小曼谷泰國美食站

营业中

休息中

Tower 535地庫餐廳林立，夏天熱死辣辣，一於今次食翻個酸辣口味嘅泰國菜先🇹🇭-✤ 豬肉碎生菜包 $𝟗𝟑生菜新鮮🥬混合咗洋蔥嘅豬肉碎炒得唔會話太過乾身，依然帶有豐富肉汁👍🏻調味適中，帶有點點辣味。✤ 極上牛小排沙律 $𝟏𝟑𝟖友人睇圖就表示個牛扒好吸引！估唔到呢啲牛扒都可以叫5成熟🥩味道酸酸辣辣，配有不少新鮮生嘅蔬菜、洋蔥🧅等！開胃！✤ 泰式馬拉盞炒通菜 $𝟗𝟐通菜炒得惹味🌶️配合唔少薑絲、蒜蓉👍🏻✤ 青咖哩豬頸肉 $𝟏𝟎𝟖青咖哩味道濃郁，椰漿味好重！豬頸肉份量好多，配料都有唔少泰式茄子🍆、豆角等！大家記得留意係無配任何白飯or酥餅，記得自己order啦🌶️✤ 泰式原味烤酥餅 $𝟒𝟖 呢個相對有啲太油膩，油到簡直唔方便包住咖哩食🥹

成日心思思想去泰國 又未去得旅行唯有食住泰菜止痕小曼谷就係我的首選環境舒適 坐得舒服 裝修方面亦有落足心機烤雞扒: 帶有香茅的香氣 時間烤得剛剛好 肉汁亦鎖在雞扒裡 十分鮮嫩泰式豬頸肉炒飯: 驟眼望去顏色未夠豐富 但食落口 米飯粒粒分明 而且味道亦夠 豬頸肉的份量亦多 絕對抵食泰式鐵板蠔餅: 超級好食 蠔仔份量勁多 炸得非常香口 食落去沒有油膩感泰式馬拉盞炒椰菜苗: 呢個係我每次必叫的菜式 佢亦冇令我失望 馬拉盞份量岩岩好 唔會過咸 椰菜苗食落去無渣 青檸沙冰: 味道酸酸甜甜 簡直是消去暑氣的一大良品

冬蔭公湯(S) $142辣度岩岩好，有兩隻大頭蝦係入面，最鐘意佢有個爐一路熱住，細SIZE都差唔多有5豌幾.泰式酸辣鳳爪 $92無骨鳳爪夠入味，有埋辣汁，好惹味，配菜好新鮮，生菜食落爽爽聲泰式炸蝦餅 $87即叫即炸既蝦餅好大舊，外面脆卜卜，入面好彈牙，配埋酸辣醬，正香芒蟹肉炒飯 $101芒果大大舊，好有芒果香，配埋飯好好食-牛舌串燒 $38-帶子沙嗲串燒 $49串燒火侯岩岩好，調味唔重，沙嗲汁惹味青檸沙冰 $39飲一啖即刻好解辣*食物好大份**地點易搵*

小曼谷成日聽，今次終於嚟試一試晚市好多人幫襯，現場仲有live band 位置，相信星期五六應該會有得聽埋黃咖喱雞肉：雞肉多數係雞背，好在咖喱又香又好食泰式芝士烤薄餅：必食，可以要普通薄餅，但加咗芝士會更加香泰式干炒豬肉片河：有菜有肉，炒得香，好鐘意食泰式馬拉盞炒通菜：炒得香又濃味，平時唔鐘意食菜嘅呢款應該都岩，好食又惹味小曼谷原隻芒果糯米飯：芒果好甜，椰汁飯又香又好食呢間真係好食，絕對可以再嚟，地方都闊落

食正宗泰國料理，我都會去小曼谷 環境舒適 味道又好 泰式蝦炒金邊粉每次朋友去都要食真係配料好多，酸甜甜感覺，加埋新鮮大蝦，一大碟兩三個人食都絕對冇問題，食到好地道嘅味道豬肉碎生菜包豬肉份量多，醃得好入味，香口配埋新鮮生菜，好食到停唔到口泰式鐵板蠔餅炸到黃金色外表，卜卜脆 入面包住蠔，口感好特別，而且蠔味超重照燒雞扒外皮煎得好香 雞肉好嫩滑 配醬汁更加惹味榴槤沙冰 係夏日精選好香榴槤味加上濃厚椰子味 整個甜度岩岩好 消暑一流呀💕小曼谷泰國美食站 (銅鑼灣)銅鑼灣謝斐道535號Tower 535地庫B02舖

下班後到世貿中心旁的Tower 535覓食，Dinner Time餐廳外排有一小人龍，人氣相當不錯。Menu選擇多，2人撐檯腳不能Order太多種類，但Order的都是高質推介之選，期待下次多人聚會再大吃一頓！孖寶推介 $298滷水豬手煲 Braised Pork Knuckle w/ Thai Style大推這個豬手煲！用鐵煲呈上，熱度非常足夠。滷水汁鹹甜適中，豬手已去大骨，被滷得入味溶化，外皮的脂肪一點也不油膩，Gel感一流，豬手肉也很嫩滑，吸盡滷水汁。因為太愛這個滷水汁，特別預留一點回家當拌麵，不得了。小曼谷海南雞半隻 Hainan Chicken 跟套餐還要是半隻，以為份量不會太多，怎料讓我大跌眼鏡，非常大份和厚肉。不論是雞脾還是雞胸肉也同樣嫩滑，可算是零死角的海南雞。雞鮮味也比預期中出色，附送的醬汁很惹味，個人覺得味道與雞皮特別和諧，超邪惡把雞皮也清光！泰式蒜茸包4塊 $48以蒜茸包代替飯麵作澱粉的決定是正確的！4大塊厚切一點也不Hea，外脆內軟，吸盡牛油香和蒜茸粒，還要暖烘烘上桌，肚皮有空位的話真想Encore多一客！椰青 $48每次吃泰國菜必點椰青，炎炎夏日喝一口冰凍的椰

今日同朋友喺銅鑼灣行完街就搵嘢食啦經過呢間泰國小曼谷美食站 就入去食下餐廳環境唔大 仲有個泰國火車頭做裝飾 真係超可愛泰王咖哩法包軟殼蟹 超級巨型法包外面脆卜卜入面軟綿綿 點埋勁香濃嘅咖哩汁一齊食超正 軟殼蟹又係非常香脆 鮮甜味十足炸豬皮 非常有泰國嘅味道 炸得香脆 送酒一流呀泰式芝士炸蝦丸 超級巨型大過一個bb仔嘅拳頭 外面炸得脆卜卜蝦丸爽口彈牙 鮮甜十足 入面仲有流心芝士鐵板豬頸肉馬拉盞椰菜苗 馬拉盞非常惹味泰式金邊粉 金邊粉爽滑唔油膩 配酸甜嘅醬汁非常開胃榴槤沙冰

食過返尋味，再次黎呢間試下唔同嘅菜式。今次叫左個泰式鐵板蠔餅，泰式生蝦刺身同咖哩炒蜆同烤薄餅。泰式鐵板蠔餅同出面餐廳食開嘅口感有啲唔同，一黎望到咁大份都嚇一嚇，可能係蛋多而且仲好香添，蠔都唔會有太大腥味，幾值得試下。泰式生蝦刺身見落就幾新鮮，食落口都幾彈牙，而且點左好多泰式辣汁，酸得黎帶有幾分辣，幾開胃。最後係咖哩炒蜆，就咁睇隻隻蜆都幾大隻，但蜆肉就好個縮左水，不過佢勝在夠多，而咖哩嘅水準一樣照舊，好綿滑好惹味。再配上啲泰式烤薄餅係一流，所以叫咗一份原味薄餅同芝士薄餅，兩份都好有味道，就算就咁食都得，而且係即整，整得好脆口！整體來講都幾抵食，份量幾大，合理價錢，而且服務質素唔錯，所以都會想再黎。

喺銅鑼灣都有唔少好食嘅泰國餐廳，而小曼谷泰國美食站係我經常幫襯嘅泰國餐廳其中之一。小曼谷嘅餸菜分量大而且價錢唔貴，CP值極高👍🏻 呢邊介紹幾款我比較鍾意嘅餸菜俾大家：泰國椰青-絕對係夏天解暑嘅最佳凍飲而且營養豐富。小曼谷嘅椰青份量都幾大，兩個人飲都夠飲。小曼谷炒飯-係小曼谷泰國美食站嘅招牌菜。以奄列蛋包住菠蘿炒飯，炒飯入邊有扎肉同海鮮等。就算唔食得辣嘅泰國菜嘅朋友都好啱食，絕對合適一家大細。青咖喱豬頸肉-傳統嘅泰式青咖喱配上香嫩嘅豬頸肉。青咖喱味道香濃，辣得過癮。絕對適合鍾意食泰國菜又食得辣嘅朋友。如果唔夠飽仲可以嗌多一份香酥嘅原味泰國薄餅，薄餅配上咖哩味道一流鹹蛋黃金炸雞翼-亦都係小曼谷泰國美食站嘅招牌菜之一。新鮮炸起嘅雞翼配上香濃嘅蛋黃醬味道絕配，好適合中意食蛋黃醬嘅朋友。小曼谷1分嘅份量都好大，兩個人食有啲多，啱三至四個人食。

放假落咗銅鑼灣行街，天氣咁熱都唔知食咩好，🐽🐽話不如食泰國菜，好呀上OpenRice 睇吓有咩泰國菜食先。小曼谷泰國美食站嘩睇吓門口個menu好多菜式。坐低再睇吓食咩見到個小曼谷孖寶推介兩個餸都係$298 正wor仲有我最愛既炸豬手😍叫番set 食先。泰脆炸豬手Good 呀！豬手已經切埋，唔洗我哋同隻豬手格力🤣豬手外層脆卜卜好味道😋肉質淋淋有肉汁仲有幾塊脆脆蝦片😋燒脆皮白鱔(兩串）真係外脆內軟，白鱔肉鮮好食😋招牌海南雞(半隻）海南雞肉好滑溜，雞味濃正呀！配埋個汁酸酸地好味道👍

食泰國嘢唔一定要走入九龍城。銅鑼灣都可以食到靚靚泰菜🤩。晚上時段會有人表演音樂🎼。真係一大享受😎。泰文小知識🤌🏻真係長知識。招牌海南雞(半隻）🐔肉質鮮嫩啖啖肉。我超鍾意❤️。鐵板豬頸肉炒芥蘭（馬拉盞）驟眼睇以為佢落漏咗豬頸肉😂。原來寶物沉歸底。豬頸肉放晒喺個底。芥蘭正合時候。爽甜唔會老😋。💥小曼谷原隻芒果糯米飯熱辣辣嘅糯米飯，配上香甜多汁嘅芒果。蘸埋少少椰奶一齊食好夾。💥椰青食泰國嘢飲椰青是常識吧❣️。

假期前夕同屋企人黎到銅鑼灣既小曼谷，之前已經係九龍城食過一次，覺得食物質素有保證，而且最緊要食完唔會覺得口渴😌餐廳門口有火車頭好易認，同屋企人到既時候未到7點但餐廳已經就快滿座，大家想食記得提前book位啦🙆🏻‍♀️我地一家超鐘意食海鮮，叫餐廳孖寶推介就最抵食啦，要左牛油蒜蓉燒蟶子同牛油蒜蓉燒扇貝加埋都係$298蟶子皇蒸完仲好大隻，飽滿爽口，用上牛油、蒜蓉同炸白飯魚調味突出；扇貝肥美新鮮，食落香口主食方面要左芒果蟹肉炒飯🦀🥭呢個唔常見既組合感覺新穎，炒飯合格有鑊氣，香甜既芒果令成個飯昇華左，食落清新唔濟，絕對推薦！青檸菠蘿沙冰（$42）非常清新，飲落口酸酸甜甜夠醒胃，配泰國菜岩哂，可以解膩😆

泰脆炸豬手口感非常乾且tough，咀嚼很久才能咬碎。另外肉質非常(鞋)且很鹹，吃了幾舊要喝很多水。唯一可以讚賞的是豬手旁的蝦片很香脆。我們是叫套餐的，應該以後都不會再叫。妹記的豬手比較好吃。位置比較窄，

一個炎熱的星期五熱上，朋友唔想周街走，最好就係去食嘢。去過九龍城嗰間，覺得麻麻哋。呢間在大廈地牢，面積唔大，很多4人一枱，氣氛熱鬧牛仔骨燒得好香，肉好淋，加埋個醬汁更加惹味可能冇去骨，海南雞半隻份量都唔少，皮爽肉滑，略嫌雞肉唔味淡。煲仔翅材料豐富，有一大塊翅、冬菇、肉絲等。味味就一般啦。蠔餅用大粒蠔仔，有口感，但可能洗唔乾淨，食到有少少沙。雖然是炸的，但唔係好油，食埋下面墊的芽菜，感覺清爽啲。沙冰走甜都一樣好味，因為用新鮮芒果做，香甜又有淡淡的椰子味

小曼谷之前禁堂食外賣過一次，都已經覺得好好食，今次再嚟堂食海鮮孖寶💰$298可以從A/ B item中各揀一款🥢牛油蒜蓉燒蟶子皇（三隻）有我最愛嘅海鮮，蟶子皇好大隻，泰式關係加咗啲脆身銀魚仔，增加口感🉐🥢燒脆皮白鱔魚油香濃，魚皮好脆，好食🉐🥘黃咖喱雞肉💰$108🫓泰式芝士烤薄餅💰$50上次都食過覺得好食，所以再叫嘅，黃咖喱既香不辣，點薄餅非常合適，芝士烤薄餅較原味薄餅香，有芝士香🉐🥬泰式馬拉盞炒通菜💰$92可揀少鹽少油，十分貼心，啱而家想食好啲又講求健康嘅人，味道都一樣咁濃，好食😋🥢泰式干炒豬肉片河💰$91除咗海鮮，我最鐘意呢碟炒河！有鑊氣有蛋香！味道調得好好，最正係有菜有肉咁食炒河🉐🥭小曼谷原隻芒果糯米飯💰$88芒果好甜，糯米飯係熱嘅，椰汁又香，整體好食💰$799/2人🚩小曼谷泰國美食站 (銅鑼灣) @minibangkok 📍銅鑼灣謝斐道535號Tower 535地庫B02舖