富記粥品 (已結業)

繼續旺角搵食，太太唔想食飯，所以尋晚(5/12)選址富記。第一次o黎，專登試一試佢o地o既招牌菜：燒鵝、及第粥！及第粥先到，好綿好甜，味道好清。魚片滑而唔腥，肉片亦嫩滑而唔太腍。雖然我本身唔好粥品，但都覺得好好味。之後鵝飯到，燒味道ok，肉質唔太掂；燒鵝的確唔錯，皮脆肉嫩，可惜伴碟o既酸梅醬太酸太搶。食燒味飯竟然配唔到例湯，一大遺憾是也。舊式食肆，環境可以想像。價錢唔算貴，不過總係覺得及第粥比較值，燒飯有更多好選擇...

今次是第二次來富記.早前來過一次,都是叫义鵝飯,不過上次的义燒實在太瘦,影響心情,所以今日再去試多一試才作評論.剛剛放學,六點,去到還是有多張空枱,都是這個時候去是最好的...如果你可以吃那麼早的話.一坐下,狠狠地叫一碟肥义鵝飯,不用幾分鐘,一碟令人心動的义鵝飯送到.那义燒真的是肥很過份,比例大概是8/2,但是一入口就覺得甘香可口,跟上次的瘦义是雲泥之别.這時聽見對座的伯伯看著我的肥义對他老婆講,都是這樣的义燒最好食...不過他的义鵝飯到了後,那些义燒是我上次的瘦义....燒鵝不是極好,不過亦恰如其份,鵝皮還有些脆,不像上次在大埔吃的,像雞皮.不過始終是碟頭飯,燒鵝還是整隻食才知真味,埋單時問櫃檯一隻鵝要多少錢,原來是依重量計的,一斤80大元.下次要試一下.影了相,不過檔案太大,上傳不到,下次要注意...或,有沒有方法可以縮少它呢?伸延閱讀:http://www.wretch.cc/mypage/clownray2005

早前來這裡食晚飯，叫了叉雞一碟、銀芽炒三絲和時菜魚腩湯。叉雞- 忘記說要半肥瘦叉，就給了瘦叉，真失敗；叉燒過瘦及燒得過、令味道打了折招；雞肉去掉肥榚、肉質嫩滑又有口感，雖然沒有雞味，但都好食。銀芽炒三絲- 銀芽爽口，三絲係肉絲、雞絲和叉燒絲，味道炒得幾香口，大大碟都算幾出色及抵食，但多油。時菜魚腩湯- 魚味濃烈、味道清甜好味，看見很多人客也有叫，就知道它有幾出色及受歡迎了，加上一碗白飯、一個人食就已經很足夠了；可惜魚肉因煲得過久、比較上偏韌、但湯底好味就已經很吸引了。食物份量實在唔少，兩個人食已經太多了，價錢唔貴，可惜環境差了點，如不是相信更加好。

放工同老媽子撐檯腳，晚上8點零鐘到自然要等等位。順利入座叫碟叉雞例牌+ 白菜及第湯& 薑蔥魚腩煲。叉燒半肥瘦，只用一個字形容---- 正!!；切雞就一般啦!! 仲有最正就係墊碟D豆豆，真係極品!!!湯就方便送飯。薑蔥魚腩煲就熱辣辣上檯，點自家介辣(紅+黃),一流！食咁多年都保持到水準，值得一讚！當然要靚裝修、專人服務就欠奉。但待應們都OK! 街坊格局唔好要求咁多啦!!

這裡的及第粥就吃得多，今次要試及第炒河，只29大元,下午三時多,沒有幾枱客,五分鐘便搞掂有得吃.哂士不太大,一個人吃剛好,河粉炒好,再把豬什炒好打芡淋上面,簡單的調味,不太油.豬什是如常的新鮮,沒有醃味，是用來煮粥的原料，有粉腸，肚，腎，肝，心等，樣樣齊，切得很薄，炒得僅熟．材料沒有怪味．又沒有梘水味．不需做作，即叫即製，就是好．這水平的製作不易找.

而家的生滾粥材料用水煮熟、再放回滾粥不知所謂。

見佢咁出名, 今日都叫個及第粥同皮蛋廋肉粥外賣試下, 返到屋企, 一打開, 唔係呀....咁"希"o既, 好似唔係好得喎, 但係食落都幾好味, 係生滾粥咁, 亞仔就話好正, 但係我鍾意食杰身D o既粥, 所以就唔係咁對口味...

話說偷步打左夜晚o個餐...而家補番朝早...老爸經常同小妹講話想同我去富記食粥因乜解救要走到去旺角食呢?真係咁好食?God神今日比曬全日Da打~圓夢之旅出發!!(因為Da打11號要做手術~所以要食遍港九~)十點左右在旺角搵左一陣先搵到佢~其實係平時冇留意o者...都唔難搵o既間舖應該都幾耐歷史下ga喇~即係幾舊啦環境都叫做唔算好dirty..係有少少痴立立咁雞痴Da打即刻叫左個滑雞及第粥~因為老爸話係呢度o既好野黎固wo...唔挑剔o既God神叫左最穩陣o既皮旦瘦肉粥仲叫左個牛肉腸粉...因為見到個個都叫應該都唔錯~手拉腸粉始終值得一試兩碗粥o既份量都唔少野wo~但唔記得走蔥Da打只好幫怕草青味o既God神慢慢清理God神又是那種微微笑的眼神...>v<雞好似係新鮮ga wo~都幾有雞味~唔錯但老爸推介o既及第就有點腥臭怪味不過內臟難免有一點點的了...粥底都算綿滑...但食食下就水汪汪咁God神o個碗真係好多皮旦!而瘦肉係一片片生滾唔係o個d一絲絲好似煲湯d渣咁~幾好至於個腸粉...直情同阿婆豆腐花一樣咁滑仲入口即融!d牛肉末都化曬!!食食下...God神:"食左等

跟太座响呢頭冇乜選擇嘅情況下又再幫襯。食完又覺得好似好番D wor..招牌滾及第湯，好屋企feel，湯多菜多；豬腰雖有少少異味，豬肝有D過老，但呢排少湯水，簡直有如久旱逢甘露，連盡數碗仍面不改色...嚟碟例牌义鵝。义燒非常瘦，啱晒不愛肥嘅太太(但若果我自己叫一定係半肥瘦，冇得傾)；燒鵝就掂晒，正式皮脆肉嫩，值得一讚...同太座一人叫碗粥送燒味。魚腩依然新鮮，份量亦足；肉片水準當然不可跟新貴記同日而語；粥底依然係"師傅"味十足，冇乜改善...但比起上次已經好得多嘞...

今天終於的起心肝去試一試富記的及第粥,他有兩個鋪位,但只開了一個,但坐無虛席.不過環境比較幽暗.望一眼個餐牌,真係差不多乜都有得食.我見有些人叫白洽鴨腸,不知是否很好吃呢?而我只叫了一個招牌貨及第粥.水準很普通,粥太稀,彷如粥水,料唔足,吃到一半,謀件內臟忽然出血,於是我快快手三扒兩撥食晒佢.唉!不知是我唔好彩,定抑或是他的水準退步了呢?傳聞很好味的粥可能只是一個神話!我相信下次再幫襯,一定不會吃粥.

噚日來了這店吃及第粥. 粥底很稀,米花不多,味道ok.但配料令人失望,量少,最多豬心和豬粉腸, 但豬潤,肉片只有薄薄的兩小片,豬腰更得碎屑,豬肚連影都沒有!!印象中的及第粥配料很豐富,今次卻甚麼都沒有, 十分失望, 而且味道一般而已,來這店吃粥的話可能沒有下次了.

20070512環境有些汙糟殘舊，不過也是預料之中，門口明檔掛滿了各色燒鹵，分外誘人。熱情的哥仔招呼我們在裏面的卡位坐下，整晚人都很多，若非我們剛好有四個人，怕都要向其他散客一樣搭枱。生滾芥菜豬潤豆腐湯：其實是沖著這一味來的，上桌之後也沒有失望，大大碗，很清甜，沒有落太多味精，反而料就很足，豬潤剛剛熟，入口無渣；燒鵝切雞雙拼：例牌，差不多每種都是四五件，滿足了口感又不會太多，燒鵝確實好過一般的坊間店鋪，另外，墊底用黃豆而不是花生，好味之余似乎又健康些；薑蔥蒸魚雲：製作頗費時，等得最久，但這種等待也完全值得，鍋氣十足，料足位香，送飯更是一流；生滾牛肉粥：算是綿滑，但不出色。叫得來“粥店”，但似乎小炒還更出色。一定還有下次，這裏只是蒸魚雲就有薑蔥、豉汁、梅子、欖角等若干種呢，當然想試勻啦：）

有個friend成日讚呢度d粥同炒粉麵好食，上完堂一放學就來試下，一入到去，嘩！冷氣好勁，好Q凍呀！拿拿聲叫碗魚腩粥先，著埋件外套都係好凍，粥來啦~~~一睇就知好希，我中意食杰粥，試一啖，不外如是，味道OK，有落味精，不過可以接受，雖然好多料，但魚腩得兩，其他都係好多骨魚肉，可惜無腸粉同炒麵之類野食，樓面位哥哥仔笑笑口同我講話想食腸粉明天講早啦！坐係我對面果位呀伯叫左碟時菜叉燒炒米，見到都炒得唔錯，不過d叉燒好肥呀，聽人講話呢度d叉燒好正，不過咁肥，怕怕，我碗粥食到最尾先知有d瑤柱係度，瑤柱煲到散晒，不過都知道係用d好大粒瑤柱去煲粥底，呢方面都抵讚，買$21碗粥，捨得用咁瑤柱，呢度都幾好生意，坐在一個鐘，見到人出出入入，最少會有九成滿客，地方好迫下，衛生就.........真係唔係好掂，間鋪太舊囉

是晚和很久不見的二家姐食飯.買完東西說肚餓, 就行了過來吃; 此店原來有兩間舖, 還有樓上閣樓, 門口很細, 我入去有點難度呢!先前看過食評話這裏的叉燒炒蛋不錯, 我們就決定分開兩碟.叉燒燒鵝例牌, 叉燒的確不錯, 肥肉甘香, 燒鵝也不錯, 不過就給比了下去.要健康, 當然有雜菜煲, 西蘭花, 菜心, 粉絲, 蝦米, 魷魚等, 難度不高, 但勝在熱騰騰.滑蛋蝦仁, 二家姐話冇咩味, 而事實亦淡了一點, 不過蝦仁大大件, 蛋滑之餘也不油.加埋兩碗白飯, 夠哂飽.一共一百四十多, 好抵食, 可能二家姐吃得少, 我吃得多. 哈.

今晚去了家姐處"黐"餐,食咗以下外賣:1)瘦肉粥-據稱瑤柱粥底,夠味,唔會過鹹。食完都無口渴,不錯2)豬肚粉腸粥-豬肚粉腸新鮮,粥底comment如上3)乾炒肉片河-打開飯盒蓋已嗅到好香,入口就食到好有鑊氣。料有肉片,洋蔥,韮王。難得是個底唔會滴晒油,好乾爽。真喺色香味俱全,好有質素4)揚州炒飯-1般因飯未夠乾身