容記小菜王 (已易手)

食物好咸，尤其係小炒王，墨魚咀唔脆，林到爆，最重要侍應服務差到爆，我眼見一個四十幾歲阿姑侍應同客人鬧交，內容係個客問佢有冇位，而個阿姑侍應就話咩都唔知，態度勁串，之後行過幾次啤爆個客，我係側邊睇就覺得好戥個老闆擔心，呢個阿姑侍應擺明趕客。可能間野d侍應唔知咩叫服務態度，衰到連個嘉X伯啤酒妹都零禮貌，唔嗌啤酒就串串貢，行過就眼啤啤，請問各位出街食飯係咪一定要嗌啤酒？我同朋友去「容記小炒王」食飯唔嗌啤酒就俾果個嘉X伯啤酒妹用敵意眼神啤，請問係咩道理？d人態度咁差，野食又咸又翻炸，幾平幾有「名」都冇人幫襯啦！老闆快d再培訓員工！

早前聽收音機介紹, 此馬河詩夫人的預廚 ＝算容龍蝦仔＝幾好~ 但算容唔係好夠, 但未食過咁好肉的龍蝦仔　．．．．．．　ＨＫＤ６８／六件( 三隻開邊) ＝雞蛋焗魚腸＝ok~ 但細件頭左小小　．．．．．．　ＨＫＤ４８／ ＝皇帝咀－招牌壹咀(墨魚咀) ＝墨魚咀唔夠彈牙呀!!!唔知係咪我同佢講怕無牙咬, 所以佢整到好淋呢!!!?? （即係唔夠脆）　．．．．．．　ＨＫＤ５８／ ＝招牌排骨煲仔飯＝十蚊個仲想點!?　．．．．．．　ＨＫＤ１０／♡環境氣氛指數：♡♡　（好簡單的裝潢，背貼背坐，食完就趕客）♡清潔衛生指數：♡♡♡　（清潔衛生尚可）♡食物質數指數：♡♡♡　（份量不多，味道尚可，但掛名御廚．．．色香味有改進空間）♡服務醒目指數：♡♡　（待應生趕客那刻最醒目！）

很久冇幫襯了，昨天(10月29号) 星期一傍晚六時多两個人去吃飯。店內得两枱客，可能時間尚早。坐下不久，樓面阿姐就過來hard sell 蟹、魚、北菇海參等等。她又冇礼又大声，真有點反感。最後叫了：鎮店燒肉－似乎不新鮮。賣相差，肉質乾、實，當然唔juicy。同以前唔同。唔好食！黑椒牛仔骨－肉質〝頗淋〞，冇口感；都幾鹹。魚香茄子煲－又是幾鹹。色香味比以前差。坐了35 分鐘就想走，因吃得不滿意。埋單$171 (三餸及两白飯)。以前見過有客人走出去樻面埋單，客人給伙計〝媽〞。價錢好似比以前貴了，但食物差了，服務又令人尷尬，失望。短時間都一定不去幫襯。

我成日喺公司聽電台，港台有個節目請咗個叫"容師傅"嘅人教人煮餸，幾經追查得知原來係深水埗"容記"。當日晚上立刻走去試試...去到坐底唔知食咩好就四圍睇吓人食Ｄ嘜，又睇吓貼喺牆Ｄ介紹，因為我同朋友得二個人，所以諗住試三、四樣，好食下次再嚟過。點菜:腩仔肉、草菰西籣花、墨魚咀，1.腩仔肉-簡直不知所謂，皮小脆，又un又硬，無肉味，死鹹，混身油淋淋，一定係返拖油所至，見到都飽，每人兩舊以停手...2草菰西籣花-罐頭草菰+白灼西籣花+油+生粉水。"獲"氣零，味道１分比油。(我阿媽一定好過佢)墨魚咀-亦都係又淋又油又無味！試完以上三款菜式(聽聞有兩樣係鎮店)，我可以大膽咁講，佢係我三十幾歲人食過最差嘅頭三位，貼錢都唔會再去！

小菜幾好食, 食過好多野都唔錯, 薑蔥炒蟹, 紅豆糕最正, 燒肉好貴, 不過有時皮脆肉熱, 有時皮唔脆肉唔熱, 老闆好nice, 不過煩氣左少少, wakakaka

為了要來試多D小菜，上個月約埋七、八個人來食晚飯。當然要吃那燒肉啦，但發覺很是失望，真不明為何這麼多人讚賞呢。燒肉的脆皮沒問題，但肉的部份就出事了，有兩個原因: 1. 欠肉味2. 太過淋；簡直就像是將肉的部份浸在滾鹽水中煮熟一般。如果十分是滿分，我只會給那燒肉兩分。很多燒焟鋪的燒肉比她好很多很多。(註: 我平日會在家中自己用焗爐焗燒肉吃。)其他的菜式也是一般而已，水準普通，就連有網友推介過的小菜也沒想像般好。

眼見小菜王一次又一次甘令我地傷心，今次決定向容記出發。紅燒豆腐煲–一般啦，唔係話好出色。但豆腐好滑，個汁ok,冇咩特別燒肉–外賣預左會失色咖啦，但係有驚喜，竟然冇分別0咼。個皮仲好脆，有肉汁，半肥瘦，係切得大舊左D囉。豉油皇炒麵–一個字，掂呀！唔油，好香，有鑊氣！魚香茄子煲–冇食，唔知有幾好食。不過呢味送係清得最快個碟，我諗真係好好食囉。價錢貴過小菜王，但係質數同分量都好好多。

我上次同一家去食呢間....本來一早諗住訂位....但由於佢地話要五個人以上先可以book 倒位...所以我地覺得佢太唔尊重d 食客...此外.當我們去到的時候.,,個侍應叫我地坐埋一邊的細圓枱,,個位好窄..而且仲好危險...因為果到係近出菜的地方...於是我地要求換枱...但個侍應話唔可以...因為其他大枱俾人訂左...我地明知佢講大話...因為左枱根本冇寫留位...好明顯係佢地想留d大位俾多d人的..嫌我地少人...之後有一大班客人入黎..個侍應即刻唔理我地,,俾左張大枱佢地坐...你地話佢地d服務幾差...最後我們一家一肚氣...決定走人..

今年年初去過一次,平日晚上都好爆,等好耐位,裏面都幾嘈覺得最好食係脆皮燒肉,熱辣辣,皮卜卜脆,又唔係太肥,應該是招牌菜吧魚腸焗蛋以為撈飯會好好食,但D腸有少少苦沙薑雞,椒鹽鮮魷,草菇扒豆苗,炸蝦餅:普通沙拉骨麻麻,同桌的朋友食過都唔願再夾排骨煲仔飯的飯不算多,好多飯焦黏底食唔到小菜夠大碟,質素ok,但價錢都唔平,故即使有乳鴿coupon都無再黎(五個人吹下水飲下酒都坐左好耐,但都無俾人催趕,不怪得D老友上次指定要黎呢度聚舊啦,而且有大排檔feel,講野大聲左D都唔怕嘈住隔離)

今日有人提議去食容記,初初仲以為港島間鏞記,原來係堔水埗容記一行七人入到去一陣出面已經開始爆棚,第一個感覺係唔係好夠冷氣,不過食落都叫做過得去首先上既係燒腩仔,好正,皮脆,唔係好肥,不過係上山葵末,我都係鍾意黃芥末多少少之後燒墨魚嘴,其實係椒鮮魷,無也特別個霸皇鷄幾有鷄味,所以好快食晒跟手上個薑葱蟹,呢個就唔得,因為蟹唔新鮮,而且無膏又無肉,只係調味唔錯而唯一既菜蕃薯苗又係一般,而且好鹹總括來說比咁既價錢咁既環境都叫做抵食,而且交通方便,想食小菜同消夜都係一個幾好既地方

我地9個人一齊做完YOGA,去食飯...我地BOOK左8:15不過我地8點就到左啦...佢話無位要我地係出面等...見到裡面真係好多人呀..8:05左右我地就入得啦...我覺得個感覺有D似...室內大排檔...不過都算OK乾淨.Round One椒鹽九肚魚--> 普通左D豉油皇中蝦-->無豉油味,似風沙蝦多D,不過都好味炸墨魚咀--> 煙煙韌韌佢地話好好味...我就麻麻地椒鹽鮮魷-->一般啦脆皮燒肉-->一個字,正!皮脆不得止...舊燒肉仲係熱, 真係無得頂呀炸銀魚炒牙菜-->又一好味之作,D魚仔炸得好香脆,牙菜辣辣地蒜容炒蕃薯苗-->同莧菜好似鹹魚香煎肉餅-->D肉好MUI...好油...麻麻地Round Two紅燒豆腐桶-->係夥計介紹我地食...D豆腐真的...好滑好正...我食左好多舊椒絲腐乳通菜-->一般啦魚肚肉碎勝瓜-->勁少魚肚, 又切到丁咁細粒,幾乎食唔到豉油皇炒麵-->其他食評話好好食...我就覺得一般啦爽脆極品雲吞-->肉少菜多...I LIKE IT

睇到其他食友的評價，今次依然食到好味的燒肉唔知係咪自己好彩數?!9點鬆d同bf黎到，一坐底就叫左細燒肉同鐵板豬柳，之後再嗌多碟椒絲腐乳通菜同豉油皇蝦。細燒肉：水準依然! 鐵板豬柳：依然係好香好引人去叫同食.. 不過老實講係個汁整得好，豬柳質素仍可改善豉油皇蝦：同我expect既有d唔同... 個味整得幾口好惹味，但d蝦好似就唔夠新鮮爭少少椒絲腐乳通菜：Ok，冇乜特別，腐乳味不太濃。總括黎講d野食味道唔錯，但係如果本身有既料再靚d一定會更好味，況且感覺上佢係比以前加左價，應該要提供d更好既野比食客! 而服務我覺得不太差，有時阿姐d反應慢d不過還可接受，不過唔知點解每次埋單都要3催4請先有張單埋黎... 值得注意，9點後7折優惠應該不適用於燒肉，海鮮，飯同汽水~

(7/3)　　偕同9527到附近一帶買遊戲機，經查詢後原廠行貨不確定何時何日才供應，惟有繼續地等。　　選擇此店吃晚飯，對它的服務態度不敢恭維，但是次純粹作試驗性質，再看如何才是。當進入店內，人聲沸騰，環境從昔日的煙霧彌漫，達致今天的合格水平，相信這德政能令我倆較適合逗留多一會。然而侍應服務態度轉變了不少，變至有點誠意地介紹菜色，點菜時曾考慮「燒腩仔」，但經過多次的教訓後選擇放棄，點了白灼蝦、炸蝦餅，還有那自製餃子鍋，啤酒兩支。　　先上的白灼蝦，顏色奪目，除掉蝦殼時發現不太新鮮，似乎那些蝦存放的時間較長。再試試味道如何，入口的蝦肉鮮甜猶有，但略欠新鮮的事實掩蓋不了，食慾並沒有減退；熱烘烘的炸蝦餅上桌，附有的沙拉醬我不太喜歡蘸上。入口的炸蝦餅鬆軟可口，再嚥下時，懷疑有豬油混合一起而成，鮮蝦味稍輕，相信蝦肉的比例增加，粉質的比例減少會好一點。此時他說：「蝦也是我喜歡的食物之一，龍蝦也是。喜歡那種質感，鮮甜味道濃厚，肉質鮮嫩，烹調的方法千變萬化，當然天然的味道最好。」看見他喋喋不休，繼續讓他發表，我便繼續吃。　　最後上桌的餃子鍋，湯中的蔬菜不少，若有餃子八隻，體積不小，內裡的餡料集合了菜、馬蹄

踏入豬年多次到此晚飯，發覺水準很不穩定，以招牌的燒肉來說，好運的可以食到香脆爽口肥瘦適中的好味燒腩肉，否則可能是較一般稍好的鞋口燒肉。顧客多咗，價錢加咗，但服務水準卻未能同步而上，更離譜的是開始有店大欺客之嫌︰例如今次我叫了碟XO醬炒象拔蚌，上枱的竟然是炒螺片。以螺片換象拔蚌，一句解釋也沒有，像理所當然一樣！另一樣是我用COUPON換燒乳鴿，上枱的乳鴿鞋口夾肉霉，明顯是隔夜貨。如此服務水平，點掂？睇嚟，此食肆如不改善問題，都要減少到此晚飯了！

去過無數次, 覺得水準最一貫的係佢罐芒果汁。以前喜歡佢o既鐵板茄子, 後來發覺一次裡面d肉係凍o既, 一次個汁鹹得滯, 我就覺得呢間鋪頭可能係人太多應付不來了。墨魚咀, 一如其他食評人所講, 好熱氣又好硬, 唔知想點！京都豬扒, 好美味, 好肉味, 必叫。炒豬肝, 一d係腎一d係肝, d腎好硬好鹹, 但d肝又幾好味, 真係食到人精神分裂。其他都中規中矩啦, 視乎當日廚房各人心情及手神而定。有樣野我好強烈感覺到, 係佢嫌客太多, 索性以較差的服務來維持客量於一個可應付水平。咁樣真係好成功趕客, 但一個不滿的客人會話比千千萬萬個親朋戚友同埋網友聽, 長此下去, 就算不影響生意, 都會影響聲譽啦！不過, 鬼叫佢真係有d好野食咩！