富臨皇宮

营业中

休息中

無咩寫食評，但真係唔想有其他受害者，所以都寫返篇食評啦。廚師中咗COVID所以味覺有事？所有食物都咸到死，呀，我知啦，因為啲食材唔新鮮，咪用咸味去遮囉。人生在世，食一餐少一餐，勸大家諗清楚先好去食嘢。呀，又或者你想測試自己嘅腎功能，都可以去食嘅。同員工講個湯好很咸，個員工同經理講，個經理話之你，連埋枱「沙林」都無呀，點幫得落。湯咸、菜咸、唔新鮮，龍蝦無味、炸蝦球燶嘅。可能會有人challenge相都無張你講乜都得，但想話，咁難食，真係連影張相嘅動力都無。咪整污糟我album添呀。

未食過咁難食既酒樓！杏汁白肺湯完全無杏仁味！咸到好似飲海水一樣！不九知所謂！龍蝦連肉味都無！味如嚼蠟！以為食緊合成肉！上菜唔知點解會上左甜品先！亂到pk!請都唔會再食！垃圾中既垃圾！！

拜訪朋友在沙田石門的辦公室，要事處理好之後，已是晚飯時段，朋友帶路在石門站旁的富臨皇宮食好嘢。地方十分舒適寬敞，裝修亦華麗，目測可擺70圍酒席。晚飯孖寶優惠：原隻脆皮童子雞配西澳洲龍蝦 $388，價格親民，當然不會錯過。另外還有大優品：$18半隻片皮鴨，這個價格要如何抗拒？西澳洲龍蝦我們選了芝士焗，奉送伊麵底。香濃的芝士醬，浸潤著啖啖肉的龍蝦；龍蝦肉質彈牙，味道鮮甜，令人欲罷不能。伊麵比較稔身，味道不錯。脆皮童子雞全隻：全隻的炸雞，外皮香脆，肉質彈牙。雞肉肥瘦適中，味道亦不錯。金陵片皮鴨半隻 $18片皮鴨皮脆肉嫩，傳統食法以薄麵皮包著鴨皮/肉，配以甜麵醬、大蔥和青瓜；美味！杏汁燉白肺/盅 $188這度湯品頗考工夫：洗豬肺，磨杏仁，家中應該都不會造的了，既然如此當然要點一窩。份量超多的！

晚上约了居住在區内朋友飯聚, 友人建議嚐嚐這家商場內大型粵菜酒樓, 取其位處地鐵站旁, 交通方便👏堂座寬敞光猛高樓底, 佈置採用酒席飲宴場所路線👏先看看菜單內三款晚飯孖寶優惠, 再決定點菜攻略, 今晚决定食齊鴨，雞和龍蝦👍🏼先上杏汁燉白肺湯，再點了金陵片皮鴨(半隻), 晚飯孖寶:西澳洲龍蝦，配脆皮童子雞👌杏汁燉白肺湯，份量頗大足可分八湯碗，白肺用料夠，湯甘甜可口，有燉湯飲又有湯料食，大魚大肉的好前奏😋金陵片皮鴨(半隻), 二至四位入座客人可以$18特價叫半隻，連薄餅配菜，不能不說優惠👏晚飯孖寶:西澳洲龍蝦伊麵底可用上湯或芝士焗，今次是上湯煮，十分惹味，湯頭令伊麵更有味感又富咬口，原隻龍蝦件上，肉厚味道清鮮，無肥膩感😋孖寶配脆皮童子雞，放滿一碟，斤兩足，雞肉烤得乾身香口，味道中和又無太多油脂，伴飯佐酒好配搭👏有性價比的商場粵菜餐👏

自從富臨出咗冬瓜盅周不時都會去食，雖然而家無咗28蚊嘅優惠，不過以佢嘅分量就算正價都抵食嘅。一坐低就即刻叫定個冬瓜盅，聽經理講而家每日做3-4個噶咋，如果真係為冬瓜盅而去記得唔好太晏。個經理好好，可能我問咗幾次冬瓜盅，當佢聽到冬瓜盅得返一個嘅時候即刻走過嚟問我落咗單未🤣🤣我哋就叫咗個孖寶，冬瓜盅加生炒骨$228，另外加個做緊優惠嘅片皮鴨$18，加2碗白飯夠曬2個人食。因為未齊人，佢唔幫嘅蓋住，但係隔住個蓋都聞到啲生炒骨嘅香味，就算隔咗一陣先食都仲脆，唔會腍曬。片皮鴨都唔錯，2個人食咧個分量同咧個價錢都ok噶喇。我個人中意無咁肥，唔會一咬落去成口油嘅皮，所以咧個肥瘦程度啱曬我。不過佢啲餅皮有啲部分有少少乾，唔知係唔係因為放咗一陣嘅關係，但整體嚟講幾好食。至於個冬瓜盅我就覺得無咩挑剔，味道適中，唔會太鹹太淡，都算多料同多肉，淨係個盅加2碗飯可能都夠食～ 可惜夏天差唔多完，又要等多年先有冬瓜盅食luu

蝦餃皮非常厚，有怪味， 另外叫咗碟菜心全走, 好鹹味精好重, 食完超口渴。大家要小心留意，午餐時段入座已經問清楚，可否等到下午茶時段叫點心，當時話可以之後話不能夠。飲完餐受氣茶，諗住快快趣趣去埋單，個收銀姐姐串到爆，最好你雙手攞張單畀佢。石門呢間以後都唔會去。

星期六和家人到石門逛街，晚飯時間便想找一間坐得舒服的中菜廳，看到了這一間餐廳就進去晚飯他們的晚市優惠非常吸引，$18有半隻片皮鴨，另外脆皮童子雞加龍蝦伊麵也只是388先來了店員推薦的燉湯，杏汁白肺湯，坦白說豬肺的數量不算多，但是湯量十足，絕對適合四至五人飲用，另外燉湯入口杏汁味濃，非常舒適 半隻片皮鴨， $18的確十分超值，餐廳並沒有將貨就價，片皮鴨的肉質結實，外皮香脆，配搭北京填鴨的醬汁和外皮非常惹味最後點了他們的晚市孖寶，炸子雞一隻和芝士龍蝦伊麵也只是$388 ，同樣份量之多，而且龍蝦伊麵的芝士非常濃郁，伊麵份量亦十分足夠，每吃一口都感受到餐廳的誠意和這個套餐的超值！

和女朋友出外遊車河，順道去石門吃晚餐。酒樓位於商場內，停車場有電梯直達酒樓門口，停車場費用每小時36元。酒樓裝修新，以紫藍色作主題，環境高貴美麗，座位寬敞舒適，侍應服務殷勤。杏汁燉白肺188元，大大盅，杏仁氣味清香，白肺湯甘香濃稠，呷一口暖入心扉，滋潤養顏。晚飯孖寶童子雞配西澳龍蝦388元。童子雞並不是小雞，是普通雞，雞皮被炸得香脆，雞肉嫩滑，帶咸味。龍蝦外層有炸漿粉，龍蝦肉彈牙，上湯帶咸味，伊麵份量多，飽肚。金陵片皮鴨半隻18元，非常平宜，鴨皮香脆，脂肪甘香，鴨肉多汁，口感不柴，青瓜爽脆清甜，片皮鴨是必食之選。茗茶每位12元。花生一碟12元。

週未假，今晚同朋友去了這間位於石門酒樓吃晚餐，選這間吃，因大家不想出太遠的地方吃又方便大家搭馬鐵回家，入到去，感到寬倘，看了一回餐牌叫了金陵片皮鴨 (半隻)  片片大塊厚肉，鴨皮香口，肉鴨鮮香味特別濃郁，自夾腐皮包住鴨肉同菜一起入口，好嫩滑同唰唰聲，別有一番口感杏汁燉白肺  份量好多，用盅燉過杏味特別香，飲一口好甘甜味，配料好軟霖爽滑，十分滋潤滋補晚飯孖寶   (童子雞配西澳洲龍蝦)西澳洲龍蝦配芝士伊麵  件件適中大，蝦肉質比較厚身，海鮮鮮蝦味特別重，好爽脆彈滑，伊麵扁身，爽滑幼嫩，濃濃芝士香味脆皮童子雞  少見，雞上面舖上蝦片擺設，雞皮烘得脆卜卜，雞肉好嫩滑，好香雞味，肉身好軟霖，一咬入口嘴嚼到

杏汁白肺湯 $188 好耐冇飲亦唔係好多地方有得飲，勁多「肺」料😂金陵片皮鴨（半隻/一食）$18從未食過做得咁薄嘅薄餅，熱辣辣，雖然好薄但都唔易爛，呢個超抵食👍晚飯孖寶 $388 • 脆皮童子雞（1隻）配西澳洲上湯龍蝦伊麵底 （1隻）好有兒時味道，雞好入味，肉好嫰，好食😋 彩色蝦片新鮮炸嘅，又熱又脆；上湯龍蝦伊麵好耐冇食過，龍蝦好大隻，啖啖肉，2樣嘢份量都唔細，超級抵又超級飽個大堂勁大，方方正正，都幾啱擺酒

自從有客戶物流搬咗嚟沙田石門之後，我久不久都會過嚟聯誼下，他們喜歡吃中國菜，富臨酒家 是不錯的選擇。地方寬敞，燈光浪漫，氣氛放鬆，場地佈置很適合婚宴，而且經常有晚飯推廣，CP值很高！沙田石門富臨酒家，三大優品！金陵片皮鴨 半隻 - $18$18簡直係時光倒流嘅價錢，抵食到不得了，怪不得全場滿座！金陵片皮鴨是南京的特色小吃，鴨肉鮮香可口，片皮鴨外酥裏嫩，鴨皮口味香脆，油花豐富。配搭特色醬汁、青瓜、京蔥，餅皮包着一起吃，口感非常有層次，味道豐富，入口濃郁。杏汁白肺湯平時工作繁忙，很少時間煲湯，來一盅杏汁白肺湯，滋補養顏，我很喜歡的傳統燉湯之一，早前成日咳，潤肺養顏，十分有益，啱晒我！新鮮滾熱辣，好好飲啊！晚飯堂食大孖寶脆皮童子雞配西澳洲龍蝦 $388新鮮生猛的西澳洲龍蝦，上湯煮伊麵底，西澳龍蝦的外殼較薄，肉質鮮嫩飽滿，營養豐富，細嫩滑脆，味道鮮美，彈牙多汁。因為新鮮，所以上湯煮，最能夠食到龍蝦的原汁原味，豐富的肉汁，伊麵吸收晒所有精華，特別好味。脆皮童子雞香氣撲鼻，每一口脆皮童子雞都嚐出鮮美，沾上雞汁，味道更有層次，最佳配搭！雞油香味重，雞味濃香，肉質滑嫩，一試難忘。

和朋友在石門打完波，有人提議食片皮鴨，石門是朋友主場，當然由他帶路。 一行幾人走到石門站外一座商業大樓商場內， 一上2樓，原來是富臨皇宮，晚市都幾旺場，餐牌上的精選配搭不少， 最終我們點了片皮鴨、湯及晚市堂食孖寶【金陵片皮鴨 半隻 $100】 口感煙韌的千層薄餅皮上放上片皮鴨、青瓜絲、京蔥，甜醬，包好再一口咬下，清香中帶著鴨肉的鮮嫩與口感，鴨皮酥脆，醬香而不覺膩。【杏汁白肺湯 $188】此湯滋補潤肺、養顏，但製作繁複，又要磨杏仁，又要反覆地清洗豬肺、汆水再白鑊炒，莫講現代家庭，好少食肆願花那麼多時間、功夫去製作這款湯，所以隅有食店供應，也會點一客。一鍋足夠4-5位用，湯汁充滿杏仁香，入口順滑，没有腥味，豬肺肉嫩無渣， 蘸少少豉油又可以當一個餸【晚飯堂食孖寶(龍蝦配脆皮童子雞) $388】家企人鍾意食龍蝦，伙計便推介: 晚市三大孖寶，其中之一是西澳龍蝦配脆皮童子雞。～龍蝦可以配上湯或芝士焗，我們揀了上湯煮跟伊麵底。伊麵吸滿上湯及龍蝦的鮮味，麵質彈滑，每一口盡是濃郁鮮味。龍蝦厚肉爽實的肉質，肉跟外殼很容易分離，不用借助工具便可嚐到啖啖肉的滋味。～脆皮童子雞皮薄脂肪少 , 外皮炸得油潤鬆脆、

今晚去左石門買野，見到富臨有1蚊童子雞，拿拿淋叫媽咪一齊食啦❤️晚飯人流超旺，地方大，環境好👍🏻杏汁燉白肺-不是每間酒樓都有，杏汁香濃，豬肺多，味道濃，唔卦得媽咪都話出去飲仲好😄金陵片皮鴨半隻-簿餅熱辣辣，半隻份量足，鴨肉唔鞋，加上京蔥及甜醬傳統食法更好食上湯龍蝦伊面-一隻大蝦蝦，啖啖肉，美味彈牙，伊麵索入上湯，超正脆皮童子雞-媽咪話價錢真係=請你食，上面有蝦片，新鮮熱辣，皮香肉滑，加小小醬酒更正整體來講不錯👍🏻

今晚約咗老竇媽咪去石門食飯 上到去已經廣場見到有間富臨酒家 出邊門口做緊優惠孖寶套餐見到又平又抵所以就同媽咪老竇入去試一試 入到去見到酒樓又大又光猛 侍應帶我哋坐四人枱 發現個侍應好細心 我哋叫咗普洱茶 我哋坐低叫咗以下食物💕杏汁白肺湯 $188 優惠價💕西澳洲龍蝦伊麵底 我哋叫咗清湯 龍蝦好鮮甜好新鮮大大嚿 好好味 配埋個炸子雞套餐價$388 炸子雞都做到脆 雞好鮮嫩 💕片皮鴨 皮脆肉嫩 配埋啲薄皮好好味💕金銀莧菜 淡淡鹹蛋味 蔡一啲都唔老 炒到啱啱好今晚食飯好滿足攬住個肚走 買單都好抵食七百零蚊

今日雖然打風，天氣都唔算好差，政府出咗消費券梗係要出去振興經濟。位於沙田石門《富臨皇宮》晚飯小菜確實抵食，晚市孖寶、龍躉三寶...... 多款選擇，最近再度推出有阿拉斯加大蟹。店內環境非常闊落，樓底高，面積廣，筵開數十圍都唔係問題。杏汁白肺湯~豬肺好多功夫，杏汁好香，豬肺好好食，呢個湯夠四至六人飲。金陵片皮鴨(半隻)~半隻嘅份量都唔少，片起都幾多塊，鴨肉質地厚實，皮都夠脆，當然唔少得京蔥及青瓜絲，仲有有甜酸汁及甜醬。晚飯堂食孖寶(龍蝦配脆皮童子雞) ～西澳洲龍蝦~上湯跟伊麵底，原隻龍蝦啖啖肉，爽口彈牙，大家食到唔停口。脆皮童子雞~即叫即做熱辣辣，皮脆肉香，正啊！