小巴黎越南餐廳 (已結業)

上星期前食過香矛豬扒飯後 , 今日心癢癢下午又來幫趁一下, 行到差不多兩三步就到的位置見到關了閘 , 唔係甘黑仔休息呀 ???? 但好似貼左將告示喎 ?! ----> 8 號 B ?!原來搬前左幾間舖位 ..... 嚇得我 ! 入去無咩人 , 因為都三點幾 , 今次緊係食凍檬啦 ! 來個豬扒凍檬 , 唔該 ! 等了十分鐘 , 嘩 ~ 今次好多花生粒同炸蒜粒 ..... 所以肯定好味啦 !講食檬粉 , 小巴黎都數一數二 , 而荃灣分店最好的也是路德圍這一間。講真平時這間 D 侍仔又 D 串 , 不過今日又很客氣喎 , 我無叫野飲 , ($24) 收錢時都講左聲多謝晒仲幾有誠意果隻 , 所以要表揚下 !!!!新店舖 D 位坐得舒受左 ..... 同埋無甘越南 feel , 裝修好似港式左 !

這間店已食過多次 , 唔係樣樣野都好好食 , 有 D 重點野食囉 !香茅豬排凍檬 - 我想是全店最好食的招牌菜 , 我暫時都係其他店食唔到同級的味度 , 包括高檔的越南菜館其次是香茅豬排飯 - 我唔係特別愛豬扒 , 不過這兒確有點特別 , 甜甜地 , 香矛好香 , 不過如果有D 炸蒜粒就更好啦 ! 飲品同服務都一般 , 尤其是繁忙時間 , D 阿姐會趕你坐埋一邊 , 搭枱就必然 tim 啦 ! 但食物 OK , 真是無佢辦法 ,

好耐無幫襯過小巴黎，因為越南嘢通常都唔係我搵食首選，之但係耐無嚟又想食吓喎，依度食唔貴，4個人，5樣嘢，食到飽晒，都係$190，無加一，算經濟喇啩！小巴黎晌屯門、沙田、灣仔都有，而荃灣都有成兩間，哩間都好多年，所以，內籠仲係好舊式越南裝修。5個餸樣樣有D：什錦拼盤、蝦仁豬肉手卷、南乳碎炸雞、馬拉盞炒通菜、越式濕炒檬，份量味道都對辦，水準穩定，果然係老店呀！什錦拼盤（$52）－有越式炸春卷、粉卷、香茅雞翼同炸豬肉餅。就算食貴D嘅越式拼盤，都無炸蝦餅，不過有蝦丸！蝦仁豬肉手卷（$22）－唔係日本嘢，越南都有手卷，當然同日式手卷係兩樣嘢啦！賣相幾靚仔，半透明好薄嘅粉皮包住生菜、大蝦仁、炒豬肉碎同其他配料，好味，幾清新！南乳碎炸雞（$50）－南乳味香濃，D雞件唔會炸到油淋淋，不過一客唔係好多件，$50客好似貴咗D。馬拉盞炒通菜（$28）－鹹香惹味，無死鹹，通菜炒得夠爽口，咬落索索聲！越式濕炒檬（$38）－點都要叫個炒粉飯麵墊墊肚嘅，依個濕炒檬唔錯，面面有牛肉同肉片，有D似港式嘅濕炒牛河！

先兩日,等埋女朋友收工,都成十點幾.喺荃灣搵吓有咩食啦.見到小巴黎,又見到幾多人食,就入去試吓啦!環境都ok,坐得幾舒服!睇吓個餐牌,都幾多款式!我哋叫咗一碗雞絲扎肉湯檬,一碗香茅豬排凍檬,一個炸軟殼蟹,一個越式雜錦拼盤.食物嘅份量都幾多,個豬排好有香茅味!但個軟殼蟹就唔係太好,唔夠香口!而個拼盤都唔錯.春卷同雞翼嚟到都仲係熱辣辣!GOOD!兩個人食飽飽,埋單$150,價錢都可以.值得一試!

陪朋友辦完正經事後，要找地方搵食，最近最方便是路德圍，就想起這間。先來青檸梳打，原樽越南的梳打，感覺好地道，可借已加了好多糖水在杯中，味道好甜，起不到解渴作用。牛肉卷-檬粉、牛肉及生菜初米紙包得很飽滿，其實牛肉很少，又不夠味，而檬粉比例非常之多，食一件已佔了胃的不少位置，傳統食法是點魚露來配合，但這裡的魚露太淡，欠缺鮮味，沒有令人胃口大開之感。炸軟殼蟹-入口不太熱，沒有即炸起的新鮮味道，但外殼還能保持酥脆。鹹魚炒芥蘭-一時蠢了，忘記了芥蘭不合時宜，又老又多渣，早知要當做的通菜。香茅豬扒飯-這裡的招牌菜，其實豬扒肉質好實，又不夠鬆化，是全靠香茅及蔥油，至令豬扒惹味好食。最後食淨了的白飯拌了蔥油來吃很開胃滋味。什會炒金邊粉-杰杰的芡汁，味道很淡，而金邊粉「一舊舊」黐實在一起，明顯是炒得不夠均勻。

最中意食依度既朱扖.佢d味真係好特別.係唔同出面嫁.我成日食.中意食湯檬.咖哩都唔錯呀.平平地算幾好.

後先晚飯同媽媽去了路德圍找吃，本身想吃雲南米線，但排哂長龍，轉移去小巴黎，叫了香茅豬扒飯多蔥…豬扒好林，唔un，加埋d蔥送飯一流。牛南片湯濛…集牛片得好薄，但都係un，連媽媽咁好牙力都咬不爛；湯濛都可以。環境尚算乾淨，但地下好污穢，我對腳有好幾下俾野咬。

飲品用既綠豆係開左邊... 唔係綠色架...

上次同女朋友去食e間野，開頭諗住佢應該幾好食，點知......我叫個椰汁綠豆冰，杯野黎到我呆一呆，無綠色的，只有白色的椰汁同一底金黃色的所謂綠豆，食落口堅硬無比，女朋友叫左杯紅豆冰，我試左一口紅豆，酸的，味道難飲得唔錯，同個侍應講，佢話試過無事，最後都換比我地，但...換來的雜果冰，甜到救命﹗但一般而言d野食野都ok啦，但飲品同服務態度都..劣

琴晚同男朋友去荃灣行街,9點幾就去搵地方食飯..兜左好耐,最後決定入去呢間越南餐\廳,D服務員超唔好禮貌,個杯荼篤左D手指入去,想點?落完單,男朋友叫左杯緣豆冰,D豆成粒黃豆!問其中一位牙姐,佢\話D緣豆無左個皮..超級無奈!跟手我叫左杯紅豆冰,以為似番D樣!!點知...食1啖姐豆,難食都嘔..叫佢\換個杯俾我又話要入去睇下..出黎同我講話無問題,叫我試多幾啖..有冇搞錯?食到我肚痛系咪你負責?好唔願意甘叫我揀第二款,我揀左什果冰,佢\立刻睇下個價錢,我心諗唔會要貴囉!什果冰D水甜到嘔..甘既服務太度..真系想走人!!叫左碟腐乳炒通菜,D菜一D腐乳都無,想同佢\講又怕煩..經過紅/緣豆冰事件..一D又唔換拉!!未試過杯野難飲個老闆唔肯換,仲逼人食多幾啖!!!好後悔揀左呢間,早知去第二間!!

11/10之前睇睇下食評,發現好耐無去小巴黎食野,好~今日去荃灣買野,就去食啦~~差唔多6:00得一枱客再加我,聽到侍應呀姐a講:"嘩~咩今日咁靜呀",呀姐b答:"平日係咁架喇,夜d就多人架喇~" 我想食雞翼,又想食豬扒,佢又無雙併凍檬,我又得一個人,無理由叫小菜雞翼併豬扒再加剩凍檬架,要$6x同埋邊食得哂呀,咁我問呀姐囉,佢話可以加一件雞翼$6,一件豬扒就$9,因我鍾意食雞翼多d,所以就叫左雞翼凍檬加一件豬扒$23+$9=$32~野飲食完出去便利店買好過~~黎件另上嘅豬扒先,佢地o係豬扒上面放左一大堆蔥(好油),即時撥開佢,件豬扒算大件,但肥肉亦好多,味道ok,但真係一口油呀~跟住係雞翼凍檬,好似好大碗,不過睇真個底勁多生菜,所以唔怕食唔哂~~雞翼炸得唔錯,個面唔會油淋淋,同以前食嘅差唔多,同埋無咁鹹~但係點解得兩隻架?我記得以前好似係3隻架喎!!!凍檬夠爽,今次無一舊舊,算唔錯~d魚露落左好多都唔知點解覺得唔夠味......算,當食淡d,健康d?~~聽到有位男士外賣左3個烤牛肉檬,真係咁好食?下次有機會試下先~~至於環境,去過都知係咁上下架喇,有蚊仔~~服務呢,因今次係非繁忙時間,

昨晚與友人去食餐飯～大家都想去食下越南野．．．就去左呢間小巴黎．．入到去好多人．．．已經唔知坐邊．．之後有個侍應好求其咁塞左兩個位比我．．另一個侍應行過．．．仲叫我朋友坐埋ｄ．．．話我地阻住佢行．．氣頂之下．．．走左．．．我真係未試過去一間餐廳．．因為佢地既服務態度而嬲到走．．搞到一肚子氣．．

琴晚諗住同朋友去食餐飯....諗到小巴黎...入到去...好多人...但係冇人理你..企多陣就有人求其塞左兩個位比你..個侍應仲係咁叫你坐埋d..話我朋友阻住佢..氣頂之下...走...宜家d咁既服務態度...真係食都唔想食...

星期日同男友2個人諗唔到食乜, 行下行下就入咗呢間好耐無去過既小巴黎. 雖然入面好多人, 但等咗一陣就有位喇, 落單阿姐又神速, 你都未睇完個menu就催你落單, 唔係咁趕客呀? 1. 生年湯檬-- 一般貨色, 好多味精2. 香茅豬扒-- 豬扒好味, 但都係好多味精3. 春卷-- 脆,但無乜料4. 串燒羊肉-- 難食!! 梳打粉"嗱"得太緊要, 無肉味, d汁一pad pad, 杰坦坦, 衰過街邊串燒!水準真係越嚟越差, 下次我唔會再去!

平時去開荃豐中心果間,之前同d朋友去左呢邊呢間,雖然好似冇咁好食,但勝在繁忙時間唔洗點等位,仲有唔洗同人迫...價錢平同好食更加唔洗講....