小店 (已搬遷) 新店位置

呢日本來唔係來九龍城，只係因為一些交通上的錯誤來到這區。呢日本來唔係來「小店」幫襯，只係因為市政大廈的有名大排檔被阿蘇再一次宣傳後逼滿晒人，連落單都無人理會，才誤打誤撞到此光顧。其實呢度以前都曾因為阿蘇推介的關係來過幫襯，當時仲係在細細間的正店食晚飯，當時的感覺還不錯，覺得d嘢食都算幾好味，價錢就偏貴少少。今次再來幫襯，原來呢度的午餐幾便宜，只係$30，仲唔使加一，款式就有三款選擇，已包餐湯同餐飲，價錢都真係幾抵！（如果去大牌檔整番個豬扒麵同鴛鴦紅豆，比佢仲要貴幾蚊呢）雖然呢度午餐價錢係平（比晚餐便宜多了），但食物質素就真係普通咗d啦。呢日嘅餐湯係「莧菜忌廉湯」，味道尚佳，可以飲出莧菜的味道。但係兩個主菜就真係普通過普通，個「紅酒燴羊」還好些，不過醬汁偏濃得來無乜紅酒味，個「燒汁雞髀火腿扒飯」就更加只係靠d燒汁來做調味，塊火腿仲好d，有番d火腿應有的鹹味，但係隻雞髀就好似無醃過一樣，假如無咗d燒汁就真係淡而無味啦。話時話，雖然呢d走高檔少少路線的西餐廳一定係以做晚餐客為主架喇，但係在午餐價收得便宜抵食以外，都應該盡量保持一定的水準，才能維持良好的口碑吧！

朋友介紹我去九龍城食心太軟, 便去這間 copacabana 的 "小店"目的只係食甜品, 聽朋友講, 佢地擺碟好俾心機, 每碟甜品都好似畫一幅畫咁, 味道仲好好! 上次於紅蔥頭食到的心太軟已經覺得幾好食, 但這間叫小店的出品, 更勝一籌首先, 印象深刻係佢地用朱古力漿於碟上畫上一棵樹的圖案, 好有美感, 未食已經加了分!用义吉開個心太軟, 流沙般的朱古力牛油味唔算好勁, 但係朱古力的味道好易入口, 因為佢比較甜, 而且熱辣辣, 個餅就同紅蔥頭的差唔多, 無論味道同質地都好相似, 唔知係唔係同一個師公心太軟在餐牌係找不到的, 因為名字叫朱古力布甸, 三十八蚊一碟, 幾值得食

裝修不太吸引，仲有一陣 'UP' 味添，但質素幾好呀。１．Set dinner只收$98，但原來只是將貨就價，說是　　　　『金門火腿扒，配焗生蠔』，果然真的是普通不過的火腿扒，嚇我一跳，但焗生蠔就真的一流，是靚的生蠔，非常鮮味，可惜只得一小隻。２．一般散叫意粉及飯都貴過 Set，選擇不多，但款式特別。　　　　『乳鴿意大利飯』，乳鴿出奇的香及厚肉，去了骨，本地乳鴿無得比，我第一次食到咁好味的乳鴿啊！至於意大利飯則非常正宗，即是好似生米咁囉，食唔慣。P.S.: 份量太細P.S.: 離開時，全店的員工都同你講Bye Bye, 連水吧都同你Bye Bye，非常有禮。

九龍城既創發, 合成, 清真, 大婆, 泰菜也吃得多...唯獨是西式就未試過....於是今晚又襯老公有個空檔, 便到此鬆一鬆! 舊店沒有人客, 便過了這邊, 侍應示意我們坐的位置靠迫, 於是自行選了個角落位置, 即見女侍應面黑了一點 (全店侍應也很一致 --- 沒有笑容及不太友善)!二人點了頭盤, 主菜及甜品各一客:酥皮帶子意大利salsa芒果汁, $58, 用上 pilo pastry 包著一顆帶子, 感覺幾特別, 不過, 帶子不太新鮮, pilo pastry 不夠脆身, 但salsa 汁幾清新!酥皮焗石斑莧菜忌廉汁, $148, 又係一道未試過的菜式, 酥皮大大塊, 好香牛油味, 打開後, 忌廉汁香濃, 略鹹, 莧菜鋪面石斑面, 石斑厚, 但不夠腍滑, 二人分享也夠有餘!Tiramisu, $35, 原本想叫埋心太軟, 可惜, 太飽, 唯有只點 tiramisu, 咖啡味不夠濃郁, 餅底蛋糕夠濕, 鋪面朱古力粉苦苦地但不夠濃味!整體食物也頗有特色, 環境不錯, 唯獨是服務方面可略為改善, 下次想試試甜品!

之前去過對面食dessert, 真係唔錯...佢個cat cake直情係我既至愛....朱古力味濃而不膩, 加埋淡味既豆腐味雪糕, 一絕!!!今次抱住好大期望去食主菜la, 哇....點知最後全家四個人食到想反檯!!!!!!!!!!!!!!!叫左一個牛頰+2個意粉+一個飯, 超唔得!!!!1個牛頰係用個中式"保"上, 十足清湯腩咁, 味道冇特別,材料又少.....但係價錢就要成百二蚊!!!!!!果幾個意粉+飯d汁就全部都係用疑似千島醬既野撈....味道普通, 醬多料少, 飯都係得幾粒, ....但每個都收成百蚊!!!!!!!!!!!!!!!!!!!!有冇搞錯另外服務都好差, 一個疑似老闆既waitress 黑面黑到好似得罪左佢咁.....然後d野食係食完一碟, 過左個幾字先上第二碟......d野又少wor....搞到我地好快咁食完一碟....等等等...先有第二碟........(第一次食到咁慘)跟住環境.........我食食下見到檯上面有隻蟻行過.................埋單近五百............................一點也不值以後一定唔會再黎.....

搬左到新店之後第一次去~早紀年前差唔多.每周一次~唔記得飲左個乜野湯~龍蝦定大蝦湯~ 個湯係我飲過是濃、鮮味既海鮮湯~不過少少少少喊~頭盤~炸xxxx雲吞鮮果汁~炸雲吞個皮thin 好脆，個汁好 fresh ~~~ 焗田螺~ 雖然係最簡單既野 ，但係做得最好，最有驚喜~ 上怡時只有新鮮既田螺肉，配上薯容(唔知係咩野薯容，但係真係好香)主菜無左以前常食的大虎蝦芝士意大利飯"叫左個龍蝦盒海鮮汁意大利飯~ -- 不過不失...太飽......無位食甜品.....

６月１４號星期日晚上八點左右，有四個醜婦坐近門口，成晚不停開閃燈影相，滋擾其他正在用膳客人，不單祇冇公德心，冇家教，仲好冇品，一餐飯時間閃足四十幾次，次次都開閃燈，好似第一次去高級餐聽一樣。而小店主菜亦另人失望，除左甜品質素可以維持之後，主菜d蝦肉又霉又冇味，白酒煮青口，８８蚊一客得７隻（以前有十二隻），貴都唔緊要，以前用藍青口，好滑好鮮甜，依家唔知轉左用乜野貨色？又細隻又嚡又韌，仲有渣，遲早趕走晒d客。

用餐日期...已忘了... 小店, 以往來過幾次, 感覺良好 ~出了名之後, 反而沒有來過了, 可能是怕人多 ~那晚, 事先book了較早的時間, 來到便有位, 人也不多 ~鵝肝, 個人喜歡煎得皮脆內軟的, 這裡未能做到, 鵝肝本身也不夠甘香 ~蜆, 欠鮮味, 是食材的問題 ~risotto則很不錯, 有嚼勁, 全清 ~以其收費, 已算是交足功課 ~

大約是一年前，和滯滯猴初臨小店，擺到在貓餅與心太軟的朱古力裙下。一年后偶然再訪，難得是侍應竟還記得我們。無須贅言，依然是以吃來表達我們對小店的愛戴，哈哈意式奶凍是近來新寵，小店的出品奶味濃郁，帶出雲尼拿的清香，但幼滑度有待提升。最喜歡的奶凍依然在。重溫昔日令人心軟的朱古力布甸，不知是否因一年來在朱古力界摸爬滾打要求變高，對這個牛油味過重過甜的心太軟反而有點失望。帶來驚喜的是芝士撻，芝士鹹香流心，濃度適宜易于入口；撻底則牛油香滿意，酥脆鬆化。美食從來乖巧，隨心所欲即來個甜美倒帶。然而身邊人來人往，緣分易逝，唯有珍視每一次的相逢。

當晚特意同老公黎幫襯,仲搵左好多條街添,係門外望入去,淨係覺得唔洗咁暗呀?之外都唔覺好high ! 入到去安排我地坐近出水吧位,但係明明有梳化位,唔知點解要我地坐個張呢,不過是但喇,坐低打開menu , 價錢唔算平,一個set dinner 都要$128 , 得兩個揀,如果唔揀set既話,平均$80-90一個菜,不過你都可以加$30轉set (咪有湯飲+餐飲囉) ,我就叫左一個set dinner ~牛腩天使麵,牛腩好林,天使麵勁少,女士可能ok,男士就一定唔夠飽,不過值得一讚既佢地個什菜湯,好足料,好濃郁!老公就叫左個rib,整得唔錯,骨都幾離肉,不過佢地d汁好似麥記將軍漢堡d汁!之後我地左一個心太軟同梳乎里,心太軟只稱得上ok,皮唔夠脆,又唔夠熱,不過就唔太甜,呢個我比較喜歡!而梳乎里就無乜驚喜!不過鋪頭既裝修實在太差,店內好多野都係太舊同爛,牆身又爛!最不堪係個廁所,真係令人反感,收得咁既價錢,但係咁既環境同食物質數睇怕我都未必會再黎!雖然佢地係唔收加一,不過再食都只會過對面食甜品算喇!P.S. 佢地好多野都好似係自己整既,包括牆身既油漆,仲有所為既dessert: menu應該

今晚到九龍城唔知食咩好~之前經過呢間其實一直好想同佢食...於是今晚就同佢去食...叫左幾樣野食...1. 生蠔 (美國+澳洲): 大家都係覺得澳洲好食...yummy!!2. 鵝肝配青蘋果xx : 鵝肝唔會太熟...好味道!! 個青蘋果都好好味呀...話係用酒煮過...但係我唔覺得有酒味...3.火腿扒配焗扇貝: 隻扇貝好細隻呀...不過d芝士好好味...佢好鍾意...4.蜆肉茄茸天使麵+青口: 呢個不過不失啦~ 佢好鍾意食青口架...佢仲讚d青口大隻...食完之後...無想過會這樣分手...

好多人話好食, 我地終於去左試蠔 - 大約$2x.....新鮮!foie gras - 個面可以再crispy D....不過以呢個price, 係唔錯既Pumpkin soup - creamyLobster bisque - 有d咸但整體好味Charcoal PRIME - 食到炭燒的味, 塊 扒好juicy心太軟-好味Napoloeon - 真係好食.....因為佢即叫即整, 好脆!而且dessert大多$3x, 加埋一都抵食

小店係九龍城有兩間舖頭, 呢間專做西餐, 另一間專做甜品, . 不過兩間其實都只係係街道既對面. 如果你食完西餐想食甜品, 可以照落order, 佢哋會幫你係對面舖頭速遞過黎. 見呢到個個都寫佢既甜品, 無人寫佢既西餐~~~ 不過我食完就知點解. 因為西餐同甜品既分數真係有距離. 嗰日我哋兩個人order左兩個main course. 一個係芝士焗豬扒野菌, 一個係野菌汁海鮮天使麵. 等左一陣, 首先上左個芝士焗豬扒野菌. 我覺得有d似茶餐廳貨色. 豬扒係平時茶餐廳叫嗰種薄薄, 面頭有一層唔係好多既芝士. but就真係焗既, 都juicy, 即係無焗過龍. 食左面頭嗰塊發現下面有野菌同埋另一塊豬扒... 我諗suppose係用兩塊豬扒夾住d野菌黎食. 所以只有上層豬扒有芝士. 不過我嗰陣已經食完所有芝士喇.....唔知係唔係專登既呢? 我哋食完第一個main course, 仲要等多等個天使麵先上黎. 海鮮同意粉都ok, 最欣賞佢個汁, 唔係係出面成日食既白汁或者紅汁, 幾好味. 汁既分量都控制得唔錯, 唔會話太多太少咁. 又creamy喎. 我諗我下次黎都會揀呢個食.

二月廿二日(星期日)同老公吃完了小曼谷後,行過一條街就是小店了!早於下午時分就前來視察過,見到環境都尚算優雅,而且價錢很"便宜",因為服務員在門口的黑板上寫漏了個位的價錢,由三十多元變了三元!看似十分抵吃!^.^可是晚上來到時已經寫得正確了...晚上時分,人不多,可能比較早,8時許,很少人來吃甜品,只有一檯大學生,不知道她們是否正在做一個有關飲食的project呢,因為在義香又見到她們!打開了menu,見到一張又一張賣相吸引的甜品!我當然做過research吧~我吃最近愛上的心太軟,很奇怪我一向都不愛吃朱古力,不知道為何會愛上心太軟呢世上的東西有時很難解釋!老公要了意式冧酒奶凍,因為心太軟製作須時,我們要求一拼才送上心太軟外表吸引,而且散發出一陣陣的濃郁朱古力芳香,令我忍不住要一大口咬下去!把它割開一半,朱古力醬已經湧出來了!雖則不夠la bons的澎湃,不過都算不錯,而且蛋糕又香又軟!朱古力味重老公的奶凍既清而又帶著冧酒的香淳,奶凍很滑,滑得不經意就滑下去了,而且吃完一口後,酒香仍然能保留在口腔內!加上淡淡的忌廉,是好配搭小店是值得一試的小店,下次會來吃意粉!

周日晚8時許來到 餐廳最約4成滿. 或者是金融海嘯影響, 少了人上館子要了新蝦濃湯, 味道不及以往的香濃, 連湯裏的蝦肉都變得細細碎碎的,,,主食要了 龍蝦芝士天使麵. 龍蝦細細隻, 肉質味道都不錯, 加上芝士亦幾香, 以hk$128的價錢來說是交足功課, 但配天使麵就不太好, 麵條都黏在一起, 食起來不方便, 口感亦不佳, 或許是個人從來都不喜歡天使麵另外亦叫了巴馬火腿橄欖油蒜香意粉.以往蒜片是用橄欖油微微煎香, 但現在是炸蒜, 不及往日的美味. 一過意粉仍保持昔日的al dente, 巴馬火腿亦不裕本想吃一個疏乎里作結, 但店方說機器壞了, 唯有作吧客人不多, 但服務一般, 希望是一時失手吧