富記粥品 (已結業)

第二次幫襯，無論食物或侍應態度都令人滿意，唯一要彈的就是那位長髮四眼收銀兼派位阿姐。第一次來不用等位，今次因為是星期六，預了等位，但....她的派位方法只能用一個字形容..STUPID告訴她2位, 她寫下, 然後縐一縐眉, 目無表情的說..唔..無辦法喇..你地轉頭再返來啦...下一個又是2位, 又是同一番說話; 再來多3位, 又是同一番說話...但由頭到尾都是佢自己MARK低人數，卻無給我們任何號碼飛以示先後，如果我地聽佢講行開再返轉頭，肯定有排無得食, 否則實比人打尖, 因為呢位阿姐由頭到尾都無望任何客人一眼，連眼尾都無"稍"一下...根本唔知邊個先邊個後..結果真的給人打了尖...見他們年紀大都廢事出聲...跟住又係咁..當然唔可以啦若果不是男朋友喜歡吃這裡的燒鵝及叉燒，見到這個寸爆阿姐已經反哂胃...我見到一個婆婆埋單比錢, 都給她大聲喝罵, 另一位在等位的人客見到都搖頭說：呢到係咁架喇...若要幫襯, 最好燒味檔那邊門口入(由近亞皆老街那邊), 那邊的收銀好人得多。店內侍應服務9 分, 但那位阿姐-10分, 所以服務得1分

富記的裝修普通的很，老實說是太舊了。記得少時候父母曾帶我到富記的舊址品嘗，惜菜式及味道都已忘記。直至最近看見幾個關於富記的食評，才喚起一段回憶。加上大家均異口同聲稱讚富記的出品，終於的起心肝找個朋友去嘗嘗。在星期六的下午，好不容易在狹窄的空間找到兩個位子。看到食評，看到現場，心大心細，15/16。終於敵不過鄰邊阿叔的豉汁蒸魚骨腩，另外也多叫了一個菜心炒牛肉及生滾魚云湯。菜式平凡見真章，富記的豉汁做得不錯，果皮的味道剛剛好，菜心炒牛肉也很有鑊氣。難怪現場那麼多人叫干炒牛河、揚州炒飯等等的廚房製品。還有那個湯，"九幾"滾魚云，湯底用上魚湯，很濃很足料，$30整碗都是滿滿的，抵!真後兩人都很努力地將小菜及湯刷清光，然後捧住個肚，很滿足地離去。

又到星期三的日子, 又一次三人行, 巳成為週三的習慣. 反而之前唔駛上堂仲唔慣.上星期食富記, 今次番炒, 但過了這邊吃粥. 樓下無位, 上了樓上雅座, 環境係幾差.叉燒$43: 9分, 見KC兄們之前吃著肥叉, 但是日我的身旁係兩位姊妹, 當然不可能食全肥叉, 就要了半肥瘦. 不算很濃烈的蜜味, 跟再興的有點不同. 雖是半肥瘦, 其實肥肉部份甚多, 白色令令的起哂肥油.兩位姊妹食不了太多肥肉, 我都頂唔得幾多. 味道係出色的, 但真係太肥了.滑雞粥$24: 6分, 粥底好綿, 但食落越來越口渴, 想必係味精的效果. 滑雞主要係頭頭尾尾的部位, 但無過老.皮蛋瘦肉粥$21: 6分, 評語同上, 都係落得太多味精.西洋菜鹹蛋牛肉湯$34: 8分, 這個生滾湯好大碗, 勁多西洋菜, 一隻鹹蛋打散落碗湯. 係牛肉老了點.叉燒同生滾湯都幾好, 但粥又真係麻麻, 對富記的感覺係愛恨交纏, 且看仲有無下次.食飽去霸位.

每次人在旺角,實在很怕路過皆旺,總會遇上一批難纏的OL打扮女仔,要你停下做問卷,所以每次要施展C朗拿度的絕招才可甩身.扭到去花園街,想起富記的叉燒,多年未吃,忽然想吃.見到掛在門口的肥叉,燒得晶瑩通透,問老板娘最少要買幾多錢?)答$25!)打包$25肥叉走人,肥叉不算全肥貨色,比例大約六四之分,蜜汁味道不過甜,味道剛好,肥肉部位甘香豐朕,咬下有一股豐滿的感覺在口內交纏著.最後忍不住,在一程車期間吃光,拿著個空盒下車.食色性也,如果這間店在Soho腳下的話,又會是繼華豐的雞肝之後,另一"催情"之物,如今人在小巴,最多是"慾望號街車".可惜,坐在隔離的,並不是自己的女伴.

探完朋友出到旺角已8點幾9點，真係好少咁夜食飯，但為了一嘗這裡的生炒骨，因為早一個星期前來食，見到鄰點了生炒骨好吸引，所以念念不忘。西洋菜魚腩湯-其實所有湯底都是一樣，只是配料隨自己喜好選擇。不知西洋菜是否當做，唔老又嫩口；魚腩又多，肉地又滑。生炒骨-色澤鮮艷，又熱辣，雖然排骨炸得好脆口，但甜酸味對於我來講是不合格，因為味道不是帶甜或帶酸，入口已覺得好重老抽味，真是鮮有的食剩。叉燒炒蛋-這碟要$50，唔算平，仲貴過生炒骨。不過學老公話齋最緊要好食，無錯雞蛋份量又多，炒得又好滑，而叉燒不用多講啦，是這裡的招牌菜。幸好有這碟美味的叉燒炒蛋，可抵銷那碟老抽生炒骨的失落。

早前看到KC兄寫的，但自問真係唔多敢食，但普通叉燒就很想試試，所以早幾日便和辣椒女來試了。我們叫了叉鵝飯一碟、金銀蛋莧菜和油浸殼魚。叉鵝飯- 沒有特別叫肥叉，所以來了瘦叉，叉燒雖然唔肥，但食落又完全唔韌，還幾有口感，真係幾好食喎；燒鵝肉質唔錯，但部份過份肥美，還是不敢放入口。金銀蛋莧菜- 莧菜幾鮮嫩，但真係唔明，點解金銀蛋會有肉碎粒的。油浸殼魚- 炸得很香脆，連皮也炸到像薯片一樣，殼魚肉質幾鮮，但對我來說都算幾多骨，有點麻煩。食物質數唔錯，但環境就真係麻麻，而且又多人又迫。

10月04日21：30粥引起，坐直巴到旺角，一試這店。因已八成飽，棄魚腩，選及第。粥底：薄而綿，米花朵朵。配料：心、潤、腰—見刀章，粉腸—保持特獨味道，肚、肉片—過分醃製，有肉非肉的感覺，魚片—肯定有魚片，因要吐魚骨，但魚肉都化掉了。第一口粥，已覺過鹹，第二口，師傅過多了。有機會要再試米王。

最近想食清D，原本想去生記，但醒起禮拜日唔做生意，就同女友過嚟呢度舊鋪食...想起上次去新鋪嘅不愉快經驗，希望可以响舊鋪補償la..簡簡單單叫碗火鴨魚腩粥。粥底屬杰身，雖然啱我，但粥本身卻係"師傅上身"，食到週身唔聚財...火鴨及魚腩就普普通通，都係咁上吓la..睇嚟有排都唔使去la，就算嚟都只係食肥义及魚雲及第湯算數...

其實我不嬲都十分喜歡吃各種肥肉, 叉燒更非肥叉不吃。早幾天驚見KC兄食評那肥叉玉照, 驚為天人! 一直心癮難頂, 心思思左幾日之後, 特地出去增廣見聞。2個人7點上下到門口, 係要等位的。2間舖都爆得不得之了。見到門口掛著燒味, 以及我最愛的肥叉, 唔... 真係好肥... 望到都開心。等左好一陣子就有位。小姐都好有order地分配, 雖冇派飛仔, 但係就絕冇打尖情況出現, 好。安頓下來, 見到人人一個生滾湯, 揚州炒飯個樣又好靚, 小炒都十分見得人。最後只叫左一碟超肥叉例牌, 芥菜魚腩湯加皮蛋及一碗白飯。肥叉先來。感覺幾大堆頭, 唔錯。望真d, 好似渣左d喎。肥瘦比例只係55波, 甚至有d位得4:6, 有d失望。味道係唔差的, 蜜汁味甜得來不過火, 邊位脆脆的, 好香。可惜有d位硬左少少, 唔夠肥之過。白飯跟住肥叉一齊, 係硬飯來的。個人認為, 配燒味同小菜的白飯應該較軟身才好; 湯飯及炒飯就食硬身。所以呢個飯同肥叉不是最好搭配。好耐之後生滾湯先到。幾足料。成碗都係芥菜同魚。魚腩肥美, 好食; 芥菜好香, 好正。皮蛋係神來之筆, 用作提升甘香之境界。呢碗湯, 撈埋碗硬飯,一流享受也!

叉燒周街有得賣，但差不多全肥的叉，就沒幾間食店敢做及肯做。背後的原因，當然是因為沒有幾人敢食或喜歡食，而這裡是少數仍有供應的食肆。與惡男提起，又想再吃，與大王及專兄提議，大家一於衝出尖沙咀，在旺角搞這場男士Lunch。惡男早來霸了張四正的四人卡位，我就最遲才來，但見食友們已經在影著那碟肥叉﹝圖示﹞。肥廋六四開，比例是尚可提高，個人而言，八二開就最理想，不過之後去燒臘檯看，又真的沒有這樣子的肥叉了。燈光照下，肥肉部份透燈色，晶瑩剔透，是最美的食物構圖之一。吃一口，肥肉經燒過，當然是甘香又爽口，沒有太肥膩的感覺。蜜味點到即止，不過甜。吃了幾件，是心滿意足。美中不足也是廋肉太多，吃得不夠過癮。坊間供應這味的不多，好此道者，不要錯過。怕吃肥肉的，飲食樂趣會少一樣；肥叉是主角，其餘通通是配角。肉絲炒麵炸得卜卜脆，出色，可惜沒有加浙醋，是懶去加；通菜炒牛肉，米就係通菜炒牛肉，沒有可談之道；鹹魚蒸肉餅雖然是實實的，味道幾好，下飯也不錯；地痞店，服務以效率行先，不會好到那裡，預期中。埋單每人35蚊，相當經濟。臨走再去看看幾條肥叉，師傅也高興的拿給我們看，像找到知音人。富記最有特色的，不是粥也不是小炒，

不自量力的我今天居然獨自走去運送一坐巨大且重的電器...沒有輔助工具...最後..手抽筋..全身汗..件貨要寄放在姐姐舖頭..咁辛苦(自作自受)..專登走到此店...為自己平衡一下..店舖環境不整潔...老實說..平時我一定不進入...既來之, 則安之...叫了我一心想吃的及第粥...不太大碗...粥偏稀...我愛杰身...但吃下...ok喎!!!!..都算多料...豬心, 肝, 肚,腎(腰),肉片也有...細細片..刀工好好...好滿足見好多公公婆婆一對一對的在此吃生滚湯..白飯...相信這裡給他們不少回憶!!!!!希望我下次有機會到來吃生滚湯飯..後記...香港也有好多好人...運送途中..好多走來問我..要不要幫手....不要啦....多謝你們!!!!!

這間店是透過雜誌介紹的當天我們點了及第粥魚片粥撇開環境衛生來說是還不錯吃但是加上環境衛生就覺得滿可怕的早知道就帶家人去吃海皇粥品比較乾淨一點

Cheap兄同kc讚呢度d肥叉靚，幾日前去旺角入貨後，順路走o黎試下。雖然有兩間舖位，足足有9成滿，其間亦人流不斷，真係客似雲來。我當然沒有兩位男士咁勇敢食肥叉，只叫半肥瘦(2分肥8分瘦)，相當好食，有蜜味得來唔會過甜；肉質非常爽，一點沒有韌。墊底的黃豆亦好入味。另，我再食魚片粥，魚片非常多，差不多有三份一碗都是魚片，而粥底好明顯食得出是味精粥。老公要了及第粥，試了一塊豬潤，一個爽字，但沒有味的。見佢一般小菜平均都要$50，下次再來的話，想試試小菜水準是否出色，因為在這區及這裡的環境，算是略貴。

尋晚同朋友入左呢間食粥, 一邊舖位係食粥既, 但朋友見到咁多阿伯響入面想唔入, 咁我地唯有走去另外一邊舖位, 入到去望完個餐牌都唔見有粥食, 咁我唯有問阿姐”係唔係隔離先食粥, 呢道無架?”, 佢答”有”之後先扲另外一個餐牌比我地睇。今次我叫左及第粥, 朋友要魚腩粥, 再加一碟油菜。及第粥–好多料但粥好稀, 味精亦多, 似食”食送”多過食粥, 味道一般魚腩粥–朋友話魚腩好滑但得兩件, 其餘全部都係魚片而且好多骨, 粥好稀好似飲緊粥水咁油菜(生菜) –完全無用油拾, 菜又黃又乾我見好多人幫襯, 但都叫燒味, 小菜同埋湯, 個賣相都幾得下, 可能會幾好食呢!

從日本回來後, 第一時間要搵番d港式既野食. 記得有人介紹過這裡的干牛, 下午兩點多行過無乜人, 一於試試~觀乎店中人, 以叔伯居多, 大部分都食燒鴨瀨, 下午茶時間$13, 對面個阿伯食緊排骨炒面, 似乎唔錯, 期間有個阿叔叫左個皮蛋XX湯, 另跟飯, 好X大碗, 佢邊飲邊讚, 仲同對面個阿叔話呢度最正就係滾湯, 最正宗云云...牛河一到, 對正食炒面個阿伯即刻話我碟干牛好好食架, 另外呢度的芥苿好正, 可以叫人拿碟, 不過要加一蚊(但我食原味d, 都無拿到).碟頭都幾大, 差d食唔哂, 牛肉味道同口感都一般, 我估搵野O拿過, 但炒功唔錯, 材料份量足, 葱同芽菜的比例適中, 令到碟牛河口感更好, 又唔會好似其他地方食到的太咸, 算係交到貨~