富臨皇宮

营业中

休息中

經歷過父親節飲茶嗰一役，基本上就冇再去呢一間飲茶。但係神推鬼擁下屋企人又話嚟呢度食生日飯。咁屋企人揀咗就無謂反對。反而今次食晚飯有少少改觀加番啲印象分。要咗半隻乳豬，都幾好用，唔會淨係肥膏。另外叫咗個龍蝦燴伊麵。好好地一條做數做埋剪咗佢，你怕唔熟咪走一走油佢先囉。總之個龍蝦頭就話鬼得。不過好彩個龍蝦肉都幾新鮮幾爽口，至少我係一個對唔新鮮海鮮有敏感嘅人食完都冇喉嚨痕，證明佢係正常嘅。個南乳粗齋煲都幾夠了又夠味。比較孤寒少少就係個薯仔牛柳粒百幾蚊先得嗰幾粒牛肉，真係核突到爆。甜品嗰方面，個千層糕係幾好食唔太甜。個壽桃亦都係正常表現。可以棄飲下午茶，晚飯可能冇咁忙，質素還是可以的。