容記小菜王 (已易手)

佢d小炒係唔錯,我食了豬潤雞肉煲,好多料,豬潤好滑,但係好多雞都係骨位....招牌係燒肉,一定要試下,價錢ok,三十零蚊有好多件,皮係幾脆,但係係叮番熱,有d失色.....每個客都有送一件炸蝦餅,但係好細塊,唔係好好味, 唔知點解會係招牌...........waiter係好好service架, 唔錯唔錯!!!

大約一年前食過前幾日睇到本書寫原來個廚師以前係菲律賓做御廚,唔怪得個門口又電視又貼晒野好似好勁咁.(個陣都係因為咁而去試)個次食過燒豬,煎龍利柳(d伙計猛哎你試呢様,話係位御廚親自主理云云),其他唔記得.燒豬真係幾脆,但唔平,而且其實出面有d都唔係差佢好多,所以覺得唔係好抵.煎龍利柳都唔差,唔乾此此.總結來講唔難食,但唔係超級好食.價錢平d會好d.不過而家唔知點勒.

除左一般小菜有水準，呢度的燒肉係唔錯，皮脆而肉質肥廋相間，有鴻星的水準。<br />

第一次食咁好食既燒肉,右上十蚊一枝嘉士伯,只欠一場皇馬或阿仙奴既比賽就完美

搬o左去福華街118-120號地下電話:23871051

Pls check again.......

燒肉出晒名好食係人都知，熱辣辣、脆卜卜，真係好正。但其他出品都係普通料，到其他大排檔都可以食到咁有鑊氣o既小菜，比較有特式o既小菜可以試下雞蛋焗魚腸，唔太腥，可以一吃。環境及衛生就比較差，要有心理準備。

佢地招牌菜;化皮燒肉真係幾正,佢地其他的小菜都唔錯,環境就嘈D,但價錢唔貴,算係咁啦.

店外貼了看到多不勝數的傳媒報導, 從”全線大搜查”訪問片段得知, 原來店主曾是的菲律賓總統馬可斯的御廚呢! <br> <br> <br>急急入店內, 點了三味菜, 其中兩味是招牌的化皮燒肉及小炒王, 另外一味菜是肉鬆蒸豆腐。化皮燒肉果然是名不虛傳, 皮脆肉嫩, 配上乳豬甜醬及日本芥辣醬, 甜辣口味任你選, 比金龍船的招牌燒肉更勝一籌。$80 一大碟, 二人吃可選細碟, 只須三十多元。 <br> <br> <br>另一味小炒王也很香口, 炒香的蒜蓉菲菜配以香口的魷魚乾及蝦乾等, 夠鑊氣及香口, 送飯佐酒一流。另外, 我發覺此店以椒鹽及蒜蓉炒的菜式煮得較好, 除了我所點的菜之外, 就有椒鹽珍乾干, 椒鹽鮮魷, 椒鹽第一咀(魚)可供選擇。 <br> <br>而另一味菜是肉鬆蒸豆腐, 味就較淡了。店內尚有不可錯過的煲仔排骨腊腸飯, 只是十元一煲, 唔食走寶呀! <br> <br>與店員傾談, 知道本來容記有兩間, 我去的在福華街,

愛歡腐乳同茄子O既我, 覺得呢度O既腐乳茄子簡直一絕!另外小炒都好堅!

脆皮燒肉係好正,但其他招牌貨好似雞同沙拉骨都係普通貨仔,冇出面講得咁好

前面個位形容得好o岩, 呢度個閣仔真係幾恐怖架! 無可否認呢度D 燒肉好正, 成八十蚊碟都咁受歡迎, 除o左主打o既燒肉同雞, 其他o野都只係過得去o個隻, 好多地方都有呢個水準, 環境仲會乾淨D 又無咁多龍哥虎哥! 人地神燈o係砵蘭街都無咁烏煙障氣!

其實呢度做街方生意，要環境好千祈唔好到，因為如果無位，你就要經過D後巷，到一D樓上鋪的位食飯。其實都好鬼恐怖，好似去D好秘密的地方。女士就更加唔方便。 <br> <br>但係D化皮燒肉，真係好堅，雞都唔差，但係我會俾燒肉高D分，因為熱哄哄的化皮燒肉，真係令你流口水。 <br> <br>其他都係一般的小炒，唔算好特別，但好夠鑊氣。 <br> <br> <br>

呢喥曾俾城追報道過，話大廚係馬可斯大廚云云喎，食過先俾定論，呢喥最出名係燒肉，當日賣哂冇得試，我最鍾意食椒鹽九肚魚，叫o黎試o下，麻麻地，其他菜式都係一般，冇乜驚喜，反而飯後甜品糯米磁就唔錯，如果o黎呢喥醫肚都冇所謂，不過就唔好期望過高啦！