將軍堡 (已結業)

經開荔枝角地鐵站，咁岩經過間舊式麵包店，被門口Display吸引住😍嘩一聲～～點解細細間舊式麵包點會有咁靚既蛋糕既？！好奇入去買黎試下，大約$15-20件，唔算貴，但完全食得出高質感覺！芒果芝士蛋糕，芝士味濃，不會太甜，芒果非常新鮮，而且超甜！（賣相仲好靚好吸睛！！）朱古力布朗尼，朱古力味濃，口感紮實，上面有靚靚花cream😯唔會太甜又唔會膩，真係好好味道！紐約芝士、藍莓芝士，好濃好滑，好香蛋味！全部都好好味，店員話師傅整蛋糕都勁靚，下次可以試下搵佢整👍🏻👍🏻👍🏻

出嚟荔枝角工廠區買手工材料，點都要幫襯下將軍堡，早晨吃早餐，下午當然要吃下午茶， 當然，其他菜式隨時可以叫啦。這裏地方大，樓底高，坐得舒適，大量卡位，有電視睇。店員很醒目，入到來示意坐下任何一張吉枱， 見你立定主意，就會行過嚟落單，果然經驗豐富。下午茶選擇十分豐富，可以食特色炒粉麵飯 ，也可以吃燒味茶餐及雲吞牛腩麵...... 所謂應有盡有。叫咗個沙嗲牛麵配多士火腿奄列，喜歡茶記嘅原因係米粉可以改面，面可以改通粉，唔似一些連鎖/上市茶餐廳/快餐店冇得改。牛油多士奄列正常發揮，凍檸檬茶畀足四片檸檬，茶味合格。沙嗲牛麵大大碗，湯底濃郁鮮味無比。

午餐時間懶得行出去，最好就是叫外賣！打電話後20分鐘左右就送到了，很有效率！原本想吃墨魚丸紫菜米粉，無墨魚丸喎～那麼貢丸紫菜米粉！無貢丸喎（麥兜mode）最後電話另一頭的店員說有水餃，就水餃吧😐外賣是連湯上，加上送到的時候還未到食飯時間，米粉浸了一會，吃的時候已經輕微發脹了。水餃份量不多，只有2隻。反而紫菜頗多，吃到最後變了紫菜撈米🙈水餃皮也算薄，味道可以，個人喜歡它不會有很多筍。米粉卻不夠滑，不過這個真的要吃過每間餐廳的米粉才知道「質地」～🤷🏻‍♀️

到左下午荐既時候 我就叫左個炸雞脾食 再加返杯凍奶茶 慢慢嘆下先 個炸雞脾都幾大架 下午茶就夠晒 岩岩好呀 炸得黎個雞脾又唔會覺得好油 奶茶就茶味會重D 我鐘意飲茶味濃D 所以都覺得OK唔錯架

接外賣電話講廣東話唔咸唔淡個個呀姐既態度認真趕客,不敢恭維我同佢講要"瀨粉",而佢覆我都係"瀨粉"(我有錄音!!因為工作關係.我每個通話都會自己錄音)送到黎變左"飯" 好 咁我好好聲好氣打去話錯左啦，個呀姐犀利呀，惡人先告狀,態度奇差: 飯唔食呀？我明明覆你話飯,你明明自己講要飯,係你自己叫錯,鬧埋你,唔該你下次講清楚D,我呢度咁嘈,點聽你講野呀？!!講真,問心將軍堡既野食真心唔差,唔算多油,唔太鹹,我日日都叫佢2餐,係有時早餐碗米粉會突然細左一半我講想,一間餐廳唔係淨係講食物,你態度差成咁,人地都唔會食得開心,食得咁谷氣不如唔好食!!!!!!

茶餐廳能代表其中一種香港飲食文化，相信冇人有異議。但喺香港呢個租金癲狂，利字行頭嘅社會，又有幾多間嘅茶仔精神可以保留呢？作為工業區打工仔食堂之一嘅將軍堡完全體現左果種串得黎懶熟，快得黎又唔趕客嘅茶仔精神。「四眼哥埋面坐，例排？」「阿妹(明明係osim)，A餐賣曬，B餐啦正呀！」，喺領滙連鎖快餐店已經體會唔到嘅集體回憶。講返嘢食，基於個人情意結，作為茶仔早餐代表，沙嗲牛麵係必叫嘅。先講賣相，一上嚟見到個濃烈沙嗲色嘅湯底，而唔係剩一pat汁鋪喺面就知係好嘢，再嚟佔據左表面半碗麵嘅牛肉，已經呑咗大啖口水。望真啲塊肉，同大X樂嘅薄牛扒有得揮喎，而且唔係碎濕濕，夠曬份量！開始試味，先嚟頭啖沙嗲湯先。甜！惹味！明顯唔係齌倒罐頭汁，係用洋蔥煮過調配而成嘅。如果自己有整過沙嗲牛麵就知道，齋用罐頭汁同沙嗲粉只會有咸味，就算加幾多砂糖永遠唔會出到果種甜味嘅，呢個汁明顯係有秘方落功夫炮制過嘅，九十分！真係見到洋蔥㗎大大塊牛肉再嚟到主菜牛肉，好淋同入曬沙嗲味，但又有淡淡嘅牛味，估計應該用梳打粉淹過一段時間，再用牛湯(或牛精)浸過，呢種方法係老式香港扒房同茶餐廳先用嘅秘方，同你食和牛肥牛果種牛味係完全唔同嘅，可

今天七一，各區都有大型慶祝活動。全家來到荔枝角D2的<香港掂檔>，有攤位遊戲，有展覽及很多小店，最緊要係＜免費入場＞，大家就來趁墟吧！來到下午時分，有點肚餓，但是這裡又熱又焗，人多擠迫，於是走到附近街道覓食。原來咖啡店及漢堡包連鎖店都客滿，唯有越過長沙灣道，終於找到這家茶餐廳。門口餐牌，食物格合理，進門即感到強勁冷氣／空調，好爽呀！就座後，本想點下午茶的嗲牛系列，誰知職員表示：嗲牛賣曬。　聽職員講：今天是假期，但又突然有好多外賣單，所以部份款式無貨了！　心想：咪就係因為隔離果個大型活動囉！　不過～呢D應該係餐廳老闆諗的事！自己還是專注在選擇食物吧！最後受不住誘惑，點了炸雞脾配沙律。而豆丁之父則點了腿麵配火腿奄列配多士，二個套餐皆配熱奶茶。　  香脆炸雞脾拼沙律　心思思，想食炸雞脾。今日就放縱一下吧！　視覺：這啡黃色的炸雞脾，看來真的很脆，即係好硬。嗅覺：鼻子對這久違的油炸味，十分敏感，不過剛炸過的食物又確係特別香噴噴。因為高溫，讓氣味更容易飄散出來。手感：要下刀了！雞脾表面較硬，要用點力，破開脆硬的雞皮，才到結實的雞肉。連接著關節位的筋肉較難分割出來。口感及味道：炸雞脾

叫外賣唔比汁，叫咗好多次都唔比 打過去服務又差 間嘢又唔好食 以後唔再叫 之前都好地地嘅 而家唔知點解會變到咁 見意真係唔好再去試 咁當然我會比機會佢 但直到佢改變為止 因為本人已經試過幾次 但呢次係最離譜一次 食燻蹄燒肉飯可以比薑容唔比汁 你話係咪搞笑？建議大家唔好再叫呢間餐廳，我次次食都叫佢比醬料結果次次都唔俾，每次叫燻蹄燒肉飯叫佢比芥茉醬同甜酸醬汁佢每次都冇俾，搞到我次次好似食緊白飯燒味飯連豉油都比幾滴衰過人哋食嘢所以唔會再叫

同朋友一行4人去食晚餐好耐冇叫過小菜，所以就入左呢間茶餐廳試下一入到去就招呼我地，服務唔錯睇完餐牌，覺得二人餐、四人餐都唔太吸引，淨係得魚/燒味+小菜之後決定散叫3個小菜，每個都附送一個中/西湯同白飯waiter見我地4個人，仲送多個湯入我地中湯正正常常，都係有d味精咁啦個人鍾意較淡味，唔好太鹹魚香茄子煲唔錯，份量都可接受椒鹽鮮魷好多粉，加上唔太鍾意太多胡椒粉喺上面呢間茶餐廳服務真係唔錯，定時定候會泥收碟不過食物既味道就一般啦

Was rushing to meet my friends and I just randomly picked this restaurant for a quick lunch. Surprisingly the lunch set was so nice and I like the chicken with this source. However, hot lemon tea here was bad.

在荔枝角選擇不多 早餐黎講 我就行左入去將軍堡 近住B出口。叫左個早餐A 價位合理 有肉丁通粉 加腸蛋餐飽 肉丁是五香肉丁 配通粉就唔係好夾 肉丁都係夾丁麵好 腸蛋餐飽都正正常常 加埋杯奶茶早餐黎講都係good morning 既

午飯選擇左同事介紹嘅將軍堡lunch,呢一間將軍堡就係一間茶餐廳，所有茶餐廳嘅菜式呢度都會有。隔離枱叫咗燒味飯，花多眼亂嘅我見到好吸引都叫咗一碟嚟食蜜汁燒雞比飯超大碟 對女仔黎講 可能要叫少飯😂超大隻雞髀配一碟飯，食完飽到上心口！雞脾好入味，雞件大大件 斬件上，所以食落吾會好麻煩 女士可以放心大啖大啖咬 推介！朋友叫左冬陰公片頭湯河粉一開始以為好細份覺得唔夠食，點知一上枱 大家都嚇親。片頭好厚 好大份 有成6 7片，好足料，以呢一個價錢黎講，算係超抵食 冬陰公湯底酸酸辣辣好野味，好開胃，岩晒夏天食片頭姐係魚片，好彈牙 爽口另一碗雲吞牛腩麵湯底好濃 應該燉左好長時間，雲吞好大料亦足料，但因為無試味道，所以吾加以評論拉

今日，個個同事都好鬼忙，好多野做，所以我地就係公司附近搵個茶餐廳快食，然後上番去博殺啦 第一次，去到呢間將軍堡。 佔地差唔多有一個food court 咁大 。食物種類亦都好多，價錢由40幾到50幾不等，真係老套啲講句，你諗到佢都俾到你食 我就叫左個我到茶餐廳必點既魚香茄子飯啦 魚香茄子雖然唔難整，但要煮到茄子吸晒啲魚露同香既微辣先叫做一流 呢個魚香茄子 好鬼惹味，真係白飯殺手，但俾啲白飯又唔夠多 魚香茄子偏辣，甜味相對較為遜色。茄子煮得較為淋身，好彩吸晒汁，所以都算幾唔錯 總體而言，上菜快，分量唔錯，價錢合理，服務一般，打工子平時午餐之讀

平時好少去呢間食，因為次次都見到太多人唔敢入去，今日早咗食晏，11點就食啦，見無咩人咪入去食啦，一個人仲有卡位坐唔駛搭檯真係好少見.....講返野食先，將軍堡每個星期都轉一次午餐菜牌的。今次我叫左鮑片雞絲炒飯，大大碟，一個男士都一定夠飽，仿鮑片其實我唔太識欣賞，如果俾返火腿我會更開心，不過都炒得幾乾身都好好味。杯檸茶都好夠茶味，但餐湯差D~好似水咁.......LUNCH加埋$42都算係咁。

某日的下午, 太座特定帶我到位於荔枝角的 將軍堡 Tseung Kwan Castle Cafe 去醫肚, 因為有blogger 朋友 向她介紹過這兒的海南雞飯又抵又好吃 ... 到達餐室, 坐定定後, 拿起menu讀了又讀, 再左望右望有關貼在牆上的menu, 依然找不到海南雞飯, 超失望之餘, 內心萌生了萬般的無奈感~ 原本就是瞄準著"海南雞飯" 而來的, 現在竟然沒有得吃了, 一切的盼望, 都成了泡影! 心情彷如墮進了黑洞~ "人生乃是由無奈所組成的" 這實在是金句~  相反, 太座的心情倒沒受到影響, 她點了燒味茶餐來吃~ 我什麼也看不上眼, 就在這時忽然在 特式-廚師推介 的menu上發現了一款比較有特式的一個餐... Q餐- 菠蘿吞拿魚炒飯~ 見有點創意, 我就點選了這個 Q餐- 菠蘿吞拿魚炒飯 配 阿華田~ 特式-廚師推介:  供應時間 2:30pm 至 5:30pm 奉送餐飲 每客$32~ 阿華田: 調得夠濃, 至少不會像坊間的茶記般調得水汪汪菠蘿吞拿魚炒飯:這一碟炒飯端上檯已香氣欠奉, 吃一口... 飯的熱度不足, 似是以慢火去用油撈飯多過去炒, 油份高, 飯粒也明顯