小曼谷泰國美食 (已搬遷) 新店位置

星期日晚去試左,8點去到都好多人排左半個鐘先有位!點左...(1)泰式炒蜆好正好鮮,不過辣返少少會更好!同埋有幾隻有沙...(2)黃咖哩海鮮太稀,好少海鮮,只有3隻蝦仔!potato得兩舊,唔夠喉~~~加上椰汁味蓋過咖哩味呀!搞到好香但係冇乜辣味,下次會叫紅咖哩!(3)蒜茸包拎上手仲暖,好脆點咖哩食一流!(4)蝦膏炒飯呢個最好食,唔會好咸同好油而且欣賞佢上面有隻蛋,同個飯好夾!d蝦米又香,最快食哂呢個!(5)椰皇沙冰好飲,夠凍,又有d椰子粒粒!推介呢個...d阿姐都幾好service識得加水同埋我地點完野想轉款佢又即刻幫我地入廚房改值得一讚!

果日星期日,2個人,都未夠7點已經好多人排隊,我地大約等左1/2鍾就有位1/酸辣鳳爪~好味,但真係好好辣2/馬拉盞通菜~味好濃,菜炒得太老,唔好食3/蝦膏炒飯~幾好味4/泰式炒蜆~蜆都幾甜,普通啦4/青檸沙冰~ok埋單獨$173

好多謝大家對小曼谷支持!!但有些對店鋪不滿意深感歉意~~1.服務態度方面:由於她們是泰國人,不懂得語氣方面調教,所以講出來的語氣比較重左。甚至有D根本不懂得表達意思,請大家原諒...我會檢討一下。2.食物質數方面:由於這幾日酷熱天氣,廚房內達到40度,所以可能水準方面出現少許問題.....大家給我總陀主,意見我會一一檢討.....請大家放心.....多謝一路對我們的支持....身為總陀主會盡快改善!!!!

我個日去九龍城見到泰菜,之後入左去同理男朋友.....叫左生蝦好爽,炒通菜夠蝦膏味,椰皇沙冰好好味加分!!芒果沙冰好有芒果味!!小曼谷炒何ok,串燒好味.....叫左雞,朱,雞亦,總括係ok.....下次再去...HE..HE

九龍城的泰國菜館的名氣挺大, 再聽友人介紹這間泰國菜館, 價錢合理而且味道亦佳, 即使在節食期間也想一試.或者是名氣太大的關係, 不免帶點期望, 然而失望卻總是如影相隨.是次點了咖哩炒蟹, 碟是大, 汁也很大, 但相對來說真正主角的份量好像渺小了點. 整隻大碟剩著是咖哩汁及小蟹一隻, 無疑咖哩汁味道剛好, 香濃得來又不太辣, 不吃得辣的朋友也可一試,值得一讚, 用來舔蒜蓉包就更出色. 然而談到我的小蟹, 讓人吃得不夠喉啊.還點了炸軟殼蟹, 這隻蟹比例上還挺大的, 但略嫌不夠香脆.再來一個小食拼盤, 大大碟, 又可一次試四道菜, 吸引了貪心的我. 其中有春卷, 魚餅, 蝦餅及香葉包雞. 忘了小時候的一個教訓, 貪心的都得不到好報. 四件東西只有春卷值得一試, 魚餅蝦餅都太油, 香葉包雞更叫人汗顏. 沒有香葉味, 吃下更是起渣的.整體來說只屬一般, 八時多九時到達, 仍有不少人在等位, 我看又是一個名大於實的食肆吧.

o係openrice 見到佢有咁高評價,一路都想黎試下,但次次都唔想等位~~星期六下午,見唔駛等位就滿懷希望衝左入去;叫左:1) 牛肉湯河:湯底淡而無味2) 鹹豬肉炒椰菜苗:味道OK,BUT D 菜老左D3) 酸辣粉絲扎肉:無咩特別4) 小曼谷炒飯: 賣相唔錯,但味道就....唔知係咪唔記得落鹽,完全無味~~~~雖然價錢唔貴,但咁O既水準唔會令我有再想光顧的慾望~~就算同佢差唔多的價錢,都有大把餐廳好食過佢!本人推介九龍城的同心, 及藍田的珍記(不過呢間最近搬左去附近的另一舖位,裝修緊,可能要過多一排先有得食)同心的電話我唔見左,珍記的是27174829, 大家可以去試下!!!

三五知己食泵泰國菜,好多人!!有位入左去叫左蝦餅好大成個波敢!!冬陰湯夠酸開胃!!冰沙好味呀又夠生果味!!咖喱蜆配麵包不錯,下次都再去~~價錢底食!!

上個星期同三個朋友. 兩男兩女去左呢度食宵夜. 叫左生蝦, 冬陰公湯, 生菜包豬肉, thai 式炒金邊粉, 椰皇沙冰, 樣樣都好好味, 椰皇沙冰好清甜. 生蝦又鮮味不過第二朝我同個女仔都肚疴. 但d 男仔就冇事呢!

琴晚一行六人去左呢度開餐: 芒果沙冰好甜好凍~~正串燒: 有牛, 豬, 雞, 鴨腎同豬頸肉, 我就覺得牛同鴨腎最好食, 真係好野味架, 值得一讚, 仲有青木瓜沙津, 酸辣冇骨鳳爪同柚子沙津, 三種沙津味道都一般, 冇乜驚喜.到主菜出場, 我地叫左: 鹽燒烏頭魚, 炸蝦餅, 冬蔭公蝦湯, 泰式炒蜆, 炒菜, 泰式咖喱炒蟹同蒜蓉飽鹽燒烏頭魚就真係好好味, 佢地用特制既香草加上海鹽黎燒, 條魚燒得啱啱好, 又鮮又野味, 下次再黎一定要叫呢樣~~正炸蝦餅唔係好得, 因為d蝦唔係好新鮮冬蔭公蝦湯都唔錯, 有好多蝦同草菇(我既至愛)泰式炒蜆就麻麻地喇, 都食唔到蜆既鮮味, 泰式咖喱炒蟹都係一樣, 蟹又冇乜鮮味, 個汁又太甜, 用法式蒜蓉飽"點"黎食就好味d最差係個炒菜, d通菜好老好多渣, 我冇食過, 一來太飽, 二來個賣相都麻麻地埋單都係八百幾蚊, 我地六個人每人都係百幾蚊咋, 以咁既價錢食咁多野, 唔錯架喇!!

嘩～琴晚同男友，男友細佬同佢女友，一行四人去食，叫左以下菜式１.生蝦剌身２.冬陰功湯(小)３.串燒x4 (3雞1牛)４.馬拉盞通菜５.泰式牛肉炒飯６.菠蘿海鮮炒飯７.炸蝦餅８.青檸水兩杯,菠蘿冰一杯,青檸沙冰一杯結果今日我地四個都肚痛又肚痾，仲痾左十幾次！呢間野ｄ衛生好差，千祈唔好去食！

難得家中壯丁齊齊放假, 於是出外用膳.猶豫印度菜館與小曼谷間, 結果因泰國菜食物調味較合適炎夏而挑了後者.餐牌已有好幾個sets選擇, 無需煩惱.三個人, 點三個餐, 有蝦醬炒飯, 咖哩雞飯, 及炒金邊粉, 分甘同味.　先端上餐湯, 有冬蔭功, 有雜菜湯.冬蔭功略淡,　就算不好此道亦易入口.　雜菜湯, 看似紫菜湯, 其實是菜乾湯, 味道跟中式的幾乎沒兩樣.蝦醬炒飯, 初時擔心蝦醬味太強, 試一口, 又不會, 當中蝦乾又鹹鹹香香, 結果碟飯最快被清光.自己素來不好椰漿, 厭其太甜膩, 故而泰式咖哩都不太討我喜. 咖哩雞飯, 只嚐了件薯仔, 咖哩倒不會太重那種椰漿甜膩而難以下嚥.炒金邊粉, 配料大概有蝦, 蝦乾, 豆乾, 甜甜地, 味道是好, 卻在三者中略顯普通.飲品要了酸梅冰, 個人認為較龍眼冰好, 至少不會只得糖水味.最後, 三個人肚都撐住了, 甜品吃不下.

捨棄泰菜鐵三角之冬蔭公、咖喱蟹、蒜蓉飽經友人推介要了：咸魚炒椰菜苗- 爽甜清新、很喜歡小小的菜頭特別嫩、當然小曼谷一貫的夠氣歸工不少菠蘿抄雞翼- 是粵菜的生炒骨，豬肉換上小小的雞翼，外皮有質感(是經過油炸)、肉質夠滑，是不錯的變奏炒蜆- 汁甜甜的味道特別，蜆大大隻的比前次吃的有鮮味，或許時間關係蜆浸的不透，有沙，令朋友有些失望蝦餅/牛肉/豬頸肉串燒- 還是首回試這個串燒蝦餅，將圓圓的蝦餅串在一起燒，感覺好可愛，重要的是，它是美味的；豬頸肉有一層厚厚的肥膏，女孩子一般見膏色變，但是我就很喜歡她那豐富的感覺柚子沙律- 賣飛花維

勁正！生蝦唔錯，個汁好開胃，不過冇苦瓜、蒜頭，唔得。蝦醬炒飯咸o左d，但d蝦米好好味~ 個飯都好好味~芥蘭炒咸肉d芥蘭老o左少少，大嫂話芥蘭冬天先當造，原來係咁，早知唔食住。椰汁雞湯幾香，不過酸o左少少。魚餅同蔗蝦勁大碟(多到你唔信)…不過味道一般。見人地枱咖喱炒蜆好正，下次必試！配蒜蓉包！正~全部野食都熱辣辣，值得一讚！

星期六，我同朋友兩個人專程到小曼谷食晚飯，之前經朋友介紹過幾次，次次都食到好飽，捧住個肚走，皆因佢唔係好貴，D又好好味，尤其係佢生蝦刺身同串燒。因為怕等位耐，五點九已經到達，不過原來都要等到六點先可以入座。我地叫串燒，生蝦刺身，金邊粉，菠蘿，仲有沙冰同甜品。嘩，個炒金邊粉呢，真係差到不得了，簡直無色無味，差D以為佢未炒就上碟。除D甜品同飲可以保持水準之外，其他都已經大不如前，下次都係試過第二間，睇下搵唔搵到驚喜。

唔知點解~依間特別多人去唔係真係想像中咁好食蔗蝦($45)~炸0野通常都好食...南瓜布丁($20)~ 依個唔錯~加分冬蔭雞湯($35)~最差依個....唔好食得個酸同死辣香芋海鮮焗飯($45)~好鹹...泰式濕炒金邊粉($40)~汁多過粉~不過胡椒味好重可能唔太岩我口味啦...下次會試第二間~可能會好食d