小印度餐廳

营业中

休息中

今日食個飯過咗嚟呢間印度餐廳去試吓啲咖喱咁我就嗌咗一個午餐，然之後就想同佢個烤餅轉成蒜蓉烤餅開頭我問佢咁樣轉有冇問題，佢話可以嘅，然之後等我食完飯之後買單發現咁佢嗰度原來直頭加咗我$15我之後就走去嘗試搵個店員理論 我每次講嘢嘅時候呢店員都會即刻打斷我說話，然之後叫我聽佢講一大堆嘅都係冇道理嘅指控最後個店員發覺講唔掂啦，咁佢就叫埋其他人一齊同我去理論 最後威逼利誘之下呢咁其實我都焗住要俾呢$15 成件事會覺得好委屈，既然喺香港呢一個咁有法律嘅地方之下竟然會有呢一種事情發生我以後唔會再幫襯呢啲舖頭啊，咁大家去之前都要小心睇一睇同問清楚啲價錢

午市時間,去叫咗個牛油雞+naan。餐前有碗綠色嘅餐湯，味道不錯。嗰餐係好食嘅，另外仲有兩條春捲附送。雞肉不嚡口，汁亦夠多。建議加錢升級去paratha或garlic naan, cheese naan, 會更滋味。我因為唔知道係升級選擇，所以個Paratha係另叫嘅,$20。大家可留意一下。熱奶茶係Masala tea,有淡淡嘅香料味。set lunch 五、六十蚊就落到樓，算好抵食，值得支持。

小印度餐廳 - 只係咁啱行過入去食的🤣餐廳環境：小店都係比較少位同坐得窄啲！印度咖喱雞 $55可以配飯或者烤餅，我就叫咗烤餅既，好食好食😋，就咁跟餐係原味既烤餅，不過用泥點咖喱就啱啱好🫶🏻，同埋質感好煙韌，仲會搭左兩條春卷！😂啲雞肉比較少同嚡既🥲但個咖喱汁襯埋好香，咖喱雞個汁係偏辣的，唔食辣既大家未必啱！🤧馬來咖喱魚 $58咖喱魚啲咖喱比較甜，可能係因為佢係馬來風味？食落冇咁吸引，辣辣地會開胃啲。而且啲魚都係比較少的。🤧香蒜烤餅 $22係兩大塊鋪滿左蒜蓉既烤餅，好香好熱同好脆🫶🏻大家鐘意脆既烤餅可以係餐追加 $12就會有！👍🏻🤩總括🥄整體泥講，真係唔錯啊！咁既價錢，其實份量同味道都好抵食啊，如果大家經過絕對可以一試！🤣😚建議大家叫返印度咖喱好食啲！🫶🏻———————————————————————————📍 佐敦吳松街19號地舖價錢：🎖🎖🎖🎖食物：🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其佐敦

店内约有10張枱，有二位和四座，裝修简樸但整潔舒適，每張枱披上米白色枱布，上蓋玻璃，枱面沒有半点茶漬，乾淨👍🌠午餐menu實惠，大部份$55，包飯或naan，羅宋湯和飲品。🌠咖哩牛舌$55一碗咖哩有6件牛舌，超淋唔韌，配酸酸甜甜辣辣咖哩，很match，naan新鮮製作，很熱，很有咬口，很有麥粉香味，點咖哩食係very very good，還有2條春卷仔，很脆不油脷，很好食😋😋😋🌠蒜香薄餅$12追加garlic naan只加$12，估唔到超大塊，蒜蓉香氣四溢，超熱辣辣，抵食，杯奶茶又正，沒有Ceylon 紅茶的濃味但有香草的薰香，一口naan一口奶茶，忘憂👍👍👍總括來說，小店經營，環境寧静舒服，招呼殷勤，食物又好，價錢實惠，好評😋實至名歸👍

不知不覺在我們身邊印裔或者南亞裔的三代四代都分佈各種行業。其中經營餐廳都屬於佢地比較傳統行業之一。Pani Puri $45 呢個擺碟有點中式, 印度街頭小食, 係有特色嘅不過如果唔超過40蚊會ok d 囉。Vegetable Samosa 2pc.$24 size 夠而且即炸即食無得輸。Lamb sheek Kabab $115用免治羊肉做成條狀再燒之。夠香口。Tandoori OX tuange $88 估唔到牛舌又做得幾好。比雞胸肉更有口感。Fish Goan Curry $90 呢個就真係唔推介啦！Goan curry 同佢地平時那些比較只是稀冧冧一點沒有什麼特別嘅味道。魚就是鯰魚柳囉！ Lachha Paratha $20 牛油千層烤餅合乎標準。Mango Lassi $35 似模似樣咁。Poori $15 呢樣似乎做起無索油就拿出來, 油光滿面呀！老友。明顯一面炸起咗另一面沒有炸起咁。唔知那邊先哪邊後了。Hot Masala Tea $15 一般貨色總括而言, 每樣食物都係中間咁上下, 無太驚喜但也唔會令人失望而回。

LUNCH 想食印度嘢,見到OpenRice呢間評價唔差,所以入去試下。舖入面裝修簡單, 但唔似其他印度餐廳散發住一陣霉霉地嘅味道,衛生環境唔錯食咗個咖哩雞，加NANN (由於太肚餓關係再叫多一個芝士NANN) 再加錢要杯Mango lassi.咖哩雞肉好滑好大嚿,不過份量唔算好多,如果多啲就好。雞肉嫩滑,唔錯。想讚一讚呢度嘅咖哩味道係迎合咗香港人口味, 似用左唔同嘅香料製成。唔咸,唔似得其他餐廳會加味精落去, 呢啲真係一食落就知係咪真材實料芝士NANN 好正,  好重芝士料, 但如果份量再大啲就好 ^^重點係杯Mango lassi , 去過咁多間印度餐廳, 呢杯LASSI 係暫時試過最好飲嘅一杯,重點推介見到隔離檯有客叫咗pani puri (香料水醬酥炸球) ,見到好似好好食咁, 但因為一個人食量有限,唯有下次再來食時先再叫。

今日去佐敦永安百貨行下，突然間想食下印度野，拎個電話search下搵到間最近既就叫做little Indian restaurant，即時就叫啲小食外賣返屋企，叫左個pani puri同 aloo paratha，尼到既pani puri好有誠意，個波波係炸過既，唔會擺到淋哂，個餡料份量都好足夠，夠擺滿8個波波，而個湯汁係偏向重味，而且個薄荷味好濃郁，我就好鐘意🤤🤤不過應該就唔係個個受到。而個薄餅味道返而係一般般。唔算好出色，可以試下其他野。

疫情之下好多人都冇得離開香港，唯有食住外國菜解解旅行癮。上網睇咗好耐好多人都推介呢間印度菜。食得印度菜 當然要試吓佢嘅咖哩啦。咖喱好惹味，同埋啲雞一齊融合埋啲咖喱汁入邊好似咖喱入邊有雞味，雞味入邊有咖喱味。芒果沙冰充滿着淡淡的芒果香味，完全唔係藥水味。最後嘅甜品令到成餐昇華，淡淡的杏仁味，充滿濃濃嘅牛奶味。疫情之下，真係好少見有咁正宗嘅印度菜，未試過嘅朋友，就真係要試吓佢嘅咖喱，充滿熱帶風情嘅芒果沙冰。炎熱天氣底下，食埋一個凍冰冰嘅甜品絕對係涼透心，呢間絕對係信心推介。

Instagram: hkfoodie.museum 🔙回頭率：10/10🌈性價比：9.5/10🐻‍❄️今次路過見到一間無人既餐廳，即管入去幫襯下，疫情下既小支持。食完之後，絕對要出post📣希望好食既餐廳吾會結業🙏🏽舖頭應該係兩公婆經營，有禮貌，餐具乾淨。食物抵食又好食，仲送左兩碗湯⁉️*･*:.｡..｡.:*･*:.｡. .｡.:*･･*:.｡..｡.:*･———————————————🍴: 奶油咖哩雞 配烤餅 $62Butter Chicken with Naan😋絕對係香港人既口味，首先呢款咖哩既辣可以話係一級辣，小編愛吃辣所以呢款對我地係Bb班。配飯/烤餅一樣絕色👍🏼雞肉&汁既份量剛剛好，吾會只有一兩舊肉。汁帶微酸，保留當地特色，又吾會重口味！最後食完仲有剩汁，再叫多一份烤餅。LunchSet 仲包埋汽水，眼見配搭烤餅仲送春卷兩件，抵食！🈵 9/10🍴: 尼泊爾餃子 $ 58Momo 😋味道同平時香港既餃子差不多，勝在一碟9件，數量你咪話少！再加上附帶既醬汁味道特別，絕對令餃子味道再昇華。不過最後食到第五隻開始，就會感覺到餃子微微咸左啲。🈵 7 /10🍴: 原味烤餅 $ 15

CP值超高，咖啡食得岀好足料，好正宗既印度咖啡，全店既員工 老闆都係印度人，非常熱情款待客人❤️‍🔥❤️❤️‍🔥❤️❤️‍🔥❤️❤️‍🔥❤️❤️‍🔥❤️❤️‍🔥❤️❤️‍🔥❤️❤️‍🔥。。。。。。。。。。。。。。。。。。。。。。特別係印度茶，飲得岀係好多香料煮成，香氣十足，誠意推介呢間💕。。。。。。。。。。。。。。。。。。。。。。之前食過重慶大廈既印度茶，比較之下我會鍾意呢間多啲👍🏻👍🏻👍🏻

呢間野服務態度好好職員好有耐心咁服務當中少不了細個好鐘意飲既Lassi(乳酪)佢D LESSI做到又濃又甜備註. 印度既乳酪同香港既乳酪唔同佢D咖哩會做到比較貼返印度口味同泰式/港式唔同唔係好食得辣可以返佢地佢地會介紹D會無咁辣既比你地

Very Good Value, friendly service.Often come here for the set lunch options about 50 - 65HKD, no service charge.Best thing of all they offer the same set lunch options 7 days of the week.My favourites are the butter chicken, the Ox-tongue curry and a friend of mine highly recommends the Goa Fish curry as being authentic tasting.

晚飯想試啲新口味，路過呢間小店，見裝修簡約整齊，感覺舒服，於是決定光顧。我一行兩人，散叫好難試多幾款菜色，見二人餐配搭唔錯，就叫咗一個。上餐前先送上印度脆餅，配薄荷醬，幾香口。跟住上豆蓉咖喱角同板燒烤雞。前者酥軟，一啲都唔辣；後者出奇地嫩滑，比我之前食過嘅印度烤雞好味。咖哩牛味度稍淡，怕辣嘅會好鍾意，我就覺得唔夠濃。燜黃扁豆質感豐富，味道同樣偏淡，配搭蒜蓉烤餅，剛好。黃薑飯好大碟，飯粒特別長，唔知係咪用咗印度米。味道方面冇乜特別，我當佢白飯咁食，不過飯身比較硬，要加咖喱汁至啱口感。甜品比較特別，係一款叫「拉斯瑪萊」嘅甜奶球。第一口嘅感覺似食椰絲球，但奶球比較易化，質感比較軟，稍甜，但有奶香，都幾好味。隨餐有飲品，我㨂咗芒果乳酪，好香滑，大大杯，好夠分量。整體來講，呢家小店嘅出品好有誠意，製作認真，分量好足，性價比高之餘，味道亦唔錯，值得推介！

尼泊爾餃子, 裏面有啲豬肉, 呢個餃子中間放左一蝶醬汁, 醬汁係辣辣地, 一碟餃子有9隻, 兩個人食, 每人食四至五隻都幾飽肚芝士烤餅, 呢個烤餅係即刻烤出嚟嘅, 裏面充滿芝士呀, 咬落去煙煙韌韌咁, 好有口感, 每一啖都充滿芝士嘅香味, 呢個烤餅好食, 大家可以試下印度香蕉乳酪, 乳酪充滿香蕉味, 幾香甜餐廳環境, 比較寧靜, 適合同朋友喺度傾下偈, 比較寫意咁完成一餐下午茶呢間餐廳, 我相信都係新裝修完, 因為裏面整體環境係比較乾淨同埋整潔

見到Eatigo做緊晚上六點五折優惠, 於是就諗住以試菜嘅心態去book位. 餐廳位於佐敦永安百貨後面, 都算容易搵, 唔需要行到好入, 而且店內簡潔乾淨我哋叫咗咖哩角, 印度小鍋羊肉, 瑪莎拉燴牛肉, 黃薑飯, 薯仔烤餅, 芝士烤餅. 每樣食物都好食, 如烤餅烤得再燶D就更好.   出奇地, 食物味道濃郁, 但食完個口腔都唔會覺得食過過多調味料嘅感覺.  至於咖哩唔係好辣, 可能係迎合香港人嘅口味, 但係味道仍然濃郁, 用料亦好. 我哋見咁好食, 於是又追加咗茄汁牛舌, 都唔錯.  而個芒果奶昔非常足料, 係我暫時飲過最好嘅, 因好多地方都調到好稀, 好似沙冰咁嚟緊我哋會食多次, 下次會叫啲特色嘢, 例如餃子或者菠菜咖哩等等 我都幾鍾意幫襯呢種小店, 希望多D呢種小店可以繼續經營.