富臨酒家 (已結業)

朋友慶生，在富臨設宴暢敍，小人當然到賀一番。傳統乳豬全體很小隻，眼睛不是燈泡，改放兩顆車厘茄，趴在碟上，堆砌得造型駭人。皮不夠脆，肉又不爽，吃後是一口的油。燒雞的雞皮跟乳豬一樣是不脆的，雞肉很難扯開，亦是很肥，看來酒樓不論炸或燒完食物後都是沒有瀝酒的習慣。全晚小人吃得最多的一定是蒸魚，只要魚是新鮮，以豉油、薑、蔥不蒸得過火，不會不收貨的。節瓜甫端上時已是七零八落，並非一個個排好在碟子上。節瓜蒸得過火，在口裡糊成一攤，反而釀在中間的不管是肉或是瑤柱都是勁靭有硬芯，芡汁就是杰撻撻的一堆粉芡，無味可言。冬菇鮑片又是浸在一個粉芡裡，只不過材料不同。鮑片及冬菇發揮不出本身的香，也是無味的。食完滿肚的油膩，恐怕未必會再來。

呢間酒樓係我去咁多間覺得最極之差之一無論食物同服務都係最差食物唔係咁好食我已經特登飯市時間入嚟食我唔介意要排隊等候但點知呢間嘢靜到不得了啲侍應同部長傾計傾到未停過仲要企喺我身邊傾嘈到不得了

一大班朋友仔食生日飯，打邊爐打到好“掛”及好似將所有煮既過程轉嫁俾消費者再包裝下咁，為慳人慳力小編我就麻麻，自己做到又何必要出街食呢？一於小菜，剛好一圍試左好多野：跳舞鸡（隻鸡好串）唔錯夠熱。芝士龍蝦：100分（芝士汁超正，份量十足）牛仔骨煲：野味（配料太多肉太少）豬手：（好一般）。呢編決定正面D，其他菜式及服務決定唔多講，自己睇評分啦

從來都唔寫食評。今次唔寫唔得，因為從來冇食過咁難食嘅一餐。食個1688嘅套餐。由7點半叫起，8點都未有得食。第一味上隻雞，未熟嘅味味菜都難食到嘔。斑塊兩食淡而無味，好多油。蒸帶子蒸過龍，但上面嘅粉絲就硬到未熟咁。海皇羹，乾燒伊麵都係淡的。炒飯，食到一咋鹽，鹹到吐都吐唔切...總之就係難食。服務又差，冇人換骨碟，又冇人沖茶。環境又污糟，又逼，又嘈。冇下次！

服务态度差，等好内都未有汤底，催几次店员都起到敷衍。而且环境差，光线暗，电视屏幕细，有一部仲有雪花。叫咩店员都会话等下先。嘢食选择又唔多，而且没电磁炉，配料更系少之又少。总之系吃过最差既打边炉，没下次。

It seems every so often, my friends and I want to get together for Chinese food at a traditional Chinese Restaurant. Fulum is one of these types of restaurants with branches all over Hong Kong. Known for inexpensive meals in a comfortable setting in easy to find locations. It's always a good place for us to sit and talk without a time limit to dine. Perfect for us for a long awaited catch up.Menu is in Chinese only. There is no English. However, the menu does have photos of every item they serve

長輩請客, 長輩發辦, 後輩只需要靜靜地吃。叉燒皇  $108梅頭肉肥瘦參半, 燒出來的叉燒是入口酥軟, 吃下去仍有肉汁, 塗在外的醬汁也有一點點焦起, 味道重了一些。紅燒乳鴿  $28/隻個子是比較小而且有點瘦, 不過在把乳鴿撕開後, 頓見油脂流下, 此刻內心大喜因為最初還以為乳鴿是乾爭爭的代表。  鴿肉嫩, 鴿味不算淡, 幸哉 !海皇冬瓜盅  $88真材實料 , 啖啖清甜冬瓜精華, 一盅夠8碗, 清新鮮甜。薑蔥焗桶蠔  $128桶蠔有三分一手掌的大隻, 蠔身厚只是味道較淡, 配菜是大量的薑和蔥, 好此道者有口福了。XO醬畔塘炒象拔蚌蝦球  $98蝦球爽脆, 象拔蚌較硬, 伴菜有蓮藕片、鮮淮山片、西芹, 全部都是爽爽脆脆的口感, XO醬炒有少少惹味 (重手一點便更惹味)。

今次真係慘!未試過打邊爐打到咁慶嫁!原本想去德興,點知超多人等位,唯有試下呢間啦,點知就瀨野喇平時d任食火鍋叫9樣野,通常會有一兩樣野miss左呢間野係相反,但係你唔好誤會,佢唔係黎齊,佢係9樣野裡面只會黎一兩樣野,其餘miss左既,你係點追都追唔番兩個鐘頭裡面,我同個fd叫左人幫我地跟不下10次,d伙計無跟進不特只,仲會睥番你轉頭兩個鐘頭限時都未到,就有人自動跑埋尼幫你埋單......最後我同個fd只係食左幾塊超唔新鮮既肥牛,幾粒細過波子既丸,幾條爛鬼菜,計番個rate,仲貴過去食buffet呀陰公衣家邊有人咁樣做生意ga大佬,希望大家下次去創興打邊爐,唔好貪快,寧願等多陣,好過比人老屈d$$,如果唔係就會搞到好似我咁,係到怒寫都發洩不盡我心中既怒火!!

魚皮又硬又一陣益味D雞硬到可以當石頭 成世人食過最難食既雞煲777777777777777777777777777777

好恐怖，無下次I swear to god!!!奶奶生日，佢提議去邊度食好合理，我無意見。點知去到就「奶椰」了！首先，個場係臭既，一陣翳臭味。其次係啲櫈既皮唔係爆裂就係無左一怱。坐低之後叫餸：一個菜—味道可以兩隻紅燒乳鴿—唔夠熱，唔脆蒸魚—腥，唔夠熱螺頭湯—味道可以，螺頭類似5毫子咁大鮑魚鵝掌—58蚊份，叫左兩份，味道不錯同場加映:收銀姐聲大大嚇死我無收據想將我擊退埋單時鮑魚鵝掌變左5百幾蚊，我同收銀姐講，佢立即高八度兇我邊度錯，左搞右搞問呢個問果個之後，好悔氣咁掉張改返岩既單比我簽，簽完我問佢拎收據，一句duck埋泥「無喎」，跟手掉本手寫單簿出泥「要單你自己寫丫」。你大我都無用架，收據係基本要求泥架喎。最後千辛萬苦先拎到張receipt。唉。。。難怪成29個喊。。。

今晚有朋友話去旺角富臨食飯, 入到去有位的, 一拉開椅子見到座位皮是破的, 還是很破的那種, 女仔如果著短褲短裙會坐得特別唔舒服。一行三人叫左呢d 野食:紅燒乳鴨(特價) $23.5 - 好咸好咸, 細隻, 肉唔多, 但肉質都算嫩滑易咬。銀絲海蝦煲 $88 - 最差呢個餸, 蝦是霉的, 應該死了很久, 粉絲好多但好油。聖子皇 $98 - size似乎未算係皇, 而且肉有d 散, 生熟蒜都幾香, 但整體頗油。果皮蒸大連鮑魚 $128 - 呢個就唔錯, 件鮑魚啜到個殼好實, 似乎幾樣海鮮中最新鮮係鮑魚, 味道好鮮, 肉質煙靭, 都好香果皮味。西蘭花珊瑚帶子 $98 - 西蘭花好爽脆又翠綠, 應該因為走過油既關係, 但偏咸少少, 珊瑚都幾爽口, 帶子輕輕煎過, 都有d 鮮味。原來九點後有另外一些特價菜式, 下次要留意一下。食完富臨之後, 感覺出來食野很多油多鹽, 不過男士似乎都頗喜歡這種style的菜式。

係YAHOO團購買左任食雞煲,講到係威係勢,點知......成為左呢世人食過最難食的邊爐我團購$118,去到坐低先發現,就算唔係團購,都只係128,其實只係平左10蚊,如果係咁我就唔食啦.揀左個重慶辣雞煲D雞好老好HAI食左十分鐘都冇,D汁已差不多冇哂咁就叫佢加湯啦,PK,個部長一野加左勁多水,加到個煲滿哂有冇腦架?搞到個雞煲完全冇味係水溝油既味呀頂D油多到,每夾一次野就要倒左碗內D油先!搞到成餐都好似滾水打邊爐咁好,講食材好多野都叫左1份,好彩冇叫多,真係難食到爆墨魚仔冇咬口,淋既韭菜餃D餡唔知發生咩事,有D膠質成份係入面肥牛又老又蘇只係得D丸同芝士腸,菜呢D係正常少少成餐只係叫左1round 唔係飽,係根本唔想再食冇影相,因為根本唔值得影奉勸大家都係唔好去食火鍋

今天下午一家人去飲茶，諗住去富臨食點心，去到7樓好多人，之後叫左我哋嘅落去樓下嘅喜臨門，侍應同我講話係一樣都係富臨嘅咁咪落咗去囉。     落到去樓下居然同上面掙好遠，上面人好多，落到樓下居然得幾個客，員工全部圍埋一齊食飯，我哋見無人招呼就自己搵張枱坐落，等啲酒樓員工食完飯，我哋就叫佢地幇手開位同落單，每次叫一個樓面佢轉個頭就叫其他人過黎落單，自己走去其他地方，幾次都係咁⋯⋯比我嘅感覺就是唔想做咁。    落左單上菜都算快，我地點左：脆皮叉燒包、燒腩仔、菜苗餃、蒸飯、豬潤粥、流沙包、蘿蔔糕、XO醬炒腸粉、椒鹽魷魚    流沙包、蒸飯、豬潤粥係一貫水準，味道不錯。     脆皮叉燒包熱，辣辣新鮮好味十分好食。    燒腩仔皮脆買相不錯可惜是太喊好似食鹽一樣。    XO醬炒腸粉送黎的時候唔係好熱，食落囗中間未熱得透，味道還好，就是辣左D冇XO醬味。    菜苗餃變了味，唔食得同部長講就即刻同我地取消左。    椒鹽魷魚建議大家千萬不要點！！！好 細碟、買相差。魷魚比乾魷魚囗感仲要差，又硬更加冇魷魚鮮味連咸味都冇，好似食緊冇味嘅軟膠咁。連旺角街邊檔都不如。

今日約左寶貝們喺MK大出血~努力過後大家都想痛快地賞一下自己,所以決定去打個邊爐先~ YEAH~時候唔早,我地一班新界人確係唔清楚了解MK黑夜的架佈,所以只好頭望望,諗住見到邊間就試邊間~但求快靚正~!喺緣份的引領下,我地最後黎左呢間'專門店''~~!呢個商場有好多食店~樓下等電梯的時候真係好多好多人~大家都去唔同樓層~我地都有D担心會唔會要等好耐先有飯開,唔知係好彩定唔好彩~我地揀的酒家即使人多,但唔洗等就可以入坐~轉眼已被服務員姐姐帶緊去一個埋邊的位置服務員姐姐一邊行一邊不斷問我地係邊爐定係小菜~我地都不斷地答佢係打邊爐,回答左几次,服務員姐姐就冇再回應,到坐下的時候另一個服務員姐姐又問我地同樣的問題... ~__~" 幸好我地答完呢次,服務員姐姐就回左句~等我拎個爐比你地LA...坐落左一邊等一邊睇下有咩食~就開始點點點~!!成張邊爐單可選既食品唔多,明白既...任飲任食唔好有過高的要求~我地就加錢點左個佢地最出名的辣鷄煲做底~再加其他邊爐野食,喺我一向的認知,辣鷄煲上枱的時候,大大的煲入面有3份一係鷄,3份二係生的配菜~生洋蔥生辣椒等再加D秘製漿汁....炒炒煮煮收下水..最後

現在富臨做緊雞煲火鍋團購, 我同朋友共七人便買了團購卷.當去到門口拎籌, 籌號是0087.等了約20分鐘, 我們聽到門口侍應阿姐叫807.我們同行幾個人都聽到她叫的籌號是807, 所以就沒有理會.然而再等了10分鐘, 我們去問阿姐幾時有枱.佢大聲兼夾惡話"先頭叫左你地架啦, 又唔應人?"我們解釋阿姐你剛才是叫807, 不是叫87, 但阿姐依然堅持自己無叫錯.我們只好繼續等, 如果不是已經俾錢買了團購卷, 一定馬上掉頭走人.好不容易終於等到有枱.結果得一個爐, 明明團購寫明六位以上可享用兩款雞煲.我問另一位侍應阿姐:現在得一個爐算點?佢竟然講: 輪著食囉, 食完第一個煲再食第二個.我再問: 我地有人食辣有人唔食辣, 一個爐點分啊?佢反而串我地: 你地都可以輪流食架? 食完辣個煲, 唔食辣既人咪等囉.嘩! 簡直豈有此理!兩個煲得一個爐? 佢咁既說話都講得出.以為我唔會再富臨食野的了.