小曼谷泰國美食 (教育路) (已結業)

叫左個下午茶餐乾炒河幾好食唔太油唔太鹹串燒都ok唯一覺得可以改善就係個凍柚子蜜搞完都唔夠凍..落嘅全部都係碎冰不過價錢方面就好抵一個餐+額外優惠+野飲都只係$40+$23冇加一👍🏼

喺度食過幾次覺得味道ok都幾抵食， 所以今次帶外國返嚟嘅朋友食今次星期二晚去， 都幾多人但係都仲有幾張空枱解釋同畀朋友聽有咩食之後就叫落單，不過叫咗六七次都仲未落到單完全唔理我哋，隔離枱食完走得我哋先至開始有得食叫咗蝦醬炒飯同串燒， 味道唔錯係炒飯食到尾有啲鹹芒果冰照樣大杯冰凍，係好似芒果糖咁甜

來到小曼谷就梗係叫最出名嘅蝦餅 唔係講笑食咁多次都冇失準 蝦餅有大舊又彈牙又香蝦味 點泰式辣醬簡直一流 明爐燒魚 又辣又酸 魚嘅質地幾好 勁開胃 可惜細條咗啲 泰式生蝦大大隻又新鮮 食落去好有蝦味點埋酸酸辣辣嘅汁 勁鮮 超級正 價錢唔算貴 街坊價 最敗筆就係要等得耐 足足等咗半個鐘頭

3日前單人匹馬做完運動, 行過食個午餐 見有🐷手飯(我至愛) 梗要試下啦！ 肉質好淋好入味平時唔會食曬啲飯,嗰日都食咗一半。啲豬手肉食曬, 真心覺得好好味, 心想一定要在搵日再食。午餐(套)58蚊連一杯咖啡 三日後決定同愛人食晚飯。愛人評語第一句 "地方好細,唔係幾好坐喎！" 打開餐牌好多選擇; 見隔離枱食咗個麵包咖哩蟹, 一於照板煮碗再整多碟沙律: 點咗醃海鮮沙律。咖哩麵包軟売蟹好大碟,賣相好靚食緊嘅時候另一台見到都即刻叫(唔通係王牌?) 的確,麵包好大好脆; 咖哩汁好香唔辣,味道啱啱好; 軟殼蟹可以啦。啲麵包好好味咖啡汁, 一流食曬醃粉絲海鮮沙律有兩隻蝦(影相時已食左) 同埋其他海鮮: 魷魚,帶子 等每樣兩嚿咁上下。唯一特色 "超辣" (註: 筆者食得辣㗎) 但係都幾爽 #敬告唔食得辣嘅朋友唔好叫嘞！呢晚冇叫飲品,因為要趕住去食其他甜品。找數$250, 兩碟餸唔算太平👉👈推介午餐套餐

前一晚打電話去小曼谷，超輕鬆就book 到位，去到又唔洗再等！果晚3個人食左4個菜、4串串燒同2杯野飲。首先黎左豬肉碎生菜包。呢個係每一次去食泰國菜都一定叫！佢嘅生菜同豬肉碎都好多，一個人都食到3-4次 酸酸辣辣好過癮！之後叫左個泰式拼盤，第一次試雞棗！另外仲有泰式鐵板蠔餅。食果時又真係要小心，因為都好熱同埋都有煙，小心彈到。而串燒我地就叫左兩串雞兩串牛，但個人中意雞多d，牛有d硬。其實我地仲叫左個鮮菠蘿海鮮炒飯，但食完以試嘅野就好飽弓，所以就打包走左，當第二日午餐。野飲方面，我地叫左椰青同芒果椰汁沙冰。椰青入而都多果肉，非常鮮甜！ 走果時，見到出面好多人排梗，好彩一早book左位！

最終於完結咗學業上嘅一啲小嘅波折，亦都好慶幸係工作上亦都有一啲新嘅突破，今日自己就過嚟呢度食飯，其實都係因為咁照行開經過，絕對冇任何好大嘅期望， 結果我都覺得幾有驚喜，就係我覺得價錢，性價比絕對係值得入手。一個人食飯呢 ，有個特別嘅地方就係，我真係好口渴，所以我最後都係忍唔住飲咗兩杯嘢飲，我知道我自己咁樣做係好低能，因為好肥。不過坦白講吖，如果去香港地出去食飯，一個人去大家樂食都要六七十蚊啦，我點解唔畀自己食得好啲呢。我呢好鍾意食青口，無論係白酒煮青口或者係青口嘅菜式，我都好鍾意，所以今次叫一個避風塘焗青口，係有一定嘅期望你。乾蒜蓉 味道都係啱啱好 佢唔會太乾，所以佢唔會食到有苦味 避風塘嘅蒜蓉呢的確係可以吊出青口鮮味，焗完之後唔會好乾，係濕潤嘅，所以呢一個焗青口的確係有驚喜。我去好多泰國嘅餐廳，我都好鍾意食呢個椰青炒飯，因為椰青水炒飯呢係會有一種清澈嘅味道，呢一個椰青炒飯一如以往我都覺得唔算太過失望中，因為佢嘅炒飯濕度都可以接受嘅，不過如果你要我畀多少少意見，我覺得可以乾身返少少啦，雖然佢而家呢個程度，我覺得都係可以接受，同埋有好多唔同嘅海鮮，有大量嘅魷魚啦，價錢都係喜出望外。咁最後

喜歡吃泰菜的我，現在不用專誠到大龍城都能吃到正宗的泰菜了!! 自從於九龍城很有名的小曼谷來到元朗開分店後，要吃泰菜就方便得多~位於教育路的小曼谷泰國美食晚上食客很多，所以這夜我們6點半左右到來，可以省卻等位的時間. 店內座位不算多，不想等位的話，建議早點到來用餐呢!芒果沙冰 ($36) 天氣相當炎熱，先來一杯冰凍的芒果沙冰消消暑. 呷一口，沙冰打得相當幼滑，味道亦很香甜，令人相當透心涼~椰青 ($37) 至於椰青都很新鮮，而且很巨型，味道相當清甜，消暑一流. 蒜爆胡椒炒虎蝦 ($178) 大量炸得香口惹味的蒜粒伴以4隻巨大虎蝦，蝦肉爽口鮮甜，配以惹味的炸蒜同吃，是重口味人士的最愛!!泰皇咖喱法包軟殼蟹 ($158) 即叫即焗的咖喱法包軟殼蟹，賣相極為吸引!! 香甜咖喱內有不少蔬菜，配以香脆法包很美味呀! 炸得酥脆的軟殼蟹伴以濃味咖喱同吃，也很滋味~ 極上燒安格斯西冷牛小排 ($188) 平時多數到西餐廳吃西冷牛排，但見到小曼谷也有供應，餐牌上的相片也很吸引，決定叫來一試! 牛小排已預先切成小件，方便客人享用. 牛小排烤得剛好，內裡嫩紅，沾上特製的泰式酸汁，更為惹味; 而且份量

係元朗無意中行過呢間店，睇落OK，又幾想食泰國野，就有D想入去試，即刻上OPENRICE睇下都幾多好評喎，就入去啦，入面係一個人都冇既。送既冬蔭公湯都幾辣套餐既龍眼冰好甜冬蔭公豬頸肉湯河豬頸肉幾好食，河粉唔係好多，個湯睇落幾淺色但食落都幾濃味咖哩雞飯D咖哩都OK，唔係辣，不過都唔係好夠椰汁味，比想像中多雞肉另外叫左個海鮮炒河，不過唔記得左影，勁辣，海鮮唔係好多另外加錢，就有小食+甜品，小食我地揀左串燒甜品係大菜糕，就唔係幾好食，同埋竟然咁細舊總括而言，食物味道唔係幾好食，賣相都唔吸引，不過價錢又唔係真係好平

在九龍城食開的小曼谷，之前在元朗開咗分店之前終於有時間嚟試餐牌都唔使睇，馬上落單叫至愛菜色泰式生蝦刺身$98 好新鮮,蝦肉好爽好甜唔梅, 配埋酸辣醬更惹味泰式飛天炒通菜$78菜好幼嫩冇炒過熟,d泰式醬鹹鹹香香小小辣,好醒胃泰式鮮蝦炒金邊粉$76金邊粉炒得剛好冇黐埋一嚿, 加埋青檸汁酸酸甜甜,唔油膩好開胃泰王咖哩炒大蜆$118咖哩好香椰汁味但唔辣,配海鮮食一流,啲蜆都好新鮮,好甜又冇沙,隻隻都開口叫呢個餸一定一定要叫烤薄餅點埋汁食!$28飲埋龍眼冰和泰啤, 就是一餐完美的泰菜!

今晚得返我同細佬食飯，好似好耐冇食泰國菜，等我上OpenRice睇下先! 其實元朗都有好多泰國餐廳揀，今次就揀左嘉城附近既小曼谷!2個人叫左個泰皇咖哩軟殻蟹 - $158軟殻蟹外脆內軟，又香又好食，而且份量都唔少!咖哩好香濃，唔會好辣，仲有好多蛋花係入面! 法包好大隻，連埋咖哩一齊食真係絕配!見到隔離枱食炸豬手，又香又脆!!! 我都忍唔住想叫返個，但又怕熱氣! 所以我地叫左個特色燒豬手 (6隻) - $93燒豬手入面好嫩滑，骨膠原好重，仲配埋蝦片，好食!

是日天氣太熱，所以想食些較開胃的美食，結果揀左泰菜！星期日仲要有set lunch ，便入內試下，餐廳座位不太多，但環境整體企理乾淨，最重要係冷氣夠涼餐牌都幾多選擇，仲包飲品及冬蔭肉碎湯添這樣的價錢實在難求我點了小曼谷炒米粉餐跟熱龍眼水味道好似星洲炒米，最誇張係配料多過炒米尤其豬頸肉條特別好食最正係杯熱眼龍水往時飲開的又淡，飲完喉嚨又乾涸的。但呢杯係超濃龍眼味，甜度又適中，飲完仲超順喉！一定要試另外也點了泰式黃咖哩燒雞扒飯餐跟凍啡個咖哩汁好惹味，辣度又剛好不太辣，雞扒也不過不失反之凍啡的味道好奇怪，我倆都接受不到，結果飲左幾啖就放棄了跟餐的冬蔭肉碎湯，唔夠辣又偏酸，但天氣咁熱，飲呢個好醒胃價錢咁商宜的小店，會繼續支持

今日係元朗『小曼谷』lunch，大約12點，舖面仲好靜，不過環境幾舒服，乾淨又好坐～午餐款式多，唔算貴，又無加一，仲送埋湯同飲品，望落都幾吸引～揀黎揀去，最後叫左「小曼谷炒米粉」同「龍眼冰」出餐速度比預期慢😕先黎一碗跟餐嘅「冬蔭肉碎湯」頭一啖超酸，之後愈飲愈咸⋯⋯😰說好的肉碎失蹤了，只有幾片菇。「小曼谷炒米粉」好大碟，無論係米粉定配料份量都好足！不過整體味道偏淡，但係好油🙊食左幾啖巳經好濟⋯⋯另外唔係幾中意呢隻碟嘅設計，太平坦，啲食物好易跌曬出去🤔成個餐最合心意嘅係杯「龍眼冰」😍味道清新，唔會太甜，而且龍眼肉好多👍🏼👍🏼👍🏼

唔講唔知元朗都開左小曼谷，以前在屯門返工個陣成日同同事去食㗎，是晚經過發現元朗分店，即刻轉場同屋企人食個晚飯先。店都幾細有啲迫，但店員有禮，很快送上餐具，水同餐牌，感覺還不錯。燒安格斯西冷牛小排（$188）先來一份牛小排，價錢比起西餐實屬抵食，但質素絕對比得上据扒的，牛小排勁好味，再配上旁邊那個酸酸辣辣的秘制醬汁實在好味得沒話說！半肥瘦牛油甘香，牛味十足，超正呀！馬拉盞炒椰菜苗（$83）再黎炒個菜，椰菜苗好有咬口，馬拉盞鹹香好鮮味，送白飯一流。泰皇咖哩法包軟殼蟹（$158）咖哩軟殼蟹又係正，啲咖哩汁好有椰香，又香又滑夠濃味，法包吸滿咖哩汁超香口，食到停唔到口。泰式鮮蝦炒金邊粉（$76）最後再加多個金邊粉，炒粉都不油膩喎，加少少青檸汁更香口，好味好味。酸梅樂＆芒果椰汁沙冰（$36/ea）來食泰國菜當然要叫杯泰式特飲，見有酸梅樂咁特別就試下先，鹹鹹酸酸好得意，估唔到酸梅加可樂又幾好飲喎。朋友杯芒果冰都好正，好有椰汁味，芒果夠熟好香甜，又係好好飲。食物有水準，份量足價錢又合理，有下次～

成三點幾都仲未食午餐，經過見到教育路新開左一間泰式餐廳，就入去食個下午茶先。個炒飯好有味，所以都幾好食，我相信落咗好多調味料。不過小食跟咗個酸辣鳳爪覺得差少少，舊椰汁糕直情唔得。另外個芒果沙冰都幾好味嘅。

九龍城的小曼谷吃過很多次了，對我來說交通真的很不便，從此朋友約吃飯我也迫於無奈缺席。元朗有家名叫小曼谷的餐廳，見到連logo也一樣才知道是分店，立即組隊吃一餐！元朗店位置就比較狹窄，大概十個座位左右，想避開人潮可以選擇早點來（但六點已經滿座了～）點菜後大概10分鐘內就全部上桌，效率極高！豬頸肉沙律是必點之選！！吃過的就知道這裡是多肉少菜（笑）必須說，辣勁十足，怕辣的千萬不要點這個啊（呵呵！）喜歡泰式酸辣就會超級喜歡，直達上癮級！洋蔥和芫茜和辣椒粉配合得很好，辣得跳舞～另一款必點之選是炭燒牛小排，大概是7成熟，外面炭香味十足，內裡則是香濃的牛肉汁！$188一盤說真的是物有所值，比起去西餐廳吃牛扒便宜～分量還挺多的！炸軟殼蟹咖哩農夫包，這個也是我經常吃的菜。今天的軟殼蟹我覺得是稍為炸過頭，所以有「否肉分離」的情況。不過咖哩依然很有水準，內裡有不少蔬菜吃着也挺不錯的。沾滿咖哩的農夫包我們也吃光光不浪費！最後也得吃點菜平衡一下（笑）馬拉盞炒椰菜苗，馬拉盞味不算濃，不過自己就是很喜歡椰菜苗，特別有泰國風味，吃著感覺清新。除了豬頸肉沙律很辣之外其他的菜都不算辣，不過想解渴也得要喝杯特飲。這裡的青檸