小曼谷泰國美食站

营业中

休息中

咁啱同朋友行街，見到佢㗎火車頭吸引左✨完全係打卡位🥰係泰國菜啊🇵🇾好耐都冇食過啦～咁就同朋友去食下先入面環境裝修好特別～座位特別舒適！仲會不定時有live Band表演♥️真係唔錯👍🏻🔸泰式冰奶茶☕️梗係要飲番杯泰式奶茶，口感非常滑身，好有泰國嘅味道🔸荔枝沙冰🥤解渴一流，上面仲要有粒荔枝添，甜度適中～🔸串燒拼盤🍢雞全翼（1串）地道燒臘腸（1串）豬(1串）雞(1串）牛 （1串）雞腎(1串）🔸冬蔭雞湯🍲我認為係必點食品，因為佢下面會有一個爐仔去keep住溫度！非常有心思，雞件亦都好多非常足料

最近東南亞區都發生好多唔愉快嘅事情如果想食泰國菜就更加唔使諗邊度有得食正宗嘅泰國菜呢今日就黎到銅鑼灣小曼谷朋友介紹我話佢哋嘅咖喱軟殼蟹農夫包超級正😍聽講係佢哋嘅招牌菜軟殼蟹食落口超級香脆食得出係新鮮即刻炸,分量都好夠啊我哋三個人食啱啱好,農夫包入面充滿咖喱汁同埋蔬菜 青椒洋蔥等等10分豐富!😋😋✅個農夫包都係相當之高質我哋成疊清咗👍🏻麵包夠晒軟熟 飲品方面叫咗榴槤沙冰,平時最怕就係食到一粒粒冰但係佢哋嘅沙冰並冇呢個問題非常之容易入口，重點係佢哋嘅榴槤味好香，食都唔停得口

小曼谷泰國美食銅鑼灣謝斐道535號Tower 535地庫B02舖Shop B02, Basement, Tower 535, 535 Jaffe Road, Causeway BayTower 535落去地庫, 別有洞天的, 地庫層全是食肆, 小曼谷泰國用qr code落單 $158半隻五星蒜香炸雞新菜式蒜香炸雞， 炸雞醃得好入味，外層薄脆，鹹香中帶濃濃嘅蒜香仲附上炸蝦片同醃酸青瓜紅蘿蔔泰式炒雜菜$98叫菜都是想清淡小小平衡一下, 炒雜菜炒得夠爽口, 調味剛剛好,有得選小油小鹽$108 炒豬肉碎飯因本身好喜歡食泰國炒豬肉碎生菜包, 叫個豬肉碎炒飯一次滿足兩個願望, 食到豬肉碎同飯(要有澱粉落肚的飯桶人) 小辣豬肉碎惹味濃郁，肉碎是夾了1/3肥肉, 真係同白飯好夾很下飯, 仲有雙煎太陽蛋，我食到一粒飯都無剩, 唔怕大個娶豆皮臉老婆。五星蒜香炸雞超好吃, 食到停不到口, 香濃滋味, 大推而火車主題的裝修, 很有趣

位於銅鑼灣嗰間小曼谷， 我真係想講粗口，嗰個咖哩蜆簡直不知所謂， 咖哩冇味， 個蜆係白烚， 最離譜就係嗰個喺menu上面寫住必食嗰個米粉， 我要用難食來形容。 真係冇下次, 呢個價錢仲要咁嘅質素....唉

都耐冇嚟小曼谷，今次襯放假就同朋友嚟咗食。小曼谷海南雞飯 $118去骨雞肉，食起嚟嫩滑，肉質有彈性，雞皮爽嫩。油飯食起嚟好香，有少少雞香味同油香，好惹味！配上酸辣汁昇華至另一個層次～泰式鮮蝦炒金邊粉 $138呢到嘅炒粉係必點之一，即叫即炒，夠哂鑊氣用咗蝦肉、芽菜、香茅、蛋、豆腐乾及花生碎整成，口感豐富，好惹味加左青檸汁，味道酸酸甜甜，食落特別醒胃；大蝦肉質鮮甜爽彈，整體清新得嚟又飽肚小曼谷原隻芒果糯米飯 $88好多舊芒果，芒果味道十分清甜，食落鮮甜厚肉又多汁。配埋香甜軟糯嘅糯米飯，香濃幼滑嘅椰漿，入口暖笠笠，甜而不膩，非常滋味！

同朋友一齊喺銅鑼灣，想食東南亞🇹🇭🇲🇾🇸🇬🇻🇳菜，要惹味啲，大家一齊諗，記得呢間泰國🇹🇭餐廳，好味又幾抵食，咁就決定行過去開餐😆- $128 嘅「泰式🇹🇭鮮蝦🍤柚子🍈沙律🥗」：柚子🍈鮮甜多汁，蝦仁🍤新鯡肉質結實，配合埋酸酸甜甜嘅泰式🇹🇭沙律汁，食落好開胃😆- $158 嘅「招牌海南雞🐓半隻」：海南雞🐓雞肉真係幾滑，海南雞🐓雞皮仲滑，又充滿 雞油香，朋友同我都忍唔住食咗兩塊😆；仲有一小碟好似係薑蓉，非常惹味😆- $108 嘅「泰式🇹🇭馬拉盞炒椰菜苗🥬」：椰菜苗🥬新鮮幾爽脆，加馬拉盞去炒，特別香口惹味😋

呢度嘅黃咖喱唔辣，啱我唔太食得辣而又想食咖喱嘅人選擇。雖然唔係牛嘅專門店，但牛腩炆得好軟腍，而且又入味，果然冇叫錯！咖喱味道都好香配咗少少椰香味，啲咖喱汁絕對可以撈飯食完咁重口味嘅嘢，即刻想飲番杯椰杯，清清地，有椰青水嘅味道，最後仲可以刮啲椰青肉食下泰式蒜蓉包，烤麵包整得幾脆口，見到每一部份都有塗蒜蓉同牛油醬，仲大大塊～最好趁熱食，凍咗就會硬咗啲，會遜色左懷念泰式生菜包，生菜好新鮮，加上泰式調味黎炒嘅肉碎，見到肉汁流出來，有少少泰式酸嘅味道，味道恰當，份量剛好。鹹蛋黃炸雞全翼，喺最遲上菜，相信係即叫即炸，有雞腿同雞翼尖，每件都見到表面留有少少炸完嘅鹹蛋黃汁，肉身都算嫩。雖然唔係吉列炸嗰款，但反而鍾意呢種少少脆又唔會太乾嘅感覺。做到泰式肉同泰式海鮮嘅味道，啱晒重口味嘅朋友～

銅鑼灣總統戲院對面有間泰國菜，夜晚都幾多人，我去試吓先😬😬餐廳門口放咗火車頭🚂入面有個迷你打碟嘅位置如果有DJ喺度氣氛都幾好，好似喺曼谷夜市嘅感覺🥳選擇種類好多有串燒、刺身、咖喱、海鮮、炒飯、甜品等等我叫咗個黃咖喱雞配印度薄餅🥘男朋友特別鍾意食蒜蓉包🥖加多個蒜蓉包，可以點咖喱汁🥰除咗黃咖喱之外仲可以轉青咖喱黃咖喱唔算好辣，少少微辣之餘甜甜地雞肉大概有六七件左右 兩個人食都夠嘅配菜仲有紅椒同洋蔥等等，用料十足！印度薄餅即整熱辣辣，好鬆軟啊😋配黃咖喱簡直係Perfect match🤪口感一啲都唔乾，仲好滋味添蒜蓉包即叫即焗，熱辣辣上面鋪滿香濃嘅牛油蒜蓉，口感食落去脆卜卜一定要叫😍😍串燒牛$49/2一人一場串啱啱好🤣牛肉都幾大件，燒得好香口，沾沙嗲醬食更加好味！唔少得甜品，有我鍾意嘅椰汁西米糕上面白色嘅椰汁香甜濃郁🥥睇吓有粒粒西米同粟米，口感十足椰汁控一定鐘意！小曼谷泰國美食站 銅鑼灣謝斐道535號Tower 535地庫B02舖

食晏就食咗冇一個鐘，已經被餐廳嘅人趕走，態度非常惡劣，感覺非常差，唔會再去食物質素愈嚟愈差，價錢同質素不成正比，服務態度又差，真係唔會推薦趕客趕到出曬面，趕人走嘅語氣令人十分失望同憤怒

約了朋友到銅鑼灣，我們隨意揀了這間餐廳，種類有好多基本泰國菜都有，而且幾抵食小曼谷炒飯入面有好多唔同嘅料本身仲以為佢個蛋剩係得上面有，點知包住成個飯！入面有蟹柳扎肉蝦蛋絲，味道不會好濃泰式豬頸肉份量好足夠，我哋五個人食一人都分到好多，雖然端上來不是太熱，個燒汁辣汁唔係好食到辣嘅人都食到。泰式蝦餅建議依個再多啲人先叫，一人食半件或者一件就好夠，蝦餅多彈牙，要飽肚嘅炸物都可以揀佢蒜蓉包上面真係好多蒜蓉，建議鍾意多蒜蓉嘅人先揀，建議趁熱食，放得耐了蒜蓉包會冧左黃咖喱雞佢個汁好多建議叫飯或者蒜蓉包或者餡餅，唔好浪費咗個汁，咖喱入邊已雞同薯仔為主，但份量都唔係好多

相信每個人都有美食嘅口袋名單 (台灣用語)「小曼谷泰國美食站」就係我名單之一一來係黃店 二來又好食所以有朋友話想食泰國菜就一定帶佢嚟呢間..泰式木瓜絲沙律 ($82) : 好清爽好fresh，夠晒開胃，份量亦好多泰式燒牛仔骨 ($108) : 好重牛味，唔會太韌，個醬點唔點都好食小曼谷炒米粉 ($91) : 炒得好乾身椰汁西米糕拼泰式千層糕 ($49) : 每次都叫泰式冰奶茶 ($39) : 又係每次都叫，每次都係少甜少冰少奶走飲管..

#小曼谷泰國美食站 上星期放工和同事一齊去吃泰國料理，雖然老銅有好多間泰國餐廳，但都係一諗就會諗起這家，所以我都吃了好多次😌因為好味又唔貴😉🔹風味燒豬頸肉 $128，有著烤香味道，而燒豬頸肉的肉質爽彈，每一片燒豬頸肉的厚度適中，配上泰式醬汁，超級美味😋😋😋🔹鹽燒馬友魚 $218，馬友魚本身已經是魚味濃和質感結實，所以加上鹽燒就更加突出，燒烤後魚肉滑，又少骨，真是不錯👍👍🔹泰皇咖哩炒蜆 $188，每次來都必點既炒咖哩系列，炒咖哩好香又唔會好辣、蜆肉都好多，咖哩汁完全係主角，所以我加了焗蒜蓉包和烤餅一齊食，超級正啊😉😉😉🔹冬陰公湯 $142，有兩三隻大蝦，已經好吸引，味道就正正常常😊😊🔹椰皇沙冰 $39，吃了多麼好吃的食物，來一位泰式椰皇沙冰就剛剛好🫰🏻小曼谷地址: 銅鑼灣謝斐道535號地庫 B02

2022-09-26同女朋友去咗銅鑼灣行街🚶🏻去食咗間好耐無食嘅餐廳🤤就係小曼谷泰國美食站🚂早幾年餐廳會有人現場唱泰文歌🥳加上餐廳燈光都幾暗幾好氣氛🎊感覺好似去咗泰國夜市咁🌌平日晚市時段，幾多人😂店員安排坐門口，四人枱4️⃣用手機落單📱泰式海鮮炒飯，91蚊碟，賣相上枱都幾靚仔，又有花伴碟，到食個時先知出時，炒飯勁濕，炒到一pat嘢咁，我心諗可能濕炒飯，都好好食呢，試咗啖，即時舉手叫店員求助，店員即時幫我換過碟，換完正常好多，起碼粒粒分明，真係食緊炒飯，味道一般，對海鮮炒飯有陰影😭泰式木爪絲沙律，82蚊碟，份量幾多，泰國菜必點既開胃菜，酸酸辣辣加埋爽脆木瓜，係依餐難得好味菜式🥗牛肉沙嗲串燒，24蚊串，牛肉都幾硬梆，非常咸😣雞肉沙嗲串燒，24蚊串，口感軟嫩，幾好食😋牛舌串燒，38蚊串，非常咸，好硬😩整體環境氣氛幾好，好似去咗夜市感覺🤩服務都好好即時跟進顧客嘅需求🥳食物就大退步，無乜心機煮咁，好無誠意煮，暫時唔會幫襯😫#泰式海鮮炒飯#泰式木爪絲沙律#牛肉沙嗲串燒#雞肉沙嗲串燒#牛舌串燒

今日係銅鑼灣揾食。原本打算食牛肉麵，點知發現隔離有間好經濟既泰菜叫小曼谷泰國美食站，不如試試先。星期六午市都有午餐餐牌，選擇超多，有飯有粉有沙律有薄餅等等。價錢基本上都係六十幾蚊。無加一。泰式雜菜湯一坐低就每人送上一碗泰式雜菜湯，味道係冬陰功湯味，酸酸辣辣，不過無料，好開胃。牛根丸牛肉船粉 $63牛根丸牛肉船粉我地揀咗金邊粉，另外仲有河粉米粉可選。金邊粉好幼，非常之淋。個湯係深啡色，牛味就麻麻地。牛肉3大塊，都算淋同有牛味。牛丸4粒，正常。牛柏葉兩塊，下底有少少通菜，上面加上蔥花。泰式燒牛仔骨配木瓜沙律 $63泰式燒牛仔骨一客3件，燒得好香有少少燶，肉質好淋，好味道。墊有少少椰菜絲。木瓜沙律係分開上，青木瓜絲加有青豆條，紅蘿蔔絲，車厘茄，同好多脆口花生，個汁極度酸甜。泰式香葉辣椒海鮮燴飯 $68呢個飯就好令人失望，價錢都係最貴。原來燴飯係白飯，毫無特別。蝦有兩隻，帶子兩隻開邊，魷魚四五塊，加上青豆粒同兩片青瓜。叫左少辣，個汁係辣既。另外加錢要小食。泰式酸辣鳳爪 細 $29泰式酸辣鳳爪既鳳爪切到好細，質素正常爽口。配有洋蔥絲，紅蘿蔔絲，蔥條，生菜，同車厘茄。叫左少辣都非常辣，辣到凍飲都解

Tower 535有幾家餐廳都坐得比較舒服，最近去了小曼谷泰國美食站，環境帶點復古。泰式生蝦刺身（$128）大大隻，配上酸辣汁特別好吃。泰式柚子沙律（$108）要了少辣，份量足，柚子甜，絕對是清新健康之選。看見很多人都點了串燒，我們點了牛舌（$38）、雞肉（$24）及頂級牛柳粒沙嗲串燒（$49）。最喜歡的就是牛舌，夠腍身！另外點了燒脆皮白鱔（兩串 $158），白鱔燒得外脆內juicy，絕對推介！主食要了泰式濕炒牛肉河，醬汁非常好味，河粉炒得好，份量足，不錯！整體食物及地理位置都不錯！