小巴黎越南餐廳 (已結業)

之前去過一次，食過"翻沉味"，尋日再去食多次，點左香茅豬扒凍檬，好大碗，加埋d 汁一齊食真係好好味，亦都好飽!可能去果陣係下午茶時間，無乜人，d阿姐招呼唔算差。開頭點野食果陣叫錯左生牛肉凍檬，阿姐即刻話:"生牛肉點凍檬呀?"但除左呢句之外，其他都好聲好氣，算係咁la~

各位食家,之前就因為D 野食好味.就算受D 亞姐氣都冇所謂,如今,居然比D 垃圾人食,當我地唔係人咁,揾笨之餘當我們似隻流浪狗,食物求其撈埋一准比你食,D 飯一(pet) 汁,價錢愈來愈貴,周圍都減價,只有他加價,但食物比以前差~~~勁差,色香味都無齊,亞姐重惡過你亞媽,我曾去過屯門,荃灣,沙田兩間,銅鑼灣.無間好.我食神大王食左咁多間菜館,最垃圾係呢一間

由細食到大既店，我甚至覺得係屯門最好食既店服務就唔駛講，真係無讚既地方食物方面，必試：燒豬頸肉(正)春卷(正)越式炒河香茅豬扒飯炒底佢\地既小菜類(春卷粉卷果類)都好出色

每次我一叫d平0野(下午茶) , 就好似撞鬼咁一定會落錯單(當然係d貴d 0既0野)......第一次都算, 第3次就叫佢換, 今次第6次.....雖然好食(其實比起以前未搬0個陣都差左) , 但咁樣明呃, 我以後都唔會食, 寧願去吉野家.....希望遲d間日本拉麵鋪(<--一時忘記叫咩名椰林閣個位恆生個層)開左可以有好野食......

早餐一肚氣, 午餐應該會好Ｄ,食咗嗰咖喱豬扒飯,有Ｄ水準,杯紅毛丹冰都唔錯,價錢合理,如果禁煙就更加好!

好鍾意去呢間食，價錢平又好食。最鍾意炸軟殼蟹，沙嗲牛檬同蝦餅。不過蝦餅有時太多油。。。

下午茶, 兩毎人叫兩個餐香茅豬扒撈檬(凍) + 青檸水(凍)生牛肉金邊粉+ 菠蘿冰越南春卷撈檬做得唔錯, 豬扒夠香, 個金邊粉就差一點, 太重味精. 兩杯飲品太甜, 如果有青檸梳打就會好一點最好竟然係個春卷, 外貌一般, 但食落香口, 而且新鮮炸起, 不錯不錯環境就差點, 因為全場都係吸煙區埋單六十蚊唔使, 算係幾好

一行三人去食晚飯, 好多人...搭枱之餘仲好逼, 因為餐廳唔係好大, 但勁多枱, 都食得幾辛苦, 特別女仕, 手袋都要攬住...而且張枱唔大, 仲要同人share, 再放埋d menu, 調味料, 都無位放食物9p.m.去會好d.食物方面味道比較濃, 不過都幾好食. 我試左羊肉串, 軟殼蟹, 扎肉手卷, 菠蘿炒飯, 三色冰同珍多冰.食物都ok, 只係個菠蘿炒飯唔夠菠蘿味. 飲品就勁多冰, 唔夠飲, 要就住law...價錢合理, 不過真係要揀時間去. 侍應都ok, 唔惡ka~

bad~~!!the taste of the food is very bad, yesterday , i went to there , there are lots of 昆蟲!!!~~~~, help ~!

今晚上堂前黎食飯o岩o岩六點鐘黎到叫左個tea set要左個烤牛肉凍檬配黑糯米本來叫左走蔥但點知佢唔記得左黎到同佢講番佢都即刻幫我拎番入廚房挑走服務都唔係之前食評所講咁差或者時間問題啦烤牛肉好香好好味唔知佢點整但又唔似係炒但今次d肉比以前un左d有好多花生粒o係面個底又有生菜絲同青瓜絲加埋d酸汁好好食檬粉好多但都係o個個通病就係一團咁一早放o係碗入面要自己加左酸汁再整鬆去先食得黑糯米叫左少椰汁但仍然好多結果要自己再飛走少少唔係就太漏喇甜味適中但就比軟杰身煲得好淋以一碗粉加3蚊有得食係好抵但食完碗麵己經好飽早知就唔加啦今次黎到發現餐牌靚左好多但食物都加左價以前轉檬粉唔駛加錢而家要轉檬粉或者金邊粉都要加2蚊而且以前有tea set 好似係18左右己經包甜品或者飲品

去天水圍辦點事後，諗住入一入新界最西北面一遊，點知架架綠van爆棚，睇黎都係無緣份，轉移陣地，再入屯門一遊。睇左一陣野之後，肚子再度有點餓，又懶得行去置樂，諗番數年前在荃灣返學前後必去醫肚既地方，睇下總店的質素又如何......格局與其他分店無異，只係個menu 個排版幾靚，同埋有Point-Of-Sale (POS)，唔知其他分店係唔係一樣呢？幸好假期仍有下午茶餐，粉類照原價加3蚊就有指定飲品或甜品，炒類+飲品或甜品都只係$25，於是叫左個扎肉蝦凍檬+龍眼冰。因原價關係，分量與散叫既一樣，在圖所示，蝦有四件，不論係新鮮或冰鮮，都值回票價，扎肉如果係一片片更加有口感，加上大量伴料，基本上可以撈埋咁食，不過以我喜歡加料既食客，唔會放過桌上既越式甜酸汁及整多碟通常只係熱食先會送上既指天椒及青檸片頭。的主角食完之後連伴料都食埋(汁除外)，先至叫完成。至於龍眼冰，當然冇可能新鮮俾你飲，稍為甜左少少，但龍眼肉都起碼有五粒，加多三蚊仲想點！這間餐廳都曾經留下笑話，每逢出來聚會都會笑一大餐：1) 我有一次叫左碗生牛肉凍檬，係凍食，肉好似剛剛在冰霜取出介凍一陣，幸好到現在仲行得企得，見者請勿有樣學樣；

已經聽聞呢間野服務同食物質素麻麻,所以嚮屯門做野做左咁耐,同事都唔會提議黎呢度食. 點知最近有位高層話好想食越南野,堅持要試下,我地唯有就範..我地7個人,坐對正門口張臺都唔緊要,但果張係6人台,要加凳嚮側邊先坐到第七個,d台又細,迫迫夾夾咁,成餐飯都係縮下縮下咁食.d野又唔係特別好味,大路野例如春卷,香茅牛肉,豬扒都係普普通通,最難食係串燒牛肉同札肉,前者多筋,舊肉又實,根本咬唔開,後者d味好怪,食左半舊都唔想再食. 服務差到極,叫果個呀姐比多兩隻碗同兩對公筷,佢大姐一句得過黎,"我好忙呀! 一陣先比你啦,你見唔見我未停過手腳呀!" 嘩,真係想一巴星埋去! 之後有個同事見等得太耐不如自己去羅,佢番黎果陣話有另一個呀姐同佢講,"你想羅咩呀,你要我幫你羅啦,唔好巢亂我地d野先得架!!" 佢串番呀姐,"你地真係咁好服侍我都唔使走出黎自己羅啦." 點知呀姐竟然仲駁咀,"咁你耐心d等下啦,呢度個個都咁多野做,邊得閒理咁多呀!"今時今日,真係好難再見到咁差服務,難為佢地仲可以咁厚顏無恥,咁都做得出...服務比佢0分都嫌多, 應該比負分.

呢間o野我都由細食大o架喇...!o的o野食真係好好味~~!!不過可能以前細個啦....宜家大過o左就越來越唔鍾意佢o地o的服務態度.....對o的客人呼呼喝喝...完全冇笑容...好似對住個仇人咁....我仲見到佢o地將其他客人o既袋拎開,叫個客唔好霸住張櫈...你話吖....就算真係好味又點吖...都食得唔開心...叫o的客下次仲返唔返o黎食好呢??我今日一個人食,原本諗住食多o的唔同o的o野....佢又催我喎...成日問我食咩....好似阻住佢做生意咁....咁我咪淨係食o左個香茅朱扒檬囉....連o野飲都唔叫...!!

出糧同女朋友去撐台腳，想試下特別野，不過搵黎搵去都唔岩feel..因為時候唔早，就近有間小巴黎就將就下(本應諗住豪d，3-4舊水落樓啦@@)。晚市唔知係咪特別旺，想靜d煙韌下都唔得..搵左個角度坐低，點左成楂廚師推介：炸軟殼蟹，檬粉生菜包，春卷，生牛檬，雜錦拼盤，女友果杯係薄荷大菜冰@@，我就保守d珍多冰.睇到杯野飲咁既色-.-真係唔係好想同佢交換...炸軟殼蟹好好味(←要試下)，碗牛檬同佢一人一半，掃蕩哂台上既野食之後本來諗住再嗌甜品，不過大家都無哂戰鬥力@@喧喧嘩嘩既地方都可以好浪漫，睇下同邊個啦...

我覺得呢度d野幾好。價錢平，又幾好味，等位反而唔係好耐，可能因為我次次都係同男朋友2個人啦。不過衰在有時要搭枱，坐得幾迫。推介：炸軟殼蟹($38)以前最愛炸春卷，但上次去冇左以前咁好食，可以不叫。