小巴黎越南餐廳 (已結業)

小巴黎係我去屯門玩時既指定食堂之一因為佢又便宜又好食, 但事隔一段時間再幫襯, 發覺水準差左其實尋晚都好多人排隊等位但可能食客都係會自動自覺, 食完就走所以等左大約20分鐘左右就有位一個豬扒飯, 味道仲keep左, 而且好多人都會叫豬扒飯就知道佢有幾成功啦一個扎肉蝦粉, 得三隻蝦甘大把, 扎肉亦唔多相對失色少少炸軟腳蟹, 得一隻半, 又好多油, 怕怕三樣野埋單就係86, 價格係好合理的但太多味精, 食完之後個兩個鐘都要不斷飲水而且, 見到侍應將放滿筷子湯匙既籃放係水杯上面籃入面既水不斷滴落水杯既茶入面唔怪得我敢係覺得D茶有些少漂白水味啦(未睇到之前)見到就真係怕怕啦

今日出去吉之島開飯，原本想試下三樓既越棧，最後改為去小巴黎。因為Id:c地下分店新開同俾舊鋪大，所以選擇咗呢間~好後悔!入去時因為時間尚早，所以好多位，但個侍應偏偏安排我地坐一張好隔涉既位，面前對住一架裝用過既碗碗碟碟既車仔，食飯期間啲侍應不停咁扔啲碗碟，又嘈又驚啲餸渣飛到身上。叫餸方面，叫左一個軟殼蟹($42-得一隻半)、炸蝦餅($28)、馬拉盞炒通菜($28)、椰皇焗海鮮飯($48)，好老實講啲餸一般，無驚喜亦無特別!最特別係隔離枱個小朋友問侍應拎一張紙巾(本身佢連一張紙巾都唔捨得俾?!通常一間餐廳都會放一張紙巾俾啲客人抺碗筷，但佢一張都無俾，最慘係佢啲碗筷有層油!)，點知個侍應同佢講無紙巾供應，如果要，盛惠$2一包?!我覺得間餐廳好掠水!後尾佢人開始多，就逼我地同人地一齊搭枱，因為有幾次啲人見到要搭枱都離開，變咗我地要起身幾次讓俾人，後尾佢問都唔問走埋黎話:唔該讓開, 有人要搭枱!但我唔肯!跟住我朋友碗飯都未食完，就走埋黎話收野，跟住個女人(應該係負責人)好串咁話我地呢度要俾人搭枱，咁我都串佢話你無明文規定，同埋同佢講話我起咗身幾次，我與其不停咁起身讓俾你啲客，我不如快啲食完讓晒

28/7同媽媽及大家姐去食晚飯(地下嗰間),等了大概20分鐘左右, 就有位,張枱對正門口,已經心情唔多好,啲人服務態度又差,我一打開本menu,佢就走埋嚟問我:要咩呀?, 睇都未睇問我要咩, 係咪傻咖!仲要冇人幫我哋斟茶, 唔緊要妳哋咁忙,咪我自已斟囉,佢哋個老閭娘(唔知係咪老閭娘,企喺門口嗰個阿姐)見到咁嘅情況,就叫咗個阿姐嚟斟荼, 點知個大姐斟埋個地板,連我右腳隻鞋都濕埋,我家姐就同嗰個阿姐講,話佢弄濕隻,點知佢個答案係:冇呀,我弄濕咗地下咋,但佢都仲未有恴欲拖返個地,弄濕我隻鞋妳唔知係正常,喂大姐都要有知覺拖一拖地,唔該,個攤水喺正我隔離咋...我右邊地下有一攤水,左邊放咗條抺過冇數張枱嘅噁心毛巾....我哋叫咗炒河,雞翼紅飯,蝦沙津,串燒,咸檸七,話咁快就有得食......炒河冇味,我心目中嘅紅飯係一粒粒紅色健康米,佢嘅紅飯竟然係西炒飯,串燒雞好硬,應該係反燒再反燒,蝦沙津都係有味,唉...原來最最最正常係杯咸檸七....我杯咸檸七都仲未飲完就已經俾啲姐姐仔收晒,佢哋真係好"趕"時間,爭取時間做生意, 連我媽媽都話唔會再有下次.....我好想俾零分呀!!

今晚去食屯門小巴黎越南餐廳(地下0個間)無論服務定食物素質都非常差勁!!!!!!1. 連番落錯單我叫紅豆冰佢落綠弄冰我叫河粉佢落飯落錯單我要求佢俾返我要既食物我個女侍應一句"唔好意思"都無仲要黑面望左我一下就走開左2. 20分鐘先有食物到落單後要差唔多20分鐘先有食物送到我要既只係一碗牛肉粉我唔明點解要煮甘耐20分鐘後仲要送錯一碟牛肉飯再落單要等多5分鐘先有我未落單前隔離枱已經有個大叔大大聲聲話點解要等甘耐先有得食我當時仲諗:阿叔~使唔使甘燥呀~當我等完20分鐘之後我都覺得"有無搞錯"3. 食物完全唔掂我以前都係屯門小巴黎總店食過飯(2樓0個間)當時覺得食物都唔錯~d檬粉幾好食但係今次係呢間再食真係完全唔掂我叫既烤牛肉同牛肉亁無分別d牛肉又乾身又硬d顏色仲好深色~好似有d黑甘食落口.....味淡又硬完全都唔係烤牛肉既味道另外叫左杯紅豆冰冰多過紅豆淡到呢.....隔離枱有對couple佢地叫米粉同蝦餅佢地都一邊食一邊話好難食完全唔似以前既水準佢地食左一半....另一半因為話唔好食都無再食最後俾錢果刻先最衰個收銀因為見我地改左單(其實係佢地d人落錯單)所以好唔耐煩找錢既時候d錢係好不屑甘掉

首先，杯茶有隻死蚊=.="第二，個waitress有點兒固執…當我男朋友落order 時話—要碗牛肉粉& 豬扒飯。waitress 問他:「要粉定河粉…？」搞到好複雜甘…可能我地對於d粉不太了解啦~~~最後，碗牛肉粉味道不錯！！！D粉吸左D湯的味道，好好味哦~~~~~~豬扒飯塊扒整得幾好食！！！

又到小巴黎, 今次是為了帶蒙牛來吃的, 點了一個越式併盤、燒豬頸肉、扎肉撈檬,越式併盤令人有點失望, 雞翼很硬而且雪味重, 濱海太濕, 好像一片濕透的海綿, 扎肉就合格, 但整體賣相好似一堆垃圾積在一起, 令人食慾頓失…..燒豬項肉的味道本是不錯, 但是燒得過時, 令到肉質太硬, 而且肉的脂肪太少, 令到口感更加硬…..扎肉撈檬這個水準一定保持得到, 豬扒檬, 生牛河這些都是很好, 難道只有招牌貨才可以上枱?

新店開了在屯門市中心的另一邊, 店子開揚一點, 地方雖不是太闊落, 但總比以前的好, 今次跟父母來探路午市套餐依然很便易, 30元左右己有一大碗粉麵或小炒, 不過部分受歡迎食品如生牛河則不在套餐之中, 不過散點都没有加價, 生牛肉湯河的牛肉多而且大片, 湯底味清不肥膩, 奈何河粉厚了一點, 不夠滑身始終會扣分, 豬扒檬的香茅味不足, 但是豬扒依舊香口而且入口鬆軟, 檬粉彈牙又一會“一舊舊”, 檬粉外仍有很多青瓜絲、花生粒、乾蔥等, 加上青檸酸汁真的令人食慾大增! 咖哩牛腩為套餐食品, 但是份量郤没有縮少, 咖哩汁不是香滑型, 是比較杰身的一類, 但味道濃郁, 香辣味不太重, 牛腩炆得很腍身, 但礙於來貨問題吧, 肉有點痴牙……..service一向都不是太好的小巴黎, 都是保持其特色, 但為求吃一餐好的, 又有何計較呢!!

最初初既小巴黎(係而家味千拉麵個層, 東亞銀行個位)真係幾好食, 雖則地方真係幾窄, 但都會有再去既意欲!!!自從搬左去大快活隔離之後已經差左好多,D 鷄翼豬扒可以唔熱咁俾人食, 想點?? 又DIRTY, 而家甚少去食LU~~前幾日知道開左間新舖, 係滿記對面, 諗住試吓, 睇吓有無進步, 點知都係......... 一個字"差"!!!

沒野講同朋友去沒失禮出品服務好掂

有午餐，可加少點錢跟飲品，但沒有撈濛。單點香茅豬扒撈濛，＄２２不跟飲料，可以接受。豬扒保持水準，配料好像一般，整體尚可。只要不要期望過高，就可以有滿意的一餐。

呢間新開冇幾耐既小巴黎,真係好嚇人...其實我覺得呢間係差過上面個間架,不過兩間都係差啦= =咁我都去過食幾次既,但係真係想嘔咁滯...首先嗌左個撈檬,一杯椰汁冰...個檬真係....味道唔係差既,但你食完之後會有種形容唔到,無比難頂既感覺,真係好辛苦...之後飲埋杯野,其實個人都飽架喇...但係冇幾耐,我個肚開始出現一d不尋常既感覺.............想嘔同肚痛...我覺得似食物中毒咁...有次真係嘔左出黎....仲要當街當行= ="真係多得佢唔少...之後就諗點解會咁,我個人認為應該係佢d野食唔熟所至...因為真係熱都唔熱下,所以大家去食要小心d!!!

自問脾氣算好, 但今次都忍唔住要發洩呀!昨晚就係去了新分店(屯門時代廣場). 我都係最近先知開咗喺度.見裡面都幾多人咪入去.3人叫了一個豬扒雞亦, 一碟菜, 一個濕炒檬,一碟咖哩牛腩飯.現最主要講碟咖哩牛腩飯(我男友的). 因是先到的一味, 仲未有得比較. 眼見飯又少, 兜中牛腩眼見得兩舊, 我地咪夾吓佢望望, 點知連薯仔都冇舊. 我呀媽係咁叫我地同d侍應講, 我地都算數.(因在舊分店食過不是這樣的)亞媽終於忍不住求其拉了個侍應(應該係該店侍應中的亞head) : (點解個牛腩飯咁少嘅? 得嗰兩舊牛腩.) 你0地估吓佢點回應! (侍應: 唔係呀, 有三舊.)我都忍唔住喇: (你地d牛腩飯有三舊牛腩既.) 佢仲應我話係添. 你地話激唔激氣喇! 侍應咁就走咗去喇.我即刻叫男友搵吓兜牛腩有冇第四舊喺度, 點知真係冇. 如果有第四舊我真係會還番俾佢呀.邊有d咁既人, 咁既餐廳架. 真係倒緊自己米. 我地本身幾鍾意去呢間食架, 幫襯咗十幾年. 今次真係令我好失望. 做侍應點會咁答客人架, 真要俾一句(離晒普!).

雖然依家打出來有Ｄ遲，不過都當比大家一個參考，小巴黎未搬之前我成日都會去食，雖然環境污糟Ｄ不過因為好味所以都繼續去，自從佢搬舖之後我就一直都無去過，有次見耐無食就外賣佢Ｄ春卷返屋企食啦，等左好耐，不過咁多人食我都明白，所以完全唔介意等得耐Ｄ，終於拎左啦，返到屋企打開，一路食都無乜問題，食到最後一條春卷，食食下怪怪地，點解有野咬唔開，吐出來一睇，係一塊疑似用過的藥水膠布，因為張膠布無連住任何紙仲摺埋左的，第一個反應係入廁所嘔，之後有諗過返去投訴但係貨已經離開左，佢唔認反咬係我地掉入去都得，如果當場食到梗係追究啦！所以都係嘆自己唔好彩。

雖然依家打出來有Ｄ遲，不過都當比大家一個參考，小巴黎未搬之前我成日都會去食，雖然環境污糟Ｄ不過因為好味所以都繼續去，自從佢搬舖之後我就一直都無去過，有次見耐無食就外賣佢Ｄ春卷返屋企食啦，等左好耐，不過咁多人食我都明白，所以完全唔介意等得耐Ｄ，終於拎左啦，返到屋企打開，一路食都無乜問題，食到最後一條春卷，食食下怪怪地，點解有野咬唔開，吐出來一睇，係一塊疑似用過的藥水膠布，因為張膠布無連住任何紙仲摺埋左的，第一個反應係入廁所嘔，之後有諗過返去投訴但係貨已經離開左，佢唔認反咬係我地掉入去都得，如果當場食到梗係追究啦！所以都係嘆自己唔好彩。

本人在14/1 晚, 專成去屯門時代廣場的新舖(26/12才開業)試下。三人坐低叫了湯河, 炒金邊粉, 炒菜及小吃。其中雜錦炒金邊粉要三催四請才上枱。本人與朋友"同一時間", 把雜錦炒金邊粉放入口即吐出來, 因為魷魚未熟及個汁是酸的。我向侍應投訢, 佢就說先入廚房看看, 而不是拿走此碟怪味的粉, 過了十多廿分鐘才出來, 對我們說:"我在廚房試過晒D材料, 無問題呵" 我朋友說:"如無問題你幫我打包起此碟粉" 當然她不會讓我們拿走。因為除我們一枱有發現, 另一枱都有投訢。做食市, 一定要有尊重食客的心, 我們是很期待的心去食, 而不是想食一肚氣而來。只是換一碟粉, 你就失去一班客。我絕不會再幫襯, 我亦呼籲大家唔好去幫襯。