小台北 (已結業)

本身我自己好鐘意去台北，所以知道朗豪坊開左呢間小台北，一直都好想黎試下，正好呢個星期六媽媽同我食完野要過海而不是返回沙田，於是我地可以離開火車站遠啲搵食，我就提議黎小台北喇呢個food court 真係好多人，我同媽媽分頭買再分頭搵位，好在都唔係等左好耐，小台北提供嘅食物唔多，有米粉或者飯餐， $40起，有免費百香果汁/冬瓜茶，又可以加錢轉其他飲品，我叫左個滷味拼飯餐，加$8 換左份小食，一共$481.滷味拼飯套餐~ 睇落相當吸引，份量不少，肉燥飯唔夠熱，肉燥個汁好稀啲飯好似浸左少少水咁，滷味拼有兩隻好聽叫入味難聽叫太咸嘅冬菇，一堆切不斷理還亂，味道唔錯但口感偏淋嘅豬耳絲，軟韌適中成碟最正嘅牛肚，半隻無乜味嘅滷蛋，仲有三大片軟腍濃郁酥味嘅牛展，老實講有啲失望。反而套餐跟左一碟娃娃菜，有啲冬菇絲同蝦乾，幾好味。餐飲揀左百香果汁，中規中矩，勝在夠冰凍 , 不過得好細杯2.山葵椒鹽雞~以為佢講到咁特別，會好食過鹽酥雞，點知係街邊炸雞粒都不如，好油但唔夠熱嘅，明顯係是但翻炸過下油就算，雞肉唔算太鞋但無乜味，山葵椒鹽喺邊度？$8 五粒，加黎拉個評分=[## 成餐用左$48，陣容睇黎幾抵，但真係大

同朋友出左旺角shopping黎到朗豪坊多左間小台北既見到有珍珠奶茶,就坐低買D試下啦~叫左個肉澡旦旦飯同埋珍珠奶茶唔夠兩分鐘就有得食(...咁快既)肉澡飯..味道好夠....完全一d都唔會難食~比起我之前食既幾好~果杯咩咩q珍珠奶茶...本身只係想試下..but飲落茶味好濃~唔會太甜~有機會會再黎試試~~

昨日落區行到旺角, 望吓隻錶嘩3點3啦, 又係tea break 時間,哩度咪朗豪坊食咩好呢, 上去food court 睇睇先.係4/f 出左𨋢一轉彎就見到三個大字"小台北" , ok 就試吓你啦.埋到櫃台望下menu, 又望下週圍嘅民眾, 係呀, 哩個係我嘅習慣, 我一向都留意香港市民嘅飲食取向.好啦, 唔該一份鹽酥雞扒包餐, 跟餐有豆漿 or 冬瓜茶?唔...既然係台灣野食, 我就要珍珠奶茶啦.個餐26蚊, 轉珍珠奶茶就加6蚊, Total $32, 可以接受啦.賣相唔錯塊雞扒都算厚, 望落香噴噴好試下先,唔..個包烘得好脆, 塊雞扒第一啖感覺都係好脆,食多啖先, 唔..雖然塊雞扒炸得好脆, 但就唔覺得佢"乾爭爭",D肉仍然好juice, 食野有時唔止食味道, 我望住俾我咬左一啖嘅雞扒包,見到D煙係雞扒度慢慢升上黎 感覺好好. 最怕D野凍冰冰架勒.個汁應該係芥末味, 甜甜地唔錯.如果可以再加多一點生菜, 和幾片新鮮番茄., 咁就perfect 勒.杯珍珠奶茶, 茶味算濃, 不會太甜,我買時話走甜, 位哥仔話已經set定左味道, 飲落ok可以一試.嘩! 又夠鍾落區, 下次再傾過

專程到旺角試一試，到達時已四點。本想只吃個下午茶，慳點錢，但因下午茶餐，沒有我想吃的鹽酥雞，所以叫了套餐$42。由看餐牌到拎食物，前後大約10-15分鐘，效率不錯(可能是因沒有太多客的關係)。前面是鹽酥雞，後面是鹽酥豬。拎食物的時候，第一感覺：甘少飯嘅，也夠一個女孩的食量。豆漿，沒有什麼大問題，不會沒味，也不會太甜；飯，珍珠米上面有少量肉碎，但問題在於飯太乾；鹽酥雞，別以為好大塊，只是雞皮和炸粉撐開，看落先大塊。雞肉無味道，太油膩，雞皮的脂肪可以大大塊脫出來；鹽酥豬，這個好厚，相比雞扒好味抵食，不過豬扒肉不夠鬆，經常痴牙；菜，這個好味，不會像別的食店用清水煮，這個很有蝦的味精。

五月二十四日 (星期四)身邊的朋友都知我是台灣痴，對台灣美食特別鐘愛在港掛名台食的食店很多，真正令我留下印象的不多，想到的有圓山和壹臺最近就從食友口中得知在朗豪坊Food Court開了一家台式食店原來是藝人郭少芸在商場同一層開的第二家食肆二話不說，我們放工就去了因回家吃晚飯，只吃個小食，小試牛刀點了豆乳雞和珍珠奶茶豆乳雞是較少在香港能夠吃到的台式小吃，雞肉以帶麵豉味的台式腐乳醃好再炸比傳統鹽酥雞的少了一點香口惹味，但有點失望，豆乳味道不太突出，相反雞味反更明顯雞肉入口嫩滑，皮脂也少，不肥膩，是低讚的地方珍珠奶茶也不錯，眼看茶色較深，茶味也很香濃幼滑珍珠帶點韌口，奈何較細粒，略有所失初步測試不錯，還是下次來一頓正餐才能一考證其真正實力

知道朗豪坊food court新開左間小台北，呢日特登走黎幫襯，想回味一下我最鍾意食的台灣牛肉麵！諗住星期三晚八點半打後，唔會太多人，點知都係一堆人等緊位，我地都等左差不多半個鐘至有位坐！我同朋友各自叫一個紅燒牛肉麵套餐，$44，有飲品跟，另外加多$22叫左個鹽酥雞～鹽酥雞比想像中大碟，切開有5大件。熱冬瓜茶幾好味，唔會死甜，但朋友話佢杯凍豆漿面頭冇味，飲到個底就甜過濃，睇黎係溝得唔勻。食台式牛肉麵，第一樣就係試下個湯頭。一飲，嘩！勁鹹！冇任何中藥味，一D都唔濃，一味靠豉油帶味嗎？個湯真係好唔掂...！麵條方面係用幼麵，口感唔錯，可惜D湯本身就唔好飲，麵條吸左D湯都冇用...配料有蔥、酸菜同半棵小唐菜，食到個底會feel到有極極極輕微辣味，不過真係極度輕味而已。跟住試下D牛筋...咦，好食喎，夠諗滑，雖然未至於去到入口即溶的地步，但都好唔錯啦！好易咬，好食～牛肉係近牛𦟌的位置，睇落個樣有D乾...但係食落又OK喎！一D都唔"un"，幾諗，好易入口～佢D牛肉真係補返唔少分數！至於鹽酥雞...其實都預左唔會做得太出色！果然一入口，發現雞肉太老啦，亦唔係好夠入味，好在佢夠脆，應該係即叫即炸。

5月頭在朗豪坊血拼,諗住拿拿臨搵間野食完就算~ 就去左FOOD COURT搵食~見到呢間小台北,本來都唔知係新店,食完仲諗住上黎比評,點知搵唔到.今日上黎搵飯聚地點就發現已經有得留評~我係食魯肉飯,肥豬肉比例多,見到就有D後悔~ 本諗住好難入口,但味道是比想像好好多~ 雖然D肉無乜色~ 但味道亦唔淡~ 好夠味~朋友食牛肉麵,佢話好好味~ 我睇個麵樣都OK~希望下次出旺角再試下~

旺角朗豪坊的美食廣場以繁忙見稱, 很可能是全港最難找座位的 Food Court 之一, 還以為能夠進駐這裡的食店能夠賺個盤滿缽滿, 可是, 亦可能是難找位的原因, 顧客流量速度不夠快, 因而令場內食店的 Turnover Rate 也相對提高, 這次要介紹的 F1 舖位便是一個好例子。由最初和商場一起開業的的香辣屋, 到兩年多前的 New York Fries, 到了六年後的今日, 則變成了這家名叫小台北的食店, 顧名思義, 所出售的當然是台式食品和飲品。看看餐牌, 發覺所有「基本設定」的東西都有了, 包括牛肉麵、肉燥飯、鹽酥雞扒、新竹米粉等, 在講求速度的 Food Court 來說, 將所有食物變為 A B C 餐是最方便的策略, 這裡的餐牌提供的是 1 至 10 號餐, 連所有附送或加錢換購的飲品選擇都在同一餐牌內一目了然, 是非常 user-friendly 的設計。紅燒牛肉麵和肉燥飯一向是「檸茶」兩大台式食品選擇, 每次到訪新店均會以此兩種食品為目標, 而這次首先點選的是 1 號餐 － 紅燒牛肉麵。前陣子於香港吹了好一陣台灣牛肉麵風, 三個月前舉行過的《台灣牛肉麵節》更掀起