富豪酒家

营业中

休息中

今次Lunch幫襯嘅係連續多年米芝蓮一星嘅酒家，叫左午市set 每位$488。以米芝蓮一星酒家嚟講算係幾抵💕 我哋坐低服務員已經有禮貌咁問飲咩茶開好茶點好餐有花生比你食住等上菜，第一道先上每人一客點心拼盤：有蝦餃燒賣咸水角各一之後仲有每人一碗招牌靚湯😋個湯幾清甜濃郁～再嚟有招牌嘅鮑魚炆鵝掌，35品吉品飽好夠味而鵝掌亦好大隻有肉唔係得骨👍👍之後仲有個迷你瑤柱蝦荷葉飯，飯有荷葉香夠鮮味而且唔會太濕身🥰 咸食完哂之後仲有甜品部分💕有即煮蛋白杏仁茶😍 一落枱已經聞到陣陣杏仁茶香。而且唔會太甜 配埋 椰汁糕 同 蛋撻仔 啱啱好。

［有真材實料，又豈需流於表面］每道菜看似平平無奇，脫去侈華既美味卻有種濃厚既踏實感，大概呢種就係叫真材實料。淺嚐連續榮獲米芝連一星既富豪酒家。——✧爵士湯原燉爵士湯預訂 $480/位以響螺頭、老雞、排骨、鳳爪、花膠、美國蜜瓜燉成，味道非常清甜，甚至連湯料都好味。.✧油泡鳳尾蝦帶子 $500超大粒帶子，加上新鮮鳳尾蝦。鮮甜彈牙。.✧金針雲耳蒸雞 $660蒸雞非常滑，入味得黎又冇過鹹，配料亦好味.✧香蔥花蟹炆冬瓜 $380採用當日新鮮撈上黎既游水蟹，冬瓜吸收曬蟹既鮮甜精華。.✧富豪炒飯（砂鍋）$320非常有鑊氣既炒飯，好乾身，粒粒分明，砂鍋保持住當中嘅溫度同香味.✧蛋白杏仁茶 $60杏仁非常香滑，香氣濃郁，甜度剛好。.✧馬拉糕 $55/件口感綿密.✧欖仁合桃酥 $55/3件食到滿滿嘅原粒欖仁，十分酥脆，好味得黎作為甜品都好健康📍尖沙咀彌敦道132號Mira Place食四方4樓402號舖

💃🏻🕴走進名人飯堂，品嚐高級中式菜式🌟原燉爵士湯🌟因為鄧肇堅爵士而命名的。主要以響螺頭、排骨、鳳爪、老雞、花膠以及美國蜜瓜為材料燉成，材料超級十足，最驚喜係個美國蜜瓜，名副其實甜到漏，‼個湯非常清甜又養生‼🌟油泡鳳尾蝦帶子🌟材料非常簡單，最重要係原材料夠靚！鳳尾蝦同帶子都好夠份量，唔需要過多既調味，簡簡單單的油泡後便上枱，食既係材料既原汁鮮味🦐🌟香蔥花蟹炆冬瓜🌟香蔥同冬瓜吸收哂蟹嘅鮮味，本身蟹肉同冬瓜味道偏淡，大大條既香蔥可以吊番D味，好鮮甜👍🌟金針雲耳蒸雞🌟雞好滑身，金針同雲耳都好爽口，係我既最愛😊🌟富豪砂鍋炒飯🌟只得瑤柱同蔥花既菜式，都可以煮到咁香口😍重點在於個砂鍋，收左水份之餘，油既分布亦平均舖係每粒飯既上面，經過砂鍋炒過，每粒飯都帶有少少香脆🍲🍭生磨蛋白杏仁茶唔甜，好滑，就係只得蛋白同杏仁既味道味道清澈又分明🍭精選美點雙輝 【欖仁合桃酥🔹椰汁馬豆糕】中式晚飯例牌甜點👍➡基本上所有菜式調味上都唔會好濃，食既係原材料保留既原味同鮮味

趁住今日放假特登約朋友去尖沙咀行街,順便食我最鍾意食嘅富豪酒家, 餐廳喺彌敦道132號 Mira Place 食四方。連續十三年奪得米芝蓮,食物一向有保證。今日點咗個阿翁午市美食套餐,點心拼盤晶瑩海蝦餃,蟹黃燒賣仔,蜂巢荔芋角。蝦餃做到皮薄餡靚,咬一口嘅時候你會首先感覺到一股熱湯鮮甜嘅湯汁,入口蝦肉爽口彈牙,味道極之鮮甜。 燒賣皮薄到可以透出入面嘅餡料,加上味道鮮甜嘅蟹王, 口感同味道層次都好正。芋角炸到外面呈蜂巢形狀,食落去口感酥脆,內層軟滑,真係即叫即做,又新鮮又好味。富豪靚湯, 菜乾豬肺湯,味道香濃,入口好清甜。豬肺湯好有益,無論對皮膚同氣管都好好。迷你遙柱鮮蝦荷葉飯,啲飯吸曬啲荷葉味好香,加上瑤柱同大蝦嘅鮮甜味,飯吸收曬所有精華真係色香味俱全。關東遼參鵝掌,賣相真係勁吸引,鵝掌多肉冧滑入口即溶,遼參爽中帶脆，非常飽滿。咁名貴嘅食材,值回票價!📍尖沙咀彌敦道132號Mira Place食四方4樓402號舖

「阿翁鮑魚」相信大家都一定聽過。由翁先生掌舵嘅《富豪酒家》連續13年得到米芝蓮一星殊榮，真係唔簡單。無太多花巧嘅東西，但善於將食物嘅鮮味發揮到極致。✨原燉爵士湯 非常足料嘅靚湯，以響螺頭、花膠、老雞、排骨、鳳爪等煲成，仲有蜜瓜（選用美國蜜瓜，因為會更清甜），全部都係上等靚料，整體好清甜。當年鄧肇堅爵士好喜歡飲呢個湯，所以就叫「爵士湯」。✨油泡鳳尾蝦帶子鳳尾蝦同帶子都好鮮甜彈牙，簡單但美味。✨香蔥花蟹炆冬瓜 上菜時還原返成隻蟹嘅外型出黎，賣相非常吸引。採用當日新鮮游水蟹，連同冬瓜同一齊炆，啲冬瓜夠哂腍，吸收哂蟹嘅鮮味，蟹肉當然非常鮮甜，將簡單嘅食材昇華哂。高質。✨金針雲耳蒸雞雞件好嫩滑，金針同雲耳都好爽口。如果有碗白飯我一定連汁都撈埋。✨富豪砂鍋炒飯以砂鍋盛載，溫度保存得好好，材料只用了葱花、瑤柱、雞蛋漿和鮑魚汁調味，香氣十足，飯粒分明。✨蛋白生磨杏仁茶杏仁香得黎唔會太強烈，好滑，連同蛋白，非常有益。✨精選甜點有十分足料椰汁馬豆糕同欖仁合桃酥 ，兩者簡單得黎都好好味。

連續13年奪得米芝蓮一星殊榮，多年來保持到高水準，實在唔簡單。係不少城中名人嘅飯堂。✨原燉爵士湯 個名好有趣，原來係因為當年鄧肇堅爵士非常鐘意飲而命名。以響螺頭、老雞、排骨、鳳爪、花膠、仲有美國蜜瓜熬成，落足料，非常清甜又有益。✨油泡鳳尾蝦帶子帶子軟嫩，鳳尾蝦鮮甜彈牙，沒有多餘嘅調味，充分表現出食材嘅鮮味。✨香蔥花蟹炆冬瓜 賣相好靚。每日必定用上當日新鮮游水蟹，鮮味十足、蟹肉好甜。冬瓜同花蟹一齊炆，吸收哂蟹嘅鮮味，真係好好食，消暑一流✨金針雲耳蒸雞看似簡單嘅菜式，但整得好好味。蒸雞好滑，雞味好濃郁。雲耳非常好爽口，仲索哂啲雞汁。✨富豪砂鍋炒飯雖然只得香蔥同瑤柱炒成，再以雞蛋漿同鮑魚汁調味而成。一上檯已經聞到好香，瑤柱都較多非常足料，米飯粒粒分明，勁有鑊氣！當中嘅溫度同香味，砂鍋絕對應記一功🙌🏻✨蛋白生磨杏仁茶杏仁非常香滑，無起沙，蛋白份量都多，甜度剛好，係養顏養生之選💕✨精選美點雙輝 - 欖仁合桃酥 · 椰汁馬豆糕欖仁合桃蘇好鬆脆，食到粒粒核桃，椰汁糕非常滑身，好味😋

富豪酒家 (尖沙咀)📍尖沙咀彌敦道132號Mira Place食四方4樓402號舖今次帶媽咪去咗食米芝蓮中菜，仲要係連續13 年咁多！食中菜Fine Dine 都係第一次咋, 所以一定要記錄一下今次嘅「富豪」體驗🤓 店員為我地推介咗個 每位$1680 嘅阿翁鮑魚名菜宴，包括咗7 個菜同3 款甜點！再比較一下主菜Menu 嘅單價後，精明嘅消費者好快就知道套餐係最抵地品嘗晒佢地最馳名嘅經典菜式！🔅蟹黃蟹肉燴花膠 金黃色嘅湯一睇就感受到有幾濃厚多料！用上印度花膠同花蟹嘅蟹肉！花膠好厚身，足夠可以切條，而且份量仲要多到似麵條🤭食材足料又新鮮所以湯底非常濃郁，每啖都有好香濃嘅蟹膏味！🔅35頭吉品鮑鵝掌 吉品鮑甚至鵝掌我都係第一次食！因為平時飲宴先會遇到鵝掌，但坊間一般醬汁都會好咸…經過今次之後就完全改觀了！鵝掌完美地吸收晒鮑魚汁嘅精華，膠質極為豐富，而且口感好軟稔！味道好回味！鮑魚汁其實就係呢道菜嘅嘅靈魂，用上金華火腿加鮑魚同雞熬製而成，充滿膠質，層次感豐富。而主角嘅日本吉品鮑就更出色！口感軟糯有彈性，而且中間部分顏色有少少唔同，相信就係啲人成日講嘅溏心啦！🔅川汁脆皮釀遼參 酥炸日本遼參，裏面再

今日同屋企人一齊食飯，選擇了富豪酒家，早前朋友食過推介這裏的套餐很美味，就帶屋企人來試一試🥰金湯蟹肉燴官燕燕窩份量很足料，一打開大大份燕窩在中間，膠原滿滿，另外旁邊有好多拆咗殼蟹肉，蟹肉好鮮甜，夾埋一齊食好美味脆皮百花釀花膠+ 鮑魚汁郊外菜遠 第一次食花膠是用炸的方式去食，外層脆皮很鬆脆，再配入面嘅厚花膠和啖啖黏口，仲有鮑魚汁點埋一齊食，鮮味更加突出同豐富🥰生炆老虎斑頭腩 老虎斑肉質香嫩，腩肉好易入口，仲有配菜大蔥香菇🫶🏻生炸脆皮燒乳鴿 新鮮燒乳鴿，即叫即做，乳鴿外皮做得好脆！內裏的肉好嫩滑👍🏻👍🏻葱花江瑤柱炒飯炒飯10分美味，每一粒飯炒得好均勻好乾身，好有鑊氣生磨蛋白杏仁茶我最愛嘅中式甜品就係蛋白杏仁茶，整得好幼滑😋每一啖都有濃烈嘅杏仁味，再加滑滑的蛋白精選甜美點兩款欖仁合桃蘇好鬆脆，食到粒粒核桃，甜品都非常足料；椰汁糕非常滑身同好重椰香味套餐安排得好好，好豐盛的一晚，分量十足，廚師用心製作，高質素的香港米芝蓮中餐

📍 #富豪酒家 in Tsim Sha TsuiChineseFood: 💛💛💛💛🤍Décor: 💛💛💛💛💛Service:💛💛💛💛💛Price Value: 💛💛💛💛💛Price: 💰 $8100/5pplFavorite:💖stewed fish maw with whelk and honeydew melon soup ------------------------------✅ Located at Mira Place, only take 3 minutes walk from Tsim Sha Tsui MTR station. Super convenient.✅ Michele 1 star 🌟✅ The menu offers a wide variety of delicious and mouthwatering food. Incredibly varied menu.✅ Very good traditional Cantonese cuisine!✅ Everything is prepared fresh and comes nicely prese

工作上透支了相當多的體力，唯有一頓美妙愉快的晚餐，可以安慰我的肚子和心靈。原來美麗華商場有一間連續13年獲得米芝蓮一星的中菜餐廳，這裡更是名人飯堂呢。鮮蟹肉竹笙燴花膠整碗滿滿都是材料，花膠切成了絲，方便進食，滋補養顏，女士最愛，加入鮮蟹肉令它散發淡淡鮮味。翡翠百花釀遼參遼參可謂海參之首，是刺參的一種，蛋白質含量極高，可補血養血、延緩機體衰老，遼參咬下去有相當的彈性，內包著爽口有鮮味的蝦膠，雙重享受，底下有翠綠的露筍，味道清甜爽脆。碧綠金銀海斑卷金銀海斑一件為炸的另外一件是油泡，同樣裡面是包著金華火腿冬菇，兩種不同口感同樣出色，海斑肉質新鮮有彈性，非常高質，包著餡料添上層次但沒奪主。生蝦魚鰾煮勝瓜用上門鱔的魚鰾為主材，煮到軟腍適中，口感軟彈，膠原豐富，配上鮮甜生蝦，勝瓜已去外皮，加上豬肉提鮮，滿有心思的組合。薑蔥生煎鹽香雞本地農場雞切成一件件煎香，特別有雞香且肉質嫩滑，有很多薑蔥粒令整體香氣提升。砂鍋富豪炒麵特別的是原來這炒麵是在餐廳近入口一個類似櫃位的地方即場製作，它用上了雲吞麵的幼麵，炒出來有像米粉的感覺，夠乾身也不油膩，加上芽菜和韭黃，口味清爽。陳皮紅豆沙最後一定要吃一碗夠火喉的陳

富豪酒家 |尖沙咀朋友介紹富豪酒家嘅套餐好好食，今日就約埋一班朋友來，套餐方便每樣菜式都有，安排好每一人份量金湯蟹肉燴官燕好有儀式感，佢哋用嘅碗碟好靚，金瓜蟹肉官燕，官燕份量好多，佔咗碗入邊嘅三份一！飲落去啖啖鮮味再有清新感😋😋脆皮百花釀花膠 鮑魚汁郊外菜遠 將花膠用炸嘅方式，花膠釀入了一層薄薄的蝦膠，令鮮味再提升，另外仲有鮑魚汁點埋一齊食，口感更加豐富🥰生炆老虎斑頭腩 頭腩做得好出色，肉質香嫩！另外仲有老虎斑好鮮味✅生炸脆皮燒乳鴿 第一次食咁好食嘅乳鴿，即叫即做，真係做到皮脆肉嫩！入邊嘅肉仲係剛剛好不會炸過火，非常新鮮葱花江瑤柱炒飯好鍾意食呢個炒飯，好有鑊氣炒得好香嘅飯香味🍚生磨蛋白杏仁茶好滋潤嘅甜品，有豐富嘅蛋白質，同埋杏仁有美白嘅作用，呢款甜品一定要試，做得好滑🌟精選甜美點兩款欖仁合桃酥脆卜卜，椰汁糕馬豆糕重椰香味，不會太甜，好好食米芝蓮一星餐廳的確全個套餐嘅食物都好有質素絕對抵食！尖沙咀彌敦道132號Mira Place食四方4樓402號舖

今次揀咗呢間酒家同屋企人食飯聚會，想帶屋企人去食啲特別啲嘅菜式，就嚟食佢哋好出名嘅鮑魚名菜宴，每位要$1,680～但作為米芝蓮一星又係名人飯堂，今次就試一試睇吓好咪真係咁好味😎😋蟹黃蟹肉燴花膠呢道菜色澤金黃，口感好豐富，蟹黃同蟹肉嘅鮮味，再搭配花膠軟嫩口感，非常美味，令人回味無窮35頭吉品鮑鵝掌招牌鮑魚味道香醇、亮麗醣心，鵝掌非常多肉不像坊間的食一兩啖就冇得食，亦煮得好淋。鮑魚炆得好入味，軟熟得嚟又有彈性，鵝掌黏口而且充滿膠質，加埋鮑魚汁嘅精華，好豐富川汁脆皮釀遼參遼參厚身，表面酥脆，中間柔軟彈口之餘還有鮮香的內餡及口感很脆的馬蹄，一口下去層次感爆棚，非常滿足!淋上川式醬汁搭配，微辣的醬汁更完美了整個菜式的味道～阿翁官燕焗蟹蓋官燕用料十足，燕窩混合左花蟹肉同表面蛋漿焗成，外觀漲卜卜，入面鋪滿整個蟹蓋的官燕和蟹肉證實了真材實料! 食落啖啖肉再加埋矜貴嘅燕窩，口感十足，蟹的鮮味突出，燕窩亦烹調得恰到好處不會因煮過火導致有水水的口感，仍然軟滑又有嚼頭，晶瑩剔透，有驚喜生炸脆皮燒乳鴿乳鴿肉質非常嫩，外皮酥脆，肉質好嫩口又滑口，一撕開就有肉汁流出嚟，好juicy方魚炒芥蘭仔芥蘭仔非常爽脆，以汕尾

富豪酒家阿翁鮑魚相信好多人都認識，鮑參翅肚傳統中菜酒家，連續13年攞米芝蓮一星，就知呢間酒家有幾高品質保證👍🏻今晚我哋成班親友前來聚會品嚐一番😋～阿翁名菜晚宴 $980/位～✦金湯蟹肉燴官燕 官燕份量十足，養顏嘅官燕同蟹肉煮成湯羹，口感豐富，香濃美味～✦脆皮百花釀花膠 極少地方可以食到呢款菜式，花膠外層有一層薄薄脆漿，外層酥脆、內𥚃軟滑黏口。配上鮑魚汁郊外菜遠，更加好吃～✦生炆老虎斑頭腩 老虎斑炆到外皮酥脆，肉質厚實有咬口，魚皮有厚度軟滑起膠，腩肉肥瘦適中，好惹味嘅一道菜式。✦生炸脆皮燒乳鴿新鮮炸起，乳鴿肉質嫩滑，皮脆肉嫩，內𥚃充滿肉汁，選用21個月大乳鴿八両重，用鹽醃製再吊起風乾後，再生炸成燒乳鴿，這是我吃過最好味的生炸乳鴿。✦葱花江瑤柱炒飯 一上枱已經聞到陣陣瑤柱香味，炒得夠乾身不油膩，粒粒分明，口感煙煙靭靭。✦生磨蛋白杏仁茶 暖暖嘅杏仁茶，杏仁味香濃，口感順滑不太甜。✦精選甜美點兩款分別合桃酥同椰汁馬荳糕，合桃酥好酥化，甜度適中；椰汁馬荳糕香甜軟滑。

•尖沙咀｜富豪酒家今日約左成班親戚一齊試下依間之前上網睇過評價幾高我地今次一行八人預約左試阿翁名菜晚宴一共八款菜式金湯蟹肉燴官燕滿滿既蟹肉配搭 啖啖既官燕再加上南瓜做湯底每一啖都食到真材實料既蟹肉同官燕脆皮百花釀花膠 配 鮑魚汁郊外菜遠脆炸花膠配上香濃鮑魚汁係一般出面食唔到既味道相機食先 我之後再食都仲食到每一啖脆卜卜配上菜芯 成個擺盤都走高上路線😍生炆老虎斑頭腩老虎斑頭腩 先炸後炆外皮吸收曬醬汁既精華 配菜 炆冬菇 超級入味 仲有火腩🐷 肥瘦均勻生炸脆皮燒乳鴿員工講解既時候 先知道係直接原隻生炸 每一隻都足八兩重去製造每一啖食落都好邪惡 充足肉汁 外皮炸得好香脆但係好好味😋 減肥食埋依餐先蔥花江瑤柱炒飯炒飯炒得好乾身 粒粒分明以簡單既材料 蔥 瑤柱 白飯 煮出最美味既野食😋😋生磨蛋白杏仁茶飲得出濃郁既杏仁味道 配上蛋白係杏仁茶既好拍檔📍富豪酒家尖沙咀彌敦道132號Mira Place食四方4樓402號舖

富豪酒家 (尖沙咀)📍尖沙咀彌敦道132號Mira Place食四方4樓402號舖好耐無去酒家呢日lunch同親戚聚聚黎呢到大家決定叫套餐最抵玩有勁多小菜選擇 午市自選套餐 20多款小菜任擇3款$780，雞/鴨亦可以選擇一款半隻，另外還附送富豪靚湯和滋潤甜品❤️富豪炸子雞脆皮多汁 肉質嫩身 係最愛份量2-3 個人就夠曬數 剛好唔浪費唔會全部得啲骨 最鐘意帶啲肥膏 咬落啖啖油脂香❤️生磨蛋白杏仁茶人人黎碗好香濃既餐後甜品味道突出 不假甜或過份甜度食埋飽到上心口 食完炸子雞呢啲肉碗好清爽解膩咁雖然係甜品❤️梅菜扣肉煲肥瘦相間而且梅菜咸淡適中 白飯神偷黎 肥肉又食落唔會覺膩 間中食下好滿足❤️雙蝦節瓜粉絲煲內裡材料爽脆同埋蝦都好鮮甜份量對我黎講覺得都多 但好易清盤❤️蒜茸煎豬扒蒜茸嘅香氣滲透喺豬扒入面,食落又唔會話太油膩,口感扎實，令我忍不住食多碗飯