富記粥品 (已結業)

今晚吃了個鮮蝦魚片粥，粥底又甜又綿，好好味！d蝦雖然唔係話勁大隻，但都食得出鮮味，以$24碗粥來說算是挺不錯魚片就比較一般，最差係細骨較多，影響了整個粥的評分另外，男友話個牛肉粥都好鮮味，牛肉又夠腍而且有肉味

唔知係咪夜市o既原因, 依間粥店竟然無油器同炒米粉/炒麵~ 但就有碟頭炒粉麵同燒味........ 油菜都無, 只有炒菜$25~所以我淨係食o左個及第粥($18)~ 雖然個粥有乾瑤柱, 但幾重味精..... 下次都係去海皇粥店啦..........

雖然呢度以粥品為名，但幫襯過兩次都唔係食粥，但水準都唔錯。第一次吃生炒糯米飯，飯足料又炒得乾身又不太油，有水準，15蚊一碗都唔算貴。第二次去到，見到佢在燒臘檔果邊掛左D肥叉出來，這些是真正的肥叉，九成肥肉一成廋肉，怕肥的當然會視之為洪水猛獸，但我就覺得甘香好味，正！好少食店咁夠膽整全肥叉燒的，喜歡吃肥叉的不要錯過。

去親旺角搵野食都好頭痛，唔想多人又要好食，都幾傷腦筋，如冇什麼特別喜好，三五知己想食小菜又唔想嘈喧巴閉o既，不妨可以選擇哩度。雖然?地係一間老舖，環境衛生唔係咁好，隔離左右多數係‘耆英一族’或‘小巴佬’，又冇特別好招呼，但係味道方面真係幾好。之前試過佢o的：粥，好味；燒鵝，一流；西檸雞，好鬼酸，都唔差；生炒骨，OK丫；小炒，齋食的話略為咸左一點，建議送粥食最好！小菜鑊氣夠。但咪以為?係旺角，就收好夜呀，佢地都好早收o架，十二點前幾乎落哂閘喇！

去親旺角搵野食都好頭痛，唔想多人又要好食，都幾傷腦筋，如冇什麼特別喜好，三五知己想食小菜又唔想嘈喧巴閉o既，不妨可以選擇哩度。雖然?地係一間老舖，環境衛生唔係咁好，隔離左右多數係‘耆英一族’或‘小巴佬’，又冇特別好招呼，但係味道方面真係幾好。之前試過佢o的：粥，好味；燒鵝，一流；西檸雞，好鬼酸，都唔差；生炒骨，OK丫；小炒，齋食的話略為咸左一點，建議送粥食最好！小菜鑊氣夠。但咪以為佢係旺角，就收好夜呀，佢地都好早收o架，十二點前幾乎落哂閘喇！

老實,它的粥還未曾吃過,但其他的己令本人很滿意.說的是燒味,燒鵝很好,味農而肉厚,只是有些位多了點肥"高"叉燒也不錯.其他小菜水準也可以這價錢,這食品.GOOD!PS:老店D阿叔的態度也是老店的特色,多到一些老店便慣的了食是很個人的.thx u vy much

昨天，天氣勁熱，同女友一齊行到冇胃口食飯。當然唔係話我女友而係話訣氣啦!!!!係旺角，人海汒汒。都唔知食乜，不如食粥啦！！！咁女友咁見到富記個招牌，咪入去試試囉。入到去，本來想叫碗粥試試，但係見到佢一牆都係寫滿小菜的紙牌，橫掂都係，咁就叫左薑蔥腰煲加多個金銀旦浸筧菜。薑蔥腰煲有好濃的薑蔥味，個汁又好濃，好好送飯，ｄ腰都好入味！！！輪到個金銀旦浸筧菜，都係個句配料足！因為有小弟致愛的原粒炸蒜頭，所以我一定話好食。結果由本來沒胃口想食一碗粥，變為吃了兩碗飯......^o^不過，佢入面真係好多熟客，下次一定要試試下豉椒炒鵝腸!!

呢間野，問阿爸阿媽都實話呢間野o 的粥正，証明好掂，於是我同我一個朋友本著人人都讚，想去試試既心態去食啦，可能我地都好後生，唔知呢間「出哂名」既老字號有乜買( 又冇菜牌俾我喎) ，好蠢咁想叫艇仔粥，點知果個阿叔超寸好大聲咁話：「冇喎！我做o 左幾十年都未聽過有艇仔粥呢樣野喎！」成間舖都聽到，搞到我地好瘀，o 拿o 拿臨食左碗魚片粥走人，冇錯，我都承認劭的粥真係好靚，但係就食到一肚火，乜都唔好食啦，可能個阿叔做左幾十年，好多熟客，對新客唔多好啦，或者淨做熟客生意呢~~ 我咁俾人瘀可能都係自己囉o 黎，但係呢，幾好食我都唔會再去o 架啦~~

我一星期實會去三次~ 為左個正到死的及第粥, 鯇魚片 仲有叉燒飯!! 值得一提係午市炒粉麵廚房飯都有特價