就知啲間係出名同埋食物有質素，雖然九龍城有好多泰國菜館，但係有質素嘅都要細心咁發掘一下。