小曼谷泰國美食 (教育路) (已結業)

今日同班fd經過食左個下午茶，叫左蝦膏炒飯，炸蝦餅同埋雞翼串燒，蝦膏炒飯同出面好唔同，唔會太鹹，同埋份量好足，另外雞翼皮脆肉嫩，冇雪藏味，上菜非常之快，炸蝦餅一食就知好新鮮，外脆內爽口，入面真係食到有濃郁蝦味而唔係粉。仲有試左我fd個酸辣鳳爪，夠辣同埋洋蔥夠新鮮，一食就知即日整，鳳爪貫徹認真作風，毫無雪藏味，蔗渣價錢，燒鵝的味道。最令人回味係果個香葉肉碎飯，肉碎份量充足，肥瘦適中，粒粒都足滿鑊氣，絕冇用大量肥肉濫充，香葉味道剛剛好，同好多泰國菜唔同，落太多香葉，好似妹仔大過主大婆咁，呢間野處理得剛剛好

我們一行四人，二人一枱坐隔離，下午茶時段去，當時人唔多，得兩三枱客。點餐時，男職員態度非常惡劣，又大聲又惡，極度冇禮貌，點下午茶餐時朋友想叫下午茶餐連熱檸水，男職員話要加$3，一般認為熱飲唔洗另加錢，朋友好好禮貌問咁咩飲品唔洗加錢，男職員指住餐牌好大聲話：餐牌咪寫左囉！原來系泰式飲品/咖啡奶茶唔洗加錢，到我想要凍柚子蜜問可唔可以少甜，男職員再次以非常不爽的態度回答可以，態度差成咁我朋友已經好唔gur，只希望佢啲食物質素可以救番。另一位朋友點左冬蔭公牛腩湯河，黎到牛腩超瘦！好似牛肉乾咁，仲要好un唔林，大概有6舊細牛肉乾。輪到我ge船麵，睇落好正常，點知湯餸粉都系唔熱ge，只可勉強叫溫，完全唔熱，重點系湯有陣怪味，形容唔到果種味有幾怪。另外叫左個木瓜沙律，諗住清清酸酸地開吓胃，點知超~~辣！！完全入唔到口，木瓜絲仲要切唔斷，真系好差...全部朋友食唔到，辣得好過份，浪費左成碟野。成餐只得豬肋骨同牛仔骨叫正常少少，起碼熱。冇服務冇質素無一可取，一定冇下次。

同兩個同事好耐冇出街食飯，一諗就諗起食小曼谷！雖然午餐有好多選擇，但係我每次都係食呢個大蝦炒金邊粉🤪！不過唔知點解得兩隻蝦，但係我同事嗰個家鄉炒米粉，反而有四、五隻蝦😱。雖然明知道可能幾個order炒埋一碟，但係可唔可以分得平均啲呢？擺碟都好似往常一樣好靚，不過今日個椰菜冬陰功湯，直情辣都飲唔到！🥵性價比唔係太高，有啲小貴...不過包埋杯凍龍眼冰算係咁啦！

$40泰國菜下午茶☺️之前晚餐時間經過見到餐牌唔算平，今次第2次經過😳下午茶全部都$40咁平既😲😲🍛黃咖喱雞肉配原味烤薄餅 $40咖喱屬於小辣，食得出幾多香料🤤點脆脆既烤薄餅幾惹味呀！🍜冬蔭雞肉炒公仔麵 $40 隻碟係💛 哈只能食小辣既我表示依個炒麵係中辣呀！！好彩叫左凍飲🥤🤣食一口、飲一啖！但辣得黎又幾好味，如果落小d油炒會好d, 食到底比較油$40一個下午茶真係好出色！會到去食😆😆

今次就去食泰國嘢小曼谷 呢間好地道連單據收據都係泰文豬頸肉係好好食 另外串燒都好juicy 試左好多吾同小炒每個人都係一百蚊到好平又正值得去 不錯不錯啊下次儲再去多次試其他野

下午茶時段想食點特式食物, 見呢一間餐廳有下午茶餐, 決定一試!平日進去之後人不多, 大約只有2位食客, 空間比較細, 但現時人不多可以接受!食物款式不算多, 但食物幾吸引!2人點了 2款下午茶餐:泰式干炒雞肉河 + 龍眼冰 $40泰式干炒雞肉河份量正常, 雞肉都有幾件, 有菜心, 蘿蔔條, 蛋等一起炒, 味道不會好咸, 炒得不錯, 幾有獲氣!這裡跟餐飲品除了一般的咖啡奶茶外, 還有龍眼冰, 龍眼水, 都是不用額外收費, 十分好!蝦膏豬肉碎炒飯 + 龍眼冰 $40蝦膏豬肉碎炒飯都炒得很乾爽, 不太咸, 有點豬肉碎, 臘腸粒, 蝦米仔等等去炒, 材料以這價錢算不錯!!

〖 元朗篇 -- 小曼谷泰國美食 -- @minibangkok 〗⁣⁣⁣⁣⁣💛 我最喜愛嘅泰國菜黃店 💛⁣⁣🍛 泰式黃咖喱雞扒飯 -- $48 (午餐)⁣🥭 鮮芒海鮮炒飯 -- $84 (單點)⁣🌶 泰式酸辣鳳爪 -- $68 (如果跟餐就 +$23, 會細份少少)⁣🍚 小曼谷原隻芒果糯米飯 -- $70⁣🥥 椰青 -- $18.5 (原價$37，跟餐半價)⁣⁣🍛 首先講啲飯，48蚊呢個咖喱雞飯真係超抵食，咖喱係好香好濃味，撈飯超正嗰種，雞當然都好嫩好食啦😋 而芒果海鮮炒飯，因為係單點所以都幾貴下，要84蚊，同咖喱雞飯一樣嘅滿滿幸福感~ 🤤我個人覺得係食得過嘅，無諗到芒果同炒飯可以咁夾，放入口係會有: 嘩，好好食啊！嘅感覺~ 不過如果budget唔高其實午餐嘅咖喱雞飯已經超幸福💕⁣⁣🌶 之後泰式酸辣鳳爪真係好辣😂 同行朋友們也吃不到，如果自問唔係好食得辣嘅話記得叫少辣！不過凍冰冰配酸辣，夏天食真係好爽~ ⁣🥭 芒果糯米飯可能我個人唔太識欣賞，芒果係比得足夠嘅，亦都甜，不過我個人就覺得一般啦，70蚊好似貴咗啲~ ⁣⁣🥥 椰青就正正常常開埋比你啦💁🏻‍♀️ 跟餐半價都幾抵，更有食泰國菜嘅f

Restaurant Review📋Food🍽🇹🇭Soft Shell Crab🦀Curry咖喱軟殼蟹- The deep-fried Soft Shell Crab🦀is very crunchy with mild Crab🦀Flavour. Perfectly match with the curry👍- There are Onions🧅Spring Onion, Red and Green Pepper in the Curry. The veggies give some fresh sweet flavour. The curry was not spicy at all. Quite a lot soft and silky scramble egg🥚in the curry. Nice👍🇹🇭Tom Yum Soup🍲冬蔭功湯- One of the best Tom Yum Soup I had in town👏- the spiciness, sourness and sweetness flavours are perfectly balanced⚖️Obvious

小曼谷泰國美食泰式鮮蝦炒金邊粉價錢💲: $50好味程度😋: 3.6/5服務🍴: 3.8/5環境🗾: 3.6/5性價比🥢: 4.3/5回頭率😚: 3.5/5-我真係好鍾意食泰國野，今次就去左小曼谷食lunch set，原來好抵架。$4x-$5x 包湯，主菜同飲品。仲要係冬蔭功湯呀勁正🥳 我就同平時一樣揀返最愛炒金邊粉😝-呢到都幾大碟架，我食完夠晒包😂 佢就係一般的味道，酸酸甜甜，夏天食好開胃😌 金邊粉炒到條條分明，加埋啲韮菜芽菜個啲仲爽口😆 入面仲有幾隻蝦同豆腐乾，好豐富。食炒嘢最緊要夠鑊氣，好彩呢到都炒得夠香，唔錯😉中意花生的朋友仲可以撈花生碎食，正！最尾飲返杯龍眼冰，滿足🥰 但佢其實唔係話勁高質，純粹唔差，如果係追求靚，有個蛋皮包住金邊粉個款就未必啱啦🤭

泰菜同日本野一樣食極唔厭㗎💛有冇人都係咁-呢間元朗嘅小曼谷野食份量都好多💕lunch set仲要幾抵！【青咖喱牛腩飯】$58 個咖喱都幾香，略嫌牛腩係粒，不過如果係靚嘅坑腩崩沙果啲超碼都要加多一舊水😂所以呢個價錢又有湯又有野飲算好好😛我半價轉左椰青😋【細酸辣鳳爪】+$23 跟餐加配左小食，偏辣幾惹味🌶但唔多鳳爪🤭-除左午餐，我地仲叫左啲單點🥣【泰式鐵板蠔餅】$108 炸到金黃色，真係好鬆脆🤔蠔嘅尺寸都唔太細，數量尚可唔會啖啖有蠔，整體都唔錯😳但真係好有罪惡感啊😫【泰式咖喱法包軟殼蟹】$158 個咖哩加埋蛋真係超正，送蒜茸包同飯都一絕😬軟殼蟹中庸之道🦀份量都幾大🙃之前喺第二間餐廳見過將半個包拎出嚟整蒜蓉包放係面，外脆内軟💓咁比而家成個包都係比汁浸住變韌，可能會來得更好吃呢💛=========================小曼谷泰國美食地址：元朗教育路50號兆明樓地下A號舖=========================想睇翻同類型🍴👇🏼#Snappy泰式#Snappy做到中產啦#Snappy黃店想睇翻同地區🚩👇🏼#Snappy元朗#Snappy九龍城

元朗嘅小曼谷，個格局同茶餐廳一樣，但絕對有驚喜。Weekend周圍都多人，我哋五個人係門口等左半個鐘左右就有位。跟餐配嘅鳯爪，調味好正，辣度剛好。散叫的蝦餅小食，同尋常蝦餅唔同，佢唔係個種好彈牙嘅質地，食落都幾特別，我個人係覺得幾好食嘅。青咖哩好開胃，送飯一流，不過唔食得辣嘅話就最好不了。跟餐串燒，不過不失。個酥餅超級鬆脆，一定要熱辣辣食，配埋黃咖哩食超級惹味，絕對要試！船麪最緊要就係個湯底，我覺得小曼谷嘅船麪湯底真係有泰國風味。個海南雞略嫌乾身，好彩個湯底搭救。餐廳待應叔叔好風趣，想係元朗食泰國絕對值得一試。

黃咖喱煲嘅材料有薯仔、青椒、雞肉等所有材料都煮到好腍，連平時唔食青椒的我都覺得可以接受🤣而咖喱汁亦係好多香料味個種，仲隱若帶少少辣，撈飯真係一流值得一讚係兩塊薄餅都焗得好香脆，咬落去脆卜卜咁配埋黃咖喱一齊食真係好惹味.蝦膏豬肉碎炒飯表現一般蝦膏味不算太濃😣飯粒咬落有點過硬，不是粒粒分明個種.兩個餐都奉送冷熱飲品我地都揀咗龍眼冰杯內龍眼嘅分量算多，而味道亦表現正常

冬天特別容易餓，平時晚市要等位一直都無試。早兩日經過見佢有下午茶餐又唔使等位就入去試下。午餐都算多選擇，下午茶都有七款仲送飲品。我叫咗個蝦膏豬肉碎炒飯，等咗15-20分鐘，仲以為佢漏單🤨 不過慢工出細貨，一上枱見到個飯賣相唔錯，份量十足而且蝦膏香味撲鼻🤤蛋絲切成粗條狀，炒得剛好唔老，米飯粒粒分明夠入味，肉碎就唔見有，取而代之係臘腸粒，整體夠香亦唔算太鹹，推介👍餐飲叫咗杯熱咖啡，係三合一即溶咖啡嘅質素，無乜特別所以無影。飲品就唔使期望太高喇，不過以$40有咁大碟又好味，有下次😋

我自己係泰國人 識聽泰文 黎食過幾次都覺得啲野唔錯於是今日再去點知食食下野聽到個肥婆廚師用泰文講「坐坐坐 走啦！」話左我幾句 話我食野慢 坐係到之後仲用中文講 走啦！我以為我阻住人做生意 望下個門口 又唔見有人排隊 室內又仲有空枱 咁我慢慢食有咩問題呢？ 食左三個字昨喎 同埋出面啲客點食飯關佢一個廚師咩事呢？係咁講講講 最後我忍唔住飯都未食唒就走左以後永遠都唔會再幫襯依間鋪頭！

同一班朋友一齊食，舖位雖然細左少少～坐埋一齊大家有啲逼，有小朋友嘅，同一齊食會有啲麻煩，因為空間比細，如果有2個BB+有BB車，可能要諗清楚去唔去，但食物質素樣樣都算唔錯！個生蝦刺身好新鮮，椰青都好好飲，沙冰種類嘢飲，有好多選擇，同埋質素都ok，飲到係新鮮生果整！一班人食埋單，差不多晚餐每人$200左右！員工服務態度良好，但埋單只收現金，有點不太理想，最好可以加返用其他方式收錢！但係一班朋友，吹下水，食下野嘅好處⋯⋯