小曼谷泰國美食站

营业中

休息中

新年期間去食，冇加價不特止仲唔收加一，性價比好高。lunch60-100蚊左右包野飲，有喺OpenRice book到位，不過好奇怪， book位唔俾食lunch套餐😅要食lunch套餐就唔可以book位😵‍💫非常奇怪的規矩。不過去咗兩次都一入去就有位。野食貌相很差，但味道好食，偏濃，岩重口音人士去食。經常會漏單，需要再三確認。好似係九龍城有主店，依一間係分店。需要食200蚊以上先可以使用信用卡付款。

可以一邊品嚐美食，一邊欣賞歌手現場唱歌，無怪乎銅鑼灣的小曼谷泰國美食這麼多人。好在等了不用多久就有位。香葉辣椒豬肉碎燴飯配荷包蛋$108雞蛋周邊煎得香脆，蛋黃還帶流心。朋友這段時間戒辣，所以豬肉碎走辣，廚師炒得夠鑊氣香口，豬肉碎調味很好，夠入味，豆角粒頗脆口，與豬肉碎非常好拌飯。招牌海南雞半隻$158海南雞半隻份量足，雞皮金黃色，雞剛好熟，雞骨還見到嫩紅，所以雞肉相當嫩滑。榴槤冰條榴槤冰條面上還結有冰粒，造型似足一個榴槤肉，但可能期望太高，不知是否結冰太凍，令味覺有點遲鈍。椰汁西米糕 面上有一層的廠椰醬底下是西米及少少粟米粒、芋頭……等，不會太甜，是特色的飯後甜品。

今次同朋友黎到銅鑼灣Tower535既小曼谷,有超多正宗泰式風味既菜品,身處火車設計既餐廳中,可以一邊享受美食一邊欣賞Live Music,人均消費$300內,非常歎😎😎串燒拼盤B $136同朋友share必選既拼盤!多達6款泰式燒烤即叫即烤,表面焦香而食落超惹味,包括有雞全翼,燒臘腸,雞牛豬各一串同雞腎😍其中地道臘腸表面香脆內裏偏軟,好特別👍🏻泰皇咖喱炒海鮮 $288 配 泰式原味烤薄餅 $52超大份量海鮮,有2隻大蝦+魷魚+大蜆+青口,新鮮口感仲要非常入味,配上酥脆薄餅,超滋味😇

♡ 泰國菜嘅天花板｜小曼谷泰國美食站 ♡-今日嚟到銅鑼灣，好想食泰國菜😋之前已經試過九龍城小曼谷嘅外賣，覺得好好食🥰於是今次同友人們去咗一間銅鑼灣分店，佢係一間有live band嘅餐廳🎤氣氛同環境都好好😍而且性價比極高 ～ - ♡ 泰式蒜蓉包 （4塊） ♡ $52蒜蓉包勁大塊而且好夠蒜蓉味 擺咗一陣都仲係脆卜卜，好好食😋-♡ 牛油蒜蓉燒紐西蘭青口 （半打）♡ $138呢個真係要必食🥰青口有好香濃濃嘅蒜蓉味 ～～ 而且都好新鮮。-♡ 泰式乾炒海鮮米粉 ♡ $118海鮮米粉好足料入面有鮮魷、大蝦🍤、帶子～ 米粉雖然係乾炒，但係一啲都唔嚡熠熠米粉幼身 好易入口-♡ 小曼谷海南雞飯 ♡ $118小曼谷嘅海南雞飯真係好好食😋海南雞好滑嫩 👍-♡ 鹹蛋黃金炸雞全翼 ♡ $98入面有勁多鹹蛋黃碎啱啱炸嘅雞全翼香脆可口好快清碟🫣-♡ 小曼谷原隻芒果糯米飯 ♡ $108原隻芒果一分為二芒果🥭好香甜配埋淋上椰漿🥥嘅暖笠笠又煙韌嘅糯米飯🍚 係最佳嘅飯後甜品。-❥#⇢店鋪資料：小曼谷泰國美食站 (銅鑼灣)銅鑼灣謝斐道535號Tower 535地庫B02舖#-#銅鑼灣美食 #銅鑼灣泰國菜 #

食咁多泰菜，都係覺得小曼谷有水準，位於銅鑼灣方便過嚟呢到仲有唱歌表演，食飯時同三五知己一齊聽吓歌幾chill呢到必食嘅有「小曼谷龍蝦孖寶」有龍蝦、蟶子、扇貝等等，好多嘢揀，始終泰菜，同平時食到嘅煮法有少少唔同「牛油蒜蓉燒原隻龍蝦」「牛油蒜蓉燒扇貝」兩款都香牛油蒜蓉味，加咗銀魚仔，有咬口，海鮮新鮮又大件「泰式干炒豬肉片河」炒得有鑊氣好欣賞，熱食一流「黃咖喱豬頸肉」「泰式芝士烤薄餅」嚟親必食薄餅點咖哩好好食，薄餅有芝士味仲香仲好食

野食就正正常常， 但服務態度超差，我入座後，一叫完野食，中間連續4,5次不斷過黎收我未食完既餐， 理由就係話有 booking, 但現在得我地同另一台客。 但又問我加唔加單，加單就無 booking 既。 跟個侍應係咪有限時，佢就態度超差咁話1個半鐘， 但周圍唔見有呢個規定寫左， 入座個陣又無講。永遠 blacklist 呢間野。

小曼谷泰國美食站 Minibangkok Thai Food Station 銅鑼灣謝斐道535號Tower 535地庫B02舖Shop B02, Basement, Tower 535, 535 Jaffe Road, Causeway Bay去到快餐店本想ORDER , 但COUNTER 只有一個員工, 自助點餐機又壞了, 成個COUNTER都企滿了等食物同落單架人。見唔對路， 心知不妙要等， 即刻走去對面街搵地方食野。半隻五星蒜香炸雞， 炸雞醃得好入味富蒜香，是偏鹹香濃味的, 外層雞皮薄脆，仲附上炸蝦片同醃酸青瓜紅蘿蔔馬拉盞炒椰菜愈食愈滋味, 胃口大增, 再加碗油飯先用qr落單，方便快捷。

同朋友星期五飯聚，想食泰國菜就選擇左呢間。好耐前食過九龍城分店有驚喜，估唔到隔左咁耐依然保持到水準由於餓鬼上身又咩都想試下，我地3個女仔叫左超多野…對比隔離枱人地又係三個女仔，我地好大食呢個炒米粉係餐牌上有推介，真係好好食夠鑊氣，米粉炒得好乾身，調味亦啱啱好，超好食！呢味餸我本身鍾意食，都辣辣地，正常水準，份量亦算多嚟到時有啲嚇親，原來咁大件，已經剪開一半！但直係好好食，炸得好好魷魚本身質地好好，唔會柴又唔韌，同個辣酸汁好夾呢堆串燒係散叫但放埋一齊，有雞腎、雞軟骨，燒雞同和牛，牛好好味😋炸豬手反而失色，有啲位好乾，而層皮亦都唔係炸得好脆，有啲韌呢個係叫嚟點青咖哩嘅（冇影到），好似有啲芝士味，佢係酥皮湯嗰隻口感嚟，唔係手抓餅嗰款酥餅，我鍾意手抓餅嗰種口感多啲，但朋友鍾意呢款仲叫左杯椰子波波，成個椰子起左出嚟，啲水喺入面。好飲，只係要整穿層椰肉都要左小小時間Overall 嚟講我地叫咁多樣野都好好味，除左豬手失望之外。 坐得還可以，有啲逼。另外佢都有註場歌水唱live, 佢較到啲聲好細唔會嘈到客人傾計，差唔多臨走時先發現原來係live 唔係播歌😂

話說肥C9既朋友💁🏻‍♀️肥🐢🍯升職加人工🥳咁高興梗係要約埋一班好姊妹出去慶祝一下啦！p.s.今餐肥🐢🍯萬歲🤤🤤諗餐廳既重任朋友當然交比肥C9我😌我就第一時間諗翻起上次喺元朗食小曼谷真係好回味，今次我揀咗間都係小曼谷但係位置喺銅鑼灣嘅餐廳😛嚟到餐廳門口同上次喺元朗個感覺好唔同，首先門口有大大個火車頭打卡位，另外原來餐廳係有live Band Music嘅😆當晚咁啱安排到喺枱前面就坐，可以近距離欣賞表演者🤞🏻🤞🏻我哋四個人叫咗七樣菜，仲要當中係包括一個小食拼盤同埋一個串燒拼盤，都咪話我哋唔大食😛我最鍾意小曼谷嘅係，即使去唔同分店食都好水準都keep到👍🏻今次點嘅菜式當中令我最驚嘆嘅係，串燒拼盤竟然有地道燒臘腸😂雖然我唔食臘腸，但朋友仔話燒得唔錯！我哋一邊食嘢傾偈聽live Band，真係好chill😎如果大家都想約三五知己一齊去chill下，就揀小曼谷銅鑼灣分店啦！

食過元朗分店，又食過九龍城分店，今次要食埋銅鑼灣分店，小曼谷永遠都唔會令我失望，簡直係令我過返尋味😋😋決定要食哂所有分店泰式拼盤(蝦餅/魚餅/春卷/雞棗）$228即叫即炸，一上枱已經聞到香噴噴嘅炸物味道，趁熱食一留，本人最鍾意係蝦餅🤤🤤串燒拼盤B $136雞全翼（1串）,地道燒臘腸(1串),豬(1串）,雞（1串）,牛(1串）,雞腎(1串）最有驚喜係燒臘腸🤣🤣第一次咁食，燒完之後臘腸嘅味道更加香口鹽燒馬友魚 $228好鮮甜既馬友，再加上軟軟嘅肉質，唔加醬汁，更加品嚐到魚嘅鮮味🤤泰式馬拉盞炒椰菜苗 $108今次想健康啲，特登點左少咸，少油☺️唔會影響到整體嘅味道之餘，食多啲都唔怕😊😊小曼谷炒米粉 $138(蟹柳，扎肉，豬頸肉，蝦)通常食親泰國嘢，都係鍾意食金邊粉，今次試吓炒米粉，又有另一番風味，米粉炒得好乾身，食落去唔會好硬，幾鍾意呢個口感🫢椰青$53咸檸檬可樂 $43珍多冰 $45

同朋友去食泰國菜～ 去咗銅鑼灣小曼谷泰國美食站～ 餐廳有歌手，現在唱live! 比較少泰式餐廳有現場歌撐獻唱～ 我哋叫咗生菜包豬肉～帶子串燒牛肉串燒同埋蝦串燒，虎蝦刺身，飲品飲咗鹹檸七同埋椰青～ 生菜包豬肉真係好好味！豬肉炒得非常香口，帶有小小泰式嘅微辣～加埋生菜一齊食真係一流！口感層次豐富！帶子串燒牛肉串燒同埋蝦串燒燒得好好味！帶子，超級新鮮！鮮蝦都非常新鮮彈牙～ 串燒牛肉同埋蕃茄一齊燒真係一流～減低牛油香味嘅油膩感～虎蝦刺身新鮮又爽口彈牙！配埋泰式醬汁真係好似喺泰國食緊虎蝦咁！飲品鹹檸七同埋椰青都非常之好味！特別係椰青，真係好甜！鹹檸七都好啱配埋泰國菜一齊食！

小曼谷泰國美食站 ｜銅鑼灣行完工展會，同行朋友想食泰國菜，我就帶佢地來小曼谷，之前食過覺得食物質素好🫶🏻餐廳仲有live band 聽，聽住歌同朋友傾計的確氣氛都好d🥰串燒拼盤B $136雞全翼+地道燒臘腸+豬+雞+牛+雞腿燒得剛剛好，不會太乾，肉質好嫩🥰燒臘腸都係第一次食👍🏻原隻菠蘿雞肉炒飯 $188好正🍍原隻上，好大個！入面都好多料嘅炒飯，另外仲有肉鬆同埋腰果配搭一齊食泰式馬拉盞炒椰菜苗 $108個菜炒得好香，好入味🥬黃咖哩牛腩 $118呢個朋友最愛，少少辣，點薄餅食一流🤤泰式原味烤薄餅 $52好鬆脆，一直停唔到口❤️椰青 $53 入面嘅椰肉好滑，椰青水好甜小曼谷原隻芒果糯米飯$118糯米飯上枱時超熱！芒果好甜！好似泰國食緊嘅質素🥭銅鑼灣謝斐道535號Tower 535地庫B02舖

今日帶爸爸媽媽去銅鑼灣行工展會，佢哋話好耐冇去泰國旅行，突然好想食泰國菜，我直接諗起🤩小曼谷，之前同朋友食過好幾次，食物質素好，種類多選擇，而且餐廳氣氛很好，每晚都有Music表演，享受一邊食飯一邊聽音樂🎼♡串燒拼盤B $136 《各一串》雞全翼，地道燒臘腸，豬，雞，牛，雞腎全部即叫即燒，每一串串燒🉐️很香，沾上沙嗲醬更加惹味😋最特別係地道燒臘腸，平時我咁鍾意食串燒嘅人😂都未見過燒臘腸串燒，口感好香口。♡泰式燒羊架(兩件)$148♡原隻菠蘿雞肉炒飯 $188原隻菠蘿上碟賣相已經好吸引😍金黃色嘅炒飯，飯粒粒分明，配料有蝦，魷魚，帶子…口感層次豐富。♡黃咖哩牛腩 $118香濃嘅黃咖喱，甜甜的帶點微辣，點薄餅食一流嘅配搭。♡泰式原味烤薄餅 $52♡豬肉碎生菜包 $118豬肉碎肥瘦適中，而且辣度剛好，比較適合我唔食得太辣嘅人，包住生菜食爽脆又解膩。♡小曼谷原隻芒果糯米飯 $118泰國菜飯後甜品識食嘅，一定係叫個芒果糯米飯😍大大嚿芒果🥭好甜，熱騰騰嘅糯米飯撈埋椰漿一齊食好香甜。

聖誕節最好嘅節目之一，就係同聖誕樹影相📸️ 銅鑼灣每年聖誕都要去逛一下，聖誕節唔想食西餐太貴， Tower 535 地庫 有我最鍾意食嘅泰國嘢！位於銅鑼灣小曼谷泰國美食站交通好方便，走型格路線，門口有架火車頭吸引眼球，仲有 live band 如果夾到時間的話，表演好 chill。鮮蝦泰國金柚沙律🥗 $128大家行到好攰，坐低飲杯嘢傾吓計，食返個開胃的沙律，大大隻鮮蝦好鮮甜，泰國金柚清甜多汁，沙律口味少辣好精神。黃咖哩牛腩 $118小曼谷美食推介之一就係咖喱，咖喱都有分紅、青、黃喎！我始終都係覺得黃咖喱比較正宗，適合香港人口味，青咖喱就好清邁feel。牛腩炆得軟腍入味，牛肉味濃郁，配搭黃咖喱汁，好香椰汁味，少少辣唔會太刺激，撈飯一流。泰式芝士烤薄餅(2塊）$58第一次試吓叫泰式芝士烤薄餅配一下咖喱汁，原來比蒜蓉發個包更加好味10倍，熱辣辣超正，即叫即製 that’s y 要等10分鐘，等待係值得嘅，因為真係超好味，濃郁的芝士味，半溶的拉絲感覺，鹹甜適中，所有薄餅酥皮香脆，口感豐富。椰皇沙冰 $43🍧椰皇沙冰 椰汁冰味道香濃， 椰香味十足，甜度適中，冰凍好爽！小曼谷坐得舒服，泰國菜樣樣都

💥泰國速食📍小曼谷泰國美食站｜銅鑼灣📍人均消費 $ 7 X#CL銅鑼灣 #CL四圍食 #CL泰國野 ⚪️⚪️⚪️⚪️⚪️⚪️⚪️⚪️⚪️⚪️位於TOWER 535地庫，裝修工業風，位子都幾多，WALK IN都唔怕無位😌💟 乾炒肉片河 $ 6 3野都未叫一坐低就已經上咗湯比我地🤣今次叫左炒河🫶🏻好夠穫氣，同埋欣賞佢地會連埋啲蔬菜一齊炒，無咁dry☺️野飲奶咗龍眼茶，又OK喎唔會太甜，仲有幾粒龍眼肉喺入邊添😍🤟🏻不負責任點評好味道🌕🌕🌕🌕🌕🌕🌕🌕🌑🌑性價比🌕🌕🌕🌕🌕🌕🌕🌕🌑🌑回頭率🌕🌕🌕🌕🌕🌕🌕🌕🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️