小曼谷泰國美食站

营业中

休息中

小曼谷泰國美食站銅鑼灣謝斐道535號Tower 535地庫B02舖泰國菜永遠係我既首選，無論同朋友定家人食都一樣咁適合，今日又約左班朋友係銅鑼灣聚會，已經即刻唸起不如過黎<小曼谷>食啦，貪呢到夠晒方便，係正銅鑼灣既心臟地帶，而且座位又坐得舒服唔會太迫夾，岩晒係到吹水聚會，所以大家都非常同意孖寶組合餐廳推出左孖寶套餐，揀2款都只係$288 蚊，幾抵食呀，我哋就揀咗泰式脆炸豬手同埋半隻海南雞，估唔到份量都幾多好大碟，豬手既皮炸得好香脆，食落口感一流泰王咖哩炒紐西蘭青口待應送到黎見到都嚇一嚇勁大盤呀，非常濃郁香滑既咖喱汁配埋青口真係好正，但我地都未夠喉唔想浪費左個咖喱汁，所以額外再加左碟泰式蒜蓉包一齊食，咁就完滿啦鐵板豬頸肉椰菜苗(馬拉盞)本身馬拉盞炒菜已經好香，再配合埋鐵板上就更加惹味啦，每位黎都一定要order呢個菜

🌸銅鑼灣美食🌸小曼谷泰國美食站🇹🇭今天想吃泰國菜，就到了銅鑼灣一間復古火車為主題的泰國菜的餐廳 -「小曼谷泰國美食站」享用是日晚餐❗餐廳鋪面寬敞舒適，裝修以復古火車車廂為主調❗️而餐廳提供的食品都是即叫即製，價錢親民，服務員也十分殷勤有禮❗️我們一行2人共惠顧了孖寶套餐（$288）及以下菜色：1️⃣🌟 招牌海南雞半隻 跟餐招牌海南雞份量十足，雞肉肉質嫩滑，味道清新，配合秘製海南雞醬，十分滋味❗️美味指數：⭕⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️2️⃣🌟泰式燒盲鰽 跟餐泰式燒盲糟份量十足，燒盲鰽美外皮香脆，肉質嫩滑，味道鮮甜，配合泰式酸辣醬，十分滋味❗️美味指數：⭕⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️3️⃣⭐️泰式蒜茸包 $45泰式蒜茸包黃金香脆可口，帶香濃蒜茸味❗美味指數：⭕⭕⭕⭕賣相指數：⭕⭕⭕⭕抵食指數：⭕⭕⭕⭕️4️⃣🌟熱龍眼茶 $30熱龍眼茶有粒粒鮮甜的龍眼肉，味道清甜，十分滋潤❗美味指數：⭕⭕⭕⭕賣相指數：⭕⭕⭕⭕抵食指數：⭕⭕⭕⭕️🌟為是次餐廳用膳的推薦菜色❗總括而言，此餐廳的菜式質素不俗，價錢親民，環境舒適❗是銅鑼灣鬧市一帶的抵食泰國餐廳之選❗

以前食泰國嘢就多數去九龍城竟然朋友話而家小曼谷竟然開到去銅鑼灣都有餐廳風格更加地道，仲有卡位添冬陰功湯去到泰國餐廳又怎能夠抗拒冬陰功的威力，雖然很惹味，泰式生菜包清爽可口的生菜包裹香辣惹味的肉碎一起吃，滋味無窮。芝士蝦丸 炸蝦餅係我平時去泰國餐廳必點自選，但今次見到呢度有個係芝士蝦丸，感覺有幾新穎泰式炒金邊粉炒得好乾身又唔會太酸，香面不油，而且份量十足。我最喜歡旁邊有花生碎🥜將花生碎拌在裏面一起吃，很惹味，感覺很地道。

銅鑼灣小曼谷，喺鄰近世貿中心嘅Tower535地庫，都幾易搵。我哋叫左知孖寶推介，A+B各選一款，揀左牛油蒜蓉燒聖子（3隻）同小曼谷海南雞（半隻），比原價平左成五十幾蚊，都幾抵！蟶子好大隻，上面仲有啲銀魚仔脆卜卜咁，好香。海南雞都好滑，而且應該係用湯同香料慢慢浸熟，係剛剛好熟嘅口感！冬蔭雞湯，夠辣，香料好足係好正宗嘅泰式風味！芒果糯米糍，椰汁好香，芒果都好甜，真係必食嘅飯後甜品。值得一提，我哋好期待疫情過後佢會開返live band！

小曼谷泰國美食站 (銅鑼灣）店舖裝修好有特色，有架小火車🥰🥰青咖喱牛腩$198份量多，抵食，牛腩整到好入面同林，好好食😍😍喜歡食咖喱嘅朋友一定要叫👍👍極尚牛小排沙律$138🥗食返沙律平衡一下🥰🥰fresh😋😋 牛小排肉質鮮嫩，正👍👍小曼谷炒米粉$88🍝米粉炒到啱啱好，入邊仲有好多配料有叉燒、蟹柳、蝦蛋仲有啲蔬菜，幾好味❤️❤️小曼谷原隻芒果糯米飯$88🥣我好鍾意食甜品，太耐冇得去泰國旅行，好掛住芒果糯米飯，呢間啲芒果好甜椰汁同糯米配合啱啱好🤩🤩地址：銅鑼灣謝斐道535號Tower 535地庫B02舖整體評分：5/5味道：4/5環境：5/5抵食：5/5

去完SOGO血拼，要喺銅鑼灣搵地方醫肚，朋友介紹呢間泰菜好食，有live band show. 可惜疫情關係live Band暫停，希望下次嚟可以再睇啦餐廳嘅佈置好正宗嘅泰式酒吧風味，同以前去過嘅Kao San好似，環境比較昏暗，不過情調十足。食品方便質素都唔錯，正宗泰國菜口味。炭燒豬頸肉份量好多，燒得好香口，點上泰式醬好惹味。蒜蓉牛油燒聖子，蒜蓉同牛油好夾聖子嘅海鮮清甜味，聖子無沙馬拉盞炒椰菜苗每次食泰國菜必點嘅菜式，每一間店嘅馬拉盞都會有分別，小曼谷嘅馬拉盞熟比較甜，都唔錯，椰菜苗冇渣泰式辣肉碎炒飯香口而不辣，飯粒粒粒分明，好爽口

之前有食過佢分店覺得唔錯，今次就同屋企人過嚟試吓銅鑼灣呢一間泰國餐廳🍴門口已經有大大架火車喺度，入到去個裝修好似置身喺火車之中咁，幾有特色🇹🇭佢呢度都幾足料！例如佢個冬陰功湯好岩香港人口味，入邊仲有兩隻大虎蝦，4個人叫細剛剛好，冬天飲暖笠笠❤️咖哩大蜆都好惹味😋一定要叫酥餅點咖喱！超正🤩啲生蝦好新鮮又彈牙又厚肉、蝦餅都一樣好彈牙又脆香😋泰式炒金邊粉好香，唔會好濕，配料分量足夠，炒得剛好有獲氣🔥我最期待既甜品芒果糯米飯🥭，熱熱地既糯米飯撞上香椰漿再黎凍冰冰又多汁既芒果～好好食！同埋呢度自助下單好方便☺️

之前同朋友黎過覺得幾好食😋今次就帶埋屋企人過嚟食🥳銅鑼灣呢個地方真係每個月總會過黎幾日，又多嘢買又多嘢行又多野食🤣今次我就等屋企人發板😁泰皇咖喱炒大蜆（$168）呢個價錢算好抵食，全部人都大讚個咖喱好好食😋就咁都可以飲幾啖😍-泰式原味烤酥餅兩塊（$45）叫咗咖喱點可以唔叫埋酥餅，呢兩樣真係絕配☺️酥餅好鬆軟，不過一定要趁熱食😌-冬陰功湯 小（$138）四個人真係要細就已經夠，有兩隻大虎蝦😋足料！好啱我口味辣度同酸度都夠👍🏻-泰式炸蝦餅 小（$82）我最愛！都係咁彈牙香口🥰-泰式鮮蝦炒金邊粉（$98）鑊氣夠，唔會太濕或者太乾😌-泰式生蝦刺身（$128）夠凍厚肉又彈牙😍啲汁都仲係咁好食🥰-小曼谷原隻芒果糯米飯（$88）我覺得芒果糯米飯最重要係多椰漿呀！佢真係比咗好多椰漿我，好開心🥺個糯米飯重要熱辣辣，加埋凍冰冰既芒果🥭超好食😜-椰青（$43）又甜又冰凍又清新既椰青☺️

小曼谷其實成日都想試 但九龍城唔太就腳 近排發現原來佢喺銅鑼灣開左 即刻去試試佢 冬蔭公湯(2-3人份量) ($138) - 份量好多 每人飲到4碗 佢好貼心咁有個火一直熱住佢 等我地幾時飲個湯都係熱辣辣 頭一碗飲覺得唔夠濃 再等佢煲多陣就岩岩好 不過真係好辣 怕辣既朋友要慎選😂我就覺得好過癮 佢有2隻大蝦係入面 不過不失啦 始終煲左咁耐既蝦都係會有d煮過龍黃咖喱牛腩($98) & 泰式原味烤酥餅2塊($45) - 以前細個鍾意食青咖喱 而家反而偏愛黃咖喱 鍾意佢唔辣但又好香濃 對面條友飲左半兜咁滯 痴線 但我認配酥餅食係一流既 酥餅好熱辣辣又脆 牛腩有好多件 細細件咁好林好易咬 最開心係佢有勁多舊薯仔 食咖喱次次都要搵有幾多舊薯仔🤣薯仔索晒d咖喱汁 勁正鐵板豬頸肉馬拉盞通菜 ($99) - 成個鐵板上 黎到仲係咋咋聲 好香 份量好大 堆到山咁高 我同朋友都覺得呢款係我地最鍾意 馬拉盞通菜無得輸 好惹味 又有豬頸肉食 岩晒d得2個人黎食又唔可以叫太多 呢個就一次滿足晒2個願望呢間小曼谷可以用抵食夾大件來形容 重點係食物質素高 其實仲有好多野想試 下次要叫多啲人黎可以試多幾款唔同既菜式

約咗朋友喺銅鑼灣食飯，佢話想食好味又開胃嘅泰國菜🇹🇭，咁我都冇乜考慮，就帶咗朋友嚟呢間餐廳😆叫咗 $158嘅「小曼谷五星燒雞（半隻）」、$98嘅「青咖喱豬頸肉」、$92嘅「泰式咸肉炒椰菜苗」、$45嘅「泰式原味烤酥餅（2塊）」😋「泰式🇹🇭咸肉炒椰菜苗」先上，食菜先，感覺健康啲，我喜歡😆；椰菜苗🥬顏色嫩綠，非常爽脆，好新鮮😋；咸肉有鹹香😆。「烤酥餅🌮」鬆軟又有少少煙韌，沾「青咖喱豬頸肉🐷」嘅咖喱汁食就更加美味😋；豬頸肉 切成長條，食得好方便😆；青咖喱汁濃郁美味，份量仲超多，所以忍唔住再加個白飯 同青咖喱汁一齊食😆。最後嚟埋「小曼谷五星燒雞」，雞皮燒到脆脆哋，雞肉就依然幾 juicy😋呢餐真係食得超飽，同朋友過咗個開心愉快嘅晚上😆

係灣仔上完成日堂後，來到銅鑼灣呢間小曼谷。門口有特色古老火車頭，入面有火車小擺設打咭位，座位闊落舒服。夜晚仲不時有live band表演，不斷播放泰國歌曲，增添情調﹗地道燒臘腸$28:真係冇食過燒臘腸，估唔到幾好食，臘腸本身帶點酒香，惹味有咬口﹗青咖哩豬頸肉 $98:用小火爐坐熱住，青咖喱由椰奶、香茅、羅勒、魚露、青檸、綠辣椒等香料調製而成，飲落香濃中帶點椰香甜，唔會好辣。入面有好多豬頸肉，厚薄切得剛好，肉質爽口彈牙﹗入面仲有青紅椒同豆角條，仲有泰國茄子，自己第一次食泰國茄子， 細細一粒，食落爽中帶腍﹗泰式原味烤酥餅$45（2塊）:熱辣香酥脆，配合青咖哩食果然一流~牛油蒜蓉燒大蜆$122 :表面有不少白飯魚同蒜蓉，大蜆新鮮大粒，點少許酸辣汁仲開胃呀﹗榴槤冰條$38:雪條雪到好冰，含係口中慢慢溶化，食到絲絲榴槤肉~熱龍眼茶$30 好多龍眼肉，清潤養身﹗

小曼谷泰國美食站，位於銅鑼灣謝斐道535號商場地庫，餐廳門外擺設一架火車頭裝飾，配合餐廳以火車車廂內部設計，牆上擺滿各種行李箱，令顧客彷彿置身於車廂內進食一樣。餐廳以泰菜為主打，菜式口味擺盤等等都相當正宗泰菜。個人推介極上牛小排醃沙律，第一次嘗試，味道非常獨特，用上餐廳特制泰式沙律汁，帶點微辣，配上生熟程度完美的牛小排，必試項目。餐廳推介小曼谷炒米，材料豐富，新鮮大蝦，泰式咸肉，米粉幼而乾身，配上泰式辣醬，好食。

行經銅鑼灣想食泰國野，係google大神協助下，發覺銅鑼灣既Tower 535有好多餐廳。黎到餐廳入面勁有泰國酒吧feel，懷疑佢定時會有live band show，另外佢餐廳都以火車做主題，幾得意，小朋友實好鍾意。野食方面價錢合理，而且都好大份。馬拉盞通菜既辣味明顯，非常惹味。招牌小曼谷炒米，類似星洲炒米，再加上扎肉、豬頸肉粒，同泰國米粉一齊炒，爽口得黎唔會好硬。最喜歡佢既青咖喱，非常之濃，配油飯食一流。油飯大大碗，粒粒分明👍🏿飲品方面，泰式奶茶都係正常水準，若不喜歡點額外飲品，店員也預先比熱水顧客👍🏿總括嚟講，店鋪食物質素穩定，睇返原來佢九龍城都有分店，應該都係信心之作👍🏿

好耐冇食泰國菜，今晚同朋友嚟到銅鑼灣謝斐道的「小曼谷泰國美食站」，品嚐地道泰式晚餐🇹🇭店內裝修富有泰國風情，餐牌上有好多款泰式食品及飲品，選擇多不勝數鐵板豬頸肉啫通菜餐廳必食推介，熱騰騰的鐵板呈上，加咗馬拉盞同辣椒碎一齊炒嘅通菜，口感爽脆，香辣惹味！配上半肥瘦嘅豬頸肉，鹹香滋味極上燒安格斯西冷牛小排店舖熱賣嘅安格斯西冷牛小排，燒至大約七成熟，肉質頗具彈性，牛肉味道好濃郁，撒上黑椒粒後有助提鮮。伴碟仲有燒翠玉瓜同車厘茄，夠晒健康小曼谷原隻芒果糯米飯最後又點少得飯後甜品呢！用上原隻芒果🥭鮮甜味美又多汁，好高質！配上軟糯Q彈糯米飯，充滿米香，微微甜，不得了哦芒果沙冰沙冰口感順滑，冰涼解渴，啖啖鮮芒果甜香🤩表面仲有真芒果肉粒，好足料呢

之前同朋友去銅鑼灣唔知食咩揀左呢一間泰國菜叫咗個燒豬頸肉、炒金邊粉、泰式生菜包😋燒豬頸肉香口好味，燒到外面好脆，裏面仲保留到油脂嘅香味✨✨炒金邊粉都有鑊氣，啲料都算多🦐🦐而泰式生菜包就略嫌唔夠辣🥗