小台北 (已結業)

朗豪坊就去過好多好多次，但呢間小台北就第一次食，第一次亦係最後一次，因為真係好難食！點了一個黑椒牛柳絲石窩飯，轉配一杯珍珠奶茶。齋睇賣相還可以，氣味亦係正常既，食落口先知出事。牛柳絲好韌好難咬開，而且冇牛肉味，黑椒太多，成個飯淨係食到黑椒味，本來想死頂食埋佢，但食左四分三之後真係頂唔順，係我第一次咁冇衣食。同行既人話我去賣台灣野食既舖頭買石窩飯梗係唔好食啦，我話唔係囉，因為佢連杯珍珠奶茶都做得唔好，奶茶味道可以，出事既係佢既珍珠，明顯存放得唔好，珍珠冇咬感，連少少彈牙都冇，完全成舊粉團咁，冇錯，係成舊粉團，佢啲珍珠全部痴埋一齊成抽提子咁，佢又冇比匙羹我，淨係得條飲管，啜極都啜唔到。

今日食肉燥茄子石窩飯，辣到喊出嚟，走去向店員講好辣，以前無甘辣，可唔可以唔好甘辣，希望佢轉過份俾我，但係佢居然話；唔得，無得唔辣，係廚房整定左！自問平時食得辣，但嚟種係灼喉既辣！真心失望😔😔😔

是晚來到朗豪坊，不想等位下選擇了foodcourt，星期四的晚上依然食客如鯽，幸好不消一會兒就找到四人位。見這小台北是新開不久便打算嘗一嘗，餐牌選擇不多，看兩看沒多想便點了一客酥炸豬扒飯配蝦米浸菜，還有一杯凍冬瓜茶。上菜速度合理，由等餐處可以看到廚房煮食，我就這樣站著看師傅仔炸豬扒。遠看豬扒又大又厚，心想定必很好吃，看著師傅仔手起刀落輕快地把豬扒斬件，立時店員快手地端至我眼前。眼看豬扒還真吸引，但那飯的賣相卻不怎麼的好。拿回位子先嘗嘗冬瓜茶，冬瓜茶甜甜的很易入口，炎夏天氣伴著冰涼的冬瓜茶確實不錯。浸菜蝦米是湯浸娃娃菜，雖嘗蝦香卻淡而無味。說回主打豬扒飯，飯淋上了燥肉汁，飯軟淋而欠口感，加上肉汁反令飯變得難以入口。燥肉汁冷凍而無味，讓飯的層次感變得更差。豬扒外皮香而酥脆可口，然而豬扒雖厚但未見豬肉味，豬肉雖不肥膩但口感極其乾硬。就如此地用了四十多元餵飽了肚子，然而食不知其味。

是日早少少出門口走去Ishiyaki+Cafe等位，由中午等到下午，用了120分鐘，但店內的流轉度仍是非常慢，加上大家都肚餓了，唯有放棄轉場去。照樣在商場內搵食，最後去我想去好耐的4樓FOOD COURT。XD 總共有六間食店，齊備日韓台，一時之間不知道應該去哪間﹖皆因款款都想吃﹗見PEPPER LUNCH有超多人在等，我就去隔離的小台北，台式食物我都好鐘意嘛~肚餓關係就有大吃大，要了一份多肉餐再加一個小食，再來一杯大凍飲﹗酥炸豬扒餐$46，豬扒大飯又多，看表面就知道今餐絕對可以吃得飽我~酥炸豬扒非常厚，可是肉質十分實，沒什麼肉汁也沒有什麼味道，自問鐘意吃瘦豬肉，所以覺得這豬都算OK啦，相反，妹妹及妹男友就覺得肉好硬，吃不消。外面那層金黃香脆的炸漿帶著鹹香，挺不錯，炸層和瘦豬一併吃下，出來的味覺上就會好少少。飯餐配了一碗家鄉炒菜，賣相似是灼娃娃菜多一點，入口吃到微微的蝦米香，蠻不錯，可能是半灼半炒的方法吧﹖XD白飯加入了少量滷水/肉燥汁，不過汁味極淡，倒不如不好加。白飯煮得相當軟身，好彩自己鐘意食"軟飯"~﹗只因想吃牛肚，才點選含牛肚的滷水拚盤$24，哇，點知得三片紅腸﹑兩片豆腐和三條

之前去台北旅行,掛住d野食,所以找了這間同朋友食食我個餐$44,我加$8飲青檸梳打特飲。個飯我覺得都多,好易飽👍青檸梳打特飲:有舊大啫喱系入面。飲落係清凉既,但無乜氣同無也青檸味。

柜枱哥哥態度求其, 簡直令人不快!食物一般, 炸雞的炸粉厚得有整件雞的三分之二, 肉只有一小粒, 又不好吃, 又沒味道!肉燥飯的肉很多肥羔粒, 味道又不夠, 滷蛋都一樣, 似滷不夠久, 跟一小碟菜, 沒特別評價

Tried this place for the first time. Ordered the squid vegetable rice in soup. According to the picture displayed on the counter, it looked really tasty. How wrong I was! The dish was terribly bland and had barely any vegetables and squid. Service was also rather hopeless, nonchalant.  Unlike its neighbours, this place will not provide you with extra sauce  So for $40, I'd rather spend it on its neighbouring eateries in future and get a meal of better value and service!

有日與同事即興食到朗豪坊食lunch, 行了一圈, 最後揀了最新加盟的"小台北".點個"肉燥茄子石窩飯"餐, 連飲品 $42等了10分鐘就有得食, 但第一個問題就來了: 何解個石窩崩得那麼厲害仍然使用?? 睇相便知, 損毀的程度實在有點誇張...論食物, 肉燥太乾, 可能是石窩關係, 肉燥都變成肉碎乾; 茄子細細舊, 味道OK.茄子窩通常較油, 上檯時面層睇落並不油, 但原來油全部流到最底; 食到窩底時情況接近油浸飯, 太多油了.這個石窩餐惟一可取是那杯跟餐冬瓜茶, 不會太甜又能消暑, 可惜僅此而已.無下次.

是日中午收工後去旺角買野，去到朗豪坊Foodcourt望住喜愛的peper lunch想買但不能吃(最近要戒吃牛肉)，便試試旁邊的小台北吧。買了一個紅白配：烏來甜酸排骨肉燥飯 + 麻辣菜肉餃子 (走辣) + 凍烏龍茶因為得小妹一個開餐，所以便打算攞咗野食先揾拉，本來前台得一個樓面一個收銀兩個人，但等候期間係厨房走咗一男一女出唻，你以為人手多咗便會快啲有野食？錯！女既只係出唻吹水，男既攞住部電話玩。等咗一陣，我要既飯同餃子已經上咗餐盤，只欠半隻蛋同杯烏龍茶，我以為好快就有得食啦，點知個樓面男掛住同女仔吹水，我望住佢哋好耐，佢吔都無發現，等咗一分鐘左右，個樓面男先倒杯烏龍茶上餐盤，但又唔理嗰半隻蛋，真係畀佢吹賬！ 好彩個打機男意識到個餐未齊，幫手跟一跟，如果唔係我又要再等多一分鐘？雖然話一分鐘唔係好長時間，但當我已經好肚餓而呢一分鐘係為咗等你哋吹水，咁就一定唔會 no complaint 囉。首先試下個餃子，個皮厚薄適中，又唔會煮得太淋或太硬，最意外係啲豬肉係有肉味。Good！跟住係肉燥飯，啲肉唔會太多肥膏，味道就係一般肉燥飯既味道，ok！個烏來甜酸排骨就……無甜酸味，同啲肉燥既味道差不多

2013年由1月頭返工忙到而家終於有時間上黎寫下openrice期間去左好多餐廳 本來都想黎呢度讚下/彈下不過事隔咁耐 而且又無乜特別 所以唔寫之但係呢一間小台北真係令我印象難忘-____-1月3當晚7點半同朋友短聚一下 就揀左去朗豪坊食food court本身我次次黎都會食pepper lunch由於朋友趕住學車 加上我又幾中意食雞排類既煎炸物 (PS: 在台灣 派克好食過豪大大唯有試下隔離呢間無乜人買/等既小台北啦我食鹽酥雞扒飯套餐 ($44)朋友食豬扒餐個樣望落OK架不過一咬 嘩 太啦 皮同肉分開得太離譜層皮都算d肉...好似未煮熟咁 (大家望下圖都估到有幾難食究竟係咪本質係咁 只係我食唔慣呢?!!俾多幅圖大家參考下....我唔明...當時無乜人買 (一搵完位 就拎得 好快手點解唔整好食d?其實我諗可能只係呢款菜式整得唔好食但我已經唔想俾機會再試呢間野...結果我地2個...好似淨係齋order白飯咁...食晒d飯而剩低好多肉希望佢地快d改善啦btw: 套餐送既冬瓜茶無論 熱既 (我朋友買) 凍既 (我)都好好飲!!!!!!!!!! (呢個真心值得一讚個甜度調較得非常適中

十二月三十日 (星期日)早上吃過華星早餐，之後便到了帝京酒店簽合約本想直接到尖沙咀做運動的，此時架架妹卻說有點餓，於是便走到了朗豪坊覓食還以為是下午茶時段，Foodcourt內人流會較少，誰知找兩個位也不容易最後，架架仔找到了近角落的長枱，好讓架架妹先好好休息一下，而他則出去看看有甚麼好吃最後還是走到座位最近的小台北，來一個抵吃下午茶餐山葵鹽酥雞味道如一般鹽酥雞，面層香脆不過雞肉味道一般，但所謂的山葵味卻失蹤了肉燥軟腍濕潤，配上白飯吃挺不錯的架架妹就選擇吃這碗貢丸米線貢丸只有一粒，要珍惜，切開四邊，味道還可以米線湯底頗清淡滷水非常入味，蛋質地結實，恰到好處向來點珍珠奶茶也是點少糖的，今次卻忘記了在足糖的情況下，珍珠奶茶的甜度卻意外地適中奶茶的質地尚算幼滑，珍珠亦彈牙煙韌，相當不俗這個套餐吃得過飽，之後在巴士上架架妹感到有點不適幾經波折，輾轉才去到目的地，今日的時間過得真快!

只是order一杯珍珠奶茶已被歧視，我走去問是否叫了我號碼，職員態度惡劣＂大聲叫"咩呀！！＂，原來自己已叫了我的號碼，死死地氣拎俾我。未見過咁差態度的員工，好似我開罪了她珍珠奶茶的味道是OK,只是職員對我說,沒有少甜,走甜提供,全部已較好了味道

餐廳：「小台北 XIAO TAIPEI」地點：旺角朗豪坊4/F Food Court.•Dinner•1個人食左乜：•沙茶鹵豬手飯 -90分😍(送一小碟菜，飯面有少量肉臊😚）•飲朱古力珍珠奶茶 -70分（好濃朱古力味， 珍珠好彈牙,口感良好!)•小食叫左一塊鹽酥炸豬扒 -78分（剛炸完外層好鬆脆，味道剛剛好，十分香口！不過凍左之後口感減左20%...所以最好熱食！)

剛讀舊評才知道此店是郭姓女藝人所開, 但都不會為此店加多少分數......紅燒牛肉麵+冬瓜茶 $32, 另加$8山葵椒鹽雞小碟 ... 上海麵條偏腍, 牛肉是牛展部份, 炆得入味亦鬆化, 隱隱還帶著香料味；山葵椒鹽雞粒無山葵味, 椒鹽亦不太覺, 雞粒的炸粉多過肉, 肉就較嚡, 味道普通蕃茄牛肉麵+冬瓜茶 $32, 另加$8山葵椒鹽雞小碟 ... 湯底帶少許辣, 所謂蕃茄都只是加些茄汁落湯底, 基本上麵與牛肉都是與紅燒牛肉麵的相同；山葵椒鹽雞粒亦是與上述相同冬瓜茶加了冰粒, 淡中之淡

下午要上學 所以中午的時侯打算到旺角速食醫肚要速食的話當然要選food court最方便啦!一眾餐廳之中 就台灣菜最合小妹口味 一於就試試看跟男友各點了一個套餐我點的是新竹炒米粉 男友點的是鹽酥豬扒肉燥飯等了大約十分鐘左右就可以吃了豬扒是合格的樣子 但肉燥飯的肉燥就略為太少吧跟店員詢問能否添一點肉燥 不過遭狠狠拒絕了沒辦法啦 幸好加錢要了珍珠奶茶不致於要吃乾爭爭的飯嘗了一點豬扒 上面的味粉是很台灣的味道可惜豬扒太油膩 夾雜了很多肥膏去除肥膏之後 其實所剩的肉不太多而肉燥跟平常吃的完全是兩碼子的事一看色澤已經不對板我會稱之為肥膏而不是豬肉碎至於米粉方面呢 真的被它的樣子騙了看起來很豐富 但其實除了表面的配料米粉裡面什麼都沒有而配料裡面 三分之一都是洋蔥感覺就好像點了一客洋蔥炒米一樣而且 米粉完全不能鬆開吃的時侯整個米粉纏在一起 很花力氣也因為太多油吃不到一半小妹就已經投降了雖然早有心理準備不會吃到正宗的台灣菜但小台北真的有點令人失望呢