小曼谷泰國美食 (已搬遷) 新店位置

假日打算和家人晚飯, 記得有朋友提及過九龍城的小曼谷, 於是便一早打電話訂枱試試. 其實九龍城有不少泰國菜館, 要在眾多菜館中站得住腳一點也不易. 我們一行五人點了青咖哩雞, 蒜蓉包, 泰式炒蜆, 馬拉盞炒菜, 煎蠔餅和泰式拼盤(小). 這兒環境比較平民化, 有點似茶餐廳, 價錢亦較為大眾化. 但坦白講, 我個人比較喜歡佐敦的泰屋, 不論環境或是食物質素, 都較為優勝. 即使在九龍城, 亦不難找到更出色的泰國菜館, 例如黃珍珍. 但價錢方面當然亦會貴些少.青咖哩雞: 味道一般蒜蓉包: 比較遜色泰式炒蜆: 蜆很大隻馬拉盞炒菜: 一般貨色煎蠔餅: 尚算不錯泰式拼盤(小): 有蝦餅, 春卷, 香葉包雞及魚餅, 當中以蝦餅最好吃!

這天, 是我同男友第一次拍拖食晚飯的晚上. 永遠記得這晚, 因為這晚是閃電了二萬次的晚上. 本來想去 "熱鍋", 但太多人, 於是, 去了另一條街找食, 正當想泊車的時候, 就立即落大雨了, 無法, 立即落車然後入去小曼谷.此時已經差不多晚上十時十五分, 但仍然差不多full. 幸好我們找到卡位, 很肚餓, 於是叫了以下食物:1. 咖哩炒大蜆 咖哩不太辡, 反而有點甜, 不過男友覺得蜆炒得不夠香, 可能因為咖哩汁太多, 蓋過 炒蜆肉的香味2. 蝦膏炒飯 不算太油, 不過, 不太覺得有蝦膏味3. 生蝦刺生 蝦好大隻, 新鮮, 不覺得腥臭, 正4. 煎蠔餅 不算太多蠔, 反而有好多蔥, 令人失望, 老實講, 都是石硤尾大排檔的好味d. 食過好多餐廳 的蠔餅, 始終覺得, 大排檔的蠔餅好味d5. 馬拉盞通菜 菜不老, 也不太辡, 很好, 通菜嘛, 不應該太辡吧兩個人總共$285, 我覺得有點貴, 不過, 食物質素都不錯, 服務也算好.

突然想食金邊粉 一於去九龍城搵小曼谷要了一份金邊粉 朋友要了白咖哩豬扒飯 最可惜係冇生蝦刺生金邊粉好正 酸酸甜甜 宜家諗起都留晒口水加埋d花生碎 簡簡單單但係就原汁原味 正隨午餐附送的龍眼冰就...麻麻囉 免費丫嘛haha下次要食到佢地的生蝦刺生

老公有個北京朋友嚟香港幾日，聽日要返去喇！所以今晚同佢吃飯，叫左好幾個菜一齊食，一行４人（３男１女）１）咖哩蟹用膏蟹炒，不過Ｄ膏苦苦地，都算幾大隻同有肉，個汁就一Ｄ都唔似咖哩，似葡國菜多Ｄ，不過又無椰汁味！又有Ｄ似食緊ＣＲＥＡＭ　ＳＯＵＰ！總知就好甜，舊洋蔥又略生，之後越食越鹹，無咖哩味之餘亦無辣味！加埋蒜蓉包沾汁一齊食尚可，當飲西湯吃包咁囉！螺２）蒜蓉包幾好，有蒜味３）木瓜沙律木瓜夠生所以都幾爽口，酸度都算ＯＫ，不過又係非常鹹！我地４個人一啖沙律一啖水咁食，你話真係有幾鹹！４）泰式炒什菜Ｄ菜＂散收收＂加＂碎濕濕＂，芥蘭重苦苦地５）泰式拼盆２件蝦餅，夠香，有蝦肉味，皮邊都有ＤＤ脆，不過有Ｄ魚鬆骨的小骨，又係鹹２件蟹餅，除左無蟹肉味，同蝦餅一樣２件春卷，夠鬆脆，咬到裡面熱辣辣２件雞扎，我無食到，因為食乜都鹹到要飲野，所以唔想食咁大舊＂乾柴柴＂的＂雞乾＂頂住肚呢個拼盆本身有個甜酸醬點嚟食，不過唔點好過點，Ｄ蝦，蟹餅食落變有陣＂騷＂味！６）申燒（叫左羊扒，但最後話買晒）只叫了豬同牛，都算ＯＫ！唔太鹹（good !! )個沙嗲汁係最好味！７）炒貴刁炒得有Ｄ濕，唔夠乾身少少辣８）２個椰青，１杯椰

來過數次了!咖哩海鮮仍為必須, 配以蒜蓉包一流, 汁不太辣, 僅微微的辣, 甜甜的, 一流蜆, 青口, 尤魚, 魚, 各有數件. 還不錯羹, 本人一向不太喜愛, 這個蟹肉魚肚羹, 還挺足料, 多渣! 蟹肉不像街外 丁屎咁小, 細細的一絲是很明顯見到的蟹肉, 咬著感覺到的蟹肉.魚肚亦大大片軟殼蟹大大碟, 看似很多垃圾, 是香茅? 是香料? 應是吧!但底下 還是有不少件軟殼蟹.也同樣, 蟹肉比沙嗲王的似乎更多, 因沙嗲王的似乎吃不到有蟹肉...只像一團炸物.原隻燒魷魚, 普通, 未見特別甜品, 好像很多特色甜品, 但其實最普通最不吸引的棷汁西米就是最好的就是那些用綠葉包著白色一團的!甜甜的, 香香的好像一人$6x 左右, 還好吧p.s. 此店不多大桌, 僅2張圓桌, 一群人來, 要坐中間長桌, 既尷尬又麻煩

　　約了這位「炸雞朋友」同赴此店，原因是他很喜歡這裡的出品，特別是燒豬頸肉。晚上九時左右，等候的食客不多，故很快便可入座。侍者安排的座位近收銀處，與鄰桌的距離較近，較為狹窄。早年曾到過此分店，環境大致與昔日的相同，仍然感覺置身於曼谷或芭提雅的道地小食店，尚算整潔，空氣調節方面屬流通，侍者迅速地端上食具、餐牌。　　不消一會，凍生啤酒先上桌，喝一口清理口腔，便嚐朋友喜愛的風味燒豬頸肉，論外觀已經是非常討好，微脆的外層，咀嚼時滲出燒烤的香味，肉質很嫩滑而不乾涸，醃料不會太多、太鹹，蘸上的醬汁是微酸辣混合了魚露，完全提升了整件肉的味覺層次，很滿足，美味，朋友吃得很開懷 。　　其後的是炸蝦餅，只因覺得芝士那種不及此款美味，五件如小甜圈般排列，外觀金黃增進食欲，麵包糠脆層很香脆，嚐一口便覺得蝦肉爽勁帶鮮甜，沒有混合過量的添加劑，蘸點的醬汁是泰式燒雞醬，吃時我不期然蘸點燒豬頸肉的那碟醬汁，同樣美味。　　前兩者大概已吃光後，侍者端上西蘭花炒鮮魷。這道菜餚是不辣，廚師炒時混合蒜泥、蝦膏，鹹度適中，西蘭花、胡蘿蔔片、鮮魷吸收各樣調味料，味道不錯，絕對適宜拌飯而吃。而店員同時端上小曼谷炒河粉，熱騰騰而份量十

今日大約7:30pm去到唔駛等位..叫左咖喱炒大蜆, 馬拉盞通菜, 蒜蓉包, 柚子沙津, 豬頸肉, 冬蔭功咖喱炒大蜆D汁OK..用黎點蒜蓉包食, 不過真係得幾隻蜆..柚子沙津得D 柚子, 同幾片生菜...-_-豬頸肉唔錯, 點埋醬好味, 不過辣左少少冬蔭功不過不失..只係嫌淡左少少最好味都係馬拉盞通菜, 不過依味菜點都有保證, 唔會煑得太難食題外話: 食食下見隔離枱BOYZ 個STEVEN同佢班FRIEND食緊..原來真人黑+肥D

因為怕要等位,我同honey 二個六時半就去咗小曼谷食泰國菜原本我想食朋友推介既隆姐,但最後都揀咗小曼谷呀!!小曼谷都係見openrice 係得奬熱店又有人介紹所以先一試喳!二個人叫了 一份秘制羊扒, 一份生菜包,一份咖喱炒蜆及二串串燒丫先講羊扒,附送一碟辣汁,羊扒原本不辣,加咗辣汁好惹味丫, 食完就開始覺肚餓(原因都唔餓既...hehehehehe......)羊扒肉質好好味,並沒有燒過火,我同honey都愛吃丫生菜包~ 好多肥肉, d 肉碎又辣, 但好味囉, 我同男友一齊食晒..hahaha串燒.. 好一般....(不建議食)最後登場係咖喱炒蜆,我同honey初時以為係好細隻既蜆,點知咁大隻既....wah !! 好開心囉,咖喱不辣但好好味丫我食咗好多洋蔥,好好味~ D 汁比我食晒咁滯丫 haha~好開心囉,食到大蜆… yeah

一如以往都係超多人。過左六點半就要等位。當晚點左: 蝦醬炒飯 : 呢個唔錯, 唔係太咸。 半打串燒 : 三申雞都還可以......果三串牛呢.....只係一串半可以入得口.... UN 到食唔到................ 咸魚炒介蘭 : 啲介蘭仲老過我老豆。 蒜蓉蒸青口 : 同相有好大距離...............乜配菜都冇嘅........... 食得出唔係新鮮貨.....腥嘅唔知係咪太多人...............汽水都唔凍添。

朋友推介特登走去九龍城食，環境服務都算ok,不過水準較為一般，冬陰功湯唔夠香；咖喱蜆d蜆雖然好大只，不過沒咩野咖喱味；蝦膏炒飯也沒咩野蝦膏味，價錢比較貴，有d失望。

一直都好想黎九龍城食泰國野終於 今日 一償心願! 考完試後,與一眾同學來吃小曼谷由於總店人太多,所以我們過對面的分店.我們一行十人 坐一張長桌, 還算闊絡 坐得舒適由於有同學曾吃過這裡的菜,所以一律菜式都由他們拍板!落單不久後,餸菜便續一送到餐桌上. 肉碎生菜包肉碎混合了紅蔥頭 芫茜 洋蔥 辣椒粒等香料,香料十足,非常惹味!肉碎偏瘦,而且乾身得很! 所以食落幾'鞋'口.生菜新鮮,又脆又爽口. 可是用作包肉碎就有點'倫盡'. 包得不好,肉碎就趺下來..最後 我們都清了生菜.吃剩了肉碎 泰式海鮮炒金邊粉配料豐富,海鮮有原隻鮮蝦和蝦米.還有煎蛋,豆腐乾,花生碎,芽菜,蔥等.再加上半個青檸,以酸味來提升這個炒粉的味道.金邊粉濕濕潤潤的,口感就好像粉絲一樣. 每一口都沾滿著淡紅色的甜酸汁,令整個粉都紅噹噹 很有朝氣! 整個餸酸酸甜甜,在餐前吃 真開胃! 另外, 它的花生碎十分香口! 有大有小,相信是自家弄的! 所以這道菜口感豐富! 推介! 芝士蝦丸我最期待的芝士蝦丸到了!!! 可惜只換來 失望.. 先說外層 是真的炸得很脆口,炸粉簿身 不太肥膩!但是,接著落黎的蝦 真不像蝦!應該是蝦膠加上免

夜晚去九龍城食飯，之前都去過小曼谷，覺得幾好食，咁就再黎試下其他嘢今次試左椰子雞湯，估唔到係用雞件，比其他地方用雞胸肉好很多，椰奶味濃，好飲。跟住食豬頸肉炒油麥菜，一般，可能有豬頸肉，都幾多油，都係之前食的烤豬頸肉好食很多。然後係泰式烤羊扒，真係好食，表面香脆，多肉多汁最後食埋泰式海鮮炒魚面，第一次食炒魚面，幾得意，煙煙韌韌咁，但味道偏淡整體來講都不錯，下次都會再來。

八點去到, 九點先有枱, 而且係迫到好似監獄裡坐埋一齊食咁。點了以下菜式:1) 冬蔭功湯 - 唔夠熱唔夠酸2) 泰式拼盤 - 好一般3) 泰式金邊粉 - 無料無味4) 棷菜炒豬頸肉 - 猪頸肉唔香又肥5) 鷄牛串燒 - 啲沙爹唔得6) 青木瓜沙律 - 垃圾講真, 等成個鐘咁嘅價錢咁嘅環境咁嘅食物質素, 真係好唔滿足。我仲要係請朋友黎食, 真係失禮晒。

一直都是泰國菜FANS，久不久都喜愛都九龍城食下泰國菜，因為九龍城聚集不少大大小小的泰國菜館，試過好多間,都沒有令人太失望。今次原本想去食隆姐，但因為要等位，所以去了旁邊的小曼谷，可惜第一次就已經是最後一次.....兩個人ORDER4個餸:1.鐵板蠔仔餅2.串燒(牛豬雞)3海南雞飯4椰菜苗豬頸肉1.鐵板蠔仔餅:上台時好似OK,點知就食都滿口蠔殼2.串燒(牛豬雞):個沙嗲醬OK,D串燒好乾,牛肉仲係挑戰你牙齒的極限3.海南雞飯:飯比較硬,不過味度OK,D海南雞太乾,好似食柴,不過個醬汁都OK,唯有用來撈飯食4椰菜苗豬頸肉:最正常的一味,只係D椰菜苗好大棵,沒有特別......消費共195元

Had late lunch with honey and ordered:"hin" with curry-->$68well, curry is not spicy, i think they added a lot of coconut milk and egg, "hin" is in very big size and they gave me 10 "hin". curry sause is gd for mixing with rice, so i have ordered 1 bowl of ricerice-->$9portion is big and rice is ok, not too soft and too hard"tong yum kong" hor fun with seafood-->$45tong yum kong is not too spicy and it has a little bit sour in tatse, it's quite different from wt i had in thailand bef