影片
更多
2021-07-17
431 浏览
晚饭想试啲新口味，路过呢间小店，见装修简约整齐，感觉舒服，于是决定光顾。我一行两人，散叫好难试多几款菜色，见二人餐配搭唔错，就叫咗一个。上餐前先送上印度脆饼，配薄荷酱，几香口。跟住上豆蓉咖喱角同板烧烤鸡。前者酥软，一啲都唔辣；后者出奇地嫩滑，比我之前食过嘅印度烤鸡好味。咖哩牛味度稍淡，怕辣嘅会好钟意，我就觉得唔够浓。焖黄扁豆质感丰富，味道同样偏淡，配搭蒜蓉烤饼，刚好。黄姜饭好大碟，饭粒特别长，唔知系咪用咗印度米。味道方面冇乜特别，我当佢白饭咁食，不过饭身比较硬，要加咖喱汁至啱口感。甜品比较特别，系一款叫「拉斯玛莱」嘅甜奶球。第一口嘅感觉似食椰丝球，但奶球比较易化，质感比较软，稍甜，但有奶香，都几好味。随餐有饮品，我㨂咗芒果乳酪，好香滑，大大杯，好够分量。整体来讲，呢家小店嘅出品好有诚意，制作认真，分量好足，性价比高之余，味道亦唔错，值得推介！
上餐前先送上印度脆饼，配薄荷酱，几香口。
跟住上豆蓉咖喱角同板烧烤鸡。前者酥软，一啲都唔辣；后者出奇地嫩滑，比我之前食过嘅印度烤鸡好味。
咖哩牛味度稍淡，怕辣嘅会好钟意，我就觉得唔够浓。焖黄扁豆质感丰富，味道同样偏淡，配搭蒜蓉烤饼，刚好。
黄姜饭好大碟，饭粒特别长，唔知系咪用咗印度米。味道方面冇乜特别，我当佢白饭咁食，不过饭身比较硬，要加咖喱汁至啱口感。
甜品比较特别，系一款叫「拉斯玛莱」嘅甜奶球。第一口嘅感觉似食椰丝球，但奶球比较易化，质感比较软，稍甜，但有奶香，都几好味。
随餐有饮品，我㨂咗芒果乳酪，好香滑，大大杯，好够分量。
整体来讲，呢家小店嘅出品好有诚意，制作认真，分量好足，性价比高之余，味道亦唔错，值得推介！
17 浏览
0 赞好
0 留言
21 浏览
0 赞好
0 留言
19 浏览
0 赞好
0 留言
15 浏览
0 赞好
0 留言
12 浏览
0 赞好
0 留言
55 浏览
0 赞好
0 留言
张贴
