富盈火鍋雞煲專門店 (已結業)

天氣開始涼, 倆口子本來打算去打甂爐;  行過女人街見派傳單姐姐話新開, 仲可以三食, 一睇價錢啱食當然試下. 一上到二樓, 無好最怕嘅一陣氣, 一陣味! 第一印象唔錯!首先當然係先食雞煲!可以自選大辣中辣小辣同BB辣.雞肉夠滑又夠香口! 入味得來又唔係死辣!  本來想叫多轉, 不過怕自己眼闊肚窄, 一於去第二關!!二食, 韓式燒烤. 加咗廚紙, 食物唔會燶, 啱哂我呢d人!! 食物飲品全自助, 而且選擇都好多.一般肉類丸類, 海鮮蔬菜都齊全. 倆口子一於分工合作, 一個人負責繼續燒, 另一個人就負責打住甂爐! 紅肉海鮮就燒, 蔬菜丸類就煮.燒咗幾轉, 食多咗幾輪, 又飲咗幾轉, 可以食埋甜品.選擇都幾多, 細細件可以試多幾款食多兩件; 另外仲有雪糕,湯水等等可以揀!食足兩粒鐘,肚飽飽落樓, 每人都唔洗$200!  

現在這個時勢免得過都不會帶老人家周圍去，老人家想食火鍋，又懶去街市買餸，所以近近地去了樓下的酒樓，星期五都幾旺場，可能因為抵食啦，百幾二百就可以任飲任食火鍋及韓燒。三個人揀了蟲草花雞湯底，至少有半隻雞份量，湯底帶藥材香，而且味道濃郁，雞肉應該是即叫即滾，所以很嫩，完全唔韌。小食有春卷、咖哩角、炆鳳爪等，炸物香脆不油膩。火鍋料很多，不過老家食得唔多，試了肥牛、豬肉、幾款丸、鯇魚腩等等，鯇魚新鮮又嫩滑，肥牛都幾腍，丸都唔錯，其中一款還是爆醬。韓燒有多春魚、金菇肥牛、紅腸及牛舌等，牛舌超好食，切得薄又彈牙，而且店員會主動換紙及收碟，服務周到。甜品有奶凍及雀巢雪糕等。最後飲品都有啤酒及多款清新飲品。整體食物款式很多，性價比高，會再幫襯。

天氣涼涼地，又係打邊爐時間，約埋成班朋友去了旺角這間新開的雞煲火鍋店試一試，原來可揀雞煲或火鍋及韓燒，晚餐時段都是$168任飲任食。有朋友唔食辣，所以唯有點蟲草花雞鍋，味道都不錯，有北芪黨的味道，直情當湯飲，雞肉嫩滑，份量很多。飲品主要都是汽水、茶及啤酒等飲品。所有配料都在自助區自己夾，食物款式很多，有肥牛、羊肉、豬肉片、丸類、海鮮、蔬菜等等，韓燒方面有多款醃製肉類、魚腸等等。還有小食及炒飯及麵。味道就不過不失，價錢及食物款式質素成正比，個人覺得最正都係個雞鍋。最後還有多款甜品及雪糕，二百都唔使真係好抵食。