家嫂

营业中

休息中

第一次食家嫂午餐，估唔到有驚喜！米線湯底揀左艇家蝦湯，飲落冇味精！好濃蝦味！勁好飲個湯！估唔到碗米線黎到咁大碗，自問自己食野都幾大食，估唔到食完碗野可以飽到上心口。$48有3個餸，沒有加一收費，都叫抵食！雞翼炸脆身，手打松露墨魚好正，魚腐都好好食。不過午餐就唔包餐飲。要飲野就要加$8飲佢自家制特別飲品。有竹蔗茅根，紅棗元肉，杞子花旗參胎菊蜜，等等......眼見場內有其他客人叫客飯，都大大碟。下次要返轉頭食下客飯先

跟舊同事吃晚飯，他們常說這家的性價比十分高，這天來到覺得真的是名不虛傳👍我們吃海鮮🦞蒸氣鍋。海鮮新鮮甜美，種類多、份量足。之後更有雞、牛及蒸蔬菜🥬粟米芋頭等，真是超級大滿足！不得不提的是自家很飲料🥤杯杯材料十足，清熱美顏，種類繁多。

柴灣呢排的工廠大廈多左好多野食，今日就去左家嫂食午餐，佢午餐有好多款，其中包括有自選麵線，焗飯，打邊撈等等。我今日同朋友就叫左麵線食，我同朋友分別叫左一個家嫂酸湯米線，同一個自選米粉，有肥牛，蝦仁同花膠件加烏冬。我冇想像過食一個麵可以有花膠件做送！ 佢的份量仲要好多，至少有3 4件花膠，至於肥牛亦都好多同好淋。我擇左番茄湯底，佢的湯底都吾會令人失望，十分入味，令到我叫的烏冬都有番茄味。咁樣自選3個送的麵只係48蚊！至於另一個米線，都有勁多送，佢配左松靈墨丸，豬肚丸，鮮枝竹，西班牙黑豚肉，蝦仁，手打魚腐，酸菜仲有勁多魚皮。 咁多送加個麵都只係68蚊。呢家店真係柢食，不過到食飯時間都幾多人，要等位。

放假跟大隊一行十二人去食家嫂,BOOK左最入面既大枱,自成一角,好寬敞舒服原本以為係出名打邊爐,但原來個set 都好出色,有d菜式更係我第一次食好似話梅醉蟹好多蟹肉仲要界開晒岩晒我依D唔識食既人,話梅汁酸酸甜甜好鮮味仲有青花椒蒸花尾斑,佢係唔辣但有麻辣既麻,感覺好特別,條魚都好滑加錢仲可以任飲雪櫃d野飲,好多選擇,有自家製竹蓆茅根水,羅漢果..等,但朋友話都偏淡我飲左百香果茶,唔太淡又唔太甜,岩岩好,好飲!8-10人餐,十幾樣野,夠食仲可以打包,都係一人$300,真係超抵食,下次要再去試下打邊爐先

市面咁多海鮮/雞煲店想一次過滿足你兩個願望又點話！呢間家嫂 喺荃灣雖然遠咗少少但一次過滿足你食刺身、雞煲、同打邊爐嘅願望超級無敵抵食！🤩👍🏽一開始會有一碟刺身同一啲小食俾你開口四人份 呢盤前菜已經唔簡單！有海膽！係海膽！4人分的話仲要每人有3塊！👍🏽之後就到戲肉！雞煲！呢個雞煲好入味！好多雞！雞仲可以追加！不過我地細食 一輪之後就到下個主角 邊爐 啦！呢個火鍋煲真係唔係講笑所有擺食物嘅器具都好有心思好中國風👍🏽呢個就係海鮮拼盤！所有喺海鮮拼盤上面嘅嘢都可以無限追加嫁！🤩😱海鮮好新鮮 仲要有鮑魚 好抵食！👍🏽另外仲有肥牛，幾種丸，仲有自己手打，幾特別嘅黑松露墨魚丸！韓國芝士麵，響鈴同炸魚皮！整體來講食物質素一流服務員姐姐都好友善 會走過來同我哋傾吓計重點係海鮮，雞煲，所有食物都可以無限追加！啱哂大胃王！👍🏽性價比極高！👍🏽

成日都聽人講話家嫂值得一試所以今次趁着媽媽生日就決定去嗰度慶祝一入到去完全估唔到係工廠區邊竟然有一間餐廳餐廳入邊環境好好，覺得坐得好舒服同乾淨一開始的時候就來了小食店員說小吃每一期都會唔同， 我當日係腐皮卷，小食係可以任加，當你吃完小食之後就會再來下一樣食物，下一樣食物就係刺身要刺身只有一盤不能再加，刺身很新鮮，刺身之後就是雞煲，雞煲又是可以任加的，最後就是海鮮火鍋，海鮮可以不停飲加，鍾意吃海鮮的朋友真的不能錯過，最後還有甜品，我和家人都覺得食得很滿足👍🏻

好大陣仗，食物好多，而且好豐富。其實我覺得幾好食，特別係佢嗰啲小菜。有一個小菜係炸海鮮卷，我覺得呢個最好，食完又想再食。食完小菜之後，侍應就會同你上火鍋。 火鍋嘅食品會有海鮮。啲海鮮好新鮮，見到有其中一啲都仲係識得郁。火鍋湯底有辣有唔辣，今次食嗰個係醉雞。啲料好足，好重酒味。 呢度適合一大班人去一齊食，因為材料好多，種類都好多，兩個人去食會有啲可惜。美中不足嘅係，佢啲飲品嘅選擇太少，如果多番少少就完美啦。

餐廳有指定次序上菜架小食->刺身(冇得添)->雞煲->打邊爐->每人一件芝士蛋糕每一輪野食都可以添，但係如果上左下一道菜就冇得返轉頭食，係有點奇怪架。聽聞小食係會不定期轉架，巧合地我一個月內食左3次家嫂。3次的小食都係素鵝，會按人頭份量提供，新鮮熱辣炸架！可以添加，不過派晒就冇架啦！食唔晒的話可以添半份～之後就上刺身啦，3次食都有少少唔同食材，但主要都會有三文魚，油甘魚，海膽，牡丹蝦，八爪魚。有時又會有墨魚仔/蟹腳。雞煲，調味不錯，有得揀辣度，我個人認為中辣都唔辣（不過我本身嗜辣架）。會附送埋豬皮豆卜，早些放入煲會比較入味。同樣地可以添加雞，一份/半份都得。打邊爐，如果細檯就會有哩款中式設計的煲，有好多款唔同色；如果坐大檯就要用嵌入式的爐。湯底個人認為比較淡，不過可以用盡佢個醬料區（超多選擇，下面再講）。所有海鮮同蔬菜都係任食架，肥牛除外。牛都好有質素架，好林。不過就唔係次次有鮑魚啦，有一次平日黎食，問侍應有冇鮑魚，佢答我好耐都冇啦（事實係我10日前先係度食過）海鮮主要有蠔，蟶子，蝦，帶子，蜆，蚌類。蝦超生猛，一拎開蓋，就即刻跳黎跳去。最後的甜品好有驚喜

家住柴灣見到啲fb group有時會推薦呢間，因為柴灣好少有雞煲同埋刺身食，於是一家人係老爺生日時決定來一試。係柴灣區食野來講，呢間係可以encore去食過。呢度啲飲品有超多，比較特別既係有好多自家煲既清熱飲品飲品：竹蓆茅根水、羅漢果山楂茶 、紅豆薏米水、紅棗杞子龍眼水等等佢上野食時有次序既頭盤有刺身拼盤， 刺身食完會上雞煲，再來蒜蓉粉絲蒸帶子之後就黎海鮮火鍋，種類都算多，不過前面啲野食已差唔多塞飽個胃，去到海鮮火鍋時其實食唔到幾多😂😭埋單因爲比現金有85折，埋單一人300

雖然主打" 任食火鍋" 但很多海鮮食材都是限量供應 收快有手慢冇 如果這個價格 實在ㄧ點都不值。先食刺身類"每人一份" 不能加添。 然後到雞煲 可以加添 但食完雞煲後才可上火鍋 雞煲跟火鍋不能同時放在桌上 真搞笑所以到火鍋部分很多海鮮食 店員都説都已沽清 真的有點欺詐成分😡😡😡😡😡😡😡😡

有比人吋過話點解我啲posts冇一個係10/10真係好可惜我未遇到如此impressive嘅地方/食物但係機會泥啦 這「家嫂」將呢個傳說打破了我嘅心路歷程如下起初book呢間係因為個煲 (唔準笑。。 膚淺沒罪😂)入座其間經過混醬櫃同飲品格O-M-GEE係自家煲嘅嘢飲 竹蔗茅根馬蹄汁裏面真係有竹蔗茅根同馬蹄 胎菊杞子茶裏面真係有胎菊同杞子 紅棗桂圓茶裏面真係有紅棗同桂園 etc and there are other more drinks即係你明唔明白 當你踏入門口嗰一刻到入座 一路勁多新奇嘅開心大發現 blingbling眼係冇離開過我 真心清甜解渴滋潤養生so crazy首先係順序地食 餐牌上面嘅嘢 魚生 > mo lala 送 椒鹽三文魚骨腩 > 素鴨卷 > 雞煲 > 海鮮 > 牛肉 > 其他火鍋配料 mo lala 送 frozen Newyork cheesecake唔想個post太長 暫時預告住呢啲先 後上分件reviews家嫂放題$298📍柴灣

柴灣工廠區近年真係開多左好多餐廳呢間家嫂係朋友食過大力推薦估唔到之後公司請食飯又咁岩揀左家嫂😋首先上左個刺身拼盤視覺效果好震撼呀🤩所以食材都相當新鮮有帶子、海膽、牡丹蝦、三文魚等等其中我最中意海膽 非常鮮甜！呢隻蟹都不得了新鮮就唔在講啦肉質非常結實 啖啖肉好想再食多隻呀😭蒸鮑魚味道都唔錯！簡單既調味更加能夠食得出食材本身既鮮味蒸得火喉岩岩好唔會過熟亦唔會太韌好有咬口😝😝當晚仲食左幾樣海鮮但後尾掛住食冇影到😂總括黎講味道非常唔錯不過價錢就應該唔平...🤔由於唔係我俾錢所以我食得好盡興🤣

地點在柴灣，的確令人卻步，但試了一次我肯定會再來。未品評食物前，先讓我解釋下「玩法」：謹記，所有上菜次序只可順序，不能「嗌返轉頭」1）先來一客「廚房菜式」，不定期轉款，當日供應的是「鮮炸素鵝」 ⭐️可無限添食，份量由你決定⭐️ 2）刺身船，會按人頭serve 適當份量⭐️不可添⭐️3）花膠雞煲，可選辣度！⭐️可添⭐️4）另自選湯低火鍋，有肥牛、大海鮮籃、手打丸、響鈴、炸魚皮等 ⭐️除左肥牛，所有食品任添⭐️5）飲品有竹蔗水、桂圓水、柑桔水，仲有其他罐裝飲品，可自携酒，免收開瓶費6） 甜品有超好味芝士蛋糕素鵝同雞煲已經超好食，令人好想添食，但要留肚食海鮮火鍋，所有材料好鮮甜，湯底好多選擇，煮完海鮮記住要飲埋個湯先係完美$298一位，星期一至四仲要有88折，超抵食！

第一次寫食評，今次真係頂唔順首先一坐低檯面無任何餐牌，得一個牌仔棟係張臺，要我主動搵人哎嘢食先有人簡單介紹下點玩法。跟住個哥哥仔侍應同我講刺身同牛淨係出一次其他都可以任叫，要順序叫 eg. 刺身—腐皮卷—雞煲—火鍋（海鮮、菜同丸）然而又唔可以翻轉頭叫。我自己第一次聽到d咁奇怪既自助餐，再問多佢兩句啊哥哥仔已經顯得唔耐煩，直情係覺得佢態度極度差。講翻d野食、味道都正正常常，海鮮都新鮮既，唯一接受唔到啊哥哥仔d態度，同埋成程企係後面𥄫住曬。佢自助餐個方式又奇奇怪怪，你當佢set dinner 可能條氣都順d。1200蚊四個人都唔享受食既過程，無下次！ps：啤酒一杯優惠價$50蚊 真係多x謝曬

柴灣雞煲🐔及火鍋🍲的選擇不多， 還要是好味的， 家嫂可算是數一數二。用料靚，味道佳，而且性價比非常高。👍新正頭給我book到位，真的很幸運！💗朋友說她想吃都要排waiting list!$298/位，有加一，任食放題，海鮮可以enocore, 部份食物可以任點 ，非常抵食，如果你的胃有位😆真的可以回本！一開始有泰式蝦餅作為小食，有朋友覺得太正，忍不住都要order多一件!麻辣雞煲😋然後是吃雞煲......我和朋友都不是第一次來，大家不約而同覺得今次的雞煲比平時的更好味！而且可能是由於新年的關係 ，今次有花膠，好正！！非常足料😋😋😋海鮮拼盤😋海鮮都非常新鮮，用料有誠意，有大蝦、鮑魚、刀貝等，可以encore!可惜想encore鮑魚時剛剛售罄..... 無他，太受歡迎！所以建議下次如果想encore要早點order想食的海鮮。 我們怕浪費食物，所以確認食得曬先至叫，慢了少少😆食完雞煲，就來火鍋。 有人不太好辣，所以我們點了的湯底是"柱候蘿蔔牛腩"，是店員推介， 結果非常之正！牛腩炆得很入味和肉質夠稔。肥牛😋每枱只提供一次，不設refill肥牛的油脂分佈平均，牛有牛味，是回本之作！刺身拼盤😋