富山麵家

营业中

休息中

<富山麵家> 銅鑼灣🔸彈性煙韌粗拉麵 🍜 🔸 辣味沾麵幾過癮 🌶️🌶️🌶️朋友講起肉桂狗 🐶 就諗起逢星期六、日都排晒長龍既<富山麵家>。我地醒目星期一過去就唔洗排隊 🤭 Kekekeke … 一入去就見到大大張poster 寫住東京拉麵五年冠軍，就睇下你有幾巴閉！👀特製雙拼蟹糕沾麵 ($98) ─ 沾麵醬揀左辣味噌湯(小辣)，佢個沾麵醬OK喎! 🌶️ 驚喜地無咸到腎衰竭，小辣其實都幾辣夠過癮。麵質有彈性得黎都幾煙UN係我鐘意既口感，配料都算多，最鐘意佢舊豬軟骨炆得好透徹，好似食緊啫喱咁 (動L!!! 動L!!!)冠軍黑醬油拉麵 ($85) — 朋友仔揀左個冠軍醬油拉麵，但好慘地比我拎左黎影相，凍左 😂😂😂 不過凍左都OK，變左做黑醬油冷麵都好食。而佢碗麵塊叉燒都幾厚，目測有0.5cm，我朋友(AKA黑洞小天后)食完無投訴，所以得到《夠飽認證》。我地仲叫左兩款小食，肉汁滿滿餃子趁熱食幾可口，串燒雞軟骨炸得幾脆、幾香口 😋 我見隔離枱個富山雞翼都好吸引 🤩 下次試下雞翼先！

我同我啲朋友去到呢間鋪頭試咗佢哋嘅招牌菜肉汁滿滿嘅煎餃同埋富山雞翼。首先，我哋嚟傾吓肉汁滿滿嘅煎餃，呢個係一道好香好味嘅煎餃，入面塞滿咗熟透嘅豬肉同埋鮮美嘅湯汁，一口咬落去就會感受到豐富嘅汁水流入口中嘅滋味。而且煎餃煎得好得意，外皮焦脆，內餡鮮嫩，絕對係一道令人回味無窮嘅美味佳餚。接下嚟就係富山雞翼，呢個係一道深受大家鍾意嘅小食。佢哋炸得好酥脆，雞肉亦烤得啱啱好，外層裹滿咗特製嘅調味料，令味道更加豐富多樣。每一口咬落去，你都可以感受到佢哋嘅肉汁同埋香氣，在口中回味悠久。我哋就會蘸啲辣醬喇，味道更加美妙。

暫時未得閒去日本，不如搵間日式拉麵食啦🤣好勁喎！呢間係東京拉麵秀有五年冠軍，一於試吓啦！😉間店雖然唔大，但坐得都好舒服。呢個沾面朋友選了出面少有嘅熱牛乳湯，真係好creamy 呀！沾面上真係有蟹糕，好正呀😍拉麵，當然要招牌啦！黑醬油拉麵，一上台就好香，叉燒又唔會太簿！濃到剛剛好👍🏻小食叫左雞軟骨和雞翼，特別雞翼係醬油加甜甜地，超好味😋果然細細間，更加有日本風感😆題外話：估唔到有肉桂狗做碗仔，好得意呀🤭

希雲街都多拉麵店可以選擇，今次試左富山拉麵，佢哋既拉麵粗幼度適中，掛湯力唔錯，仲有好多唔同嘅湯底選擇！🫕特製雙拼蟹糕沾麵 $98佢哋選用咗沖繩嘅豬軟骨同埋日式叉燒，煮到好腍同好入味。另外仲有蟹柳、青瓜同埋蟹黃。朋友揀左味噌湯，不過個湯底可以再濃啲，偏稀。如果唔鐘意味噌湯仲有熟牛乳湯同辣味噌湯可以揀💛🍜冠軍黑醬油拉麵 $85主打醬油湯底拉麵，以秘製鮮魚醬加豬骨、雞骨及蔬菜等熬煮五小時而成。略稠嘅湯汁、甜而不膩嘅味道，味道唔錯！🍢串燒雞軟骨 $38呢個雞軟骨燒到熱辣辣上枱，幾夠咸！🍗富山雞翼 $48正常，少咸，不過雞翼煎得啱啱好，配埋蜜糖都唔錯既🍹波子汽水 $25/🍹日本橙汁碳酸飲料 $18

之前有聯乘Sanrio主角時未有時間嚟，近排經過附近先去食，平日晚都唔少人食，店面只有一位店長，每枱客入座時都禮貌招呼，真係要特別讚！特製雙拼蟹膏沾麵 $98 味增中間嗰粒就係蟹膏，雖然好似好的骰，但味道甘香濃郁；雙拼係指叉燒同埋豬軟骨，豬軟骨超軟腍，又煮得入味北海道牛奶拉麵 $90平時比較少食牛奶味湯底，，有啲似忌廉湯，又唔覺油膩肉汁滿滿餃子 $42又真係幾多肉汁，日式餃子就係外脆內軟，唔使點醬油都夠味煙三文魚野菜野菜 $45日本巨峰碳酸飲料 $18日本橙味碳酸飲料 $18

希雲街不嬲都多嘢食，今次同朋友揀咗呢間富山麵家食dinner，無論係小食定主食都令人驚喜😍.💎$38 熟芥末章魚作為頭盤嘅佢，真係一款非常開胃嘅小食。辣辣地嘅芥末再加上爽口彈牙嘅新鮮章魚粒，相當夾😋.💎$48 富山雞翼一份有五隻雞翼，性價比好高嘅一個小食！雞翼煎得啱啱好，有一層薄薄嘅脆皮，配上蜜糖同秘製嘅汁，食落微甜又香口，唔會過分油膩！.💎$98 特製雙拼蟹糕沾麵因為朋友想食辣，所以我哋就揀咗辣味噌湯！沾麵嘅份量都好大，有青瓜絲、豬軟骨、叉燒、糖心蛋、蟹糕等材料，十分豐富！麵條十分彈牙爽口，沾上濃濃嘅味噌汁，辛辣層次分明，令人越吃越上癮🤤.💎$85 冠軍黑醬油拉麵碗拉麵一上枱，就已經比兩大塊日本叉燒吸引住😆首先試啖湯先：略稠嘅湯汁、甜而不膩嘅味道，真係好似去咗日本食拉麵咁😋建議食拉麵嘅時侯加上七味粉，又會係另一種風味。

好耐之前就想試，因為每次經過都大排長龍所以擱置咗，估唔到星期日晚嚟無乜人，仲可以直入，曾經係銅鑼灣嘅人氣拉麵店已經風光不再，不過既然嚟到就試吓啦，果然無乜人係有原因。。。。。。結果我哋食剩唔夠飽，過咗隔離Via Tokyo食雪糕！🥢肉汁滿滿餃子 $42⭐️⭐️好普通嘅餃子，完全無所謂嘅肉汁滿滿，反而我覺得有啲亁。🥢富山雞翼 $48⭐️⭐️雞翼香口可惜食到雪味，size比較細隻兼唔飽滿。🥢札幌味噌拉麵 $90⭐️⭐️湯唔夠熱，味噌湯太淡，拉麵口感太硬，叉燒無乜味，無食晒啲麵就放低咗筷子。🥢北海道牛奶拉麵 $90⭐️⭐️⭐️紫菜腍晒，牛奶湯尚可，起碼比味噌濃些少，拉麵叉燒口感味道同上，又係食唔晒啲麵就停手。二人共消費：$270

鬧市入邊嘅隱世拉麵店裝修非常似日式居酒屋特製雙拼蟹膏沾麵選用沖繩豬軟骨以及日式叉燒有三款湯底可以揀包括熱牛乳湯/味噌湯/辣味噌湯蟹膏香味濃郁配菜份量都幾多豬軟骨入口淋身另外點左兩款小食富山雞翼外脆內軟非常香口熟芥末章魚作為前菜好開胃

話說今日係我同隻豬嘅長洲之旅啦出發之前同佢去咗期間限定嘅餐廳係我最愛嘅藍色同少女系嘅玉桂狗後嚟發現咗個秘密原來佢係男仔嚟呢間藍色嘅小店門口打卡真係一流入到個格調就好似日式嘅拉麵店咁間唔中會有期間限定可以留意一下-Cinnamoroll Special Made Tsukemen ($108)Cinnamoroll 特製沾麵 ($108)呢款係期間限定嘅沾麵 亦都係我嘅第二最愛 沾麵世一呢有三款湯底可以選擇 今次揀咗熱牛乳湯 湯底濃郁且香滑入面有玉桂狗型魚蛋 蝴蝶通粉 蟹柳粟米青瓜絲同溏心蛋仲有厚切叉燒同豬軟骨 真係好足料 拉麵嘅麵質夠晒彈牙-Cinnamoroll Milk Flavour Ramen ($98)Cinnamoroll 特製牛奶拉麵 ($98)湯底濃郁奶味較重 而拉麵嘅口感彈牙豬軟骨好淋且入味 仲有叉燒好大塊哇面上有玉桂狗型嘅魚片 同埋溏心蛋啊呢個碗係廿週年限定 買咗都唔捨得用-Tamago Takoyaki ($48)玉子章魚燒 ($48)玉桂狗型嘅蛋同雲型嘅白蘿蔔 又可以打卡唷章魚燒係熱辣辣嘅 如果章魚再大舊啲就好啦-Iroha Gyoza ($42)肉汁滿滿餃子

今日同老公睇完七人欖球賽，即刻在附近搵嘢食。之前黎呢條街食過飯，都有好多嘢食，咁肚餓，見到有間拉麵店，剛剛有人客走有位，就即刻入左去。餐廳日式風格，木枱木櫈，同鄉下拉麵店裝修同一格局，裡面已經full晒。見到牆上掛上海報，係東京拉麵show五年冠軍，咁當然要食個冠軍黑醬油拉麵，然後老公叫左個札幌味噌拉麵，兩個小食同兩罐飲品。冠軍黑醬油拉麵：拉麵比較粗，煮得軟硬適中。黑醬油味道極濃，好香，叉燒都切得較厚，有口感，流心蛋整到剛剛好，話佢係冠軍絕對認同。札幌味噌拉麵 (大胃王)：老公話normal份量唔夠，要叫大胃王。除左拉麵份量多左，叉燒都多幾塊。佢話湯底幾好，味噌味道濃，真係同之前去北海道食嘅味道一樣，整體唔錯。除左冠軍黑醬油拉麵之外，連呢個都咁正宗，有水準。串燒雞軟骨：剛炸起熱辣辣，灑滿椒鹽，夠晒味道。肉汁滿滿餃子：外面煎到夠焦香，裡面係椰菜同豬肉，口感濕潤帶肉汁，點埋旁邊餃子好食D。Sangaria梳打：日本製梳打，巨蜂及蜜瓜味道，飲開幾好。

見openrice評價幾好，所以試下星期日around 2點去食，等咗幾個字就有位，店員服務都唔錯，冇咩特别環境比較窄少少，不過唔會話迫，或者會撞到人，—見有另一位客人需要籃放嘢，佢位置附近有，見店員主動提議可以放入去，之後客人話要多一個，店員都有拎多個比佢—食物：一個係牛奶，一個係黑醬油，都係正常份 130g，但食落好似比其他舖頭細份&少，麵好硬，夾嗰陣發現麵都冇分開，痴住哂咁，完全唔入味，有啲生麵味牛奶湯幾好食，淡淡地係清新，但黑醬油都好淡，飲埋都唔太有味，同埋都油所以又唔想飲湯都叫咗份餃子(冇影)，一份5舊，係幾好食，幾juice，不過偏細，夾落去偏軟，底係煎得脆嘅，唔會太燶，料偏少，咁嘅價真係唔抵，冇咩特别價錢喺銅鑼灣嗰邊可以話平啲啲，但唔抵食，想後悔點解，唔貴返幾十蚊食其他

今日同女女喺Times Square驗完眼，甘岩到下午茶時間，諗住去希雲街嗰邊搵食，見到一間日式拉麵店，裝修都好日系，有啲紅燈籠，仲有好可愛嘅肉桂狗裝飾😍就沖左入去試吓。因為下午茶嘅關係唔係太肚餓，就試咗佢個：特製雙拼蟹膏沾面-佢有三款湯底可以揀，今次我就揀咗熟牛乳湯，岩返小朋友食。 面底都幾煙靭，配上佢個蟹膏提鮮，豬軟骨同叉燒都炆得好淋😋估唔到佢牛奶湯都好香濃，雖然唔係傳統嘅味噌湯，但係食落又唔錯。雞翼小食- 香炸雞翼上面加左啲芝麻配上甜甜嘅醬汁小朋友一口氣食咗三隻士多啤梨布甸-食下午茶，梗係要食返個甜品啦，滑嘟嘟又係比小朋友鯨吞左店舖有仲啲日式汽水可以order , 而且仲有啲肉桂狗嘅裝飾，筷子套都係肉桂狗包裝😍

同朋友午餐嚟富山麵家食飯，都幾多人排隊，等咗10分鐘左右先有位。第一次見有輕食套餐，唔怪得咁多女士嚟幫襯。記得之前成間餐廳都係藍色一片cinnamoroll，雖然活動已經完咗，但仲有好多cinnamoroll嘅行跡。我地都係叫番正常套餐食，拉麵整體不過不失，不過就附送埋小丸子同野飲，比起一般拉麵店抵食！野飲仲有個好哥愛嘅士多啤梨樽裝住，好可愛XD 只能說呢餐廳好識做生意，知道點樣吸引唔同客人嚟，難怪咁多人排隊嚟食~

🔸富山灣白鹽蝦拉麵 $95 我哋叫咗大滿足195g 湯質地比較稀，有少少鹽味但食落唔會好鹹拉麵煮得剛剛好，唔會過淋叉燒肉質略嫌瘦咗啲不過有溏心蛋搭救🤣份量都算多，配料仲有紫菜同筍等 味道：6/10性價比：6/10🔸特製雙拼蟹糕沾麵 $98 我哋揀咗熟牛乳湯沾麵選用沖繩豬軟骨，日式叉燒牛乳湯重奶油味，有少少忌廉味適合好鍾意牛油嘅人沾麵黎講呢種濃度算清淡中間有帶有少少海鮮味嘅味噌可以撈少少落麵，會好食好多因為牛奶湯質地比較稀，所以拉麵唔係好掛湯日式叉燒同豬軟骨味道正常發揮整體來講幾創新😂味道：6/10性價比：5/10🔸肉汁滿滿餃子 $42 / 5隻日式餃子黎講算幾多餡，幾飽滿皮夠薄，有豬肉香煎得夠燶邊，趁熱食咬落會爆汁😂味道：7/10性價比：6/10🔸富山雞翼 $48 / 5隻算大隻，不過醃得比較清淡唔太入味皮脆裏面都多汁，雞肉都唔會好乾面頭淋上燒汁，味道甜甜鹹鹹味道：6/10性價比：6/10▪️波子汽水 $25🔹環境：座位唔算多，但係拉麵舖來講都唔算迫 旁邊仲有個籃俾客人放袋👍🏻🗣不須加一服務費-人均消費：～$140-整體味道：6/10性價比：6/10-#富山麵家📍銅鑼灣希雲街7號地下

兩個人叫咗兩碗麵、兩款小食、兩罐飲品😎一個係特製雙拼蟹膏沾麵，另一個係大胃王北海道牛奶拉麵🍜沾麵揀咗辣味憎湯，麵條夠粗，做到掛湯嘅效果；至於拉麵嘅北海道牛奶湯底非常之特別，我喺其他地方未嘗試過，濃郁得來又唔會過分油膩，令我一啖接一啖至於小食叫咗串燒雞軟骨同富山雞翼，兩樣都即叫即整， 十分出色至於嘢飲提供八款選擇，我揀咗波子汽水😎以銅鑼灣地段來講，依餐好抵食，值得一試