家嫂

营业中

休息中

地點在柴灣，的確令人卻步，但試了一次我肯定會再來。未品評食物前，先讓我解釋下「玩法」：謹記，所有上菜次序只可順序，不能「嗌返轉頭」1）先來一客「廚房菜式」，不定期轉款，當日供應的是「鮮炸素鵝」 ⭐️可無限添食，份量由你決定⭐️ 2）刺身船，會按人頭serve 適當份量⭐️不可添⭐️3）花膠雞煲，可選辣度！⭐️可添⭐️4）另自選湯低火鍋，有肥牛、大海鮮籃、手打丸、響鈴、炸魚皮等 ⭐️除左肥牛，所有食品任添⭐️5）飲品有竹蔗水、桂圓水、柑桔水，仲有其他罐裝飲品，可自携酒，免收開瓶費6） 甜品有超好味芝士蛋糕素鵝同雞煲已經超好食，令人好想添食，但要留肚食海鮮火鍋，所有材料好鮮甜，湯底好多選擇，煮完海鮮記住要飲埋個湯先係完美$298一位，星期一至四仲要有88折，超抵食！

第一次寫食評，今次真係頂唔順首先一坐低檯面無任何餐牌，得一個牌仔棟係張臺，要我主動搵人哎嘢食先有人簡單介紹下點玩法。跟住個哥哥仔侍應同我講刺身同牛淨係出一次其他都可以任叫，要順序叫 eg. 刺身—腐皮卷—雞煲—火鍋（海鮮、菜同丸）然而又唔可以翻轉頭叫。我自己第一次聽到d咁奇怪既自助餐，再問多佢兩句啊哥哥仔已經顯得唔耐煩，直情係覺得佢態度極度差。講翻d野食、味道都正正常常，海鮮都新鮮既，唯一接受唔到啊哥哥仔d態度，同埋成程企係後面𥄫住曬。佢自助餐個方式又奇奇怪怪，你當佢set dinner 可能條氣都順d。1200蚊四個人都唔享受食既過程，無下次！ps：啤酒一杯優惠價$50蚊 真係多x謝曬

柴灣雞煲🐔及火鍋🍲的選擇不多， 還要是好味的， 家嫂可算是數一數二。用料靚，味道佳，而且性價比非常高。👍新正頭給我book到位，真的很幸運！💗朋友說她想吃都要排waiting list!$298/位，有加一，任食放題，海鮮可以enocore, 部份食物可以任點 ，非常抵食，如果你的胃有位😆真的可以回本！一開始有泰式蝦餅作為小食，有朋友覺得太正，忍不住都要order多一件!麻辣雞煲😋然後是吃雞煲......我和朋友都不是第一次來，大家不約而同覺得今次的雞煲比平時的更好味！而且可能是由於新年的關係 ，今次有花膠，好正！！非常足料😋😋😋海鮮拼盤😋海鮮都非常新鮮，用料有誠意，有大蝦、鮑魚、刀貝等，可以encore!可惜想encore鮑魚時剛剛售罄..... 無他，太受歡迎！所以建議下次如果想encore要早點order想食的海鮮。 我們怕浪費食物，所以確認食得曬先至叫，慢了少少😆食完雞煲，就來火鍋。 有人不太好辣，所以我們點了的湯底是"柱候蘿蔔牛腩"，是店員推介， 結果非常之正！牛腩炆得很入味和肉質夠稔。肥牛😋每枱只提供一次，不設refill肥牛的油脂分佈平均，牛有牛味，是回本之作！刺身拼盤😋

12月到柴灣家嫂雞㷛晚宴，同事極力推薦，早兩星期訂位。不負眾望，環境中式典雅丶餐具精緻美麗，服務態度殷勤，食物質素頂好，先來刺身，再來雞㷛，最後打邊爐，👍🏼👍🏼本人最欣賞手打肉丸，粒粒彈牙，回味無窮。刺身肥美丶海鮮新鮮丶雞肉嫩滑，除了常見飲品，汽水果汁，還有滋潤下火羅漢果茶丶菊花蜜茶丶茅根竹庶水等，還有芝士蛋糕甜品。雖是任食雞㷛，但沒限時間，朋友相聚，我們這頓晚飯，吃了三小時，相當滿足，下次會再來，祗是地點比較不方便。

食幾晚餐多次都咁好味，記得要Book位呀！佢閒日夜晚都爆場架，walk in等既話要等好耐。因為佢就算座3個幾鐘都唔會好似其他放題咁趕你走，去傾計一流。刺身會因應人頭分量比你，只係得一次，但都好新鮮，同埋厚切，一D都唔hea。食完刺身就會黎炸蝦餅，呢個又係必食，可以再叫，我次次去都起碼食兩三轉。( 請留意依間比較特別，你叫左下一樣野之後就唔可以再返轉頭叫炸蝦餅食)所以食到夠，先叫佢上雞煲喎！雞煲又係一流，仲要有埋蟹係入面， 索曬雞煲D汁，超級入味，冇得頂雞煲本身會跟豬皮同埋豆腐卜，比你食完哂D雞之後浸一浸，滾一滾，入哂味超級正！唔夠喉可以叫佢加雞！其實食到呢到已經飽左6，7成，所以我好少叫佢加雞。因為要留肚打邊邊呀！佢款款湯底都好好味，打邊邊前，可以飲少少，正爆。唔洗預先order，佢會所有野先黎一round，唔夠可以再叫。魚皮就時好時壞啦～睇彩數。響鈴正常。丸類就冇驚喜。正常。呢個手打丸就好味D，都陣牙，大粒。又係會先黎一個蔬菜拼盤，新鮮既牛肉，正常，冇雪味，合格海鮮拼盤有好多野， 肉蟹不同種類既蜆，蝦，青口， 唔同種類嘅魚， 生蠔，花姿片等等……全部都好新鮮，D海鮮部分仲係未死。呢

冬至飯局🥳～《家嫂》超級超級豐盛的海鮮火鍋🦐🦀🐟🐚全家都食到舔舔脷😋😋肚滿腸肥...抱肚而歸🥰🥰🥰環境舒服，餐具別緻，食物質素高，尤其海鮮如：🦐🦀蟶子蠔蜆等等堅鮮甜👍，飲品自家製如：花旗參蜜、羅漢果山楂水、竹庶茅根水及柚子檸檬蜜等等（甜度剛剛好），海底都勁多材料，連米線都好滑，性價比超高...我們边食边讚👍，好食一個點.絕對值得大力推介✌️✌️✌️

我地一家人七位諗住開開心心圍埋食餐飯，全部大人俾全費，一個星期前book今晚打邊爐，去到竟然夠膽俾張四人長方枱我再加張小小既摺枱要坐七個人？仲要得一個爐？真心問咩叫打邊爐呀？個邊我都掂唔到呀！🤬係咪想慳番個爐賺多d呀？其實附近仲有好多吉枱，兩張四人枱拍埋有兩個爐就得啦，有譚仔音既店員阿姐不知所措咁揾個都係有譚仔音所謂既經理阿姐黎同我講full booking唔俾轉枱，仲同我地講佢地係咁，好理直氣壯咁講坐到就得啦.... 好似老馮要就範🙄，大佬我係黎打邊爐，唔係搭枱呀！間野環境係ok，但睇番食評原來都係一般，服務性行業，服務唔好都係走為上著，無謂坐得辛苦又受氣，其實呢個價錢銅鑼灣，灣仔，旺角，就算西環都大把選擇，無需要特登去車房回收工業區仲要受氣

平日去 一行12人 book咗7點因為有3位屋企人有事遲黎(8點到), 問侍應可唔可以俾個雞煲我地食住先, 侍應拒絕同堅持一定要食刺身先, 可能驚我地嗌多幾次雞煲回唔到本掛, 所以先咁堅持個上菜次序。但如果真係咁驚d客食得太多,咁我寧願你唔好搞任食雞煲。終於等齊人上刺身同雞煲 刺身冇咩特別, 但食完之後個侍應好緊張叫我地唔好倒d骨同汁落d冰到 🤷🏽‍♀️d冰會用番架咩? 個刺身碗唔會洗架咩? idk..而個雞煲𥚃面嘅雞胸雞脾更加係寥寥可數主打話係海鮮, 結果冇鮑魚又唔出聲, 要問先話咩海水有污染, 所以冇鮑魚買。噢, 乜全香港冇其他冇污染嘅鮑魚買? 同埋冇打算用其他海鮮去代替🤷🏽‍♀️ 有d蝦又霉, 蟹係水蟹, 蠔係腥到一個點 🤮 肥牛又完全冇牛唯一可取嘅係佢嘅飲品種類好多真心講食放題都預咗d食材嘅質素係so-so, 但而家問題係完全唔值呢個價錢($275/位) 估唔到第一次喺度寫食評, 係要食劣評..

朋友試過這間後極力推介，於是就即管去試試啦！其實地點確實有點遠，但一聽到雞煲任食，個心情經已按耐不住！地點其實都好近地鐵站，入到門口都覺得幾舒服，因為空間吾會好擠迫，侍應帶入座時經過飲品櫃，有好多選擇，除左汽水，仲有好多款滋潤飲料，做好左一杯杯好似台式飲品甘！有竹庶茅根，柑桔水，杞子，紅枣.... 吾記得共有幾多款。坐底後有兩款前菜，炸海鮮卷﹠辣酒煮螺肉，都係任食既，我地每樣叫了兩次。後來有刺身拼盤，雖然無得任食，但好新鮮，三文魚﹠帶子都好大片，海膽亦鮮甜！最後食雞煲，份量吾算多，但個汁做得好出色，都應該入到我食過甘多雞煲既頭三位！仲可以任食，我地叫左三轉！佢地既雞亦好多肉。食到夠後，佢地會換過一個煲比你，而吾同出面甘，加水落去個雞煲內打！雖然食左好多雞了，但我地依然揀左醉雞煲，個雞好滑，有酒味！除左牛，其它食物全部都可以任食，蠔，魷魚，聖子﹠刀貝全部都好新鮮。但因為一開跑時前菜食太多，後繼不力。但我經已約好朋友下次再戰！

星期日晚慶祝朋友生日，去左柴灣地鐵站附近家嫂食飯，都要提前一個星期訂位。呢間餐廳可選蒸海鮮套或火鍋任食，我地選火鍋。呢度好特別，火鍋前有東風螺（定量），刺身（定量），argu 豬（定量），雞蜆煲（任食），然後火鍋先正式上，前面幾道菜除左個豬肉，質素都唔錯，刺身新鮮，有海膽，但三文魚得兩件魚腩，五個人唔夠分。雞煲無蜆，取而代之係青口，都好新鮮。正式火鍋海鮮係定量的，但超足料!仲有花膠同蠔，魚都有幾條，菜可以任加，不過我地海鮮都食唔夠一半就已經超飽，湯都好鮮甜呀！總括尼講，呢家餐廳雖然做任食，但質素比好多單點嘅高，小食配搭亦好有心，連飲品都有提供自家泡製嘅竹蔗茅根，柑桔，話梅等，好少有㗎啦，希望可以保持落去，我下次會再尼食蒸海鮮餐。

昨晚跟大伙兒同事一齊去食火鍋。這是第一次去家嫂火鍋餐廳。一進入餐廳店，光線充足，座位寬闊，印象很好。我們一行十人，行至餐廳盡頭的獨立房，沿路見到醬料混醬區有過十款醬料，排得整齊乾淨。再行便是一排雪櫃，這裡不單提供免費添飲汽水，還有很多一杯杯自制的飲品。放下包包便混醬一翻再順道攞杯飲品返回房間期待火鍋上場。飲品是自製的唔太甜。職員先上雞煲，一窩辣，一窩唔辣，味道一般，雞件滑嫩的。另有當晚特色的豬肉件，很重豬味，外面炸得很脆，夾著入面的服豬肉，特顯豬肉的香味。隨後便時一大碟的魚生，新鮮，擺放得很整齊，配以少許乾冰的煙霧配置，使大家對這魚生特顯興趣。海鮮火鍋終於上場，每款海鮮都得新鮮，一切大至都尚可，味道也可以吧。

如題！成日來食一定狂增磅！服務，一流份量，好好好多種類，食唔嗮二人。一開始覺得所謂“環遊海鮮火鍋放題” 以為係普通gimmick，加上個師兄話唔可以翻轉頭點菜，仲勁食唔飽，點知....小弟第一次要求廚房收翻D嘢入去驚浪費。兩個人食，非常滿料...魚生，日本豬扒，雞煲，羊腩煲，再雞煲，牛，海鮮拼盤，火鍋丸烏冬，再菜再加嘢...連配料種類都好多，嘢飲雖然無酒，但d健康飲料係睇到真係煲的。海鮮方面，非常新鮮，d蝦同鮑魚上臺仲係生的！服務非常好，可能本人肥仔，個師兄仲驚我食唔飽出埋個menu無既羊腩煲比我地，羊唔係雪藏的，比較驚訝。無念過去探人病咁都搵到呢到。小弟強烈推薦一試，勝價比無敵，不過唔可以成日來，除非想增磅或剛完成電波少年吧。

生意難做呀!唔搞任食點能夠吸引到客人呢!?呢間餐廳就算係任,食材料一啲都唔馬虎，樣樣嘢水準平均,基本上質素都有80分淨係火鍋醬料都有咁多種 一定揀到一隻啱你心水自家製飲品最值得讚賞!起碼有三四款口味畀大家選擇❤ 我飲咗杞子圓肉紅棗水,同埋檸檬薏米🍋🍋杯杯都好足料,而且味道唔甜, 非常健康刺身好新鮮🐟🐙🐚🦐擺得好靚!淨係食刺身都已經夠飽啦😘點左泰式辣醬嘅炸蝦丸, 更覺滋味🇹🇭雞煲係全晚最值得讚賞👏👏👏👏👏🐓🐓🐓🐣🐣🐣🐥🐤出面食嘅雞煲全部都好油膩,我每次食親都會肚痛。呢個雞煲唔油, 醬汁比較稀但係味道充足而且雞件幼嫩, 仲可以免費添食配菜都唔輸蝕,有豆腐,豆卜,索曬啲雞汁就最好食啦就連丸丸🍥🍥🍥都係新鮮手打架🍴海鮮部分又係新鮮到嚇死人上枱嗰陣,鮑魚同蜆全部都識旭架!!!!💃🕺🏃‍♀️🏃🚶‍♀️🚶我哋選擇咗蕃茄湯🍅做邊爐湯底,但係有啲失望,因為唔係好覺有蕃茄味,亦都冇蕃茄粒粒仲有,盛載火鍋湯嘅器皿都係不定時更新,每枱客人嘅器皿都可以唔同。🍴🍴🍽🥄🔪🍴🍽🍽我哋好想有嗰個好似延禧攻略咁古典嘅火鍋爐🍜🍜🍜好可惜只係派咗黑色煲去我哋枱面 ,影相效果就冇咁好啦💦信大家嚟得任食,最終極目標都唔係食蔬菜🌿☘

火煱店地點方便，就在柴灣MTR附近。行到附近已看到大廈門口有大大的廣告。6樓全層，地方不算大，但坐得舒服，枱與枱之間不太迫。餐廳主要做任食雞煲+火煱，而且不限時，價錢亦算吸引。另外兩款套餐就唔多覺有人食。飲品很多選擇，但留意有些飲品取晒很就沒有了，沒有酒類飲品提供，但可自己带去，不會額外收費。餐牌很簡單，一眼睇晒，由刺身開始輪流出。海鮮火煱沒有點菜用的紙，只有幾款，如翻單添加就直接同職員講就可以。火煱料真的比較少，扣了分的地方……首輪先嚟刺身及炸虾丸，刺身新鮮，三文魚及帶子都是厚切。炸虾丸超正，大大粒，無限任食，但要注意，出了雞煲後就不可再翻轉頭加單。因虾丸太好味，我哋食食下雞煲想翻轉頭叫虾丸，就不可以了雞煲到了，我哋選擇了少辣，跟雞煲的有豬皮豆卜，豬皮豆卜食到中段放落去， 索咗啲汁，勁正雞煲好大煲，而且內仲有蟹，蟹就不太大隻，都鮮味。平時食開的雞煲只有雞，但今次有蟹，有驚喜。少少辣，味道很好。雞煲可無限添加火煱湯底就揀咗莞茜皮蛋，個煱勁好火力，滾得好快。手打丸好正，但只有三款，虾丸、墨魚丸、豬肉丸，特別是虾丸好正，我哋就食咗好多轉。極上牛只出一次，及只有一款，如再加就要比錢，牛味一

因較早前同好朋友食過，我們都覺得出品相當唔錯兼非常抵食，所以好朋友同我們都選擇咗今晚一齊再去喺柴灣東貿廣場嘅「家嫂」食晚飯兼慶祝媽咪生日！由於好朋友話前幾個星期諗著約其他朋友嚟食，但全場爆滿，所以我們今次就預早一星期訂位，去到之後，我們坐咗唔夠半個鐘，就已經全場爆滿，所以我們就心諗好彩有預早訂位，如果唔係就無位喇！首先當然係食個超新鮮嘅雜錦刺身拼盤，當中我們覺得最正嘅係帆立貝，因真係原粒上，所以口感好豐富，同埋仲有海膽添，味道係極之鮮甜！另外再有炸得好金黃香脆嘅泰式炸蝦餅，因係新鮮即炸，所以係熱辣辣，質感好爽口彈牙，而且仲可以任食，真係好正呀！之後就輪到食鷄煲，最初我們仲以為同之前一樣祇係鷄煲，點知一打開個煲蓋就見到有蟹喺入面，真係令我們覺得好驚喜呀！而且鷄煲嘅醬汁同蟹肉出奇地夾，完全唔會掩蓋咗蟹肉嘅鮮味！食完之後就到食火鍋，湯底我們就揀咗芫茜皮蛋湯，原本以為係普普通通嘅芫茜皮蛋湯底，但食落覺得味道特別清甜，一睇先知原來係加咗茶瓜，因而家好少會有，甚至係無乜食店會加茶瓜，所以店主真係非常有心思，真係值得一讚呀！海鮮火鍋拼盤嘅海鮮全部都好新鮮生猛，而且亦都係可以任添任食，真係超抵食呀！