寶哥火鍋 (已結業)

我阿媽係好鍾意食辣嘅人一早應承佢18歲以後就要帶佢去食麻辣火鍋但係一直都未有機會帶佢去食。今日終於兌現承諾喇！見到寶哥火鍋半任食邊爐，原價298而家只需要每位198就可以食到七款生猛海鮮、八款高級食材、再加任食丸類蔬菜，咁優惠梗係要去試一試啦！海鮮嘅種類係會按照季節限定同埋當日嘅供應情況嘅，今次有活鮑魚、聖子皇、龍躉肉等等等，見到海鮮盤上菜嘅時候完全覺得是物超所值，掂下個鮑魚仲係識郁嘅添～除咗海鮮拼盤外，牛坑腩、蝴蝶腩、黑牛柏葉手打蝦丸等，都是不可錯過的選擇～然後再額外加每位$20就可以免費任飲無酒精和酒精類飲品，最讓我感到驚喜的是連成本高的韓國燒酒都可以有得任飲，如果想下火的話仲有加多寶可以選擇添～雖然呢度嘅麻辣火鍋冇特別惹味，但係食咗咁多優質嘅海鮮同食材之後，總算可以一止阿媽嘅心癮，寶哥火鍋無疑是性價比高嘅半任食火鍋！