影片
更多
2019-11-24
1946 浏览
而家食放題人均消費$300以下都已經叫唔貴，行過女人街竟然見倒富盈火鍋的傳單黃金時間每位都係$168，仲可以一次過食晒雞煲、打邊爐同韓燒，任飲任食加埋一都係$200，雖然唔預食物質素會好好，但價錢實在太吸引，橫掂同朋友未諗倒食乜，一於就試下。餐廳都好大好多位，大部份都係6人枱，但其實2人同4人都係坐同一張枱，唔怕唔夠位放食物。黎到時六點鐘以為冇乜人，點知坐低冇耐已經越黎越多人入黎。不過留意返，入座時間係2個鐘，見有人話夠鐘唔理食唔食得晒都趕人走，我就覺得唔好話價錢咁平，就算人均消費$300的餐廳都有入座時限啦，黎得哩類平價場其實預左，２個鐘入座時限都叫合理。飲品選擇都幾多，汽水果汁涼茶啤酒都有。除左罐裝飲品，亦有果汁。而火鍋湯亦放在這裡，要加湯的話可以自己取。話佢係放題，其實比較似係自助餐，因為食物全部都係放在自助區自己夾。沙律、生果和冷盤就在這裡。火鍋料和韓燒用的肉類都放在這個凍櫃內，食幾多夾幾多。連海鮮和壽司都有。蔬菜、菇同豆品都幾多選擇。唔夠飽，仲有打邊爐必備的出前一丁和烏冬。雪櫃內有幾款不同甜品。雪糕雖然只係平價貨雀巢，但都有四款不同口味。醬料區就在入口附近。一坐低當然攞飲品先
餐廳都好大好多位，大部份都係6人枱，但其實2人同4人都係坐同一張枱，唔怕唔夠位放食物。黎到時六點鐘以為冇乜人，點知坐低冇耐已經越黎越多人入黎。不過留意返，入座時間係2個鐘，見有人話夠鐘唔理食唔食得晒都趕人走，我就覺得唔好話價錢咁平，就算人均消費$300的餐廳都有入座時限啦，黎得哩類平價場其實預左，２個鐘入座時限都叫合理。
飲品選擇都幾多，汽水果汁涼茶啤酒都有。
除左罐裝飲品，亦有果汁。而火鍋湯亦放在這裡，要加湯的話可以自己取。
話佢係放題，其實比較似係自助餐，因為食物全部都係放在自助區自己夾。沙律、生果和冷盤就在這裡。
火鍋料和韓燒用的肉類都放在這個凍櫃內，食幾多夾幾多。
連海鮮和壽司都有。
蔬菜、菇同豆品都幾多選擇。
唔夠飽，仲有打邊爐必備的出前一丁和烏冬。
雪櫃內有幾款不同甜品。
雪糕雖然只係平價貨雀巢，但都有四款不同口味。
醬料區就在入口附近。
一坐低當然攞飲品先。
侍應會問食客想揀雞煲或打邊爐，我地當然揀雞煲，食完雞煲仲可以加湯打邊爐。
因為朋友唔太食辣，雞煲我地就點左BB辣，雖然話係BB辣，但我覺得都有小辣程度，所以朋友就覺得辣左啲，我就覺得辣得幾惹味，所以如果唔食辣，我會建議點返無辣好啲。
雞件都唔會太鞋，足有一隻雞，如果唔夠喉，仲可以叫侍應加雞。
食完雞煲就可以加湯打邊爐，不過由於係用返同一個煲，火鍋湯都比會比較油，如果本身怕油或唔食雞煲，都可以一早揀打邊爐，咁樣就有幾款不同湯底揀。
取了點粟米南瓜蝦蜆魚片，可以令湯底更鮮甜。
肥牛和豚肉都有幾款。
肥牛切得薄，所以灼兩秒就食得。
打邊爐當然唔少得炸響鈴、炸魚皮和生根。
這裡的火鍋料雖然放晒出黎，但有一度好，如鵝腸拍葉哩類唔係人人都食的火鍋料，可以只取自己的份量，不怕浪費。
韓燒爐上面有吸油紙，除左能吸油外，亦令烤肉冇咁易痴底。
燒過的菠蘿特別香甜多汁，這裡的菠蘿雖然比較薄片，但勝在冇渣。
甜品每款最了少少試下，朱古力味都幾濃。
總結，食物款式都幾多，質素可以接受，又有得飲品任飲，侍應收碟都快。埋單每人$200真心抵。
张贴
