富盈火鍋雞煲專門店 (已結業)

呢間啲員工串到不得了，講乜都疾住晒。淨係個死人態度都足以令人唔想再幫襯。嘢食又好普通，完全唔吸引。韓燒啲肉肥膏多到不得了，真係唔係好掂，然後個雪糕櫃又係假嘅，入面冇雪糕，真係估你唔到。

天氣凍凍地，女友話想食韓燒，我想食雞煲火鍋，最後居然俾我地開心大發現旺角有一間新開餐廳，有哂火鍋、雞煲同韓燒！ 仲要任飲任食都係$168，十分吸引。-餐廳環境寬敞，乾淨企理；醬料、小食、火鍋/韓燒食物、飲品分門別類整齊擺放；自助形式拎取，比起用order 紙更環保。-先歎招牌雞煲，可以選擇辣度：BB 辣、中辣、大辣。我們選擇了中辣；一上台就聞到香噴噴既麻辣香。雞件細細件數量多，而且超入味，雞肉嫩滑富彈性冇雪味。惹味雞煲食完更開胃。-食完雞煲，就論到火鍋。湯底七選一，例如豬軟骨、椰子雞、藥膳醉雞、惹味沙嗲等。 火鍋配料都多款，例如響鈴、炸魚皮、海鮮如魷魚🦑、青口、海蝦，最鍾意有魚頭魚腩！-至於韓燒，我們就最鍾意燒菠蘿、豬腩肉、甜薯❤️_仲有多款口味雪糕做飯後甜點！ 這間價錢，食得開心又滿足！

這幾天冷風吹襲港，最好約三五知己勁擦雞煲同打邊爐。朋友A君提議大家去油麻地地鐵站A2出口附近的旺角女人街華發大廈富盈火鍋雞煲專門店相聚。原因係這餐廳新開張幾個月又可一次過滿足火鍋、燒烤和甜品。餐廳明顯新裝修，整潔又夠光猛，座位之間唔會太迫。食物方面，果然冇令我們失望，辣雞煲肉質嫩滑，味道亦夠麻香入味，唔會淡矛矛，除左雞煲火鍋仲有韓燒。而且火鍋料材多不勝數又新鮮，羊肉片、豚肉片同肥牛，都唔太肥，仲有脆肉鯇魚、雞子;而韓燒方面亦有牛仔骨，雞串，魚塊和燒菠蘿等等，種類繁多。最尾仲有甜品雪糕任食，用個甘平既價錢，一次過可滿足三個願望。

最近真係好少出街，原來旺角西洋菜街開左間新雞煲，入去試試。地方闊落，成層都係佢嘅，乾乾淨淨。坐落原來食得雞煲再打邊爐，仲可一邊韓燒，應有盡有，一次過滿足你三個願望，不過揀得雞煲就無豬軟骨鍋同椰子雞鍋，伙記話雞煲係招牌，就一試雞煲。雞煲就個friend 食bb辣，雖然對我來講唔係好辣不過好香味亦夠，有人提醒我地幾時食得，雞亦煮得嫩滑。不過真係好忙，食得右邊，左邊又食得食完雞煲可以加湯食火鍋，湯係自行在出面拎，唔會話一定要等伙記招呼，出面有好多火鍋同韓燒料任君選擇，菜都有幾款，豬肉牛肉⋯牛舌😋還有一此熟食小食等你等緊啲嘢熟嘅時候食，個口真係好忙甜品飲品種類選擇多，唔洗200蚊，cp值真係高衣度好適合三五知己一聚嘅好地方👍🏻

呢個星期突然凍左好多，又係時侯圍爐打邊爐取暖，任食打邊爐明碼實價任飲任食就係同朋友至愛之選。朋友帶路，打邊爐同燒野食都係收一個價錢，計落人均都係$180左右，旺區呢個價錢有任食兩種食法算好抵食！坐底先左個雞煲，要左小辣，份量好多，個汁多哂入味，雞肉唔錯入到味。食完雞煲，唔使落單點野食，包保唔會漏單同等，直接出去扲，即刻即滾。有牛肉、豬肉、雞肉、丸類同菜，基本上平時打開邊爐有得揀既呢度都有，但任食打邊爐好少有海鮮竟然呢殊會有，種類都好多下，有蝦魷魚鬍，青口，同幾新鮮。我地打邊爐同時圍爐燒埋野食，燒肉燒海鮮再燒菠蘿，燒爐隔住張紙吸油效果好，無咁油，同燒出泥既野食都脆身金黃啲D，唔錯！同場加映 ， 仲有魚生，刺身甜蝦，螺肉，中華沙律等冷盤小食， 想要熱食有湯有麥樂雞塊，有炒飯，韓式泡菜等好多小食任君選擇。嘢飲款式種類都好多，仲有雪糕都係任食。總的來說坐得好舒服， 又打邊爐又燒烤都只係$180蚊度， 食物選擇類型多同新鮮，超越性價！ 經已列入咗我哋嘅冬天爐圍之選。

冬天殺到，四個人約埋一齊又係到左打邊爐既時間，任食打邊爐往往就係我地GATHERING既一貫風格。有次係女人街食完飯，行過見到呢間新開打邊爐仲埋可以同時燒烤真係未試可以一個價錢同一張枱有同時打邊爐&燒野食TOGETHER兩個體驗一坐店就黎左個雞煲，食完雞煲再出去羅料打邊爐，先講下個雞煲，份量好多個雞煲汁好正，夠入味，雞肉唔鞋，汁滲到入去D肉到，著實唔錯唔使羅紙畫，直接行出去扲打邊爐基本既料都齊晒有牛肉有豚肉同雞肉, 好多款肉既部位任君選擇, 仲有好多丸類同菜都有好多種, 都新鮮, 栗米超級甜同多汁FILL得夠快，出面差唔多無晒貨仔就REFILL而且仲有海鮮揀，幾新鮮，種類都唔少有蝦、魷魚、帶子青口，打邊爐有海鮮供應算得上係性價超值海鮮選擇都幾多而且好新鮮，我地扲黎燒D肉質都仲爽口同時都有扲肉來烤，烤肉又點少得點醬呢~呢度有好多種唔同醬自己調，烤肉有專屬既醬再再再來就係有魚生同甜蝦，感覺FUSHION埋放題，而且仲有熟食，得別情迷佢個鳳爪，真係好入味尾聲仲有雪糕同啫喱任食，有紅豆、朱古力、芒果同雲呢拿揀，因為前面食得太多，雪糕只食到兩飲品有得任飲仲有夠凍，食物款式多媲美放題，有4個大櫃，

朋友介紹呢間新開嘅富盈雞煲，我哋經常每星期都會食一次放題， 好多間都試過了， 見佢有雞煲加火鍋仲有韓燒， 真係幾吸引， 而且個價錢都算幾實際！我哋成班朋任飲飲食， 怕超出budget!先點了雞煲， 雞煲十分足料，完全沒有雞頭雞尾， 夠入味， 加上一些蘿蔔，慢慢燜 同雞煲特別夾！出面嘅配料，選擇十分多， 有凍蝦， 青口。 韓燒配料嘅牛舌，賣相十分好，仲有牛仔骨，都係必食推介火鍋配料我就喜歡豬紅 ，豬皮 ，象拔蚌片。出面嘅自助吧仲有咖哩角都十分鬆脆，而且蔬菜種類很多，粟米超甜食完火鍋同埋韓燒 ，食番杯雪糕，中和一下!

上星期約咗朋友喺旺角行街， 經過女人街同登打士街附近，見到呢個富盈嘅廣告，都幾吸引！有雞煲+火鍋任食+韓燒任食， 我哋梗係有去試下。一坐低服務員見我們買了一包二包，好醒目地安排一個超大嘅卡位畀我哋！先問我哋嘅雞煲要唔要辣， 我哋先點了一個小辣雞煲， 侍應叫我們可以出去自助吧選取食物及開始韓燒。好少可放題任食有韓燒同埋火鍋同時供應， 而且價錢都係168蚊， 堅係抵！出面自助吧，居然有冷盤包括有甜蝦、螺肉、墨魚仔同埋海中蝦， 我就先來一個冷盤醒下胃！配料都有很多包括有 wasabi 日式豉油 及火鍋 醬料。雞煲都幾入味， 而且啖啖肉， 雞肉一啲都唔算韌，十分嫩滑！食完雞煲我們開始加湯底， 攞了些蔬菜， 山根、蘿蔔。火鍋配料選擇十分多， 有我喜歡嘅水魷鮮魷魚牛栢葉， 豬紅……韓燒我特別喜歡燒豬肉， 脂肪滲透肉汁，入口十分滿足！我同朋友都好耐冇飲啤酒見呢度放題竟然有啤酒任飲我哋又放肆一下。整體而言食物質素、環境都十分之唔錯，下次 約多些朋友慢慢食，吹下水！

呢排行天氣開始轉冷， 我朋友建議去食雞煲， 平時都係約荃灣， 今次就下我呢個老友。 試下喺旺角呢間富盈雞煲。 我哋都係第一次幫襯， 去到門口已經見到有唔少客人等位， 好彩裏面位置都闊落，唔使等咁耐我哋就可以入去了。凍蝦十分爽口， 除咗凍食之外， 我哋諗到放喺韓燒爐乾煎及火鍋白灼， 果然有三種唔同食法， 我朋友好喜歡食海蝦， 來來回回都攞咗幾轉！ 見佢不停供應，感覺有幾新鮮！青口用來韓燒，肉質又幾爽口。韓燒又點少得午餐肉， 燒起上嚟十分金黃， 仲有薄薄嘅肥牛， 可以燒得好似煙肉一樣！出面仲有啲熟食包括咖哩魚蛋、豬皮、蘿蔔， 味道都唔錯，咖哩味好突出。燒菠蘿，酸酸甜甜，十分好食。食完頭盤， 慢慢品嚐中辣嘅雞煲， 裏面有很多麻子， 入口發麻嘅感覺十分過癮， 雞煲水準唔錯， 我哋加少少蔬菜， 呢度要讚一讚就係蔬菜選擇十分多，尤其是係西洋菜，連埋啲雞煲醬汁，真係十分惹味！

很喜歡這家店，因為可以一次滿足3個願望： 雞煲+火鍋+燒烤，而且價錢合理雞煲中辣，偏香辣，香料不算重，吃多一點就感受到麻味，雞肉入味，份量都足夠兩人吃，吃完還有空間吃其他這裡是助形式，有海鮮凍食區（青口、蝦、螺），有燒烤區、熱食區等等。特別一提：燒烤區的牛肉花紋好美！ 其實這裡選擇很多，最鐘意自己因應份量來夾，不會浪費食物。個人覺得燒烤類比較吸引，因為都是醃制好的還有蔬菜及熟食區韭菜豬紅好香口，豬紅好滑還有糕點可以吃，紅棗糕口感Q軟，很有紅棗味這裡的配菜剛好可以變成韓式生菜包牛肉、豬肉，好食又不油膩，我同同行女生朋友吃了很多！因為牛肉真的很好吃！有牛味，肉質又嫩吃完主食，有幾款甜品可以食，泡芙同朱古力mosse最好食！ 朱古力杯濃郁且順口。而泡芙凍凍的，裡面的吉士不太甜，好好食！ 會忍不住吃第二粒！整體來說，燒烤同雞煲都不錯，而火鍋就比較少種類； 這類的火鍋店來說，熟食算高質，雞腳和豬紅都是必試！

今時今日，世界多姿多彩，單調就會冇朋友。食火鍋都係一樣，單吃火鍋有點乏味。今晚就在富盈火鍋雞煲專門店來個三步到胃，任飲任食雞煲、火鍋、加韓式烤肉，放縱一下。富盈火鍋雞煲專門店在旺角通菜街，交通方便，佈置簡潔，地方闊落，環境舒適。基本上每張枱都會有一個韓燒爐同火鍋電磁爐，韓燒爐上已經鋪咗牛油紙，可以直接將食物放在上面燒。大堂中間是肉食、海鮮、蔬菜、熟食、麵食、飲品、甜品自助區，空間足夠，沒有擠迫的感覺。另有調味區，有多款醬料任君配搭。雞煲辣度可以選擇，我們揀了bb辣。先用細火慢炒雞煲，大約炒八至十分鐘，熄火後就食得。雞煲份量十足，雞肉調味恰到好處，雞塊夠大件，雞肉嫩滑好味。食完雞煲，就放入上湯，可以打邊爐，同一時間開始燒烤，實行雙爐合璧。自助區有多款、肉類、海鮮和蔬菜可以用嚟火鍋或燒烤。肉類選擇很多，有肥牛、豬腩肉、本地牛肉，豚肉、雞肉、雞翼、雞腎、雞子、雞腸、香腸、午餐肉、脆皮腸、紅腸、午餐肉、鴨胸、牛柏葉、牛肚、豬肚、豬紅、另有多款丸子等等。整體肉類質素都不錯，肥牛嫩滑，本地牛肉牛味十足，豬豚肉和腩肉都肉味豐腴。海鮮類有新鮮大魚頭、秋刀魚、鯇魚片、鯇魚腩、海蝦、青口等。蔬菜選擇也很多

而家食放題人均消費$300以下都已經叫唔貴，行過女人街竟然見倒富盈火鍋的傳單黃金時間每位都係$168，仲可以一次過食晒雞煲、打邊爐同韓燒，任飲任食加埋一都係$200，雖然唔預食物質素會好好，但價錢實在太吸引，橫掂同朋友未諗倒食乜，一於就試下。餐廳都好大好多位，大部份都係6人枱，但其實2人同4人都係坐同一張枱，唔怕唔夠位放食物。黎到時六點鐘以為冇乜人，點知坐低冇耐已經越黎越多人入黎。不過留意返，入座時間係2個鐘，見有人話夠鐘唔理食唔食得晒都趕人走，我就覺得唔好話價錢咁平，就算人均消費$300的餐廳都有入座時限啦，黎得哩類平價場其實預左，２個鐘入座時限都叫合理。飲品選擇都幾多，汽水果汁涼茶啤酒都有。除左罐裝飲品，亦有果汁。而火鍋湯亦放在這裡，要加湯的話可以自己取。話佢係放題，其實比較似係自助餐，因為食物全部都係放在自助區自己夾。沙律、生果和冷盤就在這裡。火鍋料和韓燒用的肉類都放在這個凍櫃內，食幾多夾幾多。連海鮮和壽司都有。蔬菜、菇同豆品都幾多選擇。唔夠飽，仲有打邊爐必備的出前一丁和烏冬。雪櫃內有幾款不同甜品。雪糕雖然只係平價貨雀巢，但都有四款不同口味。醬料區就在入口附近。一坐低當然攞飲品先

今日天氣終於降到1字頭的温度，有點寒意，最好就係去食火鍋。朋友介紹此店，話幾抵食。此店主打雞煲、火煱及韓式燒烤，三種食法。我們點了一個小辣雞煲，雞肉嫩滑味道夠香辣，如果唔食辣可點其他湯底。食完雞煲後加湯變火鍋一枱兩爐，一邊火煱，一邊韓燒火鍋和烤肉料，供自助形式揀選。熟食類有趣緻豬包醬料區飲品種類多各式甜品和雪糕整體食物質素不錯，尤其雞煲味道香濃肉夠嫩滑，地方整潔，侍應勤快，主動更換燒烤煱底紙，當晚在此店Facebook 比like，更送贈魚生一客👍

$138任食雞煲! 好食 多嘢食 服務周到!食足兩個鐘有雞煲仲有燒烤一個價錢，兩種享受啲雞好入味，bb辣啱啱好，唔用豉油都夠哂味普通邊爐料應有盡有，熟食有雞腳同好脆薯格，飲品都好多款啲staff仲會幫手睇火，好 helpful

最鍾意食雞煲,秋風起,天氣開始涼,又係食雞煲同打邊爐的時候了,今次出到旺角行街,就去左間樓上店到食雞煲.個雞煲好正,雞煲好好味,有少少麻辣,bb辣都好好食,好入味.重要全部都係好嫩滑  食物有好多選擇,有蝦,青口,蜆,脆脘腩片,雞肉串燒,鴨匈肉,肥牛,羊肉片,多春魚,真係有好多食物,全部都係任取的,你食幾多就自己取幾多. 多款醃製肉類 有甜品,雀巢雪糕,啤酒及多款飲品,好多選擇.熟食有春卷,蝦餅,咖哩角,炆鳳爪,飯,咖哩魚蛋等,蝦餅同咖哩魚蛋好好味.肉新鮮地方闊落坐得舒服,唔會覺得迫,地方整齊, 設自助混醬區樣樣食物都有試$200 有找, 一舉三得,食雞煲之餘又可以打埋邊,韓燒.正.食物同飲品仲要係自助形式,任你拿.職員服務好,態度好,職員會主動幫你換碟.