小曼谷泰國美食站

营业中

休息中

有時候想食就係想食，這間店除了在九龍城可以找到外，在銅鑼灣都可以搵到，餐廳位置在謝斐道535號地庫，唔算難搵，係sogo 後多少少位置，一望就見到個超特色火車頭，所以一望就見到佢，同樣由店員安排入座後掃瞄二維碼落單，今次就點了泰式煲仔翅，這個同在泰國時食到嘅口味十分相似，而哩個價錢真係有翅在煲內，入味香濃！而今晚還點了幾款喜歡食物嘅串燒，有地道燒臘腸入口煙靭香甜、原條燒珍寶腸，燒得皮脆肉香、加埋燒牛肉，燒得剛好，肉質嫩滑軟淋，食得十分滋味！而主食就係蝦膏豬肉碎炒飯，炒飯內陣陣蝦膏香味撲鼻，入口味道濃郁之餘，飯身都炒得乾身煙韌夠晒口感，還有吸收了蝦膏味道嘅豬肉碎，所以份外好味道！而飲品就點了杯榴槤沙冰，榴槤味道香濃之餘沙冰幼滑香軟，整體食物質素有水準，出菜有效率，落單後等一會就上枱。想食總有一間係左近😊

呢間泰國菜館非常有 gimmick🤠，每晚8：00 － 10：00 都有live music表演🎤🎶，可惜我哋早食早享受無緣聽到，不過門口都有架火車頭🚂等住我哋打卡📸🥢香葉辣椒海鮮燴飯配荷包蛋＄118非常多海鮮🤩，有6粒帶子、4舊魷魚🦑及2隻虾🦐；豆角、香葉、辣椒🌶及蒜頭🧄炒得非常香口惹味，加埋🍳荷包蛋夠哂豐富，大大碟🥢泰式乾炒海鮮米粉＄118同樣都係非常多海鮮🦑🦐🤩，米粉大大碟而且炒得非常乾身唔油膩，味道亦剛剛好🥢蝦餅三件＄108估唔到三件🦐有咁大碟，炸得熱辣辣唔油膩，配埋個甜辣醬，滋味魚堅總評性價比 4👍(以5👍為滿分)

同朋友去泰國菜～ 因為冬天凍唔凍食吓泰國嘢真係暖粒粒！餐廳除咗裝修有從工業風之外，仲有live music! 銅鑼灣鬧市之中有live music 🎵 真係令人哋食飯嘅時候好舒適！好休閒！我哋叫咗泰式黃咖喱軟殼蟹咖喱包～花膠碗仔翅～馬拉盞炒通菜！飲品叫左凍檸樂同香甜椰青～泰式黃咖喱軟殼蟹包真係超級大份量！驚喜又好味！甜甜的黃咖喱配埋軟殼蟹一齊食令到香脆軟殼蟹加埋濃郁既黃咖喱增加層次分明嘅口感！咖喱配埋農夫包一齊食真心勁正！農夫包吸收左黃咖喱之前口感香濃舒軟！惹味又好食！花膠碗仔翅有大大塊香軟彈牙既花膠！配埋碗仔翅一齊食真係好正～ 好似置身於泰國嘅唐人街咁～ 喺泰國唐人街好味嘅碗仔翅！從香港街頭嘅碗仔翅絕對有啲唔同！馬拉盞炒通菜炒得好惹味！菜既份量好足～ 配合埋其他餸菜一齊食！健康又美味！凍檸樂配泰國上一齊食真係令到口感好爽！仲有香甜又好飲既椰青！

今日同班同事放完工喺銅鑼灣行下街， 同事提出去銅鑼灣嘅特色泰國菜館小曼谷， 話試過包滿意， 佢咁講得對泰國菜一向都無咩特別感既霏霏都好想試下🤣入到去已經有個星期打卡地標火車， 好靚啱曬網紅打卡用🤩 餐館好貼心，有啲happy birthday嘅牌， 應該係畀啲人生日嘅時候有backdrop可以影相用， 喺度開生日會又有嘢食又有打卡點確係幾好👍最正嘅係有live band， 當日我去，咁啱冇可能因為早去， 下次晏啲聽下人哋唱下歌一路食住嘢應該好有情調💕 好啦嚟到嘢食重頭戲， 我哋嗰日叫咗幾道菜豬肉碎生菜包生菜包好香檸檬同香茅味，食落好清新再加上少少辣味岩岩好， 食唔食得辣嘅朋友都可以試金邊粉金邊粉炒得夠哂乾身香口，配上炒蛋、花生碎、芽菜、香茅、青檸、大蝦等，非常豐富，最難得係醬針夠哂濃,岩哂我重口味既人😌泰式乾炒海鮮米粉米粉炒到勁香，唔會 好似出面嗰啲食起上嚟又乾又硬，吃 每條面條都根根分明，入面仲有蝦，帶子，魷魚，芥蘭及雞蛋；當中蝦，帶子及魷魚 非常新鮮，蝦肉厚身又彈牙 泰式芝士烤薄餅最鐘意既一道菜！最鍾意就係芝士有拉絲💓😋熱辣辣又爽口芝士嘅鹹香味真係好濃郁 呢度菜必須要趁熱食， 凍咗

銅鑼灣小曼谷美食站，每一次嚟到都會有唔同嘅驚喜，今次遇上星期三晚嘅live Band，由夜晚七點到10點，都有豬場歌手現場唱歌，一路聽歌一路食泰國菜真係正。每次都會叫嘅泰式煲仔翅，水準依然，材料豐富，原煲上枱熱辣辣好味道。鹽燒東風螺表面有好多粗鹽，餐廳配埋泰式醬汁，所以食起東風螺上嚟又有燒烤味又有泰式味道。泰式酸辣鳳爪，沙律菜非常之新鮮，酸辣鳳爪辣到比較強勁。強烈推介泰式乾炒海鮮米粉，米粉非常之乾身，大蝦新鮮彈牙好食。

再一次嚟到小曼谷泰菜，因為我好想食個泰式煲仔翅。天氣凍咗食呢個煲仔翅真係暖笠笠。大大塊嘅魚翅真係超值。心血來潮想食啲燒海鮮，見到餐牌有鹽燒東風螺就決定點呢個。隨碟有泰色醬汁，點唔點都好好食。泰色炒米粉一如既往好食。泰色鳳爪份量非常多，下次要點少辣。伴碟的生菜很鮮鮮，泰色沙律。沙嗲雞軟骨串，新鮮燒起，作為前菜真係好適合。咸魚炒芥蘭非常足料，咸魚大大件。是晚仲有現場樂隊，令人可以好好享受一個輕鬆愉快的晚餐。

講真泰國野，我食唔少，但「小曼谷泰國美食站」我諗係我食過咁多次我仍然仲有衝動繼續去，如果話每個人有心目中既飯堂，呢間必定係我其中一間，起碼果刻我想食泰國野，我都會諗起佢，可能係親切感？抑或食開有感情？我諗答案好簡單，就係好食囉。👇📌飯 類 - ▪️ 小 曼 谷 炒 飯 - $138▫️ 黎得呢到一定要嗌一個招牌「小曼谷炒飯」，其實佢係個蛋包飯黎，介開裡面一次過食到蟹柳、札肉、豬頸肉、蝦，非常足料。而蛋皮夠哂薄身，口感滑溜，飯身亦夠乾身，粒粒分明，幾好食。▪️ 小 曼 谷 海 南 雞 飯 - $118 ▫️ 另一道又係我最愛既「小曼谷海南雞飯」，雞肉上枱已經去哂骨，啖啖肉肉質嫩滑，岩哂我呢d懶鬼，點埋泰式辣醬，風味十足；雞油飯就咁聞非常香濃，仲有個雞湯有大量蔥花，清香入味。📌炒 河 類 -▪️ 香 葉 辣 椒 雞 肉 炒 河 - $108 ▫️ 最後叫多左個「香葉辣椒雞肉炒河」，一上枱新鮮滾熱辣，完全睇得出大廚功架，事關炒得非常乾身，雞肉亦夠滑溜，辣度岩岩好，份量又夠多，我同朋友差d食唔哂，呢個價錢絕對抵比。

成日經過九龍城嘅小曼谷都見到好長龍 今日終於可以一試 去咗銅鑼灣嗰間小曼谷 餐廳都幾闊落 感覺幾chill 好似去咗泰國嘅酒吧 weekend好似有live Music添 去唔到泰國可以去下小曼谷🤭 另外值得一提嘅係 餐廳係用QR Code落單 亦可以自選口味 例如揀少鹽少油走青走蔥 非常貼心方便🤳-🍗鹹蛋黃金炸雞全翼 $98好多咸蛋黃醬，超邪惡呀😈 炸得唔算好脆口 雞肉可以再熟少少🫣 咸蛋黃醬比較乾身 唔係好油好香果種 追求超惹味嘅可能就唔係好岩啦-🥗鐵板豬頸肉炒椰菜苗（馬拉盞）$128用鐵板上 d煙好耐都未散 夠晒熱 仲好香添呀😍 椰菜苗口感味道都唔錯😋 但豬頸肉就略嫌有少少過火 可能下次試下分開嗌個豬頸肉🤔-🤤泰式鮮蝦炒金邊粉 $138份量好足 大蝦都有4隻 金邊粉幾煙韌 如果再濕潤啲就好啦 味道都幾好 唔會太甜太油-🌶豬肉碎生菜包 $118今次走咗洋蔥同青 望落比較寡🤣 生菜係新鮮嘅 肉碎都肥瘦適中 唔會太辣 唔太食得辣 但又想重口味少少嘅就岩晒啦🤩

太耐冇去旅行又好想食泰國菜，於是今晚就約埋兩個姊妹一齊去銅鑼灣度食返餐飽店舖門口有泰国嘅火車，好有打卡feel！去到夜晚8:00仲有live Band，主要都係唱泰文歌同英文歌為主。好想食咖喱，於是就叫咗一個咖喱龍蝦食，配薄餅一齊食，真係Yummy 🤤成個咖喱龍蝦好多配料，隻龍蝦仲要好大隻😋啖啖肉我朋友都好鍾意食炸豬手嘅，所以我哋都叫咗一隻炸豬手，外皮香脆！肉質又好彈牙，豬手隔離仲有炸蝦片好正，仲可以點埋個泰式辣醬🤤生蝦刺身，個生蝦醬，真係好好食，d生蝦又冰陣住 好鮮甜泰式生菜包，可以揀小辣小青，我哋都食得辣嘅就食返原味😋份量真係夠大又多生菜！泰式馬拉盞炒通菜，夠晒濃味👍🏼我鍾意🤤每次食泰國嘢都會飲番杯龍眼冰，真係可以解渴又滋潤👍🏼

坐得舒服既泰國菜，樣樣都想試，下次要約一大班朋友一齊食share先😍❤️小曼谷炒飯 一個正方型蛋包炒，薄薄既滑蛋蛋皮，輕輕切開就就係好香既泰式炒飯，配料有扎肉+豬頸肉+蝦仁+蟹柳，豐富又惹味🧡泰式乾炒豬肉河 濃郁既調味加上炒到熱辣辣夠鑊氣，仲有好多片豬肉，仲有介蘭+紅蘿蔔等配料，好大碟好飽！！💛豬肉串燒 即叫即燒，肉質結實，沙嗲醬偏流質，味道幾香💚椰汁冰 原本諗住叫椰汁沙冰，㩒錯左椰汁冰🙈不過椰香味十足，甜度又可以自定，飲飲下又唔錯啵

食過咁多次小曼谷依家先知道原來銅鑼灣都有分店，以後想食嚟呢間分店就方便好多喇。<鐵板豬頸肉啫芥蘭> $118鐵板豬頸肉啫芥蘭上到枱時好有氣勢而且好香，放咗陣都鐵板仲有吱吱聲，芥蘭爽脆，豬頸肉唔會鞋口。<青咖哩海鮮> $128青咖哩有唔少海鮮，比如有蝦﹑青口等，咖喱濃郁，食落微辣，點烤薄餅食超級夾。<泰式芝士烤薄餅> $58薄餅酥脆，加了芝士更帶有鹹香。外脆內軟，餅皮煙韌得來又吸滿咗青咖哩汁。<椰青波波> $58椰青波波好可愛!椰青水清甜冰涼，又有椰青肉食，一點兩得。-

歐遊回港，好耐冇同媽咪出去食飯，媽咪話想食泰國菜，我就揀咗小曼谷泰國菜館，因為之前有食開，知道佢哋食物嘅質素有返咁上下水準。鍾意她的裝修好友泰國feel，今日好特別，食飯途中有位歌手現場表演，唱得不錯，配合不錯的泰國美食，另有一番風味。今日媽咪點菜-冬陰功湯（見到佢哋係泰國師傅煮，所以湯底嘅味道夠酸又夠辣）小曼谷海南雞飯 （媽咪鍾意比較健康，所以佢食得清淡少少，佢哋海南雞飯可以選擇白飯或者又飯，今次媽咪就點咗白飯，雞肉夠滑，媽咪話應該係新鮮切出嚟所以先有咁滑嘟嘟）豬肉碎生菜包（生菜包一樣係味道夠酸，對於我個人口味來講如果再辣少少仲正，不過就返屋企人食唔到泰勒呢個辣到就啱啱好）炭燒豬頸肉（炭燒豬頸肉係我一聲我鍾意食嘅野，豬頸肉嘅口感比一般肉質因為脂肪含量多少少，所以咬落去好脆口，但怕肥嘅我間唔中食下好啦）泰式炸蝦餅（佢哋蝦餅嘅份量可以選擇三件或者五件，我哋四個人食三件已經非常足夠，因為佢係一大舊蝦餅再切開一半，即係有六件可以大家share食）飛天通菜（飛天通菜request咗要少油少鹽少鹹，所以就咁食唔使送飯已經好和味，而且食完都唔會覺得口渴）再加一個我喜愛的椰青

下個月先飛泰國，飛前準備吓，今晚先來一餐泰國菜，一行四人係銅鑼灣再次光臨小曼谷泰國菜，今日有啲驚喜，食飯途中有現場live 表演，歌手唱得不錯，食物質素也保持水準。今日點餐：小曼谷海南雞飯 -雞肉好滑醬汁保持水準豬肉碎生菜包-生菜包，我最愛，炒得唔太濕，亦都唔會太辣冬陰功湯-酸辣好balance，兩隻大蝦新鮮彈牙炭燒豬頸肉-燒得啱啱好唔會太乾身飛天通菜-一貫水準泰式炸蝦餅-唔會炸得太燶，鍾意佢個醬汁椰青-夠新鮮鮮甜。再加現場live，是泰國菜不錯的選擇。

小曼谷泰國美食站地址: 謝斐道535號Tower 535地庫B02舖#yauyau_銅鑼灣今日嚟到銅鑼灣嘅小曼谷，呢間泰國菜嘅價錢定位偏貴，但係佢嘅份量都相對比較多，佢哋嘅碗碗碟碟都比出邊嘅乾淨好多，完全摸唔到有任何有油。大家如果想七點之後嚟食，就算平日，我建議會訂一訂位會比較方便啲。🫓🫓泰式原味烤酥餅 $48呢個酥餅係叫嚟沾嗰啲青咖喱食嘅，將成塊酥餅浸落去咖喱咖喱湯裏面，等佢成塊浸林咗之後就可以食到又香口又重咖喱味嘅酥餅呀，勁香口。🥘🥘青咖喱豬頸肉 $118青咖喱非常清香，裏面有豆角辣椒茄子，仲有冇無盡豬頸肉，真係食極都仲有，豬頸肉食落油脂飽滿，非常有咬口，配合埋啲咖喱咁就可以一路咬啲肉來感受咖哩隻香味。🥬🥬泰式馬拉盞炒通菜 $108呢度用啲比較幼身嘅通菜，我哋有叫咗小油，咁佢炒出嚟呢就係啱啱好，唔會太油膩，但係又食到泰國菜嗰種鑊氣同馬拉盞嗰種辣度相互融合，通菜食落都嫩，冇渣，而且唔會太過辣口同埋太鹹。🍤🍝泰式鮮蝦炒金邊粉 $138金邊粉炒得啱啱好，可以保留金邊粉麵條嘅韌度，冇炒到成pat水咁，好有鑊氣，而且裏面嘅芽菜比例非常之好，一路食金邊粉有爽口嘅芽菜喺側邊。美中不足嘅係佢嘅花生

小曼谷係其中一間我會常去嘅泰國餐廳，因為呢度嘅黃咖喱同烤薄餅十分出色。之前已經見到呢個龍蝦孖寶($398)好幾次，但次次都售罄，今次終於食到，叫咗牛油蒜蓉燒龍蝦+燒白鱔，原隻龍蝦被滿滿嘅蒜蓉同炸白飯魚覆蓋，龍蝦好新鮮好彈牙，好鮮甜好好味，真係好想自己獨吞成隻🤭而白鱔燒得脆卜卜，啲肉又好肥美。另外叫咗黃咖喱牛腩($118)，咖喱香濃，牛腩又淋身唔乾口，再配埋酥脆嘅烤薄餅($58)，絕配。今晚仲有現場表演，都唱得幾好聽。