小曼谷泰國美食 (已搬遷) 新店位置

因為近近地, 間唔中都會唻小曼谷食, 以下係經常點o既菜:-柚子沙律 : 泰國特式沙律, 個人喜歡食, 不過都試過沙律中的花生有怪味-酸辣鳳爪(沙律) : 要食得辣先好叫-串燒 : 必食-蒸魚(爐魚)/燒魚(烏頭) : 呢度d魚都幾好味-咖喱蟹 : 呢度點咖喱, 個人覺得最好食都係蟹. 要唻點包都ok, 味道o岩o岩好-生蝦刺身 : 必食-冬陰公 : ok, 不過不失, 每次唻都總會叫湯-沙冰 : 因為始終味道有返咁上下濃&辣, 沙冰都係必叫, 我鍾意西瓜夠解渴其實呢度d泰國菜口味幾o岩香港人食, 唔係話食完會覺得超好味, 不過可以間唔中唻, 可encore!

成日同男友行過呢到,見到超多人排隊, 所以咪打算去試囉..... 入到去之後, d招呼已經麻麻架啦... 仲要我同男友面壁食野... 唉.. ..都算.. 以為好好味可以level算數... 點知......d串燒超chewy.... 又唔夠熱.... 比同區其他串燒差好多..... 蒜茸包.... 一d都唔脆,成pet野甘..... 點完咖哩都唔覺好味.... 不過好過冇甘啦... 蝦醬炒通菜,鹹到阿媽都唔認得..... 個咖哩炒蝦嘛.. 一般,冇o羊特別窩 總知一句講晒,唔會有下次.......

小曼谷~ 一看名字就知道是食泰國嘢 而且就連一向識搵識食嘅的士司機都極力推介第一次去食是父親的生日記得當時六點準時到雖然有訂位不過去到都係要等等了十五分鐘先被安排入坐不過大家要有心理準備去得九龍城食飯一定是呢種食完都要急急腳走而且唔好期望有寬闊舒適的座位至此之後一有時間都會去幫襯每次必叫的有以下數款1. 蒜蓉飽- 雖然有點硬不過就好香一定要襯熱吃2. 串燒- 特別鍾情雞翼/雞腎/大香腸3. 炸蝦餅相比其他的同區的泰國食品小曼谷的價錢十分經濟出茶快多品種不過服務就有待改善有時叫了數次可能都沒有人可以幫忙落單如果想食得舒舒服服可以選擇星期六或日下午一時左右去到人不會太多太吵又可以好好享受美食

昨晚一行5人去咗小曼谷吃晚飯, 吃完個人覺得全部的味道都淡了些和味精超多,回到家我喝了2大杯水,完全無想像中和其他人所說的那麼好吃.

I've just had my worst dining experience at Mini Bangkok Thailand Restaurant. Both the food and services are below standard.When my family and I walked into the restaurant at 6:30pm, the waiter asked if it's OK to hand back the table at 8:30pm. We said it should be OK. We ordered ten dishes, including Tom Yum soup, red curry seafood, two types of Thai salad, Satay beef/pork/chicken/squid/pork neck, green bean thread with prawns, salted fish stir-fried with Chinese broccoli, stir fried vegetable

好久未試過一連兩天吃同一店, 是日趁跑完三千之後, 就來了個頌揚小局, 繼續係吃小曼谷.六點來到, 還有位的, 晚了就一定要等, 無得揀. 是晚人多了, 也係要多了幾樣菜色.西瓜沙冰$15: 9分, 跑完之後嚴重缺水, 加上天氣轉熱, 飲杯沙冰最好不過. 這個西瓜沙冰清甜解喝, 飲落口係即刻涼浸浸的, 要連飲兩杯先夠皮.馬拉棧炒通菜: 8分, 當然係要返碟菜, 揀了這個馬拉棧炒通菜, 泰式炒法, 加上蝦米, 辣椒, 跟平日吃開的不太一樣. 香口的, 係偏油了點.冬陰公: 8分, 弟兄M係度, 也想要辣野, 其實小弟一向不太受得, 也飲了一碗.最初真係覺得幾辣, 但飲飲下又帶點酸味, 最後都飲完一碗, 比想像中好成績.沙爹串燒: 雞$8, 腎$8, 雞全翼$9, 豬頸肉$11, 鮮魷魚$11: 9分, 上次吃過的豬牛認真麻麻, 不再要了, 反而係要了雞, 腎, 鮮魷魚同埋再要雞全翼同豬頸肉. 想不到鮮魷魚係好辣的, 上面有一大達辣汁, 吃完要連飲幾啖沙冰先頂得順, 不過又相當香口的, 吃一件也不錯. 又係弟兄M提出要叫的腎, 幾有咬口, 也幾好. 雞肉燒得帶點焦的. 其實這裡的串燒委實做

係外地, 常常有不同的迷你版地方, 例如小東京, 小越南等等, 讓人身在外地也能夠感受到本族風情. 係九龍城, 也有一個迷你的曼谷.這店係長年有一大堆人係門口等位, 是日練完歌見時間尚早, 就來了這裡試試. 等到六點開門就有得直入, 想來這裡食, 這個方法都幾好的. 地方不算大, 我們二人坐係單邊, 親蜜一點也可以.青檸沙冰$15: 9分, 吃辣野, 最好就係喝杯凍飲解一屆辣. 沙冰係這裡的招牌飲品, 有好幾種選擇, 最後要了青檸, 沙的效果幾好, 酸酸的好開胃.咖哩炒蝦$90: 8分, 兩個人, 食力不太, 不能夠叫咖哩炒蟹了, 就要個咖哩炒蝦. 當然, 應該蟹係比較出名的. 咖哩的辣度其實好低, 反而有點點甜味, 小弟吃也完全無問題. 或許喜愛辣的會覺得不太對口味, 小弟就覺得剛剛好. 其實都係要個咖哩汁來點蒜蓉包, 蝦反而只係配角. 蝦都有鮮味的, 但係好像不太能夠吸收到個咖哩汁, 有點不相往還的感覺.泰式蒜蓉包$17: 8分: 一客四件, 正好一人兩件. 這裡係用上法包的, 本身件包好香口, 硬硬的, 點上咖哩汁之後軟了點, 剛好. 蒜蓉味不會太多, 係好適合用來點咖哩, 也不

最差係餐廳環境，好有ＣＡＮＴＥＥＮ　ＦＥＥＬ中間位置係一張長枱。等左半個鐘頭左右就入到去，必試係蝦餅同甜品首先叫左個椰子冬陰公，吾會辣，怕辣者可以試下，椰香味好重，串燒叫有猪肉，雞肉，尢魚，猪頸肉，尢魚好辣，最好味係猪肉，其他就一般小食拼盤就只有蝦餅最好食，其他又係一般青咖哩，好味，配蒜泥包一絕甜品最值得試，我都吾知叫麼名，總之係用竹葉包住，面頭係白色的椰汁，南瓜布丁。

一行五人見這店好多人排隊，便參與其中試過究竟。座位好迫，坐圓櫈，泰式姐姐把餸菜在頭頂經過，有熱有凍，十分刺激。由於都有五個人，所以都算可以盡情點菜：冬陰公湯：無蝦頭味，只用了基圍蝦，不太香，味道一般辣鳳爪：好辣，味道幾好泰式柚子沙律：用了本地龍威柚，不是泰國金柚，味道較遜，得個辣炸蝦餅：趁熱食就好食，只略嫌用多了點包糠去炸煎魚、炒飯：兩樣都無特色，就如平價茶餐廳水準食完俾錢時，覺得都不太扺食，但已不記得幾錢。好食的泰國菜都有好多間，只可惜不是這間。

初三下午,叫了濕炒牛肉河$40,香草海鮮炒飯$40 (再加一)牛肉河一貫咁好食,夠大碟及好多芥蘭,牛肉有鮮味但個飯就好辣,唔明白點解紅辣椒要落得咁重手,是否換了廚師?聽到身邊兩枱的人都埋怨辣到顛,都說平時唔係咁辣

上次見好多人排隊,今晚9點後去試吓,點知D野好Q鹹,又唔比水人飲,飲晒又唔叫唔再加水.紅咖喱牛肉好UN >.<下次試第二商間.

雖然d位坐得唔係好舒服, 但好有泰國風味, 有少少好似去左泰國咁! 我同一個friend叫左個酸辣鳳爪, 我建議唔食得辣既人一定要叫佢將d汁同鳳爪分開, 因為真係幾辣!個馬拉盞炒通菜都不錯, 一d都唔老!另外兩個湯河都好有泰國feel, 整體都幾好!

本來係一間又平又正既泰國菜,現在已經大不如前..之前食過一次,其實都幾好味,特別中意佢個生菜包,係成名菜,生蝦都好野味,加上people mountain people sea,氣氛一流,侍應門你一泰言我一泰語,增加不少泰國滋味,再加枝泰啤,係享受!但係今次再去,食物水準下降了,特別係炒類,味道普遍太鹹,不知是否換了人炒??好在生菜包同酸辣蝦仲不是太差,不知是否這個原因人客都少了,希望店長多多改善吧!

好多謝寶貴的意見!!!!我會檢討一下,盡快改善....另外我要講番一聲.....若果在甜品屋食晚餐,雖然係在大鋪拿來...但係會用蓋保護D食物.......

2007年12月1日夜晚同朋友一齊黎食左泰式炒蜆- 有沙,同埋太少牛肉串- 肉太厚蝦膏炒通菜- 好味海南雞飯- 雞肉唔滑總體黎講,可以試下,但係下次會試第二間