小曼谷泰國美食 (已搬遷) 新店位置

為左食泰國菜專登落黎九龍城友人就帶我黎試呢間.落單無幾耐就上菜喇真係好快.兩丁友叫左4樣野炒金邊粉, 友人勁鍾意 必點菜 馬拉盞通菜, 一般 無咩特別 同其他無咩分別牛油蒜蓉大蜆, 一陣奶油味咁 唔係幾好食 點埋佢俾個汁仲怪燒羊扒, 少少燶 不過都唔錯 唔點汁都夠味.呢餐就普普通通過得去啦...眼見其他客都係叫咖哩炒蜆+蒜蓉包講好下次都係黎食D招牌野好.

食LUNCH, 好野....開大餐!3牛+3雞肉串燒....超好食....真係有D好像在泰國既味道....下次要食多D...不過記得熱食, 凍左冇0甘好食的.馬拉X通菜........好食.....D菜冇渣, 入味, 又有蝦乾仔, 好惹味芝士蝦丸......WAH.....炸到.....好熱氣.....好彈牙, 但我覺得唔要D芝士仲好, D芝士好唔夾, 又冇芝士味, 又唔咸, 就係芝士有芝士流出來, 蝦丸就蝦丸味LOR.....配埋酸甜醬, 好野.蒜蓉燒蜆....有D失望.....其實燒蜆好好食, 會好有蜆既鮮甜味, 但落得太多蒜蓉了, 搶左D味了.椰皇沙冰.....好飲....清涼, 原有的椰子肉打碎, 係原身的甜味

吃大頭蝦的心癮引領小比來到串燒類尚算突出ge小曼谷~~既來之則安之~反正已經數年沒吃過此”入城級”必試泰菜~~就看看質素有否上落~~~被安排在全店正中的長檯~~有微言也沒法子~照坐吧~~~~第一頁的圖文menu就已經是泰式燒大頭蝦了~必點~~而且價錢還比金泰平$28~~~至於大比的下半場其實胃納已經不多~~就著他點一個咖哩炒蜆再加個白飯~至少小比可以吃蜆~見鄰桌的咖哩又夠巨夠香~~就這樣決定吧!咖哩炒蜆不斷地都有出菜~~差不多每兩檯就有一檯會叫~~好壯觀~因為廚房不斷炒不斷出~咱們的都很快上菜~~碟夠巨型~也不會缺乏內涵呢~~花甲又大又肥美~咖哩汁差不多可拌夠六碗飯之多~~雖然當中的青椒辣椒只是作樣落鑊稍稍炒過未入味熟透~也沒啥辣勁~但至少大堆頭令人吃得開開心心~~每隻花甲都有如碗之大~蜆肉飽滿結實~~而且隻隻有餡~間中還有些以為未熟未開~~原來是被咖哩汁黏實了~哈哈~~如果那餐是為食味認真吃咖哩的話~個人首推泰之選~~~但大堆頭玩味重的~這裡都是不錯的選擇~~質素不會大上大落燒大頭蝦所需時間較耐~~差不多吃了六成咖哩都未見其影蹤~就催一催~~幸好沒有漏單~也不會因為我催而草草了事~~

一食泰國野第一時間就諗起九龍城今次再去幫襯小曼谷泰國美食可惜overall感覺一般每次必食o既蝦餅, 好味, 好彈牙, 而且夠熱夠新鮮, 最愛配埋個泰式醬料炒椰菜苗, 唔係度度都有得食嫁............最愛佢o既質地, 好有口感, 味道又清甜~~~ 下次大家要試下, 今次order左清炒, 唔想加肉類啦~ 因為係認真咁想食菜o者 羊扒就一般啦~ 始終lee度唔係佢o既招牌菜ma, 男友講過每間地方都有佢出色o既野, 要order對o既食物先o岩呀..............不過我lee家人就係唔知點解好鍾意食羊扒, 而且屋企唔會煮嫁ma, 所以就忍唔住order!!! 串燒一堆........哈哈, 有雞脾菇、雞軟骨、牛丸、腎、雞肉!!! 最好味係雞軟骨、牛丸、腎................雞肉就普通左d, 可能佢俾得一款醬料, 平時食串燒店通常有幾款可以點ma.............哈哈.......我係醬料王~~~ 木瓜絲salad!!! 好味, 味道清甜又帶少少辣, 好惹味, 不過唔係人人都食得辣, 因為會愈食愈辣嫁!!! 炒金邊粉, 唔知點解可以咁難食......

去龍城除左會經常去蔡生介紹過的泰地道，小曼谷都一定係食得第二多，無他，二百蚊左右食到好幾樣野食我覺得算平。今次因為7點到去到龍城，唔洗等位，今次叫左咖哩炒蜆、串燒雞軟骨同腎、海南雞飯、蠔餅同燒牛仔骨，飲品係椰青同椰皇沙冰。咖哩炒蜆差不多除左第一次之外就次次都叫，因為無乜地方d蜆又大隻又無沙又甜，炒得剛剛好連裡面條心都係稍稍離殼，這裡咖哩是不辣的但很足料，連埋紅椒青椒蔥洋蔥等炒起來是有點甜，拌飲或蒜蓉包都是一流的組合、而且很合女友的口味，不叫不可。油飯食過唔太差，但未叫過海南雞飯所以一試，$38都有大片雞胸同翼算唔少，雞方面有雪味都是難免的......送的(味精)湯不飲也罷。呢到o既串燒個人覺得腎係好食過牛，所以試試雞軟骨同牛仔骨，雞軟骨無乜特別，預算中的口味，牛仔骨不俗，燒得剛熟，好香燒烤味，牛仔骨亦唔會好乾，$20三件作小食是個不錯的選擇。蠔餅一上枱有帶著超大胡椒粉味，廚師都落得幾重，還好不是抗拒胡椒粉，蠔仔好大粒，有母指頭般大，鐵板與蠔餅之間隔著芽菜以防黐底，但係芽菜出水好快，好明顯係生放上鐵板，以至影響整件蠔餅的口感，還是鄰店的蠔仔蛋較好！飲過椰青所以試下椰皇冰，沙冰我估是鮮做的

來到九龍城，吃泰國菜真是一件閒事，這區無論大街小巷都有不同種類的泰國菜館和食肆。但要找適合自己的口胃的，除靠口碑外，就要靠自己的靈感。今次美豬蓮一行二人在九龍城就找出最美味的泰式燒烤。位於九龍城南角道的小曼谷泰國美食，不但供應一貫的泰國菜外，還有泰式燒烤和自創菜式。好!美豬蓮就決定試食其大厨推介的菜式啦!幸好，二人抵步時還未算多人，還有一個對牆的二人卡位，所以美豬蓮今回可以盡叫一翻，食返夠本。首先，第一碟來的是咖哩炒大蜆，名符其實是大蜆，每一隻都有三寸長, 蜆肉肥大，乾淨沒有沙。咖哩汁是一貫炒蟹用的黃咖哩並減去一些檸檬葉的苦澀，味道帶甜，微辣，有淡淡的椰汁和咖哩味，大小朋友也吃得開心。當然有部分食客說汁太多了，但我就覺得恰到好，因為其咖哩汁配香脆的蒜蓉飽或白飯確是一絕。蜆越食越滋味，只怪蜆太少了，如果是四至六人吃就一定不夠喉。接着烤大頭蝦和魷魚也奉到桌上，烤蝦的香氣從牠紅紅的，並帶點焦焦的外殼湧出來。蝦肉新鮮爽口。醬汁辣中帶酸甜，加少許醬汁更加出神入化，頓時滿頭大汗，但在強烈的甜酸辣味中仍吃到本身的鮮味。可惜今回蝦膏欠奉，否則更加回味回味。至於烤魷魚，味道略淡，加了醬汁也不及烤蝦好吃。

以前黎過好多人要等位,今次唔駛等.發現原來開多左間係對面.最鍾意呢道夠風味.好有泰國大牌檔feel.價錢又合理.酸辣鳳爪 – 好味,不過對我來講太辣青咖哩雞 – 咖哩夠濃,雞夠滑泰式炒通菜 – 咸左d咸魚炒芥蘭 – ok, 但係同泰國既芥蘭始終差好遠燒烏頭 – 正,皮好脆,好野味.加埋個酸辣汁,一流

第一次來這間食一個set lunch~全枱9人~座在中間的長枱~枱面很窄~大家要食得好親熱~哈哈~我點了炒金邊粉~係泰國菜的考試菜色吧~入口味道很ok的~粉唔冇話冇味~花生碎亦炒得很香~可是食多左之後~會覺得金邊粉的味道太甜了呢...最後都係食唔晒~而跟餐的湯以及飲品都是合格水平酸梅冰的味~似話梅味多過酸梅~唔係人人都鍾意呢~以泰國菜來說~未算很好味但以34蚊的set lunch來說~是很ok的了~

成日聽人講呢間太國菜好好味的, 今次就打算趁生去試試啦!!! 點知價錢同食物質素唔成比例呀!!! 另外, 坐位真係坐得好唔舒服呀!菜單: 咖喱炒蟹 $220 沒有咖喱香味,個"獻" 好"結" 唔抵食小食拼盤 $68 蝦餅好味, 魚餅太多香草味, 香葉包雞太乾身咸魚炒通菜 $68 好味道, 好清新, 唔會太咸乾炒牛河: 好味道, 味道適中生蝦刺身:$68 得七隻, 唔新鮮, 食落口食唔到爽的感覺 唔抵食柚子沙律 太辣, 唔似係沙律椰王 普通椰汁冰 OK啦!木瓜沙冰 OK啦!!

其實九龍城很多泰國菜館也試過,所以今次便吃已經差不多兩年沒有吃過的小曼谷......記得之前吃它的串燒$9一串,但比正常串燒較大,今次依然維持$9一串,但看下去比之前吃的細少,而味道只是一般......另外叫了最愛的菠蘿炒飯,可惜吃不出什麼特別好味,蝦餅與芥蘭也味道一般,沒有特別......唯一較好的是椰汁冰,不會太甜......

昨晚同男朋友特登去咗好耐冇去嘅小曼谷，兩個人叫咗五樣嘢…冬陰功湯: 足料但味道時好時差, 昨晚又ok喎, 唔會太咸或太酸, 啱我口味! 炸蝦餅 –必食招牌菜，真係好好味 生蝦刺身：蝦肉好甜美, 個汁好野味, 我一個人食哂成碟, 要叫多碟俾男朋友… 肉碎生菜包: 又係我飛彿, 每次必食, 好juicy, spicy味好香 蝦膏海鮮炒飯: 蝦膏很香, 加上豐富的海鮮, 雖然己經好飽都要食哂佢… 今次叫哂我鍾意嘅餸, 下次要再嚟叫男朋友鍾意食嘅燒豬頸肉, 炒蘿蔔糕 & 酸辣鳳爪, 諗起都想快啲再去…

星期二晚同朋友特登早d走去小曼谷，實在太耐冇去啦~諗住會多人，夜晚6點去到哈~ 唔多客喎，坐低即刻叫左:1) 木瓜沙律 – 酸酸辣辣，開胃前菜2) 冬陰公湯 – 湯裡面有三隻蝦 (一隻大蝦加兩隻中蝦) 滿懷希望，一飲...... 係咪酸辣冬陰公湯先至啱??? 淨係得個酸字，唔辣既!!!??? 我食個隻蝦d肉有d 霉 ...... 飲完仲有d口渴3) 串燒 (雞肉) – 因為同朋友都唔食牛既關係，所以淨係order雞肉；之前都見到有食家講過雞肉麻麻地...... 嗯~果然係麻麻地4) 泰式炒通菜 – 炒得老左少少 5) 炸蝦餅 – 招牌菜之一，好味道，不過印象中以前好似大件d喎......整體黎講，個人認為食物質素比以前下降左唔少，如果要去九龍城食泰國菜，小曼谷唔會係我first choice喇~每位$108 (加左tips)

好多沒約朋友食飯,就去九龍城啦..都係食開呢一間.大約都會2個月食一次到啦..今次3個人去食..叫左咖哩炒蜆..比以前細左好多..仲想介紹比朋友試下d大隻蜆..今次真係比人話到沒晒面啦...以前大都有10隻到,現在好似d花甲蜆咁好細.沒肉...唉..味道係好淡..沒咖哩味,色水比以前食有d分別.....跟住叫左雞翼咋既..算係可以啦...仲有叫左個海鮮炒魚麵,D麵好碎..唉...仲有個油麥菜炒豬頸肉好一般細碟.我睇大約條菜啦..一人夾一次已經沒.....串燒又唔熱,唔係即叫即燒既咩......唉唉唉......真係沒食2月姐..點解會咁架...座地方太逼喇...叫多兩個菜d碟都唔知道放係邊...咁都算啦...最後食到最尾同朋友傾下計..唔知火計定係老闆來問你地d野到齊未,我答佢齊啦..跟住佢就出聲..咁同你埋0條數佢啦..咁樣趕人走都得既...真係沒下次啦...分明趕客,想做多單生意都唔係咁架!!!,超級black list 佢啦..

對上食小曼谷已經是數年前的事，今次再有機會到九龍城，又有一大班朋友，當然要再次回味啦！ 柚子大蝦沙律：酸酸甜甜的令胃口大開，好讓準備coming的主菜 燒豬頸肉：香而野味，燶的程度剛剛好！ 雜錦拼盤：蝦餅最出色！春卷也不錯！好似無一件係唔好食。 馬拉盞椰菜：好鮮甜！ 小曼谷炒飯：好香的炒飯，飯粒軟硬適中，又炒得乾身同入味，好味！ 豬牛串燒，兩樣都好掂! 生蝦刺身：蝦肉好肥好鮮，一啖入口好鮮甜呢！ 泰式炒蘿蔔糕：响曼谷我真係無見過，哩碟蘿蔔糕雖然粉多過蘿蔔，但我又覺得佢用的醬炒得好好味喎！ 酸辣鳳爪：雖然最後上檯但好快清完，我唔係太好此食品，但都食左2－3隻，連軟骨都食埋，因為又爽口又酸酸地咁，好難忍口。如果我住九龍城，肯定會變成大肥妹！

那晚同一個朋友餞行~~本身選了一間日本餐廳~~後來因為訂左位都要等~於是就放棄左~~去左這間泰國餐廳~~我還是第一次來~~一來到已經有人問我地想食的咩~~~服務態度不錯~~點左菜~~大概十分鐘之後就有點了的沙律送上來~~跟住飲品都跟住上~~主菜那些都很快來到~~~樣樣菜式都好好味~最好味是那個魚~全都清哂~~最後點了兩個甜品~~一個是芒果黑糯米~~另一個棷汁糕~~味道不過不失~總括而言~~味道不錯~~上餐時間快~~唯一就是座位之間可能比較迫一點~~