小城大廚 (已結業)

睇見OPENRICE 網友話正，一於去試下，果然～正正正！！星期六晚去唔算多人，一行四人，環境幾靜，老闆夠型，Waitress小姐更加係滿分！講番食物，叫左帶子闊條麵，隻帶子大到嚇死人！而且重好鮮味，老闆話係韓國入口（可要求取回帶子殼！！）另外叫左白酒煮青口，非常鮮味，好滑好正！豬碑仔都唔錯，D薯條好好味～最驚喜既係，食食下劉青雲同郭藹明入黎坐左係隔離臺食飯，哈哈，有埋明星睇，埋單每人＄120，我覺得超值！

同男友入黎西貢搵野食,泊好架車,轉個灣就見到有間新餐廳叫(小城大廚)本應諗住行一陣先,但當經過門口之際, 就有位靚小姐出黎介紹餐牌,聽下又睇下環境都幾好feel,價錢又唔貴,就入去試下啦,地方又幾好坐喎,音樂輕快,又見到廚師係到煮野幾得意...小姐比左杯水後就介紹食物...介紹左白酒忌廉煮青口,腰果雞丁烤餅,超大帶子闊條麵.....好就聽妳講..重要多個野菌濃湯啦...當上湯時就有籃熱烘烘既麵包,幾好..嘩個湯好正呀新鲜野菌打碎重有粒粒菌碎...正..再黎個白酒忌廉煮青口就出事啦...嘩我咁大個都未食過咁好味既青口,白酒又唔會太重,忌廉又creamy無得頂..人地減更肥架...重差唔多比我食灑tim...腰果雞丁烤餅甜甜酸酸又有少少辣脆脆地幾香口....超大帶子闊條麵隻帶子真係超大...成隻手掌咁大...食死人咩...蕃茄忌廉汁煮又幾好味喎....就係咁我既減肥大計就咁失敗左..重比我男友笑左我成晚....激死人啦好一個(小城大廚)我對你又愛又恨呀......

午餐茄茸龍脷柳接待員夠靚，南瓜湯夠味，魚肉夠爽，配菜有heart，食物夠晒熱，環境音樂夠輕快。廚師有性格，助手夠靚仔咖啡夠濃味，牛奶夠白滑。好!!

西貢來來去去都是那些西餐廳, 早前發現這一家新餐廳, 初時見個名以為係食中菜, 原來係食西餐. 第一次元旦日去午餐, 見到有個all day breakfast...鬼佬常餐?! 又不太肚餓, 自己又鍾意食西式早餐, 便order 了一個, 點知大件事.... 很大份... 有兩隻蛋, 兩大條煙肉, 一塊雞扒, 兩件豬扒般的火腿扒, 還有茄汁豆和薯仔as 伴菜, 美中不足是沒有蔬果伴碟... 要一提的是朋友set lunch 的蕃茄湯很濃很正...不貴, 幾十元..第二次晚餐, 試了二人餐, main dishes order 了豬排骨和忌廉墨魚麵, 兩款都唔錯, 尤其是忌廉墨魚麵... 好creamy, 好香. 磨菇湯很磨菇...creme brulee 也很好味, 份量很大, 我和朋友食了一半已經想停手, 但是味道真的很不錯, 上面的脆糖不會像其他餐廳咁一塊厚厚的唔知想點, 相反這裡的脆糖剛剛好, 真係唔捨得食剩! 美中不足是頭盤, 麻麻地...二人餐$268

這是一間新開的食肆，我見個午餐四十多元，便入去試，餐廳的裝修是唔錯，簡簡單單，其中有一部Plasma經常播住有線一台的食物節目，節目中的廚師就是這間食肆的廚師，所以我相信這間食肆是想sell靚仔廚師，說回食物，一般啦，但我相信有好多女仔會來幫襯。