小曼谷泰國美食站

营业中

休息中

好耐都無得去泰國了 成日心思思想食泰國菜忍唔住又要黎小曼谷 見到門口架火車擺設 就諗起火車夜市 真係懷念當地的美食侍應哥哥好快就帶左我地入去坐低 我地亦都急不及待叫左幾樣野食 當然有唔少得我最鍾意既生菜包生菜包的肉碎酸酸辣辣 夾住爽脆的生菜 真係滋味 不過我覺得可以多幾塊生菜 因為肉碎太多唔夠包另外我地叫左泰式香辣海鮮炒米粉 海鮮配料十足 有3-4隻大蝦及魷魚 仲有大量肉碎蛋碎襯托 另外米粉炒得十分乾身 但係佢又唔會痴埋一舊舊咁 炒得不錯 味道唔會太辣 怕辣的記住要叫少辣秘製鹵水豬手煲 鹵水味好重 未拎到埋檯已經聞到香味 豬手份量算多 咬落去又冧又滑 而且煲底有芥蘭墊底 芥蘭亦索哂鹵水汁真係好滋味泰式奶茶 我一開頭驚僧好甜 但飲落覺得OK 應該係為港人而調教過甜度 而青檸梳打亦都幾好飲 

周末約友人在銅鑼灣行完街後，決定先去晚餐後再回家。找到這間在WTC附近的小曼谷泰國餐廳。一到埗已看到餐廳內有大大個舊火車頭作裝飾，風格頗特別 雞肉菠蘿炒飯 ($88)每次食泰國菜都必點菠蘿炒飯最愛肉鬆加菠蘿的飯 黃咖哩豬頸肉  ($98)咖哩中等辣度，豬頸肉及薯仔燉得入味 泰式原味烤薄餅 ($45)酥餅做成千層非常鬆脆，帶點甜味，用來沾上咖喱非常不錯 珍寶帶子沙嗲串燒 ($49)帶子保持鮮嫩，而沙嗲醬很不錯，食到一粒粒烤過的花生 椰汁西米糕拼泰式千層糕 ($49)椰汁西米糕很不錯，甜度剛好 而泰式千層糕的椰汁味亦香，但對我而然有點偏甜 椰皇 ($33) 夠清甜

小曼谷好耐之前由九龍城店開始就有食，依家唔使過海就食到就係正依間小曼谷完全係新派既感覺，裝修靚，紫色感覺有啲bar restaurant feel幾好餐牌一般泰菜都有，加入小小新意，而都算好推介燒烤，款式特別多，口水流緊泰式串燒豬肉，賣相非常吸引，又香又濃味，肉質嫩沙爹味唔算好濃，吊一吊串燒個醃味出黎，好味泰式炸芝士蝦丸，蝦餅既變奏，依度既擺盤真心靚，未食已經加分大大粒蝦丸，外皮香脆，唔厚粉蝦味都真材實料，彈牙，反而係芝士味無乜即刻配埋泰啤Singha，有埋Singha既凍杯，讚讚讚泰皇咖哩炒大蜆，賣相都係吸引，大蜆望落大隻，食既時候唔知係咪收咗水所以細左，蜆味都唔濃，似唔係生炒，可能想快啲所以灼過咖哩味係正既，又綿又香甜，雖然係炒但如果想配薄餅都可以風味燒豬頸肉，份量好多，燒得外脆而都有好多肉汁，唔錯既佢既泰式醃料食得出幾正所以串燒、燒物應該大部分都好食整體氣氛好唔錯，一班人聚又得，情侶食又夠氣氛，啤啤佢食下串燒又可以，值得bookmark食食下發現枱枱都叫青咖哩豬頸肉……所以！大家！不能錯過青咖哩豬頸肉！因為我錯過咗#服務態度好好見我哋迫主動幫我哋轉位#依個位唔太多人唔太使等位完美

🌟澳洲龍蝦椰青海鮮焗飯 🦞 $238 (9.5/10)絕對係俾佢嘅賣相吸引到 估唔到味道都很可以 大大隻龍蝦頭插咗喺個椰青到 入面都幾多肉 肉質比較紮實 調味唔會太鹹 另外都有啲龍蝦肉係個焗飯入面 焗飯嘅配料亦都好豐富 有其他海鮮 包括帶子 魷魚同蝦 雖然面頭鋪滿晒好邪惡嘅芝士 仲有強勁嘅拉絲效果 但又唔會蓋過個椰青味 第一啖真係幾震撼 食落去係有齊椰青芝士同埋龍蝦鮮味 味道好豐富滷水豬手 🐖 $168 (8/10)豬手蚊到好淋 而且滷得幾入味 份量亦都幾足底部鋪滿晒通菜 食落冇咁寡芒果椰汁沙冰 🥭 $41 (8/10)沙冰口感幾順滑 唔會太稀 質感比較似smoothie 芒果味幾突出 帶有微微既椰汁味 份外清甜 完全唔會有化學味嘅感覺OVERALL: 大推薦🤩 (9/10)餐廳嘅裝修都幾有泰國風味 特別係門口有個好大嘅火車頭做裝飾 另外有個迷你live band位置 不過當晚就冇表演啦 食物選擇超多 海鮮飯類串燒都有 員工嘅服務態度都唔錯 會主動斟水 食物份量都幾做適合一大班人嚟🌟為推薦

一來到餐廳就被門口的特色古老火車頭搶去視線！設計到像黑色列車的模樣，後面的 "車卡" 就是用餐座位。播著輕快音樂，氣氛輕鬆。餐廳內的其他裝修均充滿蒸氣龐克的風格，有著齒輪造型吊燈和牆飾、像復古火水燈的電燈、喉管機械小娃、工業風的灰黑座位、天花和牆身，不同的懷舊行李箱等等，還有不同的小火車頭呢！Scan QR code點菜好方便，跟友人點了不少菜式。一來就喝椰青，大大個充滿透明的椰青水，味道清新帶微甜，有下火止渴的功效吧~串燒是逐串點的，豬肉串燒肉質清爽，配一小碟粒粒花生沙嗲醬，味道濃郁。串燒牛舌有四件，每片都是厚切的，質感非常軟稔，味道又香！風味燒豬頸肉單看餐牌價錢好像稍貴，但它大大一碟，質素也絕對對得起這個價位！豬頸肉有用蜜汁烤過、切成薄片，所以邊位都特別香口，肉的味道甘甜帶酥香，肉質嫩滑非常，真的十分好吃，是我吃過最好吃的豬頸肉之一。配碟上酸辣汁吃的話，感覺就變刺激了。黃咖喱雞肉的顏色偏淡黃，個人認為沒有辣度，是柔和的椰子和香料的味道。Creamy的濃稠質地沾薄餅或飯吃都適合，我們用了來撈飯。雞肉是斬雞件，雖然有骨但是啖啖肉都不錯，還有洋蔥、青紅椒和薯仔作配菜。最後一道主菜就是香芒

今晚放工黎到銅鑼灣呢一間小曼谷泰國餐廳食晚飯，臨緊萬聖節餐廳佈置得好有氣氛，播放著泰文歌曲，甚有感覺。外面有個非常有標誌性嘅火車頭！牛油蒜蓉燒扇貝 $128餐廳其中招牌之一泰式Bbq都好受歡迎，我們點了這一客牛油蒜蓉燒扇貝！燒扇貝夠大隻，鮮甜juicy，超重牛油味。鐵板豬頸肉啫椰菜苗$102另外點了一客鐵板豬頸肉啫椰菜苗，帶點微辣，椰菜苗炒得十分香口，用鐵板裝上更傳熱。豬頸肉切成條狀，入味香口。泰式乾炒海鮮米粉$93主食方面點了這一個泰式乾炒海鮮米粉，乾炒海鮮米粉炒得好乾身，海鮮包括魷魚、鮮蝦、帶子，食料豐富，很喜歡泰式炒米粉的味道，香味撲鼻。泰式冰奶茶$33飲品方面點了一杯泰式冰奶茶，泰奶味濃郁，配上泰式菜品更配合。

今日叫咗碟泰式鮮蝦金邊粉，雖然份量唔多，味道几好，另外仲叫左一個椰青，兩杯熱柚子蜜，味道不錯，另外叫咗兩串燒脆皮白鱔，味道好好，不過實在太貴喇，平均$74一串，最後叫咗碟泰式炒馬拉盞椰菜苗，叫左少油，所以都可以，因為一般嘅餐廳落好多油，就唔係太健康，最後一個就係芒果糯米飯，d芒果好新鮮同埋糯米飯夠多

青木瓜沙律大大份 食極都食唔完 4-6人份量啖啖青木瓜絲，好飽肚得黎唔會膩，價錢平，budget 有可叫呢個黃咖哩炒硯好大碟，好多汁。我哋另外加咗個薄餅點汁，好多。個薄餅好重牛油味，一啲都唔Hea，但同咖喱一齊食有啲互搶味道，下次我會試吓咖喱送飯！冬陰功嚟嘅時候煲下面一路點著火，我哋兩個人食成餐飯每人飲咗四碗，因為一路點綴我嘅關係保暖得好好。冬陰功味道酸辣啱啱好，亦都好足料有好多花菇同兩隻大蝦。芒果糯米飯糯米仲係熱辣辣，食落好煙銀，個汁有椰香味得來唔會太甜。整體，呢間泰國野食物味道高水評，食物份量亦都合理，什至抵食！

我同朋友身處喺銅鑼灣想食泰國菜，第一時間就醒起地庫有間「小曼谷泰國美食站」。雖然銅鑼灣店就無食過，但九龍城店我可算係由細食到大😉。小曼谷環境唔錯，有花心思喺裝修方面。基本上未入店內，你已經可以見到門口有大大架火車🚄。同時，呢度座位闊落，冷氣充足，客人坐得舒服。餐廳賣嘅泰國菜選擇幾多🇹🇭，每個類別都有十款八款揀，實在令人眼花撩亂。我哋兩條友嗌咗三碟嘢，夠食有突。價錢屬中上水平，埋單每人二百五蚊左右。極上燒安格斯西冷牛小排($238)，齋睇價錢會覺得牛小排有啲貴，因為都成兩嚿幾水。🥩不過佢份量都多，切件後分兩行排列，夾夾埋埋有成廿嚿。牛小排生熟度控制得宜，肉身呈粉紅色，但可能受部位影響，肉質有少少韌。隨牛小排搭配翠玉瓜同車厘茄🍅，有清清味蕾嘅作用。小曼谷炒米粉($88)，炒米粉好大碟，賣相幾吸引。菜式以餐廳名命名，相信即係雜錦口味🤣。麵條用上幼身嘅銀絲米粉，口感彈牙，唔易截斷，炒得入味。另一邊廂，炒米都落咗幾多餸料一齊炒，包括鮮蝦、蟹柳、蛋、扎肉、洋蔥同菜等，食起上嚟味道層次豐富🦐。鐵板豬頸肉啫椰菜苗(馬拉盞)($102)，鐵板上果然寧舍唔同，因為真係夠晒熱，仲有吱吱聲添🔥。椰菜苗炒得好有

火車裝修風格🚃銅鑼灣泰國菜牛肉串燒$24豬肉串燒$24正常質素，咬落唔算太韌小曼谷五星燒雞半隻🐥$158店員表示燒雞係即叫即燒，所以要等20分鐘左右😁今次燒雞燒得有啲乾，所以食落有少少鞋，燒雞唔算好大隻，兩個人分享啱啱好泰式鮮蝦炒金邊粉$98☺️鮮蝦爽甜彈牙，仲有帶子同埋魷魚🦑，金邊粉爽彈🌟份量適中，醬汁味道較淡，唔算好濃味鮮菠蘿🍍海鮮炒飯93雖然唔係原個菠蘿🍍上碟，不過份量都幾夠，即叫即炒，海鮮鮮甜冇沙，配埋肉鬆食非常完美🥰椰皇沙冰$37🥥最令我有驚喜嘅係椰皇沙冰，幾乎每一枱都必點！椰子香味濃，飲落啖啖都係椰皇🥥環境方面，餐廳行火車裝修風格☺️有濃濃嘅泰國氣氛👍🏻令人感覺置身於泰國之中小曼谷泰國美食站 (銅鑼灣)銅鑼灣謝斐道535號Tower 535地庫B02舖

🖤 小曼谷泰國美食站 (銅鑼灣)🤍銅鑼灣謝斐道535號Tower 535地庫B02舖 今日去咗銅鑼灣接朋友收工，朋友帶咗我去一間幾出名嘅黃店食泰國菜🇹🇭餐廳周圍都有不同嘅擺設裝飾，充滿萬聖節嘅氣氛🎃我地兩個人叫咗三碟菜🥬肉碎生菜包 $92肉碎炒得好香，生菜都幾新鮮幾爽，包埋一齊食酸酸地辣辣地，越食越開胃，而且肉碎份量都好多👍🏼🍛芒果蟹肉炒飯 $98 菠蘿炒飯就食得多，今次試吓有芒果嘅炒飯，炒飯賣相唔錯，芒果一啲都唔酸，蟹肉分量適中，食落唔油，減緊肥嘅朋友仔都洗怕！🍢沙嗲串燒類 $24～28叫咗雞、牛、豬、雞軟骨串燒，仲有店長推介的雞全翼串燒，串燒係即叫即燒，離遠已經聞到好香，肉質都好嫩滑，一咬落去已經feel到啲肉汁係個口徘徊，因為本身唔太油，我地食咗咁多串都唔覺得膩閒日夜晚黎講都算幾多人，我哋6:30到，6:45已經坐滿人，有興趣嘅朋友要早啲啦！

朋友約飯局要求食泰菜，除左九龍地，其實銅鑼灣都有唔少，我地就去左呢間裝修得好有泰式風情嘅小店。一入門口已經見到大大架火車，好似去左泰國嘅火車市場咁。餐牌上都有好多食物選擇，我哋就叫咗泰式肉碎生菜包，呢個絕對係食泰國嘢必食嘅菜式， 生菜大約有十多片，但係豬肉碎非常多，啲仲有啲香料，味道好濃郁。仲有青咖喱海鮮，用咗一個鐵鍋去上菜，我哋另外仲叫咗客蒜蓉包，可以用來點青咖喱食， 入邊有唔少海鮮，例如大蝦、青口、魷魚等， 都幾足料。鐵板豬頸肉馬拉盞通菜都好正，夠晒鑊氣，馬拉盞鹹鹹香香，豬頸肉好惹味。食到咁上下，叫咗杯荔枝沙冰同芒果椰汁沙冰解解渴，飲品都相當大杯，荔枝沙冰酸酸甜甜，食辣野飲就最啱，芒果椰汁沙冰，就好似食緊芒果糯米飯一樣，好香芒果味之餘，椰汁都好出。整體來講食物質素都幾高，價錢又唔貴，份量都幾大，而且坐得都幾舒服，好啱朋友聚會傾偈食飯。

越來越多朋友移民海外，一個月都起碼食一兩餐Farewell飯，今次朋友選擇左黎呢間銅鑼灣嘅良心小店食泰國菜。呢間鋪都有唔少人排隊，都幾full，而且最特別嘅係用咗泰國有名嘅火車夜市做主題，門口有巨型嘅火車，非常吸睛。我哋首先叫咗個泰式酸辣鳳爪，酸酸辣辣嘅無骨鳳爪夠曬開胃， 加埋啲配菜好醒神。跟住仲叫咗一個極上牛小排沙律，表面鋪滿牛小排，牛小排選擇咗5成熟，烤得好香，入邊好嫩好香牛味，加埋沙律菜食都好清新。鐵板蠔餅亦都相當大份，蠔仔大大粒，蠔餅部份嘅雞蛋炸得好香口，好似蛋絲咁，配埋底下嘅芽菜食好好味。我哋另外都各自嗌左啲嘢飲，非常推薦芒果沙冰， 真係好芒果好甜，椰子沙冰都唔錯，食泰國嘢飲啲咁清涼嘅嘢真係啱晒。嗌左咁多碟野，人均都係$200鬆啲，真係非常抵食。

👣 小曼谷泰國美食站👣🇹🇭🇹🇭🇹🇭🇹🇭🇹🇭🇹🇭🇹🇭🇹🇭🇹🇭🇹🇭🇹🇭🇹🇭🇹🇭🇹🇭🇹🇭🇹🇭🇹🇭相信大家因為疫情無得去旅行 都好掛住去泰國玩而家可以黎住呢到吊下癮先餐廳門口有大大個火車頭🚂作裝飾仿如置身曼谷火車夜市餐廳有啲時候仲會有live band表演🎶 相信會勁有氣氛啊而內部裝修則走懷舊工業風 有啲舊唱片掛牆上裝飾💿食物真係多到眼花撩亂 每樣賣相望落都好好食！點餐時則是自助落單 都好方便😉⭐️⭐️澳洲龍蝦🦞椰青海鮮焗飯🥥  HKD$238⭐️⭐️超巨型龍蝦椰青海鮮焗飯係必點之選如果無點真係走寶仲要有超吸睛嘅賣相😍大大個龍蝦頭🦞插在椰青上🥥(入面都有肉記得食埋！)另外大廚將剩餘龍蝦起肉撈埋椰青飯焗入邊仲有其他海鮮 例如有帶子 魷魚🦑同蝦🦐好豐富！最正係個汁食到有超濃嘅椰漿味🥥、忌廉味同芝士味🧀一啖已經試到三隻味既層次🤩味道：🌕🌕🌕🌕🌖價錢：💰💰⭐️⭐️ 滷水豬手🐷HKD$168⭐️⭐️豬手肉質超軟淋 又滑身😉滷水都好入味 唯一可改善嘅點就係可以清除乾淨啲豬毛😛咁就perfect啦!味道：🌕🌕🌕🌕🌑價錢：💰💰⭐️⭐️ 芒果椰汁沙冰🥭HKD$41⭐️⭐️前排天氣仲係熱熱地 ☀️梗係點杯沙冰黎飲杯沙冰一啲都唔稀 質

今日又清annual 去開cwb， 特然好想食泰國菜，見到OpenRice咁多就決定試下。一搭電梯落地庫，望向左邊就見到大大個火車頭，勁容易認到。就嚟萬聖節，火車頭都有萬聖節佈置。入到餐廳，裝修都好似去咗泰國咁，有好多細緻位，如有個路牌擺咗喺餐廳入邊，周圍都有好多擺設。因為勁想食海鮮，見到佢個孖寶套餐有好多海鮮揀，所以就揀左牛油蒜蓉燒聖子和燒脆皮白鱔。蟶子: 勁香牛油蒜蓉味， 上邊配上脆脆嘅白飯魚，食落去個口感又香又脆白鱔: 烤得勁香，塊皮好脆，有燻香味，咬落去又厚又多汁，口感好好，配上醬汁，特別惹味因為有人無肉不歡，我地揀咗青咖喱豬頸肉，豬頸肉有勁多，食極都有。至於個青咖喱汁，都算幾辣，但都仲好香椰汁青咖喱味。