家嫂

营业中

休息中

試過家嫂柴灣店，食過最好的火鍋店。今晚試旺角店，真的想罵，叫鮑魚冇鮑魚。。算，聖子冇，象拔蚌話有又冇，海鮮得九吐魚，馬友成條上嘅，好多食物問幾十次唔嚟，之後又話冇晒，是旦俾其他嘢代替就算，以後唔會再幫襯呢間店，谷鬼氣。。。

因為柴灣分店得到好友良好評價，我就過黎試試佢一出旺角地鐵口，已有大大既廣告版依度既放題方式 係順次序既每一個環節可以任添，食到夠，先到下一個環節，過左就番唔到轉頭。首先會送刺身一大盤海膽好鮮甜，蝦刺身都不錯👍🏾之後便輪到小食放題，松露蝦多士是小食中比較出色的了，但其他都不想再添食隨後，就到花膠鮑魚雞煲放題。花膠一般，鮑魚有人頭數，但也不算新鮮雞煲味道平平庸庸，也沒有再encore 的意慾之後便到我們最重視既海鮮火鍋環節視覺上係呃得下人但對食物方面有要求既人，就真係一次便足夠蟹係細隻款，只有少肉可吃，更不要期望多膏蝦，肉質唔爽口蝦滑，一般貝殼類，全部都有沙！食到個口sok sok sang魚片，冇魚味蠔，苦既。。。海鮮唔出色都算個湯底仲要極淡，可能屋企個雞湯火鍋都更出色。話就話係濃湯螺頭花膠鍋。。但都係只可呃like, 因為望落濃，食落就我覺得似腐竹清湯 多過所謂既花膠濃湯。。唯一覺得滿足少少既竟然係花枝片。。而真正享受到放題既服務，我地只有重點蔬菜籃。D菜就真係好味既。當中，都有野可以中和番。甜品既芝士蛋糕就真係高質，好味過好多蛋糕店既水準而飲品方便，都有心既，自己調配唔同特色茶有杞子

之前同事極力推薦的火鍋,放題.今次終於一次.鋪頭坐落旺角地鐵站附近,好容易穩到.裝修都好有風格,看落好舒服.一坐低仕應哥哥就上3款前菜:蝦多士,蜜糖雞翅等,而且可以無限添食.值得一薦的是蝦多士,好好食.而且呢度都有好多自家製的飲品,特別的是仲有紅白酒,而且是仕應姐姐推住車仔送來,感覺好特別.食完前菜,就會上魚生船,魚生船包括有:三文魚,甜蝦,海膽,帶子,油甘魚等. 魚生船好大,視覺效果驚人.接住就到鮑魚花膠雞煲了, 雞肉好嫩滑,鮑魚都好好味,而且雞煲都可以辣或者不辣.吃完雞煲之後,其實已經開始飽飽地. 接住就是火鍋, 料有好多: 極上牛肉,手工丸,餃子,炸魚皮.同埋海鮮船: 蝦,蟹子,象拔蚌等,真是非常豐富.最後仲每人有一件Cheesecake,真是非常滿足.

今日約咗一班朋友一齊食火鍋，揀咗嚟旺角呢間家嫂，之前聽朋友試過話相當唔錯，所以今日要來見識吓。一坐低，店員就已經開始上前菜，前菜包括：蜜糖雞翼，炸三文魚，蝦多士。三樣前菜都非常之好食，炸得啱啱好，所有前菜都可以無限添食。食完前菜，就會上魚生船，魚生船包括有：三文魚，甜蝦，海膽，帶子，墨魚，油甘魚。食完魚生之後就會想雞煲，雞煲來會有鮑魚以人頭計算，我哋一行有8個人，所以有8隻鮑魚。雞煲味道好濃郁，而且我地點左小辣，所以非常惹味。食完雞煲，終於到戲肉，開始食火鍋，但其實大家都已經飽到肚爆。🤣🤣🤣

同友人慶祝生日，因壽星見朋友嘅facebook食過好吸引，所以我地早成個月就訂定呢間一試🤤一行5人去到，有位侍應已問我地之前有無光顧過，我地都話係第1次，侍應就好用心介紹邊款食物係任食、邊款食物係一次性供應，我地都非常清楚明白👍飲品除左有汽水外，仲有幾款健康飲品！我揀左紅棗元肉茶，唔夠甜，但勝在好清潤，啱哂打邊爐下下火🤣之後再揀左百香果味，呢款酸酸哋夠哂開胃👍除此之外仲有免費白酒供應，侍應不停問我地飲唔飲，我地5個都不太好酒，所以都唔飲了😝先上左一次性嘅炸魚，我食左1件，好多骨我怕怕😅第2碟係蜜糖雞翼，好香口充滿蜜糖味👍仲有任食嘅蝦多士非常好味，蝦膠夠哂彈牙😋（太可惜了！因為太飽無再點😩😩）送一次性嘅刺身併盤，竟然有成板我最愛嘅海膽😱餐廳真係一啲都唔慳！刺身夠新鮮👍然後就到主菜，原隻鮑魚花膠雞煲😱每人會有1隻都幾大嘅鮑魚，彈牙的！個雞煲啲汁都好味，而且花膠都好入味😋食完雞煲後，其實我地已大半飽😅餐廳就上其他火鍋料。我地預留左花膠螺頭湯底，係餐廳打電話黎confirm booking嘅時候話可以留的（唔使加錢）👍環球海鮮船，有好多款式！啲蠔大大隻，竟然仲每人有半隻蟹！不過湯底無乜味，比較

好姊姝生日飯又去我嘅飯堂。點解叫飯堂係因為由4月到而家我已經幫襯咗五次, 平均每個月一次。推介食鮑魚花膠雞煲打边爐我地由18:30食刭22:00已經好飽(入座時間可以由六點到十點last call，當然如果之後冇人繼續等位嘅我都可以坐耐少少)。 仲有健康飲品兼红白酒任飲。坐低先送上小食炸三文魚骨,雞翼,接著顺序上食物：蝦多士(可返叫)➡刺身盛宴 ➡ 鲍鱼花膠雞煲 ( 可以揀麻辣或者不辣，及可以加雞， 豬皮同支竹 )➡ 環遊海鲜船(可返叫裡面食物) ➡極上牛肉➡手工火鍋配料 (可返叫) ➡田園鲜蔬(可返叫) 。 有六個湯底可以選擇， 而我哋嘅湯底花膠螺頭每日限定我訂位要先訂定。飲品任飲而且好多都係健康飲品(自家煲)食埋芝士蛋糕畫上完美的句號。我食過咁多次 都覺得職員嘅服務態度依然好好， 而且佢哋會定時過嚟幫你清理咗碟上嘅骨或者殼。希望旺角家嫂繼續保持呢個價錢唔好加價

今次已是第三次去食，我都好肯定唔會再有下次。每次都有說話想告訴給「家嫂」的老闆知。26/5(Tue)朋友介紹第一次去試，食物,飲品,服務,環境,各樣都滿意，因為太多食物(中途沒有添加食物)最後沒有吃甜品-芝士蛋糕，另外是新開的原固無得用信用咭付款。6/7(Sat)第二次去食，因為是星期六的原固，需要兩小時還枱，吃得很急很急，未能盡情品嚐，浪費了很多食物，好在最後有食芝士蛋糕。29/8(Thu)第三次，竟然最失望是主角-海鮮。蝦,蟹,石斑魚片,貝殼類 和聖子，半數以上都新鮮和非常細隻無肉，杯裝飲品很美觀，但淡而無味，今晚每人消費$360，非常搵笨，完 !

環游海鮮火鍋放題•環境非常舒適冷氣充足乾淨企理，醬汁有成十幾款，芝麻醬，柚子汁，陳醋，沙嗲醬，麻辣醬，炸蒜，麻辣雞蟹將豆腐蟹醋⋯⋯⋯嘢飲種類都非常之多，石榴薏米水，金羅漢果山楂水，竹庶茅根麥冬水，花旗參菊花，桂圓紅棗茶，楊枝甘露，綠茶，仲有罐裝汽水⋯有個小貼士，如果想試晒咁多種嘢飲就攞個吉杯大家一齊share 嚟飲。一坐低先奉上香煎三文魚和雞翼小食, 之後再上碟蝦多士，好食唔會覺得好油，食完小食就食刺身，包括有北寄貝，帶子，甜蝦，三文魚，油甘魚，海膽，全部都新鮮海膽係冇臭味，之後就上鮑魚雞煲，揀咗小辣，味道啱啱好，食到中段可加上枝竹和豬皮，呢啲小食,刺身,鮑魚雞煲都係可以在上火鍋之前無限添食，食完晒呢啲就可以開始打邊爐，有好多款湯底，花膠響螺記住要喺訂枱前留定，火鍋配料超多，有海鮮拼盤，牛肉，手工丸，西洋菜餃，羊肚菌餃，水餃，炸魚皮，響鈴，烏冬，除咗牛肉外其他都可以無限添加，食到中段仲有夾白酒紅酒車，有專人為你斟，飯後仲有芝士蛋糕食，真係多到食到你唔食，嚟食呢餐之前，午餐記住唔好食咁飽，呢度最好就係唔會限時段，可以慢慢食慢慢傾！原來如果唔食邊爐，可以食蒸海鮮都得

家中長輩之前食過, 話幾鍾意, 所以有人生日之下, 就訂左嚟家嫂食.我自己就第一次食, 300幾400蚊嚟講, 食物種類同選擇就真係唔算少嘅, 又刺身, 又雞煲, 又打邊爐. 問題係, 你個肚裝得落幾多先? 我已經算好擦得, 都只係每樣嘢只能淺嚐一下, 到最後都已經好飽. 所以選擇雖然多, 但其實普通人可以enjoy到嘅其實未必真係咁多.而且, 個量係多呀, 種類係多呀, 但質素就.... 相當麻麻. 不過長輩又有啲唔同, 見到成大隻刺身船送上枱, 已經覺得好有派頭, 視覺上好有效果, 咁就已經wow左. 但仔細食落, 其實真係麻麻地, 好多都偏乾, 油脂唔多.雞煲就好少少, 合格嘅起碼. 邊爐就..... 係有啲海鮮嘅本身就, 但又係同一個問題, 量係多, 但擺埋一齊首先疊住晒其實唔靚, 啲少少黑色嘅水就一直浸住大碗入面所有海鮮.....基本上, 如果貪圖視覺效果, 或者影相, 就會好似好多食物咁囉, 長輩可能鍾意嘅, 影完出嚟whatsapp俾親友好似好壯觀, 但後生少少就應該唔會prefer喇, 重質不重量啦, 而如果真係重量, 市面上都大把平100蚊嘅任食啦~~最後仲想一提se

第一次用openrice寫食評，因為都係第一次未食先嬲電話預約時要求卡位，接線生話到場再安排。早到去拎位，前台先話不准揀位，全場都係正正常常雲石火鍋枱，得我地張枱係 gas爐加木枱，好似撘出黎咁。 明明我地俾一樣價錢，時間尚早，入座率得10%，都唔肯俾張正常枱我地，爭論完都係唔肯換枱，唔想激氣幫趁第二間。服務太差，之前d食評講得啱，呢個家嫂唔掂擋，無今次亦無下次。

先不談食物質素，一大群人出外食都是想開開心心一行15人，被安排坐在房內1張8-10人枱。跟店員說我們沒辨法全部人坐下吃，店員又説店內沒有圓櫈，更被另一女店員回罵，態度極之惡劣。（當時因為他們又超賣，在門前已有人投訴中）爭論40分鐘後，已八點多，我們放棄因為10點last order. 不是第一來的，明明房內可以開大板坐到15-20人。但店家在我們位置旁邊加了一張6人檯。迫到大家身貼身坐。最後15個成年人，輪流坐食，有幾位全晚立食企只幾小時。唉！#食到一肚氣#又唔refill食物#食飯質素下降沒有開業時新鮮#一定無下次#人多真係唔好去#咁都可超賣

物超所值。琴晚朋友聚會，當大家都諗晤到食咩。就有朋友推介佢之前食過，又覺得好好食的海鮮火鍋放題。我地一去到，見到飲品櫃已經好興奮，因為一大櫃都係佢地自家煲的飲品，比如楊枝甘露，百香果特飲，當然唔少得打邊爐必備的檸檬薏米水等等。(個人比較喜歡百香果特飲，好重蜂蜜味。楊枝甘露，就一般，無咩芒果味)一坐底，職員就上左2碟小食，分別係蜜糖單支雞翼，仲有炸三文魚，食到咁上下。當我地齊人，仲有蝦多士食。以上的小食，除左好好食之外，全部都可以refill (到底點食到咁多野😂)。食完小食，就上一大盤刺身(按人頭分量)，有海膽，依個價錢有海膽，真係估你晤到。非常新鮮，如果稍微有少少晤新鮮的海膽，我係一率都食晤到。琴晚，我食曬😍。到雞煲上場啦，叫左小辣。雖然都幾辣，但係雞煲就係要有少少辣先好食。味覺不錯，不會好咸。食過的朋友話，雞煲都可以refill 架(嘩。。點食呀，所以我地拒絕左朋友的好意)因為在場有朋友晤食雞，所以我地食左一陣，就先拎起個煲。就再上今日的重點，花膠螺頭湯底的海鮮火鍋(記得依個要book 定)。湯頭，濃郁好味，無味精，好足料。海鮮非常新鮮，多款(要俾10個like 👍🏻👍🏻👍🏻👍🏻👍

幫朋友補慶祝生日所以帶去呢間食，餐廳地點好方便，旺角地鐵出口一上去就到！餐廳好闊落，枱與枱之間都有好多空位添，唔會有壓迫感。餐廳擺設燈飾走摩登中國風，連個打邊爐既煲都好有古典味！叫左個選了花膠雞湯，湯底濃郁有味。個海鮮除了蝦是較好食、其他都麻麻地、唔新鮮。反而個牛係全晚最好食的，又冧又滑可惜呢個係冇得添的。再叫個阿拉斯加長腳蟹超超超鮮甜,其後既蝦,具類都不過不失，但對於大食既我地,要下下咁樣等蒸熟,無得大啖大啖咁食,真係到喉唔到肺。下次都唔會來。

約左時間話無約到，漏booking仲要唔識處理仲要當日等電話，有位先call返，明明約左變左後補，個職員態度又差。。。。。。。。。。。。。。。。。。。。。。。。

今晚相約了兩位死黨去＂家嫂＂吃放題, 我們七時到達, 看見餐廳已有大半客人。 侍應遞來一張圖片， 告訴我們內裏的八格食物， 全部都會順序奉上，除了刺身和牛肉之外，全部都可以翻單。 刺身拼盤種類帶子、三文魚、海膽、牡丹蝦、魷魚、 墨魚和油甘魚等等，全部都很新鮮和大大片，絕不吝嗇。 松露蝦多士炸得脆口。 第三樣順序來的是原隻鮑魚花膠雞煲， 我們選擇了小辣， 辣味調教得剛剛好， 並有豬皮和支竹附上， 可以自由加入雞煲 。吃過雞煲後其實我們已經很飽， 但是侍應收起雞煲後， 立刻來了一個濃湯螺頭花膠鍋，湯底裏有很多花膠。到那主角環游海鮮船送上來的時候， 我們簡直被嚇得目瞠口呆， 因為很多款不同的海鮮鋪滿了整隻木船 ， 海鮮計有魷魚、麵包蟹、蜆、泥鯭魚、 青口、蟶子、 貴妃蚌、 沙蚌和龍躉片， 雖然全部按人頭每款一件， 但是要能夠把全部種類吃完也是一大學問， 何況覺得好吃還可以再叫。 隨著海鮮船而上的，是極上牛肉， 此牛肉口感肥美又滑，可惜如要再叫便要另外收費 。除此之外還有一些魚皮餃、菜肉餃、雲吞 、炸魚皮、 響鈴和烏冬。 至於丸類有 牛丸 、鯪魚球和墨魚丸， 全部都非常彈口。 田園鮮菜籃竟也有