小曼谷泰國美食 (已搬遷) 新店位置

今天和朋友專程搭車去九龍城試一試這間泰國食店去到發現原來有兩間鋪頭都叫小曼谷幸好原來兩間都是同一樣 由於人多 店員分配我地去細間個到座...感覺有點奇怪去到坐低 翻食牌發現點解無套餐個d既於是我地唯有逐樣叫6個人 叫左 波羅抄飯 冬陰公河粉 海鮮焗飯 加里蜆 生蝦刺身 唔知咩野菜 煎羅白糕 6條串燒跟住唔知咩泰式拚盤先講環境....都幾迫下...間鋪細....我見到有人要坐到去廁所門口...俾我食都唔開胃....好似有店員系到食煙...勁難頂..(個陣間鋪得我地班人但我地唔食煙的)個d後生仔聽order無心機 寫留野兼落錯野....但上菜速度十分快到食個方面最優秀系個個海鮮焗飯同埋 加里蜆其中我最中意食加里蜆的汁 真的很好吃還給朋友說我瘋狂!最可惜是白飯要加9元 窮學生的我盡量慳得就慳其餘個d都不過不失不過 d野食份量少...其實我都預左埋單每人92蚊....除非有咩特別事幹 否則應該不會再去 因為沒必要走到九龍城哪兒吃泰國菜...見仁見智喇

What did I have last night?- Green Curry Pork- 串燒- 沙冰- '晶'烏頭- Pineapply rice- BreadTaste is good as usualSize okayManner okayClean level okayMy last nit's favourite dish is Green Curry Pork.

呢到成日都好多人排隊, 咪同男朋友去試下囉. 佢d野食ok, 尤其係冬蔭功noodle同串燒. 但係佢完全無service可言, 態度勁差, 又坐得咁舒服, 都唔知點解仲咁多人.

返完教會倒數,買宵夜返屋企.最重要買家人愛吃的牛丸,串燒牛肉.司華力腸和魚餅.牛丸正常.牛肉的牛無錯有肉味.最可惜燒得過火,乾了一點呢??墨魚餅我不愛香茅味太重,我不太喜歡,公道話如愛香茅的可以一吃,因為唔會燒得過火,肉餅好彈牙.司華力腸最好味,燒到外皮脆卜卜.基本上食材新鮮的話,火路控制得宜,燒都唔會話好難食.我覺得燒的食物醬汁也是靈魂之一,這間店的沙嗲汁做得不錯,加入食物當中更為惹味呢???食物價錢也好公道,只需9-11元1串.買了6串的串燒也只需55元,很經濟服務:尚算不錯,有禮.有漂白水抹抬時也會提醒顧客小心弄污外套,讚,小貼士:由於要等再燒食物關係,如果尚有其它食物要買,可以外出一會先行購買,因為昨晚只是幾串的燒烤最少也等了廿分鐘,不要以為多人等待,外賣單也只有3張.

好耐冇食過泰國野一食就食間好味既, 最好食係佢d 調味同醬炒金邊粉, 好味在於佢有d 花生醬味, 唔係好多, 但夠香小曼谷炒飯, 其實係蛋包住d 炒飯, 冇乜特別, 加埋d 咖喱黎食又幾正豬頸肉, 好味呀個汁, 酸辣既汁, 調得幾好豬頸肉本身有少少肥, 都幾爽口咖喱炒大蜆, 勁大隻囉真係, 大約每人兩隻左右不過最好味係個咖喱, 雖然唔辣既, 主要係甜, 但係好另類香草炒飯, 其實叫黎都係想撈埋d 咖喱, 都幾香串燒都幾好味呀, 我地每款叫左一串, 樣樣都燒得唔錯仲有配o個隻沙嗲汁, 好食!!!!!!!!$75一個人, 超抵食!! 勁飽

搞完一大輪, 都係決定黎九龍城搵食; 黎到九龍城, 又行左一大輪先決定食小曼谷, 真係幾經波折, 千揀萬揀先黎到; 小曼谷有兩間, 開正對面街, 一間給多人, 另一間給少人的; menu在手, 點了下例食物:冬陰功: 勁酸but只屬小辣, 友人指d酸味來自青檸汁, 但我不太喜歡, 酸得過份, 遮蓋了辣味, 特顯唔出冬陰功辛辣的味道生蝦刺生: 個汁酸酸甜甜, 幾醒胃; 但其中一只蝦一咬之下成條黑色的腸跌出黎, 當堂倒胃, 清理得唔夠潔淨炒通菜: 一般, 但菜身好老, 嚡口菠蘿海鮮炒飯: 略嫌細碟, 但算是整晚最出色一道菜肉片濕炒河: 飲完冬陰功後太刺激味蕾, 食唔出咩味很久未嘗泰國菜了, 食辣的氣量亦差了, 飲左碗冬陰功後已經出哂汗, 嗰晚得十零度, 但額頭及鼻樑出哂汗, 咩事?

有日男友話不如試下新野食．就去左九龍城啦．佢就帶我去佢成日食既小曼谷啦 我地2個人叫左個PINEAPPLE 飯、咖央面包、青咖喱仲飲左杯意米水!! 個人喉嚨一直好差所以都好怕食熱氣野不過呢餐竟然冇事WOW!!! 個意米水果然WORK!! 而且個咖央面包真係好好食!!!味道好特別．係俾個GREEN既咖央 SOURCE 你然後一堆面包．俾你自己點．所以好好玩 所以如果再食THAILAND野．我都會再去的!!!

九龍城有很多泰國菜館，大大小小的都有~~~ 小曼谷其中一間出名的菜館所以一條街就開了兩間。 食物太多了花多眼亂~ ^^ 最後都決定了...我們叫了2串魷魚、1串雞肉、雜錦併盤、菠蘿海鮮炒飯、炒金邊粉仲有椰皇~~ 美味的。 炒飯炒金邊粉可以最後先叫如果唔係就會凍無咁好味... 串燒魷魚、雞肉~~ 質感好軟滑，配合個醬汁非常好味 雜錦併盤中有春卷、葉包雞、蝦餅、魚餅加酸酸辣辣醬汁

今次同老婆兩個人試下小曼谷入到去的裝修頗舊而且都幾逼食物方面叫左咖哩炒蝦,小食拼盤,燒豬頸肉,揶皇冰,2個白飯咖哩蝦的咖哩都香,d蝦都好大隻下,有6隻,d汁冧白飯,好味小食拼盤,蝦餅真係好好食,好彈牙,唔覺有好多粉係到,另外魚餅都ok,唔會炸得太硬.幾夠味燒豬頸肉,都幾多的,醬汁辣辣地又甜又酸,好特別,但見佢話再另加醬油要5蚊碟的,不過一碟都夠哂椰皇冰,有揶皇肉又唔會好多冰,總之配撘得好好味啦,15蚊,都好值得飲可惜,冇泰式生蝦食啦.服務都幾好,好快有野食,又唔駛叫都不停加水,總數 260埋單

11月11日約了男友,他的朋友&女友, 四個人食飯相聚。事前只是提及吃泰國菜, 但我一早心儀去金寶的。怎料....他的朋友說己到達,表示入去等我們啦。去到才發現佢地去左小曼谷。小曼谷之前也吃過,不太差,所以也照食啦。生菜豬肉包(小辣): 吃不到有辣味,而且包生菜的時候,肉汁不停地流,吃得幾狼狽。咖哩炒大蜆:咖哩汁香濃帶清甜。蜆肉大隻,但吃到一隻有沙。另叫了蒜蓉包, 配咖哩汁吃,很匹配的口味。椰青焗飯: 用椰青上碟, 內裡裝滿海鮮及飯。最頂淋上椰槳。成晚最好食呢個飯。飯帶有椰槳的香味,也帶有椰槳的甜味,而且海鮮份量不少。炸蝦餅: 有蝦肉, 但是吃不到有蝦味。雞肉串燒: 普通。飲品叫了:酸梅?(咸梅?)七喜。 很咸。早知飲椰青啦。今次坐卡位比較好, 可以放袋,也有椅背。坐中間的長台比較逼,只是坐圓椅,而且侍應不停穿插,很危險。

6-11-2008本身唔係太鍾意食泰國菜, 一直無興趣逐間試屋企樓下的泰菜館, 亦所以來來去去只識去金泰燒烤... 趁今日 E「大駕光臨」九龍城, 一行 3 人0黎試試呢間人氣店. 叫了幾款「推介」食物 share 食, 包括炒0野及串燒, 食完第一個諗法, 係「點解會有咁多人排隊的??」:- 小曼谷炒河: 用花生醬乾炒, 配料就有蝦, 蔥段, 椰菜 etc, 炒得幾乾身, 河粉就黐埋一餅0野, 食落花生醬味道強勁, 又帶點蝦醬香 (!?), 味道一般, 加上實在太唔夠熱了, 印象打了大折!- 串燒雞腎: 味道還好, 但幾韌又幾「膠」0下, 麻麻0地. 唉, 等我0地仲叫了兩串 tim!- 串燒豬肉: 唔夠熱, 肉腍, 有肉汁, 醃得均勻, 味道 ok.- 串燒雞肉: 又係唔夠熱, 味道同豬肉一模一樣, 肉就比豬肉0鞋口, 唔好食; 而沙爹汁就少少辣, 但完全唔香, 唔掂.- 小食併盤 (細): 荷葉包(炸)雞味道係醃料味, 雖然唔油膩, 但實在十分乾0鞋, 好難吃; 春卷好硬, 餡料粉多過乜, 幾難吃; 魚餅腍腍的又油油的, 香茅味唔夠, 麻麻; 最好食係蝦餅, 炸得熱

原本起又一城的..但突然想食泰國菜.. 所以就去左九龍城~見小曼谷平日都好多人排隊去所以想試下..因為都九點幾了, 所以一入去就有位啦^^"2個人坐卡位~我地叫左馬拉盞炒通菜, 肉碎豆腐湯,三味倉魚,泰式鐵板牛柳..同埋2個白飯*馬拉盞炒通菜成碟菜有好多辣椒同小蝦..[[ 個人覺得D蝦仔有D核突 -3-", 可能係因為我唔知馬拉盞係咩黎啦 ]]味道就OK啦`~冇咩特別.. 係越食越覺得碟菜辣囉..肉碎豆腐湯清得黎又幾好味喎~碗湯都幾多料下~ 正**D豆腐係玉子豆腐~ 唔係平時食開個D普通豆腐丫三味倉魚食過幾間泰菜.. 呢條三味倉魚都算係整得最好食 個汁好正~ 如果有多D菠蘿就好啦 ^^"~因為我真係好鍾意食菠蘿.. >_<"男朋友話我食哂D菠蘿,佢一粒都冇食過..但我真係只係食左6/7 粒度.. HEHE好好味..條魚都幾大條~幾多肉下.. 不過``真係幾多骨下@@"泰式鐵板牛柳哈可能因為未食過泰式既鐵板野啦..所以覺得幾特別~ 味道就普通啦~今餐食得好飽呢~係一餐幾滿意的泰菜呢

同朋友去左食晚飯, 遠遠既聞到好香既燒烤味, 點知…..我地被安排到對面的細鋪度食, 我地叫左…1.蝦餅, 好彈牙好好味, 不過係全晚唯一一樣熱辣辣晚食物2.泰式炒通菜, 味道怪怪的, 唔夠熱, 蝦仔勁拮口, 就咁食就好salty3.串燒, 雞牛豬各二, 完全聞唔到頭先o係出面聞到既香味, d肉好鞋又硬, 仲要係凍既, 我諗熱先會好食d4.生蝦, 都幾大隻, 唔錯既一碟5.泰式炒金邊炒, 只係d花生碎甜甜地幾好味, 其餘都係冇味, 都係微暖架jei6.豬肉生菜包, 味道都ok, 如果熱d會更好7.原隻芒果黑糯米, 得好少芒果, 芒果幾香, 但d糯米&椰汁太甜8.西米糕拼椰汁糕, 椰汁糕好香, 幾好味, 但西米糕真係不知所謂, 一pat pat咁, 又難食9.青檸沙冰, 冇咩味10.西柚沙冰11.龍眼水12.珍多冰我地明明叫左青檸沙冰同西柚沙冰各一, 點知黎錯左兩個西柚沙冰, 我地話錯左啦, 點知佢地拎住張手寫單黎話我地明明係叫兩個西柚沙冰囉, 張單係佢自己寫既, 佢講咩都得啦! 點知過左一陣黎左個蒜蓉包, 原來補返既青檸沙冰變左蒜蓉包囉, 兩樣野真係風馬牛不相及! 最後個阿姐同對面鋪講

上星期二同班同事去食晚飯，叫左好幾樣野食，差不多10個人啦，第一樣食0既係柚子沙律，好清新，但真係好辣~之後叫左4客蒜蓉包，3個飯，炒蟹，青咖哩海鮮...d味道都唔錯，但份量細左d，而價錢亦稍貴....唔係太推薦

以前，我好鍾意黎小谷食。食物質素不錯，同價錢算抵。但經過今個星期一後，我決定唔會再去。事件一：當晚坐低叫野食時，我地問個阿姐有無「生蝦」，佢黑住面話「無」我個fd 聽唔到，再問。個阿姐碌大雙眼話好大聲話：「無、無、無」當時佢既語氣差到極點，我黎食野唔係黎受氣。不過費事掃興，唔同佢嘈。事件二：咖喱炒蟹黎到，我地幾個即刻呆佐。因為碟野，得10隻有肉細蜆，水汪汪……好似人地食剩。我問阿姐 (事件一阿姐)，呢碟咩黎架，唔係好得喎。個阿姐又係好寸講「咖喱炒蟹...囉！」果刻，我火都黎埋，就同佢理論。第二位阿姐黎，問「咩事呀？」我話碟野完全唔可以擺上台俾客人因為………佢話「因為黎貨細隻佐o者.... 其實都有好多粒，你睇下... (佢指住d未開口既).... 呢d 都食得...... 計埋都唔算！」我話「我地實在唔可以接受呢碟野！」阿姐「咁我幫你取消佢囉.....得未呀！？」唉...今時今日咁既服務態度......好彩我唔係d 粗人，否則實反枱！事件三：埋單前我地計過大約二百頭左右，點知一黎單，事件二阿姐話「幫你取消碟咖喱炒蟹，多謝 $288 ....」我地話「咦.... 唔駛咁貴呀！」阿姐即刻放