富臨皇宮

营业中

休息中

沙田石門有好多酒樓， 今日午餐就揀咗富臨酒家試吓。我最怕麻煩，見到有個午餐＄218， 包三個點心 、一個小食、 一個炒粉麵同一個甜品， 就試試佢。叫咗鹹水角、棉花雞、釀茄子，小食叫咗鹽水豬手， 甜品桂花糕，同一碟福建炒飯。所有食物都一般水準冇驚喜，除了特別推介鹽水豬手，豬手爽滑彈牙，真係可以食唔停。呢間酒樓優點係夠大樓底高， 所以唔太嘈，亦唔會搭枱搵位易，服務員反應快，坐得舒適。但燈光較暗裝修一般。最後三個人食飽飽，埋單每人約＄90， 不過不失。

話說我喺優惠訂購平台平台買咗一張$25兌換富臨頭抽走地雞嘅劵，於是我就揀咗喺石門嗰間富臨皇宮攞雞啦。我去到富臨，我就同門口櫃檯女接待員講，我想用鄰住買嘅劵換雞並向佢出示我手機中嘅兌換券。點知佢同我講話要堂食㗎喎！哎呀！好多人都以為係外賣！跟住我話，唔緊要，你咪當我食唔晒要外賣攞走囉，你照計返我茶錢同埋加一囉。跟住佢又話，要計兩位起，兩個人茶錢，仲要揀多一個正價小菜，四十幾五十蚊嗰啲唔揀得，因為嗰啲係小食，唔係小菜！！最後，我揀咗正價68蚊嘅沙薑豬手。點知佢又話唔得，要揀啲78蚊以上嘅！我即時火都嚟！！！簡直係得吋進呎！！亦覺得唔對路！！！成張點菜紙都無寫明乜嘢菜式屬於小菜，乜嘢屬於小食，女接待員只係不停同我講價錢，想叫我揀啲貴嘅嘢！於是我睇清楚兌換券嘅條款，根本就無一條條款寫明要叫一道小菜！女接待員叫我同經理講，於是一個男經理向我出示佢手機中嘅一個群組訊息，關於兌換要堂食點點點。我同男經理講，你嘅群組訊息唔關我事，我同你講緊我買呢張兌換券時嘅條款，而呢啲條款係你公司訂立㗎嘛。男經理同我講話要打上IT部門問，佢講完個電話之後就安排張枱俾我叫我坐低等一等，做返俾我。然後男經理行去附近嘅收銀

過往到這間富臨飲下午茶的感覺都算OK, 但今次的經歷令我們對它的印象大打折扣! 當吃完兩碗叉燒米粉後, 本想再多叫幾個點心, 怎知侍應告訴我們3時要離座, 因晚上有宴會, 所以不接單了(當時是2:50 pm)! 我們說不知道限時1個鐘,但她說攞飛的櫃枱已張貼告示, 當時我們只好無奈埋單。但令我們嬲爆的是看見那位侍應繼續接其他茶客的單, 原來在近窗的位置沒有安排宴會, 所以他們可繼續入單, 繼續嘆茶至4時半! 這是怎樣的安排呀!? 另外, 我還見到有新的茶客入座! 這等等的安排簡直令我們感到氣憤, 本想問個究竟, 但也知冇用, 只會換來"刁民"一詞! 但是我真想知道編排入座的阿姐是依據甚麼原則去安排座位? 為何同一間酒樓, 竟然有兩種待客的制度?! 難道要靠"好彩", 就可以不受限時, 繼續嘆茶? 大家都是客人, 但為何遭遇不公的安排?

由於一早訂定盆菜初三自取，直到進餐前發覺盆菜出了問題，然後立刻打去酒樓方面詢問！酒樓方面了解後立即道歉，再搵了職員將盆菜送到大埔住所，還多送我們幾個生果！由於過年生意比較繁忙，但仍有此售後服務質素！十分感謝酒樓嘅安排和送上盆菜的那職員推薦！

多次來石門富臨飲下午茶, 覺得酒樓內的侍應服務態度不錯! 她們會主動指示座位位置, 訊問飲甚麼茶, 亦主動收單。另外, 亦見她們勤奮地清理枱椅, 其他好多酒樓的員工總愛理不理, 甚至喝罵顧客! 再者, 酒樓內傳菜的姐姐也有禮貌, 甚至會說笑, 有正能量! 希望他們堅守這種難得的服務態度

諗住交通方便，近石門站，團年飯去呢間富臨，8:15起菜，乳豬全體，放低唔夠5分鐘，阿姐居然上湯𡙡，重要係分好位上分上轉盆，10分鐘內，龍蝦伊面，三熱薰全上，好壯觀，叫阿姐搵經理入嚟叫hold 1 hold,阿經理啋你都儍。再5分鐘魚雞上埋，45分鐘單尾甜品齊晒。真係唔好意思，過嚟食嘢打擾哂，搞到我幾唔好意思，下次都唔敢幫襯。有一秒懷疑自己入咗澳牛食光速餐。真係冇生意又話冇生意，有生意有話太忙所以咁。

呢餐宴會菜式係典型嘅酒樓風格，菜色豐富。但服務方面比較失色，例如加茶水要自己去苦差區，見到啲服務員行來行去都唔會主動幫忙，搞到好多時候要等好耐先有熱茶送到口邊。.燒乳豬：脆皮好食，希望唔好浪費喂Siri第一道係燒乳豬，質量算唔錯，乳豬皮夠脆，肉質細嫩。但我覺得比較浪費嘅係佢收晒啲豬頭，就倒晒落部車度，我問佢想拎返屋企，佢話一個人最多係攞一個，最初頭佢都唔俾，肯定一位同事比多兩個，所以我就見住佢將其他豬頭到晒落垃圾車度，直接白白浪費。.紅燒竹笙海皇翅：湯底濃郁但表現平平紅燒竹笙海皇翅湯底熬得算係有厚度，但味道就冇太大驚喜，屬於一般嘅表現。竹笙同魚翅嘅口感細緻，配料都算足夠。.百花炸釀蟹鉗：味道不錯，但略顯油膩蟹鉗嘅外皮炸得夠金黃酥脆，蝦膠亦算彈牙，但啲油膩感比較重，食多幾件會覺得負擔，如果可以同時有啲燈籠椒或者清爽啲嘅嘢一齊食，感覺應該會平衡好多。.清蒸金花尾班：火候得宜，肉質鮮嫩魚肉質地嫩滑，火候控制得幾好，豉油同蔥油嘅調味都好到位，係當日咁多道菜的其中一個亮點。.當紅脆皮燒雞：實至名歸，雞肉嫩滑呢度菜我諗係酒樓宴會必點的，但真係唔係間間做得好，今次真係算有水準，雞皮脆雞肉唔鞋口已經好

今天，約了爸媽、姨丈、兩位阿姨去石門飲下午茶，這家酒樓好大，較容易搵位，所以人多時多數相約在這家酒樓。下午茶好抵食，我們叫了很多點心：時菜鯪魚球17.8，鮮竹牛肉球17.8，香麻流沙包19.8，潮州粉果18.8，蜂巢炸芋角20.8，蟹籽燒賣王23.8，醒神仔孖寶- 北菇棉花雞加香煎蘿蔔糕32.8，補腦合桃包加叉燒腸32.8，灼生菜加藥膳浸雞腳32.8，鮑汁鳳爪38，富臨蝦餃王（大大隻、蝦肉彈牙）29.8，鮮蝦腐皮卷29.8，煎釀虎皮椒21.8⋯⋯我們九人已經食到好飽。當中蝦餃王、燒賣、腐皮椒、藥膳雞腳👍🏻👍🏻

經歷過父親節飲茶嗰一役，基本上就冇再去呢一間飲茶。但係神推鬼擁下屋企人又話嚟呢度食生日飯。咁屋企人揀咗就無謂反對。反而今次食晚飯有少少改觀加番啲印象分。要咗半隻乳豬，都幾好用，唔會淨係肥膏。另外叫咗個龍蝦燴伊麵。好好地一條做數做埋剪咗佢，你怕唔熟咪走一走油佢先囉。總之個龍蝦頭就話鬼得。不過好彩個龍蝦肉都幾新鮮幾爽口，至少我係一個對唔新鮮海鮮有敏感嘅人食完都冇喉嚨痕，證明佢係正常嘅。個南乳粗齋煲都幾夠了又夠味。比較孤寒少少就係個薯仔牛柳粒百幾蚊先得嗰幾粒牛肉，真係核突到爆。甜品嗰方面，個千層糕係幾好食唔太甜。個壽桃亦都係正常表現。可以棄飲下午茶，晚飯可能冇咁忙，質素還是可以的。

好早聽聞富臨服務質素差，今日可算感受到，我兩大一兩歲B過來食早茶，買單算左三個茶位費，BB兩歲飲左乜茶要收茶位費？同收銀夥計講左幾耐唔得，要我哋搵經理，吓，巨哋經理好有派頭，过来教訓我哋未睇清楚單，態度極其惡劣！我睇過來消費比左服務費就來聽你教訓？你個經理甘犀利點唔去當坐館，做服務員大材小用？大家都唔好再去，好心情個過來食野唔好過來受氣，去隔壁彩福都過呢間黑鋪！

下午茶有粥食㗎嘅酒樓唔多，呢間好在就係有生滾粥食。所以如果突然間想食粥，都會諗起你呢一間撞啱父親節就同屋企人嚟飲茶。睇返張點心紙比起之前少咗好多選擇。未見過咖喱角，所以今次就嗌咗嚟試。有咖喱味，但係就食到成口油。話咗一心來食粥，咁就叫咗個及第粥，但係食落去個粥底唔似得之前綿綿的。現在是粥水，感相當失望。個腸粉都好厚皮。屋企人唔鍾意食太乾嘅炒粉麵，咁就叫咗個排骨豉椒汁炒濕河。晚上靚唔靚仔仔，但食落去呢排骨同埋啲醬都係酸，部長就話取消啦。完全無想過換碟新㗎俾我哋。本來叫咗個福建炒飯諗住外賣，因為少咗個粉所以就即時食埋佢，呢個起碼唔酸，但係冇味嘅。

啱啱攞咗飛等下午茶。攞飛個阿姐話排隊唔好排兩個人。係人都噉講。態度太不佳。其實人哋已經係排喺外邊。唔係去酒樓裏邊。關佢乜嘢事。畀咗飛就算啦。態度仲咁不佳。另外有客人問其他職員邊度攞飛。嗰個女職員又係態度好差仔裏邊。個個都不友善喇。香港服務業已死。

已經好耐冇寫食評，今次因為實在太失望，今日去攞回鄉證諗住附近飲個早茶，富臨好耐冇幫襯過，但係都係大集團應該唔會中伏，早茶都幾優惠，叫咗一個孖寶，櫻花蝦煎薄撐同埋魚肚鮮竹卷。煎薄撐嚟到個樣都正常，一入口，超級厚粉，我食咗兩啖食唔落，因為太重味精，鮮竹卷嚟到，2塊魚肚好硬，又係好重味，食完好口渴不停要飲水，我哋已經唔敢再叫其他嘢食，所以呢餐真係好平囉，好在都冇乜機會嚟石門應該冇下次，就算有或者是樓上間煌苑好啲。

沙田石門酒樓呢間酒樓好多地方都有分店，今次去叫咗一個芝士龍蝦伊麵，同埋一個燒味拼盤，佢做緊一個套餐，$438有兩樣嘢食，埋單需要比服務費，總共$502，唔算太貴。燒味拼盤大大份，有四款，包括叉燒，燻蹄，雞，同埋鴨胸，味道亦都唔錯，一家人食都好足夠。至於芝士龍蝦伊麵份量也是不錯的，但係隻龍蝦啲肉嚡熠熠，亦都唔算好多肉，但芝士伊麵味道10分好食！總括而言，呢間酒樓仍然係唔錯嘅選擇，唔使等位，上菜速度亦都非常快

大前日（30-1-2024 Tue）爸爸骨灰上位，請咗半日假就攪掂，橫豎唔帶飯，女同事SL又約食團年飯，咁就約呢日啦。由於晏晝冇得book位，SL就同女同事C, N攞咗位先，我就返公司放低嘢後，再同男同事PH過嚟。六人枱size適中，由於我9點半至食早餐，而且都食唔晒重係飽，所以由佢哋發版，我只要求潮州粉粿。而C要煎堆，我只見到南瓜煎堆，就要呢個。落完單，就嚟咗:5. $88.00嘅脆皮燒腩仔(例)肥瘦均勻，食落，凍嘅，個皮係硬，味道亦鹹咗啲，肉嘅口感就正常，我只食兩舊算。1分4. $29.80嘅南瓜煎堆一客三個大大個，我哋叫上菜嗰位幫我哋剪開。食落唔太甜，正常冇問題。3分6. $128.00嘅法式蝦球伊麵都唔係好熱，咩嘢法式蝦球，就只係炸蝦球，唔脆，個漿有少少唔新鮮;伊麵唔係腍晒，重有啲口感，而味道都係普通。1.8分3. $10.80嘅奶皇流沙包上到枱睇，原來係大大個一個，我哋share食，cut開晒啲奶皇就流晒出嚟，嘥晒。食落，奶皇香滑又夠味，但包身厚。其實點解呢間會做咁大個?4.5分2. $29.80大點嘅蠔皇鮮竹卷呢個最後由我同SL share食一件，佢嘅味道唔太濃，一般;內裡