小曼谷泰國美食 (教育路) (已結業)

元朗教育路有間舖我食咗好多年，今次發現咗呢間泰國菜餐館，有機會又會成爲我下一個經常幫襯的餐廳之一。海鲜孖寶有4+4嘅選擇，『牛油蒜蓉燒大蟶子』和『燒脆皮白鱔』係海鮮迷我嘅選擇，蟶子結實彈牙好好食，食得開懷，白鱔皮脆脆哋，白鱔肉香滑鮮甜美味有油香。『泰式濕炒牛肉河』牛肉多够入味，平時食得乾炒牛河多，適時變吓都唔錯；『雞肉沙嗲串燒』和『豬肉沙嗲串燒』都唔會燒得太乾，而係好juicy。呢間舖用咗原隻芒果整嘅『小曼谷原隻芒果糯米飯』份量足，椰味濃，值得推介。

平日想食泰國野，都會想起九龍城的小曼谷泰國菜，但係原來元朗都有分店，一於試一試有冇分別先😊！冬陰功湯(細）$95每人一碗，足夠四人飲用，湯底濃郁，香茅、南薑、和檸檬葉，味道特出，酸酸地帶微辣，十分醒胃😋！泰式鹹魚炒椰菜苗🌱$78爽脆帶點香口，加上鹹魚🐟就更加惹味，鹹鹹香香，食唔停口，好少地方可以食到呢種菜！夠哂鑊氣👏👏👏！冬陰辣酒煮東風螺 $133平日在打冷店先食到的一道菜式，估唔到喺呢度都食到😊 肉質鮮甜爽脆的東風螺，除了辣酒的味道外，亦多了一陣冬陰公的味道，醬汁層次立即提升，食完一粒又一粒，好惹味😋😋！🍍菠蘿沙冰 $26/🍋青檸沙冰 $30食泰國菜必點沙冰😊，酸酸甜甜又冰凍，炎熱夏天☀️飲用，爽！

長期上通宵班的朋友，終於放假，可以專程入來元朗找我吃晚飯。朋友想吃泰國菜，我二話不說提議吃小曼谷泰國美食，她說好，她也未吃過小曼谷泰國美食。鮮芒海鮮炒飯是道大人小孩都會愛的炒飯，以芒果和海鮮為基底的炒飯一向是我的最愛。芒果鮮甜無比，讓人食慾大開，海鮮給得不手軟，飯粒粒分明具鑊氣，拌入肉鬆，垂涎欲滴。泰式燒盲鰽可以先嚐一口原味，再醮點酸辣醬汁，配一口邊緣被烤的酥脆外皮，鮮芒海鮮炒飯沒多久已能見底。盲鰽肉質部份油脂比想像中豐富，新鮮滑嫩的魚肉好入口，細膩的口感讓朋友點頭說好。小曼谷泰國美食的蟹肉雞絲魚肚羹真是深得我心，我真的愛透它呢。蟹肉雞絲魚肚羹一次過品嚐海陸到海陸滋味，魚肚口感彈牙，雞絲蟹肉細緻，蟹肉雞絲魚肚羹整體層次極佳。​​夏天來臨，椰青盛產起來，朋友一看到這裡有椰青選擇，馬上勾起她對椰青的思念。椰青原汁原味，天然的清甜生津止渴，是最佳的消暑飲料。芒果沙冰完全是為了夏天而存在的飲品，喝起來超下火，芒果沙冰香甜極致，果味十足，幼滑順口，冰涼清爽。

近排特別喜歡食泰國菜，平日去開九龍城食的《小曼谷》，就連去到元朗都要食返餐先😊！Scan QR code電子落單夠晒方便！泰式生蝦刺身 $98晶瑩剔透既外觀，食落肉質夠實，沾上特製醬汁，鮮甜又惹味👍🏻👍🏻！泰式鐵板蠔餅 $108蠔餅外層十分酥脆，散發濃郁蛋香，再配上鮮甜蠔肉，口感有點像炸蛋餅一樣，再放在鐵板上 ”渣渣聲” 送上，視覺和口感同樣出色😅😅！風味燒豬頸肉 ＄92一放底已經聞到好香，肉質淋身易入口，唔乾身之餘重帶焦香，再沾上泰式酸辣蘸汁，風味絕佳👍🏻👍🏻！椰皇沙冰 $30淡淡椰皇香之餘，因為加入了少許椰絲，所以令沙冰多了一份口感，微微甜度，止渴一流！

今晚喺元朗市食埋飯先翻屋企，朋友鐘意食濃味食物，我估呢度佢會like. 呢度地方唔係好大，裝修簡潔、乾淨企理， 而且性價比高，我不時都會黎幫襯。我地點左個泰式飛天通菜，呢個係我每次必點的。通菜炒得香口惹味、辣度滴中，可以中和返泰菜嘅油膩感。蒜爆胡椒炒虎蝦，另一惹味之選。虎蝦大大隻，鮮甜又爽口，食得好鬼爽！咖喱法包軟殼蟹，份量都幾大，咖喱味甜甜地，夾雜左不同香料，味道豐富。軟殼蟹炸得好酥脆，油份迫晒出嚟，唔會油淋淋，點埋咖喱一齊食，忍唔住食完一啖又一啖。椰皇沙冰味道清甜、香濃。鍾意啲冰打到好幼滑。以泰菜黎講，呢度價錢親民，而且食物質素唔錯，選擇亦多，短時間內一定會再嚟encore！

前幾日同朋友食完一間泰國菜覺得幾好食，孝順嘅我今次帶媽咪去食呢間泰國菜。今次呢間📍地址係元朗教育路個邊比較近當日做野地方。菠蘿炒飯同豬肉碎生菜包係我食泰國菜一款好想點嘅菜，主要覺得點招牌菜冇咁易中伏加上本身鍾意酸酸地又甜甜地嘅食物，😋覺得好開胃～佢哋舖頭唔係好大間，但都坐滿晒人，而且服務員態度又真係唔錯喎，抵佢地好生意！下面分享一下我今次點左嘅菜式啦～🔹 $92 風味燒豬頸肉🔸 $82豬肉碎生菜包🔹 $76 泰式鮮蝦炒金邊粉🔸 $78 菠蘿🍍海鮮🦞炒飯 甜品🍮 椰汁🥥西米糕

小曼谷泰國美食都幾出名，今次試元朗這間，質素不錯，服務態度又好。抵佢咁多人排隊嚟食。QR code落單好方便，每樣菜都都份量好足，食完大滿足！我地叫左兩個飯，一個泰式海鮮炒飯、一個菠蘿雞肉炒飯。開頭仲擔心菠蘿會酸，點知食落口十分鮮甜，有驚喜，入面仲有提子乾，甜味的炒飯值得一試，越食越上癮。另外泰式海鮮炒飯炒得好香，同時啲飯又唔會太硬，值得一試。泰國菜唔少得叫馬拉盞炒菜，今次我揀左炒椰菜苗，好鮮甜，蝦醬味好香。用嚟送下飯簡直一流。仲叫左黃咖喱牛腩，泰式燒豬頸肉，食到流晒口水叫左咁多道菜，加個椰青椰皇，好滿足，好香椰子味，清涼解喝，又大杯，飲完仲可以慢慢刮啲椰子肉黎食，正

好耐冇食泰國菜，今次同朋友嚟咗元朗呢間小曼谷泰國美食夜晚七點嚟到就唔使等位，越晏就越多人排晒長龍。用QR code落單好方便，首先嗌左個椰子雞湯，好足料，超多雞肉係入面。再叫咗個海鮮孖寶，入邊有蒜蓉牛油燒虎蝦三大隻，仲有蒜蓉牛油青口半打，蒜蓉味超香超入味蝦肉好嫩滑，好食好食仲有風味燒豬頸肉同埋牛舌，大推豬頸肉！分量超多，燒得超香肉味又唔會太鞋，牛舌都好嫩滑。在叫咗個黃咖喱牛腩，黃咖喱唔太辣啱晒我入邊啲牛腩都好香好入味泰式海鮮炒飯，夠晒獲味試埋佢個泰式凍奶茶，唔同港式奶茶，飲落果然夠香夠特別，好似去咗轉泰國咁。整體來講啲嘢食都高質，價錢適中，想食泰國菜不妨可以嚟呢度試，落完單上菜亦都好快，唔怪得走果時見咁多人排晒長龍

元朗出名多好野食，今晚選擇左泰國嘢「小曼谷」。❣️串燒 - 牛肉/雞全翼/牛舌一行入餐廳就係一個open kitchen，比你睇到泰籍廚師係度燒串燒，咁仲點可以唔叫幾串食下呢。串燒既叫既燒，黎到又夠熱又夠香，好鬼吸引。牛肉唔老唔鞋仲有肉汁，牛舌唔會韌而係夠淋，而雞全翼燒到岩岩好，雞皮脆而入面肉嫩，仲夠曬細心剪開左，食起上黎夠方便。❣️泰皇咖哩法包軟殼蟹呢樣超大碟，成隻軟殼蟹炸得好脆好惹味，就咁食又得，點咖哩汁食又得。大大個法包入面係咖哩，咖哩唔會太辣，但係食到有好多香料，好濃好香。咖哩裡裏仲有好多蔬菜添。而個法包沾滿咖哩汁，勁正！❣️泰式蒜茸包見有咁多咖哩汁就真係唔好晒，今餐唔食飯唔食粉，叫多份蒜茸包，點咖哩汁食。蒜茸包都係即焗，蒜茸味好夠，即使唔點汁食都好好味。❣️芒果沙冰芒果味夠濃，好Smooth，飲得出成杯野芒果既比例佔好多。食完串燒、咖哩之後整反杯凍冰冰既沙冰真係勁享受，將頭先食既濃味野中和反曬。❣️小曼谷原隻芒糯米飯真係成隻芒果原隻上，配上淋滿晒椰汁又熱辣辣既糯米飯，超級好食，仲要芒果係夠甜一d都唔酸。❣️泰式甜點餐廳最尾仲送左四件甜品比我地食，雖然係送既，但係都好味道，特別係雙色椰汁糕

和朋友放工後來到元朗小曼谷，緬懷一下泰國風味﹗店舖可以用QR code 落單，十分方便﹗泰式干炒海鮮米粉$73:炒得色澤不錯，干身入味，入面配菜不少，有小蝦隻、小魷魚、小帶子等，材料豐富。冬蔭公湯細$95:下面有小火爐坐熱，香料充足，香芧、南薑、紅辣椒味重，仲有兩隻大蝦、秀珍菇，辛辣惹味，用黎撈麵一流。小曼谷原隻芒果糯米飯$70:賣相吸引，芒果算清甜，糯米煙韌，甜在心頭﹗泰式馬拉盞炒通菜$78:通菜嫰綠清爽，蝦米蒜頭， 香辣惹味~另外點了三串串燒，分別係牛肉($15)、雞腎($15)同牛舌($28)沙嗲串燒:自己最鐘意雞腎串燒，香脆又有咬口~泰式龍眼冰$26:入面真係有幾粒大大粒龍眼肉，清甜解渴﹗食物質素不錯，好有泰國風味﹗

簡簡單單食餐泰國菜 估唔到幾有驚喜小曼谷呢間野都聽過幾次 好似周圍都有🤣店鋪係小店形式 但都坐得舒服 仲可以QR code落單風味燒豬頸肉 $92份量超級多😂 燒到外皮脆脆地 肉嫩有口感配上酸酸辣辣嘅汁好好味😻小曼谷炒飯 $80用蛋包住炒飯 炒飯底好香 炒得粒粒分明入面都好多料 有蟹柳 扎肉 豬頸肉 蝦 男朋友大讚呢個飯🤣泰式炸芝士蝦丸 $88起初覺得都幾貴 但原來超大粒😂 蝦丸爽口彈牙 又即炸嘅脆卜卜入面就係芝士流心🤤 仲拉絲架！！芝士係漢堡芝士沙嗲串燒 - 珍寶腸 牛舌沙嗲醬好重沙嗲味仲帶奶香 珍寶腸仲燒到外皮脆～椰皇 $30 椰子水好清甜 邊飲邊挖啲椰子肉食🤤珍多冰 $32椰香好重好香椰奶味 底下係三色啫喱

與媽媽在元朗食黃店小曼谷，食到好飽！今晚最出位嘅係用椰青焗的椰汁海鮮焗飯，整個飯內外佈滿濃濃的椰汁，飯的份量出奇地多，而且夠熱，帶子和相對凍的兩隻青口很鮮，加上提子乾，配搭有趣又很夾。黃咖喱雞也椰味濃，最重要是咖喱醬多，將醬淋落烤得香軟的薄餅或飯吃，好好味！整烹咖喱醬吃完！冬蔭功叫了細，仍感到份量大(飲完一個碗仔又一個)，鮮味彈牙大蝦祇有兩隻則略嫌少。冬蔭功的酸辣味似足在泰國吃到的，一看玻璃廚房，泰國廚師啊！芒果沙冰飲時都像吃了真芒果，略嫌打沙冰時冰的份量似乎比芒果肉多。($390)

提早在下午茶時段解決晚餐，這間餐廳實在是不錯的選擇！兩個人叫了三個下午茶餐，另加一個小食，份量足又好味！一坐下，店員就送上兩碗冬蔭功湯不用錢，免費送上，也沒有期望太高，有些許蔬菜湯渣都不錯這個黑椒牛仔骨配木瓜沙律，$40的份量都多。青木瓜味道偏淡、沒什麼辣味。這個蝦膏炒飯，份量好像午餐一樣大。鋪面的雞蛋比較隨意味道是不錯的！最推介是這個黃咖喱雞配薄餅、好好味！薄餅又香又鬆脆，黃咖喱的醬汁很多，本想另加2塊薄餅，但要$30，這個下午茶只需$40，沒理由加$30要2塊薄餅，不划算⋯就打消念頭⋯另外加$22 要了這酸辣鳳爪，夠辣！不錯！

有睇開小編嘅post就知小編有幾鍾意食泰國菜🇹🇭每隔幾個post都會有一間食泰式嘢食嘅餐廳🤣今次都唔例外，小編好容易比泰國菜吸引到，所以今次都係食泰式嘢🙈本身係想食隔離嗰間夏捌月💛不過見咁多人排隊食就想分散投資，去咗隔離呢間小曼谷食😆座位唔算多，環境同衛生都好一般，不過勝在性價比高👍🏻==============================🇹🇭 小曼谷泰國美食 (教育路) @minibangkok📍 元朗教育路50號兆明樓地下A號舖 ⏰ 星期一至日 12:00 -21:30==============================1️⃣【泰式鮮蝦炒金邊粉】$50份量都算幾多，食到最尾差啲食唔晒🤣顏色偏淺，以為會比較淡味，點知真係偏淡😂不過好彩有青檸🍋可以加落去，酸酸地幾開胃🤤金邊粉炒得幾爽，唔會太濕，又唔會一夾就散，炒嘅時間啱啱好配料有兩隻大蝦🍤幾爽口，唔會梅，如果再有多幾舊就好啦🙈韮菜同芽菜都係無炒過，個人認為比較生，食唔入口😥(🔥怒食指數：7/10).2️⃣【冬蔭豬頸肉湯河】$48睇個湯底以為好辣，有啲淆底🥵原來係虛有其表🤣湯底偏酸，亦多咗一份香料嘅韻味，味道極似正宗冬蔭公湯底豬頸肉

<元朗抵食泰國菜💛>~~🍗黃咖喱雞肉配薄餅 $40呢個係下午茶餐 以呢個價錢都算大份🤩咖喱用一個金屬碗裝住 食嘅時候熱辣辣🔥黃咖喱味道好香😋 椰汁味🥥偏重 後勁都有少少辣雞肉嘅份量好多 起碼有7-8件 係有骨嘅雞件 肉質唔算好嫩滑薄餅有兩件 非常香脆🤤 食落去唔算好油膩 點咖喱食真係好惹味😋 整體$40真係好抵👍🏻.🦪鐵板蠔餅 $108散叫咗呢份蠔餅 size都係好大個🙈🥚蛋香味幾重 蠔仔分量唔算好多 但每一粒都幾飽滿 而且冇腥臭味👍🏻鐵板睇吓仲有啲芽菜 食落冇咁膩😌~~評分📈味道 7.5/10環境 7/10性價比 8/10—Rating 📈Taste 7.5/10Environment 7/10Worthiness 8/10~~🏠小曼谷泰國美食📍元朗教育路50號兆明樓地下A號舖