小印度餐廳

营业中

休息中

晚飯想試啲新口味，路過呢間小店，見裝修簡約整齊，感覺舒服，於是決定光顧。我一行兩人，散叫好難試多幾款菜色，見二人餐配搭唔錯，就叫咗一個。上餐前先送上印度脆餅，配薄荷醬，幾香口。跟住上豆蓉咖喱角同板燒烤雞。前者酥軟，一啲都唔辣；後者出奇地嫩滑，比我之前食過嘅印度烤雞好味。咖哩牛味度稍淡，怕辣嘅會好鍾意，我就覺得唔夠濃。燜黃扁豆質感豐富，味道同樣偏淡，配搭蒜蓉烤餅，剛好。黃薑飯好大碟，飯粒特別長，唔知係咪用咗印度米。味道方面冇乜特別，我當佢白飯咁食，不過飯身比較硬，要加咖喱汁至啱口感。甜品比較特別，係一款叫「拉斯瑪萊」嘅甜奶球。第一口嘅感覺似食椰絲球，但奶球比較易化，質感比較軟，稍甜，但有奶香，都幾好味。隨餐有飲品，我㨂咗芒果乳酪，好香滑，大大杯，好夠分量。整體來講，呢家小店嘅出品好有誠意，製作認真，分量好足，性價比高之餘，味道亦唔錯，值得推介！

尼泊爾餃子, 裏面有啲豬肉, 呢個餃子中間放左一蝶醬汁, 醬汁係辣辣地, 一碟餃子有9隻, 兩個人食, 每人食四至五隻都幾飽肚芝士烤餅, 呢個烤餅係即刻烤出嚟嘅, 裏面充滿芝士呀, 咬落去煙煙韌韌咁, 好有口感, 每一啖都充滿芝士嘅香味, 呢個烤餅好食, 大家可以試下印度香蕉乳酪, 乳酪充滿香蕉味, 幾香甜餐廳環境, 比較寧靜, 適合同朋友喺度傾下偈, 比較寫意咁完成一餐下午茶呢間餐廳, 我相信都係新裝修完, 因為裏面整體環境係比較乾淨同埋整潔

見到Eatigo做緊晚上六點五折優惠, 於是就諗住以試菜嘅心態去book位. 餐廳位於佐敦永安百貨後面, 都算容易搵, 唔需要行到好入, 而且店內簡潔乾淨我哋叫咗咖哩角, 印度小鍋羊肉, 瑪莎拉燴牛肉, 黃薑飯, 薯仔烤餅, 芝士烤餅. 每樣食物都好食, 如烤餅烤得再燶D就更好.   出奇地, 食物味道濃郁, 但食完個口腔都唔會覺得食過過多調味料嘅感覺.  至於咖哩唔係好辣, 可能係迎合香港人嘅口味, 但係味道仍然濃郁, 用料亦好. 我哋見咁好食, 於是又追加咗茄汁牛舌, 都唔錯.  而個芒果奶昔非常足料, 係我暫時飲過最好嘅, 因好多地方都調到好稀, 好似沙冰咁嚟緊我哋會食多次, 下次會叫啲特色嘢, 例如餃子或者菠菜咖哩等等 我都幾鍾意幫襯呢種小店, 希望多D呢種小店可以繼續經營.

識我嘅朋友都知我好鍾意食印度野，而今日又比我發現咗一間到高質小店。呢間餐廳係佐敦吳松街，雖然店舖面積唔算好大，但店內裝修得乾淨企理。 👅Korma Chicken白汁咖哩雞 ($90) ❣️平時食印度野，我一定會叫butter chicken，但今次想試吓新野，於是就點左Korma。佢同butter chicken有少少似，但我上網查過，佢係用yoghurt整的，所以感覺上好似比較健康。而且啲腰果汁比較甜，食落感覺比牛油雞冇咁heavy 👅Ras Malai 印度甜奶球 ($22) 👍🏻我嘅目標係將所有印度甜品都食過一次😋咁今次就揀咗呢個印度甜奶球。佢嘅外貌就好似兩塊浸喺糖水裏面嘅豆腐雪糕。食落去，我即刻聯想到一樣中式甜品，就係糖蓮子。佢好甜好重奶味，食完辣咖喱，用佢黎解辣就啱啱好。幾鍾意呢間店舖Naan嘅份量，一個人要一份Naan就啱啱好。兩個人唔算太大食嘅話，咁一份汁再加兩份Naan就已經夠飽。通常消費合共$150左右。唔收加一🌟

上一次食印度菜已經係好耐好之前喺重慶大廈食嘅，今次經過佐敦見到有間印度餐廳幾乾淨企理，就心思思想食下印度菜佢有二人餐同四人餐供應，但係我同朋友都唔太肚餓，所以就決定散叫呢個係送嘅小食，鹹鹹香香幾惹味白汁咖哩牛腩個咖喱有奶油嘅香味，唔會好辣，牛腩煮到好淋好入味，而且唔好睇佢細細兜，牛腩份量都唔少特色香料烤雞柳呢醬汁超級惹味，辣辣地又有香料嘅味道，用嚟送薄餅一流！雞肉配埋咁惹味嘅汁搞到我地食唔停口蒜蓉烤餅牛油烤餅食印度菜點少得烤餅！呢兩種烤餅烤得相當香脆，滿滿牛油同蒜蓉嘅香味，就算唔用黎送咖喱就咁食都好好味印度芒果乳酪（左）青檸梳打（右）呢個印度芒果乳酪真係要大推！飲落去有香甜嘅芒果味，中和左咖喱嘅濃味，佢比較厚身，飲落去比較似一個甜品，所以我地留到最後先慢慢飲埋佢。而青檸梳打就正正常常咁最後埋餐都係人均百幾蚊，非常抵食！可能因為餐廳唔係喺正大街出面，人流會相對少，不過係一間絕對值得更多人幫襯嘅小店

🤎Little Indian Restaurant 🤎同平時印度餐廳🇮🇳一樣，叫完野食都會送上印度胡椒餅。由於朋友係第一次食印度菜，所以我都叫左啲大路野同佢一齊食。🤍 Lamb Masala $92Masala都係指綜合香料，所以基本上印度嘅咖喱都唔太辣，食嘅都係食佢香料嘅香味。值得一提嘅係，佢嘅羊肉炆到好嫩，唔會好羶味。🤍 Garlic Naan $20呢到嘅Naan真係一啲油都無，幾適合香港人嘅口味，不過我覺得個蒜香可以再重多少少🤏。佢大概有4細塊，用黎配Lamb masala都幾唔錯🤍 Chicken Tikka $85基本上所有chicken tikka 都係用鐵板上，全部都係無骨的，當中會落唔同嘅香料，包括：孜然粉、紅椒粉、丁香、少少玉桂等，不過Little Indian restaurants就落得比較多檸檬汁，都幾香口。📍Little Indian Restaurant 佐敦吳松街19號地舖————————————味道: 🤎🤎🤎🤎🤍環境: 🤎🤎🤎🤎🤍服務: 🤎🤎🤎🤎🤍價錢: 🤎🤎🤎🤎🤍再食: 🤎🤎🤎🤍🤍————————————

(小印度餐廳)，顧名思義食可以喺呢度足晒全個印度唔同地方唔同派系嘅印度菜，店舖位於佐敦吳松街，附近有永安百貨，唔想同其他人迫喺尖沙咀重慶大廈，可以過嚟呢邊朝聖一下。從門外一看，像極了正宗印度菜餐廳，仔細看看門口的餐牌，你會見到腐乳通菜怎廣東菜式，原來喺呢度可以食到中菜加印度菜，吃不了辣的朋友也可一起來享用，實屬不錯，三五知己的好選擇。燈光明亮，裝修風格有點像懷舊的老西餐廳，環境舒適，乾淨企理。Lentil soup 扁豆湯$42，印度菜-湯類的精髓之一，把一粒粒新鮮的扁豆熬製至扁豆蓉，質感香滑軟綿綿，類似中式陳皮紅豆沙，有點起沙的感覺，豆香味滿。Chicken Masala 葡式咖喱雞$88，嘩，呢個真係超級超級辣，嗰種辣唔係麻辣火鍋嗰種酥麻香，食完之後15分鐘，你會喺個胃開始慢慢拿出來，但係真係非常過癮，我辣到有啲出汗，飲完水都解唔到辣，呢種先係正宗嘅印度式咖喱。雖然我唔係好食得辣，但係我真係要介紹俾唔同朋友試吓。Vegetable samosa $24，蔬菜咖喱角，咖喱角當然源自於印度，同喺酒樓食開嘅當然有啲唔同，印度嘅咖喱角先係咖喱角嘅始祖，會比一般係酒樓食到嘅更香脆，份量亦都比

尖沙咀嘅印度菜，大家都會諗起重慶大廈，但如果咁大家咁岩喺佐敦、油麻地一帶，就可以試吓呢一間小印度餐廳，坐得舒服，乾淨企理，價錢合理。餐廳本身有set dinner，但我個我自己個人覺得散嗌更加吸引，當order完之後佢就會攞以下嘅燒餅，同薄荷鎖source 畀你點。（1）$35 印度芒果乳酪唔好意思大家，個芒果奶昔太好味，一嚟到已經忍唔住飲咗一大啖。（2）$45 咖喱角沙律睇落似青咖喱，其實個汁係典型嘅印度香料甜酸汁味。應該有啲醋，同乳酪。唔係個個人啱食，但我係食晒嘅。裏面嘅餡，有青瓜、咖喱角、蕃茄、脆脆。（3）$28 印度黃飯黃姜飯，乾身，一粒一粒長條，散發着淡淡的黃姜味，吸汁力強，配咖喱飯一流。（4）$88 菠菜咖喱雞咖喱雞大家都食過啦，呢個菠菜咖喱雞，菠菜係磨到勁碎，融左入咖喱汁裏面，雞嘅質感易咬，份量睇落係有少少細，但因為佢嘅料好固態，所以勁飽。裏面有雞塊之外，仲有薯仔。（5）$28 芝士烤餅我嘅至愛，芝士味淡淡的，熱辣辣出爐嘅時候食真係無得輸。我就諗住配咖喱嘅，但點左咖喱嘅話，就com左啲芝士味，所以之後我都係就咁成個烤餅食。(6)甜品有兩種，一個炸奶球，一個係甜奶球。$22

little indian restaurant 唔洗去重慶大廈食嘅印度菜食印度菜最怕就係好似重慶大廈啲熱情奔放嘅叔叔叫你去呢度去果度，呢間係佐敦嘅印度菜就冇呢個問題，餐廳近大街，都算方便，店鋪裝修就比較陳舊，衛生就中規中矩，未有肉眼可見嘅污糟嘢，同埋鋪頭都比較細間一坐低就有一碟印度脆餅做前菜，配薄荷醬，自己比較鐘意一邊用手撕開嗰餅，一邊沾醬嘅感覺，食落嘅野食會特別好味另外叫左一碟無骨咖哩雞肉，雞肉都幾軟熟同諗，咖哩食落好重香料嘅味道，比起日式咖哩又多好多層次，之後咖哩唔會好辣，只係譚仔5小辣嘅辣度，同埋都有少少甜味，呢個咖哩幾唔錯，配搭住原味烤餅，相當滿足，呢個咖哩可以叫多份烤餅兩個人食都得跟住叫左杯Masala Tea ，個人唔太識欣賞，但如果你喜歡有香料嘅奶茶或者你冇試過，都推薦你試一試

最近去了不少印度餐廳，佐敦呢間屬於價錢平實，坐得舒適得黎，食物質素也是不錯。胡椒餅是餐前小食，點薄荷醬汁，辣辣地幾清新。坦然我是頭一次知道有尼泊爾餃子，很好奇同中式餃子的分別。薄皮，口感和中式餃子分別不大，主要分別是哪濃鬱帶微辣的香料醬汁，甚有風味，說真話，我很喜歡。香濃茄汁燴牛舌很少在印度餐廳餐牌上見到牛舌（應該是我見識少），見一般都煮牛肉塊或牛肉片。醬汁帶茄汁酸甜，微辣，香料味道是重的，個人認爲醬汁再濃稠一點會更好。牛舌煮得腍身，外爽内軟，加上有牛香，回味啊！食印度餐總不能不食烤餅。蒜蓉烤餅，蒜香突出。牛油烤餅是我的最愛，極具牛油香氣，底部烤得脆，裏面柔軟煙韌。

今日試嘅呢間印度菜，一入去就見到呢度裝修比較老舊，唔知係咪5點幾呢個時間，一個食客都冇，一坐低就叫左咖哩雞（$75）同plate Naan（$15）同一杯masala tea（$15），未上菜之前已經送一客poppadom香料脆餅配薄荷餅，食落真係幾脆，作為開胃菜相當唔錯，之後咖喱雞咖哩夠惹味同熱辣辣，會有少少辣味，印度咖哩會多啲香料，食落比較多香料嘅味道，例如茴香，薑黃粉，小豆蔻、肉桂同月桂葉等，咖喱雞都好大舊，一碗大概有5-6舊嘅雞肉，雞肉都相當嫩滑，之後Naan 黎嘅時候就已經凍左，自己比較喜歡熱熱辣辣，同埋食落都唔夠香脆，但沾醬就不過不失啦，最後呢杯masala tea 就相對冇咁啱香港人口味，但呢杯masala tea 我可以接受，香料味重，而飲落都好香滑，香港人一定會話好似飲緊中藥感。

突然好懷念印度菜就同左屋企人一齊去廟街食以往通常去重慶大廈今次難得試下廟街嘅印度菜先⚜️Momo $58幾年前問過尼泊爾朋友有咩必食既美食佢就推薦左尼泊爾餃子依度既餃子皮夠薄 又鎖得住肉汁係裡面加埋甜甜酸酸既特製沾醬 好襯🤤⚜️Tandoori Chicken $98印度香料烤雞真係我既最愛🥰依度既烤雞Juicy又夠嫩滑🍗有兩件雞上髀同兩件雞下髀抵食得黎又好味😋😋😋⚜️Butter Chicken $88入口酸酸甜甜 加埋忌廉 好有層次個菜式又唔會辣 食落幾開胃係初嘗印度菜必試菜式🥘⚜️Saffron Pulao $28Saffron係世界上最昂貴既香料之一💰Pulao入口甘香 升糖指數又低係追求健康唔可以錯過既carbs!⚜️Garlic Naan $20食得butter chicken又點可以唔嗌埋naan呢🫓蒜蓉naan烤得外脆內軟 ⚜️Mango Smoothie $35黎得食印度菜又點可以唔飲smoothie?芒果加埋yogurt打得順滑 係偏甜既口味 不過好解渴🥭

* Lamb Seekh Kebab (HKD115)* Chana Malsala (HKD65)* Roti (HKD15)* Mango Lassi (HKD35)👩‍👧喜愛程度: 💛💛💛💛/5一向都好鐘意食印度菜😋 知道除左尖沙咀外，佐敦都有好多印度餐廳🍴哩間5月先開嘅印度餐廳睇落光猛，裝修簡單舒服，就決定試下。食物種類繁多，例如小食、燒烤類、特色牛雞羊菜、烤餅、甜品、飲品等，真係花多眼亂😂 落單後，店員送上附送嘅poppadom香料脆餅，加埋個薄荷醬，係一個開胃嘅前菜。串燒免治羊肉卷係將羊肉打碎後撈埋唔同嘅香料製成嘅肉卷🫔完全唔羶，用鐵板上檯夠熱辣辣，墊底嘅洋蔥超級香，吱埋檸檬汁味道更清新豐富！🍋 咖哩方面叫左瑪莎拉鷹嘴豆，初初以為會好齋，點知好有驚喜😍 瑪莎拉本身嘅醬汁好惹味，同本身味道較淡嘅鷹嘴豆好夾🥘 鷹嘴豆汁得好淋好入味，整道菜似係調左味嘅豆蓉，用黎點roti一流🫓 健康好味得黎又飽肚🤤 最後仲叫左杯mango lassi，即芒果乳酪🥭，即叫即整而且非常足料，芒果夠甜，有d似楊枝甘露😆 可以為濃味嘅一餐清清味蕾👌🏻 最後值得一讚店員服務好好，而且印度藉店員更分享餐牌上

原味🇮🇳烤餅 ： 看英文解釋是放在烤爐內的牆上烤焗，這道餅非常香脆還帶上點點鹹味，配上薄荷醬，簡直回味無窮扁豆湯 ： 一直以為是綠色的，但原來是黃色。賣相很漂亮，還奇怪湯內為何放了一片檸檬🍋，原來這片檸檬是湯的靈魂。在扁豆湯內篤檸檬，一點點的酸味再配合扁豆湯，口感既新鮮又好味。白汁咖哩🐐羊肉：🇮🇳店員很細心地問我們能不能吃辣，我們跟他說要bb辣 所以這度咖哩沒有太多辣味，反而我們吃得出，他們的咖哩有用印度的香料去製作，咖哩味好香濃，羊肉亦炆至非常淋身，好像牛腩般質感。隨咖哩附上的薄餅點上咖哩及羊肉 一起吃，我覺得比意大利pizza還要好吃。冰涷椰青： 這個椰青很新鮮亦很大個，內裏水多肉厚，很不錯。今次吃過小印度餐廳後，對印度菜完全改觀了。十幾年前在尖沙咀吃過印度自助餐，還記得除了白飯和水果外，所有食物均是只有辣味🌶️🌶️🌶️，還辣到飛起，難以入口。最後只是吃過白飯和水果便結帳埋單，之後一直唔敢再吃印度菜。但今次經朋友強烈推介小印度餐廳，決定再試一次印度菜，原來印度菜是這麼好味，下次會再回頭幫襯。今日一進入餐廳識得講廣東話和英文的🇮🇳印度男士很熱情地款待，而且他還自動又細心地介紹各種食物，推介

今日同屋企人去佐敦行街 就去左廟街食印度菜🇮🇳 一坐低每張枱都會有一碟印度脆餅+薄荷醬~ 脆餅偏鹹不過薄荷醬中和左鹹味😋Momo尼泊爾餃子 $58最鍾意就係食momo😆! 比起煎餃我更鍾意食蒸餃 因為可以食到餃子本身既味道 餃子皮好薄 食落口好多汁👍 特製醬汁有d酸甜亦帶點微辣 忍唔住食左好多舊 🙈印度天多尼香烤雞 $98放係鐵板上菜 上到枱仲係熱辣辣既 雞肉腌得好入味同埋好嫩滑🤤份量亦幾多印度牛油咖喱雞 $88因為屋企人唔食得辣就叫左最唔辣嘅butter chicken 好香香料味亦都好好送飯!☺️ 所以我地就特登叫左個印度黃飯 ($28)同埋蒜茸naan ($20)嚟配咖哩食~ 黃飯用咗印度香米同埋黃薑再加其他香料 粒粒分明 呢到既naan好有咬口 仲食到好香蒜茸味☺️芒果乳酪 $35個天咁熱點少得一杯凍飲~ 味道唔太濃但好香芒果味 咁大杯兩個人share都得~😊