寶哥火鍋 (已結業)

旺角區任食火鍋，要優質及性價比高的，我必選「寶哥火鍋」。首先地點方便，正正在旺角波鞋街附近，由原價$298，現優惠價$198另收加一服務費，可2小時任食火鍋，加埋$38可以任飲啤酒氣水，仲有韓國燒酒，真係超勁抵食。任食火鍋套餐有十款湯底任揀，招牌湯底必點「寶寶 香辣鍋」，辣到可選擇微辣、小辣、中辣或大辣。先要贊一下佢哋個湯底，點了小辣已經辣味非常香濃，愈食愈惹味，果然係招牌湯底，冇得輸。另一邊湯底係鹹菜胡椒豬肚湯，胡椒夠香，豬肚份量十足，夠足料味道亦很好。火鍋配料方面，先可自選8款優質靚料，我點了炸魚皮、 黑栢葉、八爪魚鬚、手打蝦丸、手切封門柳牛肉及頂級安格斯牛小排。款款新鮮， 雖然份量不多，但已經十分滿意。7款生猛海鮮時令拼盤，有蝦， 蟶子、蜆、魚、 鮑魚、生蠔及貴妃蚌，海鮮夠鮮甜，真係好新鮮呀～還有任叫配料，有丸類，蔬菜同麵類，選擇十分豐富，我哋非常喜歡健康食物，所以蓮藕片、健康黑木耳、鮮腐竹、蕃薯苗、油麥菜及鮮淮山，食完海鮮及肉類，都需要食健康蔬菜平衡一下。「寶哥火鍋」 真係應有盡有，不論牛類、丸類、海鮮類及蔬菜，水準不錯，值得幫襯。

火鍋就係要食得滿意旺角要搵大牌檔打邊爐食火鍋唔難，但刁轉少少想在波鞋街附近搵靜少少唔想唔邊食塵可以試下寶哥，重點係佢真係200蚊左右又比足料！湯底有十款，考慮到各人口味，四人以上有鴛鴦鍋，人多去有著數。包七款海鮮食，四人份量有一大盤包括蠔、鮑魚、蜆之類，擺盤唔錯又睇落乾淨，雖然未去到頂級海鮮，但都非常厚肉保持新鮮，食得放心既。選8款升級配料我就選肉類為主，食過走地雞、封門柳牛肉、鱔片都覺得有質素。手打丸類唔差，勝在少添加劑。其餘菜類，飲品任飲任食，加錢仲有得升級特飲，真係連荷包都滿足埋。

旺角有好多火鍋放題，但係呢間真係要讚，又足料又抵食。就係波鞋街，門面雖然不太堂皇，但裏面卻內有乾坤。最主要係$200頭好抵食，我哋四個人可以揀兩個湯底，我哋揀咗椰子鍋同胡椒豬肚湯，都幾入味。嘢飲升級加$20任飲，好多選擇又有韓酒，出邊都好少見。首先來一個大嘅海鮮拼盤，四個人嘅份量好大份啊！有龍躉片，鮑魚，大蝦，聖子等，都好新鮮。有部份食物係限定嘅，只可以揀八款同可以叫一次，我就嘗試左唔同嘅牛，全部都好味，門柳牛肉最重牛味，高質。另外走地雞都唔錯，仲可以叫花膠。手打三寶丸亦都係誠意之作，一次可以是幾種味道。之後仲可以叫任食嘅菜，丸類，麵等。值得一提係出前一丁係日本版，而且烏冬都唔錯，係貴價版嘅烏冬。

我阿媽係好鍾意食辣嘅人一早應承佢18歲以後就要帶佢去食麻辣火鍋但係一直都未有機會帶佢去食。今日終於兌現承諾喇！見到寶哥火鍋半任食邊爐，原價298而家只需要每位198就可以食到七款生猛海鮮、八款高級食材、再加任食丸類蔬菜，咁優惠梗係要去試一試啦！海鮮嘅種類係會按照季節限定同埋當日嘅供應情況嘅，今次有活鮑魚、聖子皇、龍躉肉等等等，見到海鮮盤上菜嘅時候完全覺得是物超所值，掂下個鮑魚仲係識郁嘅添～除咗海鮮拼盤外，牛坑腩、蝴蝶腩、黑牛柏葉手打蝦丸等，都是不可錯過的選擇～然後再額外加每位$20就可以免費任飲無酒精和酒精類飲品，最讓我感到驚喜的是連成本高的韓國燒酒都可以有得任飲，如果想下火的話仲有加多寶可以選擇添～雖然呢度嘅麻辣火鍋冇特別惹味，但係食咗咁多優質嘅海鮮同食材之後，總算可以一止阿媽嘅心癮，寶哥火鍋無疑是性價比高嘅半任食火鍋！

寶哥嘅海鮮火鍋套餐，主打海鮮套餐半自助任食，有7款海鮮、8款升級材料任揀，再加丸類蔬菜任食，每人收費係$198 。湯底有不少選擇，有古法麻辣鍋、秘製豬骨湯、猴頭菇鯊魚骨湯、蘿蔔粟米湯、鹹菜胡椒豬肚湯等等，最後我哋揀咗鹹菜胡椒豬肚湯底。多款飲品擺滿係近門口大雪櫃裏，有些飲品係套餐內包埋任飲，但有些飲品係需要額外加錢的。先黎海鮮拼盤，今晚嘅海鮮盤有龍躉肉、鮑魚、蟶子、蝦同3款貝殼類時令海鮮。新鮮無腥味，鮮甜味十足，個人最喜歡嘅係係龍躉肉，肉厚又鮮甜，魚肉較有彈性。而鮑魚更加係大大隻，幾滿足。其它蟶子同貝殼類，入口都爽口鮮甜。8款升級材料揀左:頂級安格斯牛小排兩個人一碟會係四片，牛味好濃，油花分佈亦平均，肉質軟腍。特級美國肥牛肥瘦均勻，色澤紅潤，肉質相對地無咁嫩，但仍不錯。日本黑豚肉猪味濃，有軟骨位，食落夠晒爽口。西班牙羊肩肉羊味唔算好羶，肉質都比較嫩。新鮮農場走地雞比想像中份量多，而且好多係雞腿附近嘅肉，所以肉質鮮嫩，而且好新鮮，值得推薦。脆肉鯇魚腩份量只有2片，魚腩有新鮮魚味，而且好脆口。自製墨魚丸墨魚丸一共有四粒，口感豐富，食得食得出唔係用機器打，新鮮彈牙。響鈴即叫即炸，質量有保證。另

$198任食兩小時，飲品任飲，密密食， 密密飲 ，都可回本。 但並非每款食物都任食，要留意餐單，由落單,食物上枱時間都算很迅速送7款海鮮拼盤~(一次性)本地鮮牛肉生魚肉片牛坑腩~上枱外觀雖然麻麻， 但入口味道不錯openrice優惠一定要早一日購買,不可即買即book即用。 餐廳環境一般， 但服務唔錯， 晚市時段也沒有客滿。 時間一到，會自動送上帳單。任食種類選擇確是好多,但係質素麻麻,咁嘅價錢都冇咩特別要求了。

今次黎到呢間半任食既打邊爐😎湯底總共有10款，我同友仔都比蟲草花水鴨湯吸引住，個湯底真係好足料😍有半隻水鴨，仲有好多蟲草花。未開始打邊爐前首先試下個湯底先，好甜好好味。👍🏻👍🏻海鮮拼盤❤️有蝦有蠔有兩款蜆仲有鮑魚同埋魚😊都幾新鮮架！😉 新鮮彈牙，蜆無沙，處理得好好! 佢除左有一般任食野之外，仲會包埋八樣比較貴價嘅食物😍😍例如有牛舌 同 安格斯牛小排😋😋牛舌有厚度，倆者牛鮮味濃郁😋

有一日經過波鞋街，收到張傅單寫住寶哥火鍋， $198就有海鮮火鍋，另外還有任飲任食，好想試下，我就記住了，下次約朋友去試！這晚就和朋友去一試，坐低之後店員介我們介紹，原來加$20就可以任飲，最驚喜的是有韓國燒酒，超市買一枝都不只這個價錢！另外還有各式各樣的飲品，啤酒的種類都有好多！之後就揀選湯底，有十款湯底可以揀，我們選了咸菜胡椒豬肚湯。湯底好足料，開胃的胡椒味，好暖胃！之後店員就送上一盤7款時令海鮮，有海蝦、生蠔、活刀貝、蟶子、膏蟹、蜆和龍躉片，最令我感到驚喜的是膏蟹，好香的蟹膏，蟹肉鮮甜！其他海鮮也很讚，特別是龍躉片，魚皮有咬口，魚肉有質感！說真的，這盤海鮮已經值回票價！另外有8款自選配料，花多眼亂，好多都好想食！矜貴罕有食材有滋補花膠仔、頂級安格斯牛小排、豬腦等等。我們點了安格斯牛小排、羊肩肉、鴨血、黑柏葉、墨汁墨魚丸、爽脆黃喉、脆肉鯇、黃鱔片。牛肉好嫩滑，牛味香濃！脆肉鯇新鮮好爽脆，爽脆黃喉淥十幾秒就食得！除了自選配料還有40款任點任食嘅火鍋配料，各式各樣丸類、蔬菜和麵食，我特別推介魚腐，口感軟綿綿，好好食！加了醬油錢，任飲$20，以200多元的價錢來說，火鍋店雖然沒有很華麗的

相約好友聚會，地點選了這間火煱店，皆因餐廳推出一個幾抵食的海鮮火煱半放題套餐，包括有十選一火鍋湯底、7款生猛海鮮、8款升級配料、任食丸類蔬菜、任飲指定飲品,寶哥火鍋由火鍋界猛人寶哥親自主理，以新鮮食材及城中靚料吸引一眾食客。以這晚初秋的日子，是嘆火鍋的好時機, 店子地方整潔而檯也擺得不算密，環境整潔燈光火猛, 以電磁爐加熱加上通風系統，環境算得上企理。對著熱辣辣的火鍋, 要些飲品來降溫是常識吧, 廳餐近入口的位置有三個大雪櫃, 裡面擺滿了多款飲品，足以應付不同食客的口味, 部份飲品是套餐內任飲的, 其他飲品是需要額外加錢的。從十款火鍋湯底之中選了蟲草花水鴨湯, 是個滋補的火鍋湯底, 清澈的湯頭是火候十足，湯料的精華已滲入湯水之中,味道濃郁也鮮甜，水鴨肉也是嫩滑好吃, 可先喝湯水，之後再用作火鍋湯底。接著便是<7款生猛海鮮>, 是以海鮮併盤送上來, 包括有深海龍躉肉、生猛海蝦、活花甲、日本廣島清水生蠔、活鮑魚、蟶子、象拔蚌仔，各款海鮮也是新鮮的,鮮甜味十足, 整體的水準也是滿意的。再來<8款升級配料>, 頂級安格斯小牛排雪花紋理分明, 油花充足,紅潤光澤,

半自助火鍋 包括左主要包三個部分，有海鮮拼盤、8種自選食材和任食菜單，共可以食2hours湯底方面都有十二款特式火鍋湯底，如招牌寶寶香辣鍋、秘製豬骨湯、猴頭菇鯊魚骨湯、雪蓮果椰子湯、蟲草花水鴨湯、銀杏胡椒豬肚湯等，就揀左招牌寶寶香辣鍋及猴頭菇鯊魚骨湯，湯底濃郁配料十足海鮮拼盤入面包左幾種唔同嘅海鮮，根據人手而調整嘅份量🖖🏻入面有深海龍躉肉、生猛海蝦、活花甲、紐西蘭活刀貝、生猛海肉蟹、日本廣島清水生蠔、日本元貝、蘇格蘭蟶子皇、活鮑魚等，海鮮入口鮮味十足🙆🏻‍♀️🙆🏻‍♀️款式多多嘅50種配料入面可以㨂8個，包括牛魔王必試的本地牛坑腩、本地黑柏葉、本地牛脷﹑汕頭牛筋丸、手打鮮牛丸、蝴蝶腩﹑手切封門柳、頂紙安格斯牛小排、牛骨髓、本地牛心頂、砂爆魚肚、滋補花膠仔、新鮮鯇魚卜、八爪魚鬚、正宗日本蟹柳、手打蝦丸、鯇魚卜、水魷魚、脆鯇腩、脆鯇片、鯪魚釀豆卜等。特別推薦頂級安格斯牛小排及手切封門柳牛肉🌟任食配料亦有不同丸、餃、蔬菜和粉面可供選擇

喺旺角舊樓內見到間同平時食開嘅任食火鍋唔同嘅半自助火鍋，質素亦好高又揼本😆服務不但止周到，店員主動幫助添湯，出配料速度都好快，認真高汁🤘🏻🤘🏻========================半自助火鍋 $198包括左主要包三個部分，有一個海鮮拼盤、可以揀8種自選食材同有個任食任點嘅menu，足足可以食2個鐘🤤湯底湯底方面都有唔少選擇㗎～4個人仲可以揀左鴛鴦湯底添，就揀左寶寶香辣同猴頭菇鯊魚骨湯底😋老闆推介嘅猴頭菇鯊魚骨湯底足料又養生，入面有大大隻香濃猴頭菇，鯊魚骨為個湯底增加左魚香味；寶寶香辣鍋作為招牌就揀咗中辣，將配料放落去淥真係可以食到好多辛辣香料嘅味道，啲湯底飲完都唔會好口渴，證明冇乜點落味精☺️ 海鮮拼盤入面包左幾種唔同嘅海鮮，根據人手而調整嘅份量🖖🏻入面有鮑魚、帶子、龍蠆、蠔等等，海鮮入口味道爽口鮮甜，鮮味都好足🥳8款自選食材款式多多嘅50種配料入面可以㨂8個，我地就嗌左兩款手打自製嘅丸，例如墨魚丸同蝦丸🥰墨魚丸嘅墨魚相當彈牙，而蝦丸入邊真係有足料成隻蝦嘅，食落好爽口🍢作為食肉獸點可以唔嗌啲正嘅肉呢🥩特別推薦我哋都叫咗2碟嘅頂級安格斯牛小排油花分佈平均，肉質爽口軟淋；手切封門柳

今日出左糧決定唔煮飯食好少少，去左打邊爐。上網搵左一間係旺角叫寶哥火鍋，就係正波鞋街The FOREST對面，行街買野順便係埋到食飯，極方便。一樓就係，入到去已經好熱情咁招呼我地，因為一早訂左位所以即刻就安排入座，坐低侍應哥哥即刻講解返價錢同埋包括既野食野飲。$198，包，一個海鮮八款高級野食同任食其他火鍋配料。叫左個寶寶香辣鍋，用得自己名應該係招牌啦掛！食落真係好香，不太麻，不過愈食愈辣哈哈。到食材方面，首先黎左個海鮮拼盤，真係樣樣食材都新鮮好食。有蠔、海蝦、龍躉魚片、聖子、大蜆、鮑魚等等。聽講次次都唔同，因為佢地剩係揀新鮮靚料海鮮！到揀八款優質食材，揀左大部份都係新鮮牛肉，有手切牛肉、安格斯牛小排、美國肥牛等等，樣樣都極香牛味。特別一提係叫左個即炸響鈴，十分好食！！同行友人不停講好食好食要食多幾舊！香脆即炸，好正！必食呀！最後任食火鍋配料都唔輸蝕，丸同餃都好正！最愛既魚皮餃同韮菜餃都好正！另外烏冬係日本稻庭烏冬，食多２個都值回票價！野飲方面加$20可以係雪櫃無張飲罐裝飲品，但野飲絕對唔係飲碧泉或者碧泉既朋友，全部都係韓國樂天野飲，韓式啤酒又任飲，加貴少少$38仲有大檸菜檸七等等俾你

為左呢個海鮮拼盤而黎，果然冇令我失望每款都勁新鮮，最鍾意都係隻鮑魚綠色紙可以點8款呢張就任點任食點左椰子雞湯，仲有我最鍾意既皇帝菜新鮮雞腸，響其他任食邊爐好少見到呢個就係我最愛既本地手切肥牛響鈴係即叫即炸呢粒蝦丸真係埋藏左成隻大蝦響度因為唔想浪費，所以有d寫左要求要一粒果然店員係有睇，跟足指示執，讚！韭菜餃魚腐同雲吞都好好食打邊爐當然唔少得魚肚用黎吸湯用啦餐廳環境好家庭式，好close,好岩成班朋友過黎

今日同男朋友行旺角波鞋街，行完揾嘢食，見到間樓上舖叫寶哥火鍋店，男朋友話之前有朋友食過話唔錯！提意不如一試，餐廳唔係太大間，但座位都算寬敞，我哋揀咗$198半自助加20蚊任飲餐，先叫咗雪蓮椰子湯底，清甜得來超香椰子味，這個乾燥天氣用來打邊爐很夾，感覺好潤 ，跟住餐廳先上七款海鮮盤，包括有 : 蝦，蟹，石斑片，花甲，象拔蚌，活刀貝及聖子，海鮮超新鮮，爽口彈牙，最好係唔會有沙，廚師處理得好乾淨，再自選8款肉類，第一次食牛心頂，爽口彈牙幾好味，封門柳及安格斯牛小排入口即溶，又有牛味，美國肥牛，牛舌亦唔錯，鱔片同黑柏葉爽脆，魚皮又炸得好脆。任食方面，我哋感得魚皮餃同魚腐都唔錯，有魚味又有口感，菜好新鮮又洗得好乾淨，整體來講這餐都係好抵食，可以再去！

今日打邊邊，男友選去了寶哥火鍋，好抵食的火鍋！服務員哥哥有耐性又好客，主動幫助添湯，食材也好快到，有客人不小心讓飲品倒了在電爐上，服務員無罵人還幫忙清潔及叫客人小心，讚！態度一流！環境是簡潔唔花巧，有獨立房間，也有大廳，還有幾部電視讓客人邊食邊睇！$198這價錢包括了一個海鮮拼盤、8個自選食材及任食任點的餐紙！湯底選擇：有辣有唔辣的湯款，我們選了老闆推介的猴頭菇鯊魚骨湯底！足料又健胃之選：大隻香濃猴頭菇、鯊魚骨好多片好香魚味，再配上其他湯料，如：沙參、紅棗粒等。新鮮海產拼盤：7種不同海鮮：每種2隻，每人一款：新鮮爽口大蝦、2隻彈口煙韌鮑魚、大大原粒帶子、厚身彈口龍蠆、鮮甜肥美蠔肉、大大隻爽口蛤蚧；8款自選食材款式好多，讓客人自家選擇，如多款手打自製丸類；炸物：魚皮、響鈴；特色沙爆魚肚、百花釀油條、各種肉類：美國肥牛、牛舌、牛坑腩、羊肩肉、黑毛豬、本地雞；魚類：鯇魚、鯇魚片、白鱔、內臟等，每種食材足料豐富，推薦美國優質鮮紅嫩滑肥牛、脆口鯇魚脆片、脆卜卜唔油膩的炸魚皮、彈口香濃羊味的羊肩肉、手打三寶丸（陳皮鯪魚、彈口墨魚、香軟牛）等任食任飲：任食食材都唔少，除了各種翠綠蔬菜、清甜飽滿粟米、