將軍堡 (已結業)

出嚟荔枝角工廠區買手工材料，點都要幫襯下將軍堡，早晨吃早餐，下午當然要吃下午茶， 當然，其他菜式隨時可以叫啦。這裏地方大，樓底高，坐得舒適，大量卡位，有電視睇。店員很醒目，入到來示意坐下任何一張吉枱， 見你立定主意，就會行過嚟落單，果然經驗豐富。下午茶選擇十分豐富，可以食特色炒粉麵飯 ，也可以吃燒味茶餐及雲吞牛腩麵...... 所謂應有盡有。叫咗個沙嗲牛麵配多士火腿奄列，喜歡茶記嘅原因係米粉可以改面，面可以改通粉，唔似一些連鎖/上市茶餐廳/快餐店冇得改。牛油多士奄列正常發揮，凍檸檬茶畀足四片檸檬，茶味合格。沙嗲牛麵大大碗，湯底濃郁鮮味無比。